იურიდიული კონსულტაცია, ნაწილი VIII

asureli
მესმის და უმალვე მივხვდი, რომ "ფაქტორებითა და ნიუანსებით" გაჯერებულია თქვენი საქმე. პირადად მე აღვიქვამ, როგორც უაღრესად სამწუხარო ფაქტს - ამდენი ხნის მეუღლეთა განქორწინებას.
სასამართლოს გადასახადს ეწოდება სახელმწიფო ბაჟი, თქვენ სარჩელს თუ არ ექნება ქონებრივი მოთხოვნა - 100 ლარია.
ადვოკატის შესახებ ვერაფერს გეტყვით, უბრალოდ არ ვიცი, ქართველ კოლეგებთან ახლო ურთიერთობები არა მაქვს და რაიმეს ვერ გირჩევთ. პირადად მსგავს საქმეებს არც ვაწარმოებ და არც ჩემი პრეისკურანტი მოგეწონებათ - უაღრესად მაღალი ტარიფებით ვაწარმოებ მომსახურეობებს.

Правовед
ანუ თუ ქორწინების პერიოდში ქმარმა მიიღო ქონება სახელმწიფოსგან პრივატიზაციით და ეხლაც დარეგისტრირებულია რეესტრში ქმრის სახელზე ცოლს შეუძლია მოითხოვოს ამ ქონების ბინის ნახევარი?
და ეხლაც რომ არიან ქორწინებაში?

This post has been edited by mgebrishvili_irakli on 29 Nov 2019, 09:03

mgebrishvili_irakli
თუ პრივატიზაციისას მისი უარი არ არის დაფიქსირებული, შეუძლია მოითხოვოს წილი, როგორც მცხოვრებმა. პრივატიზაციის დროს ყველას ეკუთვნოდა,, რაიონული ადმინისტრაციები (ქალაქებშიც), რომელთა უმრავლესობა არ გამოირჩეოდა კომპეტენციით 9და არც ამჟამად ბრწყინავენ0, ვინც მივიდოდა იმას უფორმებდნენ, დიდად არ იწუხებდნენ თავს ნიუანსებში ჩაწვდომით.

Правовед
ანუ პრივატიზაციამდე არ აქვს მნიშვნელობა რა და როგორ გაკეთდა? მხოლოდ პრივატიზაციის დროს თუ არ უთქვია არანაირი უარი და მხოლოდ ქმრის სახელზე გაკეთდა ის პრივატიზაცია ეხლა არ იქნება პრობლემა ხომ წილის მოთხოვნის თუ ისევ ქორწინებაშია და განქარწინებას არ მოითხოვ? და რა არი ამისთვის საჭირო სასამართლო დაჭირდება ?


-


ის პრივატიზაციის ხელშეკრულება 1992 წელსაა გაცემული

This post has been edited by mgebrishvili_irakli on 29 Nov 2019, 19:43

mgebrishvili_irakli

ეს ვერ მივხვდი რას გულისხმობთ.

