2008/09 წლების სეზონის შემდეგ, ბევრი თვლიდა, რომ "ლივერპული" მალე ახალ სიმაღლეებს დაიპყრობდა. იმ წელს ხომ მერსისაიდელებმა პრემიერ ლიგაში მეორე ადგილი დაიკავეს და ლიდერს მხოლოდ 4 ქულით ჩამორჩნენ. მაგრამ, მალე პრობლემები მოედნის გარეთ შეიქმნა - რაფაელ ბენიტესთან კონფლიქტის გამო, დაიშალა ალონსო-მასკერანო-ჯერარდის ტრიო. ესპანელი "რეალმა" იყიდა.
"2008 წელს, რაფა ჩემთან მოვიდა და მითხრა, რომ ფეხბურთელების შესაძენად ფული სჭირდებოდა. ჩემი სახელი სიის სათავეში იყო. ვუთხარი, რომ პროფესინალი ვიყავი და ყველაფერს გავიგებდი. დაინტერესება იყო "იუვენტუსისგან", "არსენალისგან", თუმცა კლუბებმა ტრანსფერის პირობები ვერ შეათანხმეს. საბოლოოდ გუნდში დავრჩი, თუმცა მომდევნო წელს სიტუაცია უცვლელი იყო. ბენიტესს ვუთხარი: "შარშან თქვენ გსურდათ ჩემი გაშვება და მეც დაგთანხმდით, ახლა კი თავად მსურს წასვლა". "რეალში" გადასვლა ჩემთვის ძალიან რთული ნაბიჯი იყო, რადგან ინგლისში ბედნიერი ვიყავი. შემდეგ კი ერთადერთი რაც მაწუხებდა იყო ის, რომ გუნდთან ერთად პრემიერ ლიგა ვერ მოვიგე." - ციტირებს ალონსოს სიტყვებს Football Espana.
მოგვიანებით, ხაბის გაყიდვას სტივენ ჯერარდმა კატასტროფა უწოდა. იმ დროს რაფას სამიზნე გარეტ ბერი იყო - ინგლისელმა "სიტიში" გადასვლა არჩია, "ლივერპულმა" კი 20 მილიონ ფუნტად ალბერტო აკვილანი დაიმატა. იტალიელმა ვერ შეძლო გუნდში თავის დამკვიდრება - 28 ჩატარებული მატჩისა და რამდენიმე იჯარის შემდეგ, მან მერსისაიდი 2 მილიონი ფუნტის სანაცვლოდ დატოვა და "ფიორენტინაში" გააგრძელა კარიერა.
მიუხედავად ყველაფრისა, აღნიშნულ სატრანსფერო ფანჯარას ცალსახად უარყოფითად ვერ შევაფასებთ - "წითლებმა" გლენ ჯონსონი დაიმატეს "პორტსმუტიდან". ინგლისელი წლების განმავლობაში იყო შეუცვლელი თავის პოზიციაზე. ამასთანავე, თავისუფალი აგენტის სტატუსით მოვიდა მაქსი როდრიგესი, სოტირიოს კირიაკოსის ტრანსფერი კი გუნდს 2 მილიონი ფუნტი დაუჯდა. შესაძლოა, ბერძენი ვერ წყვეტდა ვარსკვლავებს, მაგრამ როტაციისთვის არც თუ ცუდი ვარიანტი იყო.
და მაინც, "ლივერპულმა" მომდევნო სეზონი ჩააგდო - ჩემპიონთა ლიგაზე ჯგუფში მესამე ადგილი დაიკავა("ლიონისა" და "ფიორენტინას" შემდეგ), ევროპის ლიგის 1/2 ფინალში კი მადრიდის "ატლეტიკოსთან" დამარცხდა. რაც შეეხება შიდა ასპარეზს - პრემიერ ლიგაში მერსისაიდელები მეშვიდე პოზიციას დასჯერდნენ, თასებისთვის ბრძოლას კი ადრეულ ეტაპზე გამოეთიშნენ.
სეზონის დასრულებიდან 1 კვირაში "ლივერპულმა" რაფაელ ბენიტესთან კონტრაქტი გაწყვიტა. ამით დასრულდა ესპანელის ეპოქა.
მაგრამ, საქმე კარგად არც ფინანსური თვალსაზრისით იყო. კლუბის მფლობელებს, ჯორჯ ჯილეტსა და ტომ ჰიქსს შოტლანდიის სამეფო ბანკის ვალი ჰქონდა და "ლივერპულიც" 1 ნაბიჯში იყო გაკოტრებისგან. ჰიქსი და ჯილეტი მომხდარში ერთმანეთს ადანაშაულებდნენ, კლუბის მმართველმა დირექტორმა, კრისტიან პერსლოუმ კი პოტენციური შემძენის ძიება დაიწყო.
