ინტერნეტის განვითარებასთან ერთად საქართველოში სწრაფად განვითარდნენ ონლაინ მეკობრეები. ამ ვებ.გვერდებმა ადრიანი პერიოდიდან დაიწყეს ფილმების მოპარვა, რეკლამირება, გახსნეს ოფისები თბილისის ცენტრში, პოზიციონირებდნენ როგორც ლეგალური ბიზნესები და სამწუხაროდ საზოგადოებაში ჩამოყალიბა მცდარი აზრი, რომ ფილმი უფასოა და ეს საიტები ლეგალურები არიან. ამან ფაქტობრივად გაანადგურა ეს სფერო, აზრი დაუკარგა ფილმის გადაღებას, არაკონკურენტუნაირიანი გახადა ლეგალური ბიზნესების კეთება და ქვეყანა ჩაიძირა "მეკობრეობის" მორევში.
წლების წინ, როდესაც დავიწყეთ ამ საკითხზე მუშაობა, ამ ვებ.გვერდებმა ითხოვეს 6 თვიანი ვადა საქმიანობისთვის ლეგალური სახის მისაცემად, რის შემდეგაც უკვე 3 წელი გავიდა.
სამართლებრივ ჩარჩოში მოქცევა გულისხმობს, რომ სარეკლამო შემოსავალი რასაც ეს ვებ.გვერდები აგენერირებენ სრულად არ უნდა მიდიოდეს მათ ჯიბეში, გარკვეულ პროცენტს უნდა უხდიდნენ იმ ფილმების დამამზადებლებს, ვის ფილმებსაც უყურებს მომხმარებელი. მთლიანი ეს პროცესი მიმდინარეობს ჰოლივუდის სტუდიების: Disney-ს, Sony-ს, Warners-ის, Paramount-ის და სხვების პირდაპირი ჩართულობით.
დღეს მივედით იქამდე, რომ დღის წესრიგში დადგა ყველა საერთაშორისო თუ ქართულ "მეკობრულ" ვებგვერდებზე წვდომის შეზღუდვის საჭიროება, რაშიც მნიშვნელოვანი როლი შეასრულა კომუნიკაციების კომისიამ, რომელმაც შეისწავლა უფლების მფლობელების წერილები, ჩაატარა მოკვლევა, დაუკავშირდა მეკობრულ ვებგვერდებს და სთხოვა ლიცენზიების წარმოდგენა ან იმ მასალის აღება ვებ გვერდიდან, რომელზეც არ ჰქონდათ ლიცენზია. როგორც ვახსენე, ეს პროცესი ორ წელზე მეტია მიმდინარეობს და მიგვაჩნია, რომ ზედმეტად დიდი დრო მისცა კომისიამ ვებ გვერდებს, თავიანთი კონტენტის კანონთან შესაბამისობაში მოსაყვანად. ახლა, როგორც ვხედავთ ყველა ვადა და მიცემული დრო ამოიწურა. ვინც მოახერხებს, რომ ლეგალური კონტენტი განათავსოს თავის პლატფორმაზე გააგრძელებს მუშაობას, ვისაც სურს, რომ კვლავ მოპარულ პროდუქცია მიაწოდოს საზოგადოებას უფასოდ, ვეღარ გააგრძელებს ასე მუშაობას და მოუწევთ კანონს დაექვემდებაროს,
საქართველოში (ისევე როგორც განვითარებადი ქვეყნების უმეტესობაში) არალეგალური კონტენტი საკმაოდ პოპულარულია, მათ შორის: ფილმები, მუსიკა, პროგრამული უზრუნველყოფა და ა.შ. რომლებიც სხვადასხვა გზებით არც თუ რთული მოსაძიებელია ინტერნეტ სივრცეში. თქვენი აზრით, რა არის ამის ძირითადი მიზეზები?
მოსახლეობას ალბათ არ აქვს კარგად გააზრებული ინტელექტუალური საკუთრების მნიშვნელობა. "მეკობრეობა" და "მეკობრული" ვებ.გვერდების მოხმარება წლების განმავლობაში ისე ჩამოყალიბდა ყოველდღიურობად, რომ უკვე ჩვეულებრივი მოვლენა გახდა. როდესაც ამ თემაზე დავიწყეთ მუშაობა აღმოვაჩინეთ, რომ საზოგადოების დიდმა ნაწილმა არც იცდა, რომ ყველა ვებ.გვერდი სადაც ფილმები იყო განთავსებული არალეგალური იყო.
ზოგადად, რა თქმა უნდა, მოსახლეობისთვის კომფორტულია, როდესაც ყველა ფილმი რაც გამოსულა და ისიც, რაც ჯერ არ გამოსულა, უფასოდაა ხელმისაწვდომი. უფასოდ უახლესი მოდელის მანქანებს რომ არიგებდნენ, იტყოდა ვინმე უარს?
მნიშვნელოვანია, რომ თითოეულ მოქალაქემდე ზუსტად მივიტანოთ საავტორო უფლებების არსი, ლეგალური მოხმარების მნიშვნელობა, უპირატესობა და "მეკობრეობის" მავნე ზეგავლენა ინდუსტრიებზე, ეკონომიკაზე და ქვეყანაზე, რაზეც ყოველდღიურად ვმუშაობთ
https://www.entrepreneur.com/article/434089 
· 
განყოფილების ზოგადი თემა, elite.. season first ზოგადმშენი
