იურიდიული კონსულტაცია, ნაწილი VIII

რა გითხრათ,აგერ ფაქტია,ევროპა როგორ იცავს ამ წესს, არც ისე ადვილია იქ ხელმოწერა უცხოელთან ,როგორც ჩვენთანაა.გიჟები არიან ისინი და ჩვენ ჭკვიანები?! რიავიცი,რიავიცი...

ამის თარგმნა თუ შეუძლია ვინმეს? :rolleyes:

niniaa

აი კიდევ ერთი მაგალითი, რომელსაც ჩვენი, მშობლიური დემაგოგები წარმატებით ახერხებენ მოქალაქეთა შეცდომაში შეყვანას და უაზრო იმპლემენტაციების შეტენვას.
იქ, სანუკვარ "ევროპაში", მომავალი მეუღლე, თვითონ[!!!] ზრუნავს ქორწინების პერსპექტივაზე!!! დისპოზიციური ნორმაა და მოქალაქის უფლებაა ქორწინების დამაბრკოლებელი გარემოებების აღმოფხვრა!!! სახელმწიფოს კი არ შესცქერიან პირღიად!!! ამიტომაც, "არც ისე ადვილია იქ ხელმოწერა უცხოელთან", ჩვენ ქართველები, ამ უმნიშვნელოვანეს, შვიდი საიდუმლოთაგან ერთ-ერთს, "ხელმოწერასაც" კი ვეძახით აგდებულად, რადგან ვითომქორწინება არც გვეუცხოება და არც ამორალურად გვეჩვენება.

ჯვრისწერის იურიდიული საფუძველი როგორც კი გაგვიუქმა ხელისუფლებამ, მაშინვე წავიდა უკუღმართად ჩვენი საქმე!

საქართველოს სამოქალაქო კოდექსის 1120-ე მუხლის შესაბამისად, იმ პირთა შორის, რომელთაგან თუნდაც ერთი დაქორწინებულია სხვასთან დაქორწინება არ დაიშვება.
სამოქალაქო აქტების შესახებ საქართველოს კანონით და საქართველოს იუსტიციის მინისტრის 2012 წლის 31 იანვრის ბრძანება № 18 წინა ქორწინების შეწყვეტის დამადასტურებელი საბუთის წარდგენა აუცილებელია, თუ დაქორწინების მსურველი პირი ადრე იმყოფებოდა ქორწინებაში.

თუ მომავალ ცოლს ეეჭვება, რომ ქმარი პირნათელია მასთან, მაგრამ მაინც ქორწინდება, ეს ხომ წმინდა წყლის მოჩვენებითობაა და ოჯახის შექმნასთან არავითარი კავშირი არა აქვს. თუ საცოლეს ერიდება, არ შეუძლია უნგრელ საქმროს პირდაპირ სთხოვოს ქორწინების დამაბრკოლებელი გარემოებების არარსებობის შესახებ ცნობის მოპოვება და უნდა კანონს "ამოეფაროს" - ანუ, "მე კი მჯერა შენი, მარა კანონი ითხოვსო", ამ მიზეზით აიძულოს - ეს გონებასუსტობა არ არის - მორალური უგვანობაა ესეც, და სასიხარულოც კია, რომ კანონმდებელმა იმპერატიულად არ დაუწესა მოქალაქეს ამის ვალდებულება. უნგრეთშიც ანალოგიურად იქნება დიდი ალბათობით.

უბედურებაა ისაა, ამ სიტუაციას ვინმე ჩვენმა კანონშემოქმედმა ხალხის რჩეულმა რომ მოკრას ყური, აუცილებლად გააჩაღებს ფაცი-ფუცს და ჩაწერს კანონშიც ამის ვალდებულებას (უფლებას კი არა). აღტაცებით დავეთანხმებით ჩვენ, რადგან ჯერ ეს ერთი დაგვაჯერებენ, რომ "ევროპაშიც ასეა", და მეორეც, ჩვენ ამორალურ ქცევებსა და გადახრებს გავამართლებთ.

