თურმე ძაან მაგარი ვყოფილვარ თქვე კაი ხალხო - ჰასან ქეცბაია
* * *
მათეუსმა ნაპორით მიასხა ჰიონესს
ლოთარ მათეუსი ული ჰიონესს პასუხობს:
„პირველ რიგში უნდა ვთქვა, რომ ული ჰიონესის შეურაცხყოფებს უკვე მიჩვეული ვარ და სერიოზულად აღარ აღვიქვამ. ამას უკვე 20-25 წელია აკეთებს. ული ჰიონესი მაინც თავის სამყაროში ცხოვრობს და ჯერ კიდევ ვერ გაუგია, რომ არამხოლოდ ფეხბურთი, არამედ ბიზნესიც განვითარდა. მე ვიცი, რა ხდება ბაზარზე. ვთქვი, რომ ვოლტემადეს ფასი შეიძლება იყოს 80-100 მილიონი ევრო, მაგრამ ჰიონესმა, როგორც ჩანს, ეს კარგად არც კი წაიკითხა. მისი მიზანი მხოლოდ ის არის, რომ სხვებს შეუტიოს, რათა საკუთარი შეცდომებისგან ყურადღება გადაიტანოს. მე ვიცი ბაზარი – როგორც გერმანიაში, ისე საერთაშორისო დონეზე. და ისევ მჯერა, რომ ჩემი შეფასება სწორია.
გიტენსი დაჯდა დაახლოებით 60 მილიონი და ის ჯერ კიდევ არ არის სანაკრებო დონის მოთამაშე, თანაც ვოლტემადეზე უარესი სეზონი ჰქონდა. ბევრი თვის წინ ვიწინასწარმეტყველე, რომ ფლორიან ვირცის მთლიანი პაკეტი 250 მილიონს მიაღწევდა – და ასეც მოხდა. დღესდღეობით სწორედ ასეთი ციფრებია.
ბაიერნში ყველაფერს მხოლოდ ერთი მხრიდან უყურებენ. როცა ვფიქრობ ჯამალ მუსიალაზე: ბაიერნი მის სანაცვლოდ ბევრად მეტს მოითხოვდა, ვიდრე ვირცზე დაიხარჯა – მაგალითად, 180 მილიონს. მაშ, რატომ არ შეიძლება ვირცი ღირდეს 150 მილიონი, ან ვოლტემადე 80-100?
ული ჰიონესი ცხოვრობს თავის სამყაროში. შესაძლოა, ის უკვე არ არის განახლებული ტრანსფერულ ბაზართან მიმართებით. ბაიერნი ახლა ითხოვს მოთამაშეს, რომელსაც სწორედ ასეთი საბაზრო ფასი აქვს. შეგახსენებთ: ბაიერნმა უკვე 2019 წელს გადაიხადა 80 მილიონი ლუკას ერნანდესში.
ჰიონესს სჯობს შიდა ანალიზი ჩაატაროს: რატომ ვერ შეამჩნია ბაიერნის სკაუტებმა ვოლტემადე დროულად? რატომ გაიგეს მის შესახებ მხოლოდ ახლა? ვოლტემადეს შემთხვევაში VfB-ის მენეჯმენტმა გაცილებით უკეთესი სამუშაო შეასრულა. ამის ნაცვლად, ბაიერნმა მოიყვანა ჟოაო პალინია 50 მილიონად, რომელიც მხოლოდ რეზერვში ზის და არც კი თამაშობს ნაკლებად მნიშვნელოვან მატჩებში. ჰიონესმა სწორედ ამ პრობლემებზე უნდა იფიქროს.“
---
კითხვა: უჩივლებთ ული ჰიონესს?
მათეუსი:
„ეს არც მე მომიტანს სარგებელს, არც ბაიერნს, და კიდევ უფრო მეტ ხმაურს გამოიწვევს.“
[@BILD]
* * *
„ბაიერნი“ ნიკ ვოლტემადეს სანაცვლოდ „შტუტგარტის“ მიერ მოთხოვნილი 100 მილიონი ევროს ნახევარიც კი არ არის მზად გადაიხადოს. კლუბი მას დაახლოებით 40 მილიონ ევროდ აფასებს [@_kochmaximilian]
This post has been edited by Deutschland.. on 29 Jun 2025, 19:37 
მიუნხენის ბაიერნი, კომპანის ეპოქა?!