აქ უკვე დაიწყო გარემოებების განსაზღვრა. წარმოუდგენელია რაღაც რეცეპტების გაცემა, უცნობია საჯარო რეესტრში დარეგისტრირებულია თუ არა. თუ დარეგისტრირდა, რატომ "გამოტოვა" მეუღლემ თანასაკუთრების უფლების რეალიზაცია. იქნებ ამაზე უკვე თანახმა იყო ...
დიდი ალბატობით სასამართლო დაგჭირდებათ, თუმცაღა თუ კანონის ზუსტ მოთხოვნებს მივმართავთ, საჯაროში უნდა იყოს შეტანილი განცხადება თანამესაკუთრედ აღრიცხვის შესახებ. იხ ზემოთ, თუ უკვე დარეგისტრირებულია და ა. შ.
ზოგად მიმართულებას მიგითითებთ: სასამართლოში ბინის მესაკუთრედ აღრიცხვა უნდა მოითხოვოს, ვინაიდან: საქართველოს რესპუბლიკის მინისტრთა კაბინეტის 1992 წლის 1 თებერვლის № 107-ე დადგენილებით განისაზღვრა უფლება, რომლის რეალიზაციის ფაქტობრივ საფუძველს წარმოადგენს „საქართველოს სსრ საბინაო კოდექსი,” რომლის თანახმად‚ საცხოვრებელი სადგომით სარგებლობის უფლება ასევე, გააჩნიათ‚ დანარჩენ ოჯახის წევრებს. ამასთან ერთად‚ გასათვალისწინებელია, რომ სარგებლობის უფლება‚ ერთ შემთხვევაში, წარმოიშობა წერილობითი ხელშეკრულების საფუძველზე, ხოლო სხვა შემთხვევაში დამქირავებელთან მცხოვრები ოჯახის წევრობის ინსტიტუტის არსებობის შემთხვევაში და მათ გააჩნიათ ყველა ის უფლება, რომლითაც სარგებლობს დამქირავებელი. ამრიგად, საქართველოს რესპუბლიკის მინისტრთა კაბინეტის 1992 წ. 1 თებერვლის № 107-ე დადგენილებით მინიჭებული უფლების რეალიზაცია ვრცელდება დამქირავებელთა ერთად მცხოვრები ყველა ოჯახის წევრზე და, მიუხედავად იმისა, რომ საკუთრების უფლება მათი თანხმობით შეიძლება აღირიცხოს ერთ-ერთ დამქირავებელზე, საერთო უფლებებთან ერთად მათ ეკისრებათ სარგებლობიდან გამომდინარე მესაკუთრის ყველა ვალდებულება. აღნიშნული დებულება დაცულია‚ ასევე დადგენილების მე-5 პუნქტის პირველი აბზაცით, რომლის თანახმად‚ საცხოვრებელი სახლი (ბინა) უსასყიდლოდ გადაეცემათ საქართველოს რესპუბლიკის მოქალაქეებს, რომლებიც ამ საცხოვრებელი სახლის (ბინის) დამქირავებლები ან დამქირავებლის ოჯახის წევრები არიან.
გასათვალისწინებელია, რომ პრივატიზაციის განხორციელებაზე ყველა ოჯახის წევრის ნების არსებობა გულისხმობს საკუთრების უფლების მოპოვებას ყველა ოჯახის წევრის სასარგებლოდ, მიუხედავად იმისა, რომ საკუთრების უფლება შეიძლება, რეგისტრირებულ იქნეს მხოლოდ ერთ-ერთ დამქირავებელზე. ამ შემთხვევაში არ შეიძლება საკუთრების ინსტიტუტი განვმარტოთ მხოლოდ უძრავი ნივთების შეძენის იურიდიული დეფინიციის ფარგლებში. კონკრეტულ შემთხვევაში მას გააჩნია სოციალური დანიშნულება, რაც პოზიტიურ-სამართლებრივი სახით ვლინდება საქართველოს რესპუბლიკის მინისტრთა კაბინეტის 1992 წლის 1 თებერვლის № 107-ე დადგენილების პირველ აბზაცში, ანუ საქართველოს მოქალაქეთა ბინის კონსტიტუციური უფლების რეალიზაციის, დაჩქარების, სახელმწიფო და საზოგადოებრივი საბინაო ფონდის მოქალაქეთათვის საკუთრებაში გადაცემის, საბინაო ფონდის მოვლა-პატრონობისათვის მოქალაქეთა დაინტერესების გაზრდის მიზნის მიღწევაში.
ამრიგად, საცხოვრებელი სახლის უსასყიდლოდ გადაცემის ხელშეკრულებით დანარჩენი ოჯახის წევრებს წარმოეშობათ უფლება საჯარო რეესტრში დაარეგისტრირონ (შესაბამის წილის გათვალისწინებით) საკუთრების უფლება.
(აღნიშნული საკითხი ასევე დარეგულირებული იყო იმ დროს მოქმედი საქართველოს უზენაესი სასამართლოს პლენუმის 1996 წლის 2 აპრილის 1 დადგენილების მე-2 პუნქტით, რომლის თანახმად, საქართველოს მინისტრთა კაბინეტის 1994 წლის 5 აგვისტოს № 520 დადგენილებამ გააუქმა ბინების პრივატიზაციისათვის ოჯახის სრულწლოვანი წევრების თანხმობის აუცილებლობა. მიუხედავად ამისა, პრივატიზებულ ბინებზე საკუთრების უფლება აქვს ყველა იმ პირს, რომელსაც საცხოვრებელ ფართობზე უფლება მოპოვებული აქვს ბინის პრივატიზაციის დროისათვის).

გიხდით ბოდიშს, გავწვალდებით და დავიღლებით ნამდვილად, ფორუმში თუ შევეცდებით კონკრეტული შეკითხვის განხილვას და ბოლომდე სარჩელის ჩამოყალიბებას ...

This post has been edited by Правовед on 30 Nov 2019, 00:40

Правовед

ესეიგიეგ ბინა დარეგისტრირებულია 2014 წელს მაგ პრვატიზაციის ხელშეკრულებით რომლიც მხოლოდ ქმარზეა გაცემული და ცოლს არანაირი უარი არ უთქვია ან არანაირი საბუთი არ გაუკეთებია მაგ პრივატიზაციის დროს და ანუ უბრალოდ რეესტრში უნდა დავწეროთ განცხადება წილზე რომ გაფორმდეს?

mgebrishvili_irakli
გიხდით ბოდიშს, სამწუხაროდ ვეღარ დაგითმობთ დროს - ვიღლები ამ დაზუსტებებით (ასაკიც აღარ მიწყობს ხელს), აი ეხლა მომიწევს განმეორებით დაგისვათ შეკითხვა: როცა ქმარი არეგისტრირებდა ბინას, არა მაშინ და ამჟამად "გაახსენდა" ცოლს, რომ მასაც მიაჩნია რომ უფლება აქვს ბინაზე. და ესე გაგრძელდება გარემოებების დაზუსტება-გარკვევებში ... უმჯობესია მიმართოთ ადვოკატს.
კიდევ ერთხელ გიხდით ბოდიშს ...

