FC Bayern Geo Fans <<< უფრო მეტი ინფორმაცია ვიდრე ოფიციალურ საიტზე ინტერვიუ მათიას ზამერთან.
- ბატონო ზამერ, მიუნხენის ბაიერნს შაბათს მაინცთან შეხვედრაში უკვე შეუძლია გერმანიის ჩემპიონი გახდეს.
„მაინცში მოგება გვსურს, ეს არის ჩვენი ძირითადი წინაპირობა. სხვა დანარჩენზე გავლენის მოხდენა არ შეგვიძლია.“
- ული ჰიონესთან დაკავშირებული ამბების შემდეგ რამდენად რთულია გუნდისთვის თამაშზე ყურადღების გადატანა?
„პარასკევი ძალიან მძიმე დღე იყო. ჯერ განაჩენი, შემდეგ განცხადება გადადგომის შესახებ. . . ფაქტია, ლევერკუზენთან თამაშს ვაკონტროლებდით, მაგრამ ნელა და მძიმედ ვთამაშობდით. საბოლოოდ შეხვედრის ბედი ინდივიდუალურმა ხარისხმა გადაწყვიტა.“
- ვინ შეავსებს იმ სიცარიელეს, რაც ული ჰიონესის წასვლის შედეგად დარჩა?
„ეს ულის ცხოვრების ნაშრომია, რომლისგანაც ყველამ დიდი სარგებელი მივიღეთ. პირადად მე შევეცადე ჩემთვისვე ორი საკითხის რეალიზირება მომეხდინა. პირველ რიგში ულისა და მის ოჯახს სიმშვიდეს ვუსურვებ, რათა დაუბრუნდნენ ყოველდღიურობას და იმ მოვალეობებს, რასაც ერთიანად უნდა გაუმკლავდნენ. მეორე კი ისაა, რომ ეს ულის შემოქმედებაა, მისი ქმნილება, მისი გონება და სული არ რჩება.“
- როგორ გაგრძელდება ახლა ყველაფერი?
„პასუხისმგებლობა ჩვენ, მმართველ საბჭოს გვეკისრება. ერთიანობისა და ბრძოლის ჟინის დემონსტრირება უნდა მოვახდინოთ. ულის კოპირება არავის ჭირდება, ეს ისედაც არ გამოვა. თუმცა კარგი შეგრძნება მაქვს და დარწმუნებული ვარ, ნამდვილად არ აღმოვჩნდებით ლეთარგიულ ფაზაში.“
- შეძელით ული ჰიონესთან საუბარი?
„არა. მაგრამ რაც მოხდა, საკმარისად სამწუხარო ამბავია. ახლა ყველაფერი კვლავ გრძელდება მისთვის და ჩვენთვის. ყოველთვის უნდა გვახსოვდეს, რომ ის ჩვენთანაა.“
- კლუბისთვის დრო განულდა და ათვლა თავიდან დაიწყო?
„არაფერი არ განულდა და არც არაფრის ათვლა თავიდან არ დაწყებულა. ულის გონება და სული აქ რჩება.“
- გქონდათ კარლ ჰოპფნერთან საუბრის საშუალება, რომელიც კლუბის ახალი პრეზიდენტი უნდა გახდეს?
„მასთან ჯერ არ მისაუბრია. ჩემი აზრით, დიდებული ადამიანები გვყავს. კლუბმა ძალიან სწრაფად და სწორი კადრით მოახდინა რეაგირება. სხვა დანარჩენს დავინახავთ.“
- ბასტიან შვაინშტაიგერმა საკმაოდ ძლიერად ითამაშა. რამდენად ახლოსაა ის 100%-იან ფორმასთან?
„ჩემი აზრით, სუპერ გზას ადგას. ფიზიკურად ძალიან სტაბილურად გამოიყურება. ფიტნესში დანაკლისი ბოლო პროცენტები კი ვარჯიშებისა და თამაშების დროს თავისთავად მოვა. ლევერკუზენთან მატჩში ღირსეული კაპიტანი და ღირსეული წინამძღოლი იყო. არ უნდა დაგვავიწყდეს, რომ ოპერაციის შემდეგ თავისუფლად ვარჯიში არ შეეძლო. ახლა ყველაფერი თავის ადგილს უბრუნდება. უკვე კარგ ფორმაშია და თუ მწვრთნელს ვკითხავთ, მალე ტოპ, ტოპ ტოპ ფორმაში იქნება.“
- რამდენად დიდია იმის საფრთხე, რომ ბუნდესლიგაზე გუნდი მოდუნდება?
„შეიძლება რთული სიტუაციები იყოს. ამიტომ გონიერება არ უნდა დავკარგოთ და რიტმი უნდა შევინარჩუნოთ. ახლა კომფორტულ სიტუაციაში ვიმყოფებით, მაგრამ კომფორტული ზონა არ უნდა დავტოვოთ. პეპი ასეც მოიქცევა. ბონუსები სასჯელად არ უნდა გვექცეს.“
----------
TZ
https://www.facebook.com/503146609707533/ph...?type=1&theater
· 
მიუნხენის ბაიერნი, ევროპამაისტერის ფანკლუბი