"ლივერპული" როი ჰოჯსონმა ჩაიბარა. ინგლისელმა სპეციალისტმა "ფულჰემი" ევროპის ლიგის ფინალში გაიყვანა, რაც ისტორიული შედეგი იყო. ზაფხულის სატრანსფერო ფანჯრის დროს, მერსისაიდელებმა გაყიდეს ბენაიუნი, მასკერანო და რიერა, სანაცვლოდ კი შეიძინეს კონჩესკი, შელვი, პოულსენი, მეირელეში და ჯო კოული. ცნობისთვის, გარკვეული დროის შემდეგ ამ უკანასკნელმა აღიარა, რომ "ლივერპულში" გადასვლა შეცდომა იყო და არჩევანი "ტოტენჰემზე" უნდა გაეკეთებინა.
ამასთანავე, ხელმძღვანელობამ უარი თქვა სხვა ლიდერების გაყიდვაზე, რათა კლუბის ღირებულება არ შემცირებულიყო - ერთ-ერთი პირველი, ვისაც უკვე შემოდანი ჰქონდა ჩალაგებული, პეპე რეინა იყო. მიუხედავად იმისა, რომ ესპანელმა რამდენიმე თვით ადრე გაახანგრძლივა კონტრაქტი, ის საკუთარ თავს უკვე "არსენალში" ხედავდა. მეტიც, თავის წიგნში რეინა წერს:
"სიხარული უცებ შეცვალა დეპრესიამ. 2010 წლის აპრილში მე ახალ კონტრაქტს მოვაწერე ხელი, იმედი მქონდა, რომ საუკეთესო წლები წინ იყო. ბევრ რამეს მპირდებოდნენ, მაგრამ მალევე მივხვდი, რომ ეს ყველაფერი სიცრუე იყო. მფლობელები ერთმანეთს ებრძოდნენ, ვალები იზრდებოდა, მწვრთნელის შეცვლამ კი საბოლოოდ დამარწმუნა, რომ წინ საერთოდაც არ მივდიოდით. "არსენალი" კი მზად იყო ჩემს სანაცვლოდ "ლივერპულისთვის" 20 მილიონი ფუნტი გადაეხადა, თუმცა მერსისაიდში წინადადება უმალვე დაბლოკეს. უარის მიზეზი კი ჩემი, როგორც კარგი მეკარის შენარჩუნება სულაც არ ყოფილა. მე სხვა ინფორმაცია მომაწოდეს. მაშინ საბოლოოდ გამიცრუვდა იმედები".
მყიდველები მალე გამოჩნდნენ. მიუხედავად იმისა, რომ კლუბში მძიმე მდგომარეობა იყო, "ლივერპული" მაინც მსოფლიოში ცნობილ გრანდს წარმოადგენდა, მდიდარი ისტორიით. საბოლოოდ ორი შემძენი იყო კონტაქტზე - 1) სინგაპურელი მილიარდელი, პიტერ ლიმი; 2) New England Sports Ventures (NESV)- შემდგომში უკვე Fenway Sports Group (FSG). გაყიდვის პროცედურაში ჩაერთო ბანკი Barclays Capital-ი, კლუბის დროებით პრეზიდენტად კი მარტინ ბროტონი დაინიშნა - ის იყო დირექტორთა საბჭოს წევრიც(იქ იყვნენ იან ეირიც და უკვე ნახსენები პერსლოუ).
" "ლივერპული" დიდებული კლუბია, ფანტასტიური ისტორიით. ვეცდები ჩემთვის მოცემული დრო მის სასიკეთოდ გამოვიყენო. ჩვენი მიზანია ვიპოვნოთ მყიდველი, რომელსაც კლუბის განვითარება შეუძლია როგორც ფინანსური, ისე სპორტული თვალსაზრისით." - განაცხადა ბროტონმა.
იყოს შანსი, რომ კლუბი ბანკროტად გამოცხადებულიყო, რაც დამატებით სანქციების დაკისრებას გამოიწვევდა და შესაძლებელი იყო "ლივერპული" ქვედა ლიგაშიც დაქვეითებულიყო.