საკანონმდებლო მოწესრიგებას საფუძვლად უდევს კონკრეტული სოციალური პროცესების მართვის სამართლებრივ-პოლიტიკური მოდელი ანუ, როდესაც კანონმდებელი განსაზღვრულ ქცევას სავალდებულოდ ადგენს, ამით მას სურს განსაზღვრული მიზნების მიღწევა.
სწორედ ამორალური მიზნის მისაღწევად გამოსაყენებელი სამართლებრივი საშუალებების სავალდებულოობა მიგვაჩნია მიზანშეწონილობად და წარმოიშობა კანონის გაუაზრებელი დებულებები.

მიზანშეწონილობასთან დაკავშირება არ უნდა ემსახურებოდეს ამორალურ ქმედებებსა და ნებებს!

ბოლოს მივიღებთ იმას, რომ შეყვარებული წყვილი, რომელთაც გულმხურვალედ სურთ ქორწინება, იძულებულნი გახდებიან რაღაც ცნობებზე იჩალიჩონ და ვაი, თუ მსგავსი ქაღალდის მოპოვება ვინმესთვის შეუძლებელია (მარტივი მიზეზის გამო - უბრალოდ მსგავს ცნობებს არ იძლევა მშობლიური სახელმწიფო). ადამიანი უფლებებთან ურთიერთდამოკიდებულებაში კანონის დებულებანი კი მოდიან წინააღმდეგობაში, მაგრამ კმაყოფილი მაინც დავრჩებით ბოდვა-მიახლოებულ პოსტულატით - ჩვენთანაც "ისეა, როგორც ევროპაში"!

ბოდიში პირდაპირობისთვის! [სხვაგვარად არ გამოდის ...]

This post has been edited by Правовед on 20 Dec 2019, 14:41

Правовед
იმ ბმულში, თქვენ რომ დამიდეთ,ეს წერია:რა დოკუმენტები შეიძლება დაგჭირდეთ?

იუსტიციის სამინისტროში შექმნილია მონაცემთა სპეციალური ბაზა, სადაც ქორწინების სახლის თანამშრომელი ამოწმებს ინფორმაციას, იმყოფებით ქორწინებაში თუ არა.
ქორწინების სახლის თანამშრომლებს სხვა ქვეყნის მოქალაქის ქორწინების შემოწმების საშუალება არა აქვთ, ამიტომ ისინი მათ სიტყვას ენდობიან. მთლიან პასუხისმგებლობას ამაზე უცხოელი საკუთარ თავზე იღებს.




Read more: https://sputnik-georgia.com/reviews/2016041...artveloshi.html

niniaa

რას ხედავთ ამაში ცუდს, მიუღებელს?! რატომ გაქვთ სურვილი სხვა ქვეყნის მოქალაქის ქორწინების შემოწმების საშუალება გაუჩნდეს ქართულ ხელისუფლებას. ამავე მოქალაქის დავალდებულებით?!

რატომ შეგშურდათ იმისა, რომ თუ ქართველებს სადმე ავალდებულებენ, პატივისცემას იმსახურებს, რადგან "ევროპულია". თუმცაღა, მთლად მასე არ არის, როგორც თქვენ გგონიათ?!
მე ახსნა შევეცადე და მსგავსი უმსგავსობის სამართლებრივი (იურიდიული) აბსურდულობის მტკიცება ...

ისე, თქვენ თქვენი საქმისა თვითონ იცით ...

This post has been edited by Правовед on 21 Dec 2019, 01:37

მოკლედ ესეთი სიტუაციაა, ჩემს სიდედრს ვასესხე გარკვეული თანხა ($) გარკვეული დროით, უნდა დაებრუნებინა დეკემბრის შუა რიცხვებში, მე და ჩემს მეუღლეს მოგვივიდა ჩხუბი, არ ვიმყოფებით საქართველოში, როცა ფული მოვთხოვა პასუხად მითხრა როცა ჩამოხვალ მაშინ მოგცემო, ანუ არ უნდა მოცემა, იცის 2 3 წელი ვერ ჩავალ, იურიდიულად არაფერი მაქვს გაფორმებული მაგრამ მაქვს უამრავი მიმოწერა ნომერზეც და ფეისბუქზეც, ეს საკმარისი მტკიცებულებაა იმისთვის რომ საჩივარი შევიტანო და თაღლითობის მუხლით ავღძრა საქმე? და აქვს თუ არა აზრი რომ ვუჩივლო, და რაპეოცედურებია თუ დამტკიცდება თაღლითობა
მადლობა წინასწარ

tbilisiforum

ვერც კალამს გაგადებინებთ ვინმე ხელიდან, ვერც საჩივრის მიტანა-გაგზავნას აგიკრძალავენ და საჩივარიც ვალდებულები არიან ჩაიბარონ[!]. აი, ამ საჩივრის წარმოებაში მიღება[!] კი ნამდვილად ნონსენსია.

