FC Bayern Geo Fans
რუბრიკა - ნაკრები
გერმანია - ავსტრია
მატჩისშემდგომი კომენტარები
იოზილი: „დამსახურებულად მოვიგეთ. ვამაყობ ამ გუნდით. მატჩის დაწყებამდე ავსტრიის მხრიდან წნეხი იყო, მედიაში იწერებოდა მათი კომენტარები, რომ ჩვენი დამარცხება შეეძლოთ. თუმცა ყველაფერი კარგად გამოგვივიდა. მწვრთნელის დავალებები კარგად შევასრულეს. შესანიშნავად მოგვამზადა ამ მატჩისთვის. . . რაც შეეხება ჩემს ტრანსფერს, ესეც ფეხბურთის ნაწილია. რეალში ბევრი მეგობარი მყავს, თავს კარგად ვგრძნობდი, ახალი გამოწვევაც ძალიან მახარებს. ახლა კი აქ ვარ, ნაკრებში და მხოლოდ ამაზე ვფიქრობ.“
ლამი: „დადებითი შედეგია. დავინახეთ, რომ დაცვაში ბევრად უკეთესად ვითამაშეთ. შეტევაში კრეატივი არ გვაკლდა. მშვენიერია. . . ეს კვირა კარგად ვივარჯიშეთ, შევათანხმეთ დეტალები. კვლავ უნდა გავაგრძელოთ თავდაუზოგავი მუშაობა. ახლა ძალები უნდა აღვიდგინოთ. ყოველთვის ისეთი მარტივი არ არის, როგორც ჩანს, მომდევნო დღეებიც ნაყოფიერად უნდა გამოვიყენოთ.
მიულერი: „მშვენიერია. მეტოქეს ცოტა შანსი მივეცით. კარგად ვითამაშეთ. ის, რომ ერთი თამაში მოვიგეთ, ბევრს არაფერს ნიშნავს. სტაბილურობა უნდა მოვიპოვოთ. მუშაობა გავაგრძელოთ. დავინახეთ, რომ გააზრებული და სტაბილური დაცვითი თამაში შეგვიძლია.“
კლოზე: „ბილიარდის გოლი იყო. . . გოლის გატანა ყოველთვის მახარებს, მაგრამ ხშირად მითქვამს, გერდთან ერთად ერთ საფეხურზე ჩემს თავს არასოდეს დავაყენებ.“
ოლივერ კანი: „გადამწყვეტი პირველი ნახევარი საათი იყო, განსაკუთრებით ხედირა ბურთთან თამაშში ძალიან აგრესიული იყო პარაგვაისთან შედარებით. ეს უკვე გადამწყვეტია. შეტევა კი ისეთი გვყავს, რომ თუ მეტოქის საჯარიმოსთან არიან, ბევრი რამის გაკეთება შეუძლიათ.“
ლიოვი: „კარგია, რომ კლოზემ დღეს გოლი გაიტანა. იმდენს ლაპარაკობდნენ ამაზე და იმდენი ხანია ელიან, რომ ერთის მხრივ, ამ თემაზე საუბარი დასრულდება. თანაც, მან ეს დაიმსახურა. . . ამ კვირაში აგვისტოს თამაშისგან განსხვავებით მოსამზადებლად უფრო დიდი დრო გვქონდა... დაცვა ბევრად უკეთესი იყო, დღეს ნამდვილად გამოვიჩინეთ საჭირო აგრესიულობა და ინტენსივობა . . . “
-------------------
ZDF Live
Katerina Bayern.
https://www.facebook.com/photo.php?fbid=630...&type=1&theater 
· 
გერმანული ფეხბურთის ფანკლუბი, Deutschland wird Weltmeister