მიუხედავად ყველაფრისა, ჰიქსი და ჯილეტი ცდილობდნენ მაქსიმალური სარგებელი მიეღოთ გარიგებიდან, ამიტომაც განაცხადეს, რომ მყიდველს "სამართლიან თანხად" უნდა შეეძინა "ლივერპული" და გამოესყიდა ის ინვესტიციები, რომელიც მათ ამ კლუბში ჩადეს. მაგრამ, უკვე გვიანი იყო - ჯონ ჰენრი, FSG-ს ერთ-ერთი აქციონერი უკვე მუშაობდა ამ საკითხზე. მანამდე FSG "ფულჰემის" შეძენასთან ძალიან ახლოს იყო.
ჰიქსი არ დანებდა და შეეცადა თავისი აქციები გაეყიდა, თუმცა პრემიერ ლიგამ გააუქმა გარიგება, რადგან ის კლუბის ხელმძღვანელობასთან არ იყო შეთანხმებული. საბოლოოდ, 3 ხმით(პერსლოუ, ეირი და ბროტონი) 2-ის წინააღმდეგ(ჰიქსი და ჯილეტი), ხელმძღვანელობა აქციების FSG-სთვის მიყიდვას დათანხმდა. Mill Financial(კომპანია რომლის საშუალებითაც ჰიქსი ცდილობდა სარგებლის მიღებას, აქციების გაყიდვით), კიდევ 7 წელი იყო სამართლებრივ დავაში, თუმცა უშედეგოდ.
2010 წლის ოქტომბერში "ლივერპული" ოფიციალურად ჩაიბარა FSG-მ, "ვალებში" ჩაფლული და დასუსტებული კლუბი.
"დირექტორთა საბჭომ მივიღეთ ეს შემოთავაზება, რადგან ეს კომპანია ყველაზე მეტად შეესაბამება ჩვენს კრიტერიუმებს. მათი ფილოსოფია ყოველთვის გამარჯვებაზეა ორიენტირებული და ეს "ბოსტონ რედ სოქს"-შიც დაამტკიცეს." - ამბობდა ბროტონი.
ჰიქსმა და ჯილეტმა სასამართლო საჩივარი ბროტონის წინააღმდეგაც შეიტანეს, თუმცა ამ შემთხვევაშიც დამარცხდნენ...
* * *
» სპოილერის ნახვისთვის დააწკაპუნეთ აქ «
იმის დედაც მოვსდღან ვინც სიკვდილამდე კონტრაქტი არ გაუფორმოს
"ლივერპულის" გულშემატკივართა დიდი ნაწილი დღეს შობის ბრწყინვალე დღესასწაულს აღნიშნავს. ამ დღესთან დაკავშირებით, კლუბის ოფიციალური საიტი იურგენ კლოპის საშობაო მიმართვას ავრცელებს:
"მინდა ეს შანსი გამოვიყენო და ჩვენს გულშემატკივრებს მშვიდი და ბედნიერი შობა ვუსურვო, როგორც არ უნდა ისურვოთ ამ დღის აღნიშვნა. ასე რომ, გაატარეთ ეს დღე თქვენს საყვარელ ადამიანებთან ერთად. ეს დღე სწორად ამიტომ მიყვარს.
"ლივერპული" განსაკუთრებული კლუბია - ის სხვადასხვა კულტურის, ტრადიციისა და რწმენის ადამიანებს აერთიანებს. ჩვენი გასახდელი ამის ნათელი მაგალითია.
ჩვენთვის, შობაც მორიგი სამუშაო დღეა. ჩვენ მელვუდში "ლესტერისთვის" მზადებას ვაგრძელებთ. შუადღის შემდეგ დროს მეგობრებთან, ოჯახის წევრებთან ერთად ვატარებთ, ხვალ დილით კი მივემგზავრებით.
უკვე საკმარისას კარგად მიცნობთ და იცით, რომ არ მიყვარს უკან მოხედვა, მაგრამ როცა განვლილ წელს ვუყურებ, მხოლოდ ერთი სიტყვის თქმა შემიძლია: Wow... ძალიან ბევრი რამით ვამაყობ. პირველ რიგში იმით, რომ მომეცა შანსი "ლივერპულს" კვლავ მოვუტანო ტიტულები. არასდროს დამავიწყდება მადრიდული ღამე და ქალაქის ქუჩებში ფანებთან ერთად აღნიშვნა. მანამდე ვთქვი, რომ ტიტულის მოგების შემთხვევაში ქალაქში ნამდვილად აფეთქებას ველოდი, მაგრამ შემდეგ დავრწმუნდი, რომ საკმარისადაც კი ვერ დავაფასე ეს ფანები. როცა ამ დღეზე ვსაუბრობ, თმა ყოველთვის მბურძგლავს.