რა თქმა უნდა წინასწარ ვერავინ განსაზღვრავს, აღიძრება საქმე თუ არა, ვინაიდან თქვენ კი ვერ აღძრავთ, მხოლოდ შესაბამის ორგანოებს აქვთ ამის უფლება. ამასთანავე დიდი ალბათობით, ასევე დიდ შარში რომ გაყოფს თავს ის სამართალდამცავი პერსონა, ვინც "მიიღებს და აღძრავს" - უდავოა. შეკითხვაში აღწერილი სამართალურთიერთობა აბსოლუტურად მოკლებულია სისხლის სამართლის, კერძოდ, თაღლითობის დანაშაულის ინკრიმინირების პერსპექტივას. თქვენ თვითონ მიუთითებთ, "ვასესხეო", რომელიც უდავოდ ნებაყოფლობითია, და, "არ უნდა ვალის დაბრუნებაო" - რასაც დანაშაულთან, თუნდაც თაღლითობასთან, რაიმე კავშირი, მითუმეტეს იურიდიული, არა აქვს.

დიდი ალბათობით, შეკითხვის ავტორს სინამდვილეში აშფოთებს ის გარემოება, რომ სესხის წერილობითი პირდაპირი გარიგება არა აქვს დადებული და "კონსულტაციის" სახით ("ასე მითხრეს" ნაირსახეობის გამოვლენით) მიღებული აქვს სისხლის სამართლის საქმის აღძვრის გზით წასვლის არჩევანი.
2-3 წლით ქვეყანაში არყოფნაც, აბსოლუტურად არავითარ კავშირში არ არის თქვენი, როგორც მსესხებლის, მევალის უფლებების დაცვასთან. თუ არსებობს სესხის დამადასტურებელი "უამრავი მიმოწერა ნომერზეც და ფეისბუქზეც", უმჯობესია სწორი, გამართული სამართლებრივი გზით მოითხოვოთ ვალის დაბრუნება - თქვენს წარმომადგენელს საქართველოში, რომელსაც დანიშნავთ, თუნდაც skype-ს გამოყენებით მინდობილობის გაფორმებით, ხელთ აქვს ყველა საშუალება იმოქმედოს თქვენი ინტერესების დასაცავად.

This post has been edited by Правовед on 24 Dec 2019, 10:47

მადლობა ინფორმაციისთვის, ანუ ეს სამოქალაქო დავა იქნება და არა თაღლითობა როგორც მივხვდი ხომ? აქვს აზრი რომ შევიტანო განცხადება? ვასესხე მაგრამ კონკრეტულ ვადამდე

tbilisiforum
თქვენ თვითონ გჯერათ, რომ ნორმალური გამომძიებელი, პროკურორი, მოსამართლე ... სიდედრს სიძისგან ვალის აღებას და მის დაუბრუნებლობას თაღლითობად შეატენის?! მსგავსი ძლევამოსილების მფლობელისათვის ის უფრო ადვილი არ არის, ურჩ სიდედრს ისე მიაწვეს, ფული პროცენტებით მოაცუნცულებინოს, ვიდრე რაღაც იურიდიულ ზღაპრებზე იჩალიჩოს?!

სწორად მიხვდით! სამოქალაქო დავის საკითხია ეს შემთხვევა.

This post has been edited by Правовед on 24 Dec 2019, 13:39

როგორ მირჩევ როგორ მოვიქცე, მიმოწერა მაქვს მხოლოდ სხვა მტკიცებულება არა, იქნებ სრული კონსულტაცია გამიწიოს ვინმემ როგორ უნდა მოვიქცე, თუ არის ეს მტკიცებულება საკმარისი, მაგრამ რახდება იმ შემთხვევაში თუ სასამართლოში არ აღიარებს რომ ვალი აქვს? (ვასესხე ფული რომლითაც მანქანა შეიძინა და გაქირავებული აქვს) და სასამართლო როგორ დააკისრებს თანხის დაბრუნებას, როგორ ხდება თანხის ამოღება?

