გამარჯობა, ყველა გილოცავთ ნინოობას, გფარავდეთ მისი მადლი.
ეხლა რაც შეეხება ჩემს პრობლემას, ნუ ჯერ არაა პრობლემა და რო არ იქცეს მაგიტომაც ვიკითხავ.
მუხლი 3.
მხარეთა განცხადებები და გარანტიები
3.1. „გამყიდველის“ განცხადებები და გარანტიები:
„ხელშეკრულების“ დადების, ასევე „მყიდველზე“ საკუთრების უფლების გადასვლის მომენტისათვის, „გამყიდველი“ აცხადებს და გარანტიას აძლევს „მყიდველს“, რომ:
(1) „გამყიდველს“ გააჩნია უფლებამოსილება და შესაძლებლობა დადოს წინამდებარე „ხელშეკრულება“ და შეასრულოს მისგან გამომდინარე უფლებები და მოვალეობები;
(2) „გამყიდველი“ წარმოადგენს „უძრავი ქონების“ ერთადერთ კანონიერ მესაკუთრეს და მფლობელს;
(3) „ხელშეკრულების“ დადების და მისი შესრულებისათვის „გამყიდველს“
მიღებული აქვს ყველა საჭირო თანხმობა და ნებართვა და შესრულებული აქვს ყველა საჭირო მოქმედება. სხვა თანხმობა, ნებართვა ან მოქმედება არ არის საჭირო „ხელშეკრულების“ დადებისა და მისი შესრულებისთვის;
(4) წინამდებარე „ხელშეკრულება“ დადებულია სათანადო წესით, კანონმდებლობის მოთხოვნათა სრული დაცვით და წარმოადგენს ნამდვილ, მხარეთა მავალდებულებელ „ხელშეკრულებას“, რომლიდან გამომდინარე ვალდებულებების შესრულება დაუბრკოლებლად შეიძლება იქნას მოთხოვნილი მხარეების მიერ;
(5) „უძრავი ქონება“ თავისუფალია ნივთობრივი და უფლებრივი ნაკლისაგან და მასზე დაუბრკოლებლად არის შესაძლებელი საკუთრების, მფლობელობის და სარგებლობის უფლებათა გადაცემა;
(6) „უძრავი ქონება“ მთლიანად ან ნაწილობრივ (ა) არ არის გადაცემული ნებისმიერ მესამე პირზე გაყიდვით, გაცვლით ან უსასყიდლოდ გადაცემით ან სხვა ნებისმიერი სახით; (ბ) არ არის ამოღებული სამოქალაქო ბრუნვიდან კანონმდებლობით დადგენილი წესის შესაბამისად; (გ) არ არის ექსპროპრირებული, ნაციონალიზებული, დაყადაღებული და აშ.; (დ) არ არის გაქირავებული, იჯარით გაცემული ან სხვა რაიმე სასყიდლიანი ან უსასყიდლო ფორმით გაცემული ნებისმიერ მესამე პირზე მფლობელობის ან/და სარგებლობის უფლებით;
(7) „უძრავი ქონება“ არ არის დატვირთული ყადაღით, იპოთეკით, სხვა ვალდებულებით მესამე პირ(ებ)ის სასარგებლოდ, მათ შორის უპირატესი შესყიდვის უფლებით ან სხვა უპირატესი, სანივთო თუ სახელშეკრულებო (იჯარა, ქირავნობა, ა.შ.) უფლებით; თანახმად „საჯარო რეესტრის“ მიერ 2015 წლის [●] ნოემბერს გაცემული ცნობისა, „უძრავ ქონებაზე“ არ ვრცელდება რაიმე სახის იპოთეკა ან საჯარო სამართლებრივი შეზღუდვა; ცნობა ერთვის წინამდებარე „ხელშეკრულებას“ დანართი #2-ის სახით და წარმოადგენს მის განუყოფელ ნაწილს;
(8) „უძრავ ქონებასთან“ დაკავშირებით არ არსებობს არანაირი კომუნალური გადასახადის დავალიანება, „გამყიდველის“ მიერ სრულად არის დაფარული დენის, წყლის, ბუნებრივი აირის, სატელეფონო თუ ინტერნეტის მომსახურების და სხვა კომუნალური მომსახურების ხარჯები;
(9) არ ყოფილა ან არ მიმდინარეობს რაიმე სამოქალაქო (მათ შორის საარბიტრაჟო), სისხლისსამართლებრივი ან ადმინისტრაციული წარმოება, იძულებითი აღსრულება ან სხვა პროცედურა, რაც დაკავშირებულია „უძრავ ქონებაზე“ საკუთრებასთან, მფლობელობასთან ან სარგებლობასთან; არ მიმდინარეობს წარმოება, რომელიც დაკავშირებულია საკუთრების უფლების გადახედვასთან და ცვლილებასთან, „გამყიდველის“ საკუთრების უფლებას სადაოდ არ ხდის რომელიმე მესამე მხარე; „გამყიდველს“ არ აქვს ინფორმაცია იმის შესახებ, რომ მისი საკუთრების უფლებას რაიმე ემუქრება ან დაემუქრება მომავალში;
(10) არ არსებობს ინფორმაცია ან ფაქტი, რომლის გათვალისწინებითაც გონიერი მყიდველი არ შეიძენდა „უძრავ ქონებას“ „ნასყიდობის ფასად“ ან/და „ხელშეკრულებით“ გათვალისწინებული პირობებით;
(11) „გამყიდველი“ აცნობიერებს, რომ „მყიდველმა“ დადო წინამდებარე„ხელშეკრულება“ მხოლოდ „გამყიდველის“ ყველა განცხადებებსა და გარანტიებზე სრული დაყრდნობით.