This post has been edited by Правовед on 30 Nov 2019, 08:58

მოსკოვში გავაგზავნე კურიერის მეშვეობით პროდუქტი და კურიერი დაიკარგა( გამორთო ტელეფონი და სავარაუდოთ გადამაგდო) რა რეგულაციებით შემიძლია ვუჩივლო კომპანია დიდუბეში მდებარეობს

კურიერის ვინც წაიღო სახელი და გვარი ვიცი მაგრამ დაიკარგა

——

JizZy
მდა ...
სრული უფლება გაქვთ შეკითხვა დასვათ ისე, როგორც მოგესურვებათ! ვერავინ დაგაძალებთ ამ საქმეში რაიმე ყურადღების ჩაქსოვას და დასრულებული შეკითხვის დასმას. მაგრამ რჩევის სახით შესაძლებელია გაიბედოს, რადგან არც ისე ძნელ ამოცანას წარმოადგენს შეკითხვის ჩამოყალიბება.

კომპანიამ ითავა ვალდებულება, თუ კურიერმა?!
რაიმე დოკუმენტ(ებ)ი იქნა გაფორმებული?! და ვისთან?!

Правовед
აქ მარტო ხარ სხვები არ არიან რომ გაგვცენ პასუხები?

mgebrishvili_irakli
როგორ არა?! შეკითხვა დასვით ჩემო ბატონო და ალბათ გაგცემენ პასუხს.
კიდევ ვიმეორებ, მე არ მეზარება (როგორც ესეთი) თქვენს შეკითხვებზე პასუხის გაცემა, უბრალოდ, საკითხია ისეთი, გარემოებების დაზუსტებაა დაწვრილებით საჭიროდ - თქვენი დროის უნაყოფოდ ხარჯვის აცილება შემოგთავაზეთ, რაც ხანდაზმულობასაც უწყობს ხელს - ვინაიდან თვენი საკითხი უკვე მოითხოვს მყისიერ მოქმედებებს.
გულითადად გისურვებთ წარმატებებს!

This post has been edited by Правовед on 1 Dec 2019, 02:42

გამარჯობათ ისევ უნდა შეგაწუხოთ სისხლის სამართლის საქმის ადვოკატს სამოქალაქო სამართლის საქმეზე არ შეუძლია მუშაობა ან პირიქით?.....მე მკითხეს რომელი გინდაო მე შეიძლებ ორივეს მცოდნე დამჭირდეს.. და ორგანიზაციებიდან როგორ შეიძლება ყოფილ თანამშრომელზე ინფორმაციის ამოღება მაგალითად; რომელ დღეებში რომელ საათზე ცხადდებოდა სამსახურში და რომელზე ამთავრებდა ან როდის ჰქონდა გაცდენები .....მაპატიეთ თუ სწორად ვერ დავსვი შეკითხვა.....

asureli
ვინ და სად გკითხეს კაცო ... გაიქეცი მაქედან! სადაც არც აგიხსნიან რა განსხვავებაა სისხლის სამართლის სპეციალისტის ადვოკატსა და სამოქალაქო სპეციალიზაციის ადვოკატს შორის! არსებობენ საერთო სპეციალიზაციის ადვოკატები, რომელთა წარმომადგენელს შეუძლია თქვენი დახმარება.

ორგანიზაციებიდან "ყოფილ თანამშრომელზე ინფორმაციის ამოღება" ეს ნებაყოფლობითი საქმეა, თუ მიადგები შეკითხვებით "რომელ დღეებში რომელ საათზე ცხადდებოდა სამსახურში და რომელზე ამთავრებდა ან როდის ჰქონდა გაცდენები", უნდათ გიპასუხებენ, უნდათ არ გიპასუხებენ. თუ რაიმე საქმეში მტკიცებულებების სახით არის საჭირო ამის წარდგენა, არსებობენ პროცესუალური ნორმები, რომლებიც ითვალისწინებენ ამის შესაძლებლობას - გააჩნია რის სამტკიცებლად გჭირდებათ.

ფორუმის იმედათ ამის გასარკვევად ნუ დარჩებით.

This post has been edited by Правовед on 2 Dec 2019, 20:40

კაი მადლობა....რავიც მეც ვერ ვერკვევი შემატყვეს ალბათ... როგორ ყველა ყველაფერს იბრალებს...

გამარჯობა, მოკლედ ასეთი რამ მოხდა, უფროსმა გადაწყვიტა, რომ 5 წუთზე მეტს ვინც დაიგვიანებს სამსახურში 50 ლარით დაჯარიმდება, არის რამე კანონი რომელიც დაგვიცავს ამისგან?