იმ დღეს, მე ყველანაირი ემოცია განვიცადე და ხალხის თვალების დანახვისას კიდევ ერთხელ გავიაზრე - ყველაზეიღბლიანი ვარ, რადგან ამ ოჯახის ნაწილს წარმოვადგენ. შემდეგ კიდევ 2 ტიტული მოვიგეთ და მართლაც არ შემიძლია უფრო მეტად ვიამაყო ამ ბიჭებით. მე მათ "მენტალურ მონსტრებს" ვუწოდებ. მაგრამ ვიყოთ გულახდილები, ჩვენ არაფერი გამოგვივიდოდა თქვენს(ფანების) გარეშე.
ერთ-ერთი, რაც ყველაზე მეტად მახარებდა და მაბედნიერებდა აღლუმის დროს იყო ის, რომ ჩვენ ამას ერთად მივაღწიეთ. ეს ეხება ყველას - მოთამაშეებს, პერსონალს, შტაბს, ფანებს... ყველა ვინც ამ კლუბთანაა დაკავშირებული. სიტყვები არ მყოფნის ზუსტად გამოვხატო ჩვენზე ეს როგორ მოქმედებს ემოციურად. მაგრამ ნება მომეცით, გითხრათ, რომ ამას ვაფასებთ და ძალიან მოგვწონს.
ერთ საიდუმლოს გაგიმხელთ - მადრიდის ფინალის შემდეგ, საათობით ვიჯექი და ფანების ვიდეოებს ვუყურებდი Youtube-ის საშუალებით. ვცდილობდი მენახა ყველაფერი, რაც გამოვტოვე ვარჯიშებისა და მატჩებისთვის მზადების გამო. ისინი მე კიდევ უფრო ამაყს და ბედნიერს მხდიდა. დიახ, ეს ერთად გავაკეთეთ და 2020 წელსაც ასე გავაგრძელებთ.
ჩვენი ფიქრები და გული ყოველთვის იყო ჰილსბოროს ტრაგედიის დროს დაღუპულთა ოჯახებთან. არ შემიძლია მოვძებნო სათანადო სიტყვები ამ ადამიანებისადმი ჩემი პატივისცემის გამოსახატად. ერთადერთი რაც შემიძლია ვთქვა, არის ის, რომ ეს 96 ადამიანი არასდროს იქნება დავიწყებული.
ამასთანავე, ჩვენ შთაგვაგონებს შონ კოქსისა და მისი ოჯახის სიძლიერე. ის წინა თვეში "ენფილდზე" იყო და იმედია მალე კვლავ ვნახავ. მინდა მომენტით ვისარგებლო და ვისაუბრო იმ ხალხზე, ვინც ძალიან დიდ საზოგადოებრივ საქმეს აკეთებს - ყოველ წელს, ჩვენ ვსტუმრობთ "ალდერ ჰეის ჰოსპიტალს" და ვხედავ თუ რაოდენ დაუჯერებელ საქმეს ასრულებს იქ პერსონალი. ბოლო სტუმრობისას, გარკვეული დრო გავატარე ერთ ბავშვთან, კაისთან, რომელსაც ახლა უფლება მისცეს შობის დღესასწაული სახლში გაატაროს. ამით ძალიან ბედნიერი ვარ.
პატივისცემა მინდა გამოვხატო იმ ხალხის მიმართ, ვინც ყოველ უიქენდზე, მატჩის წინ საკვებს აგროვებს და ქველმოქმედებას ეწევა, როგორც "ლივერპულის", ისე "ევერტონის" ფანების მიმართ, რადგან ამ დროს ისინი საფეხბურთო მტრობას ივიწყებენ და ზრუნავენ მათზე, ვისაც ნაკლებად გაუმართლა. რა თქმა უნდა, კლუბსაც აქვს საკუთარი საქველმოქმედო პროგრამა.
მელვუდიდან ყველას გვინდა ბედნიერი შობა გისურვოთ. მათ, ვინც "ლესტერთან" მხარს დაგვიჭერს, უსაფრთხო მგზავრობასა ვუსურვებთ - მოუთმენლად ველით მათ დანახვასა და მათი ხმის გაგონებას. იმავეს ვიტყვი ყველაზე, ვინც კვირას "ენფილდზე" იქნება. ვიცი, რომ მსოფლიოს გარშემო უამრავი ადამიანი უყურებს ჩვენს მატჩებს.
ასე რომ, როგორც არ უნდა გაატაროთ ეს დღე, ყველაფერს საუკეთესოს გისურვებთ.
You’ll Never Walk Alone
იურგენ კლოპი"
This post has been edited by G_saxva on 26 Dec 2019, 10:16 
· 
Liverpool Football Club [VOL.113], Winter is coming