3.2. „მყიდველის“ განცხადებები და გარანტიები:
„ხელშეკრულების“ დადების მომენტისათვის „მყიდველი“ აცხადებს და გარანტიას აძლევს „გამყიდველს“, რომ:
(1) „მყიდველი“ წარმოადგენს იურიდიულ პირს და გააჩნია უფლებამოსილება და შესაძლებლობა დადოს წინამდებარე „ხელშეკრულება“ და შეასრულოს მისგან გამომდინარე უფლებები და მოვალეობები;
(2) „მყიდველს“ მოძიებული აქვს ის თანხები, რაც საჭიროა „ნასყიდობის ფასის“ გადასახდელად „ხელშეკრულების“ პირობების შესაბამისად და წინამდებარე „ხელშეკრულების“ საფუძველზე „უძრავ ქონებაზე“ „მყიდველის“ საკუთრების უფლების რეგისტრაციის და „უძრავი ქონების“ სს „[●] ბანკის“ სასარგებლოდ პირველი რიგის იპოთეკით დატვირთვიდან გონივრულ ვადაში, „მყიდველი“ მიიღებს შესაბამის ფულად სახსრებს „ნასყიდობის ფასის“ სრულად და ჯეროვნად გადასახდელად, როგორც ეს არის გათვალისწინებული დანართი #3-ით;
(3) „მყიდველმა“ დადო წინამდებარე „ხელშეკრულება“ მხოლოდ „გამყიდველის“ყველა განცხადებასა და გარანტიაზე სრული დაყრდნობით.
მუხლი 4.
ნასყიდობის ფასის გადახდის წესი; საკუთრების უფლების გადაცემა
4.1. წინამდებარე „ხელშეკრულების“ ხელმოწერისა და მისი სანოტარო წესით დამოწმებისთანავე დაუყოვნებლივ, თითოეული მხარე უფლებამოსილია დამოუკიდებლად მიმართოს „საჯარო რეესტრს“ და მოახდინოს ამ „ხელშეკრულების“ და მისგან გამომდინარე „უძრავ ქონებაზე“ საკუთრების უფლების „მყიდველის“ სახელზე რეგისტრაცია.
4.2. „საჯარო რეესტრში“ „უძრავ ქონებაზე“ უფლებრივად უნაკლო საკუთრების უფლების „მყიდველის“ სახელზე დარეგისტრირების შემდეგ 10 (ათი) სამუშაო დღის განმავლობაში „მყიდველი“ „გამყიდველს“ გადაუხდის „ნასყიდობის ფასს“ სრულად, უნაღდო ანგარიშსწორების გზით, ეროვნულ ვალუტა ლარში, გადახდის დღეს საქართველოს ეროვნული ბანკის მიერ დადგენილი ოფიციალური გაცვლითი კურსის შესაბამისად, „მყიდველის“ ან „მყიდველის“ დავალების საფუძველზე „მყიდველის“ მომსახურე კომერციული ბანკის მიერ შესაბამისი თანხის „გამყიდველის“ შემდეგ საბანკო ანგარიშზე გადარიცხვის გზით:
ბანკი: [●];
ბანკის კოდი: [●];
ანგარიშსწორების ანგარიში: [●].
4.3. ამ „ხელშეკრულების“ მე-2 მუხლით გათვალისწინებული „ნასყიდობის ფასის“ სრულად გადახდამდე, „მყიდველს“ ეკრძალება „უძრავი ქონების“ მიმართ შემდეგი ქმედების განხორციელება „გამყიდველის“ წინასწარი წერილობითი თანხმობის გარეშე:
(1) გაყიდვა, გადაცემა ან სხვაგვარი გასხვისება;
(2) იპოთეკით, სერვიტუტით ან ნებისმიერი სხვა ვალდებულებითდატვირთვა, გარდა „უძრავი ქონების“ სს „[●] ბანკის“ სასარგებლოდ იპოთეკით დატვირთვისა;
(3) ნებისმიერი სახის სამშენებლო სამუშაოების განხორციელება.
4.4. ამ „ხელშეკრულების“ 4.3 პუნქტით გათვალისწინებული შეზღუდვა რეგისტრირდება „საჯარო რეესტრში“ „უძრავ ქონებაზე“ „მყიდველის“ საკუთრების უფლების რეგისტრაციასთან ერთად და აისახება „უძრავ ქონებაზე“ შესაბამის ამონაწერში „საჯარო რეესტრიდან“.
4.5. „ნასყიდობის ფასის“ სრულად გადახდის შემდეგ, „მყიდველი“ უფლებამოსილია დამოუკიდებლად („გამყიდველის“ თანხმობის გარეშე) მიმართოს „საჯარო რეესტრს“ და მოხსნას „უძრავ ქონებაზე“ 4.3 და 4.4 პუნქტებით რეგისტრირებული შეზღუდვა, ამასთან, „ნასყიდობის ფასის“ გადახდის დამადასტურებლად საკმარისი იქნება „მყიდველის“ მიერ „საჯარო რეესტრისთვის“ სს „[●] ბანკის“ სველი ბეჭდით დამოწმებული გამოუხმობადი საგადახდო დავალებების წარდგენა, „მყიდველის“ მიერ „გამყიდველის“ ამ „ხელშეკრულებაში“ გათვალისწინებულ საბანკო ანგარიშზე „ნასყიდობის ფასის“ გადარიცხვის შესახებ. ზემოაღნიშნული „მყიდველის“ განცხადება და საგადახდო დავალება ჩაითვლება „უძრავ ქონებაზე“ რეგისტრირებული შეზღუდვის უპირობო მოხსნის და „უძრავ ქონებაზე“ „მყიდველის“ სრული, შეუზღუდავი და თავისუფალი საკუთრების უფლების რეგისტრაციის საფუძვლად, რასაც მხარეები ამ „ხელშეკრულებით“ უშუალოდ და გამოუთხოვადად ეთანხმებიან.
მუხლი 5.
უძრავ ქონებაზე მფლობელობის გადაცემა, დოკუმენტების გადაცემა
„გამყიდველი“ ვალდებულია „მყიდველს“ გადასცეს „უძრავ ქონება“-ზე სრული და შეუზღუდავი მფლობელობა „უძრავი ქონების“ „მყიდველი“-ს საკუთრებაში გადასვლის დღიდან 3 (სამი) კალენდარული დღის განმავლობაში, თავისუფალი ნებისმიერი მესამე პირის უფლებისაგან, დაცალოს „უძრავი ქონება“ მასში განთავსებული ნებისმიერი ნივთისგან, რაც არ შეადგენს „უძრავი ქონების“ არსებით შემადგენელ ნაწილს და გადასცეს „მყიდველს“ „უძრავი ქონების“ ნებისმიერი და ყველა საკეტი, რაზეც მხარეთა შორის გაფორმდება შესაბამისი მიღება-ჩაბარების აქტი. „გამყიდველი“ ვალდებულია „მყიდველისთვის“ ხელმისაწვდომი გახადოს მფლობელობის გადაცემასთან ერთად მის ხელთ არსებული ყველა ის დოკუმენტი, რომელიც დაკავშირებულია „უძრავ ქონებასთან“. ხსენებული ვალდებულების შეუსრულებლობის შემთხვევაში, „გამყიდველი“ ვალდებულია აუნაზღაუროს „მყიდველს“ მიყენებული პირდაპირი თუ არაპირდაპირი ზიანი სრულად.
დანართი N1 ამონაწერი „უძრავ ქონებაზე“ „საჯარო რეესტრიდან“;
დანართი N2 ცნობა „საჯარო რეესტრიდან“ „უძრავ ქონებაზე“ კერძო ან საჯარო სამართლებრივი შეზღუდვის არარსებობის თაობაზე;
დანართი N3 სს „[●] ბანკის“ წერილი „უძრავი ქონების“ პირველი რიგისიპოთეკით დატვირთვის შემთხვევაში სესხის გაცემის თაობაზე.
ჩემი მოკლე ჭკუით აქ რაც წერია: ეს ადამიანი გაყიდის ქონებას, გადაუფორმებს მყიდველს და გადაფორმებიდან 10 დღის განმავლობაში ფული უნდა ჩაურიცხოს ბანკმა (რომელიც ამ ახლად გაყიდულ ქონებას იპოთეკაში ჩაიდებს) და არა უშუალოდ მყიდველმა, და თუ არ ჩაურიცხავს ეხლანდელ პატრონს, მას შეუძლია უკან დაიბრუნოს ქონება, ასეა? მარა მაინტერესებს უკვე სხვის სახელზე მყოფი ქონება როგორ უნდა დაიბრუნოს ეხლანდელმა მეპატრონემ? აქ კი წერია მიიტანს განცხადებას (ალბათ ამონაწერს ბანკიდან) და ამის საფუძველზეო და მართლა ეგრეა თუ ატყუებენ?
მადლობა წინასწარ, პატრონი არავინ ყავს და მეც არავინ მყავს რო დავეხმარო, ხოდა იმედია დაგვეხმარებით.
· 
იურიდიული კონსულტაცია, ნაწილი VII