tbilisiforum
საყურადღებოა, რომ სასესხო ვალდებულებას ახასიათებს განსაკუთრებული თავისებურებები.
სამოქალაქო კოდექსი (624-ე მუხლის მე-2 წინადადება) ზღუდავს მხარეებს არა გარიგების ფორმის, არამედ მტკიცებითი საშუალებების არჩევაში. ამდენად, სასესხო ურთიერთობებიდან გამომდინარე უფლება-ვალდებულებები (და არა მხოლოდ გამსესხებლის უფლება), მათ შორის, სესხის შესრულების ვალდებულება, თუ ის ზეპირი ფორმითაა დადებული, უნდა დადასტურდეს განსაკუთრებული მტკიცებულებებით.
ამისთვის საჭიროა საკმაოდ დაწვრილებით შესწავლილ იქნას გარემოებები: როგორ გადაეცით თანხა, რა შინაარსს შეიცავს ეს მიმოწერები, გაქვთ თუ არა შესაძლებლობა ამ მიმოწერის დამოწმების, არსებობენ თუ არა მოწმეებიც, და მრ. მრ. ხელშეკრულების რეალური ბუნებიდან გამომდინარე, უნდა უპირობოდ დადგინდეს გამსესხებლის მიერ სესხის ხელშეკრულების საგნის მსესხებელზე საკუთრებაში გადაცემის და შემდეგ მისი მიღების ფაქტები.

სასამართლო წყვიტავს: დაეკისროს მავან მავანისთვის ამდენი თანხის გადახდა. თანხის "ამოღება" ნიშნავს გადახდის იძულებას - ამ ფუნქციებს ახორციელებს აღსრულების ეროვნული ბიურო. "მექანიზმი" საკმაოდ ვრცელია და ვარიანტების ჩამოთვლა შეუძლებელია. შედით აღსრულების ეროვნული ბიუროს საიტზე და საკმაოდ გასაგებადაა იქ ინფორმაცია განთავსებული.

თანხა ვასესხე და მანქანა იყიდა იმ დღესვე, ანუ თვითონ მაგის საშუალება არ ექნებოდა, ფაქტია მანქანა გაუჩნდა, ანუ იყიდა ნასესხები ფულით, კი მოწმეები არიან რომ ფული გადავეცი, მიწერ მოწერა თანხას შეეხება, რამდენი მავს მიცემული, როდის უნდა დაებრუნებინა, რისთვის ჭირდებოდა, ეხლა რომ უარზეა და ყველაფერი, მაქვს როგორც სოციალურ ქსელში ასევე ნომერზეც, ეს საკმარისია? მაგრამ მე არვიმყოფები ამჟამად საქართველოში

tbilisiforum
არც კი ვიცი, როგორ მოგითხროთ აუცილებელი ღონისძიებები. საკმაო ჩამონათვალია. დავიწყოთ იქიდან, რომ აუცილებლად უნდა შეარჩიოთ რწმუნებული, რომელიც თქვენი სახელით იმოქმედებს საქართველოში. ტექნიკური საშუალებები, ტელეფონი, კომპიუტერი, ტაბლეტი და ა. შ., რომლებშიც განთავსებულია ეს მიწერ-მოწერა, უცნობია სად იმყოფება და ვის აქვს წვდომა. არც ისაა ცნობილი სად, რომელ ქვეყანაში იმყოფებით და გაქვთ თუ არა შესაძლებლობა დადგენილი წესით დაამოწმოთ ეს ტექსტები. ფული მთლიანად გადაეცით, თუ ნაწილ ნაწილ. რა ვალუტაში და მოწმეების საიმედოობა თუ გარანტირებულია (ეს კიდევ საქმისათვის ხელის მოკიდების საგრძნობი წინააღმდეგობაა). უსასრულოდ შესაძლებელია გაგრძელება, მთელი გვერდები არ ეყოფა მიწერ-მოწერას. არც კი ვიცი, ვიმეორებ, როგორ არის შესაძლებელი თქვენი დახმარება - მიმართეთ ადვოკატს და მან აწარმოოს საქმის გაძღოლა. მე გიხდით ბოდიშს! ობიექტურად დიალოგის გაგრძელებაში ვერ ვხედავ რაიმე საღ აზრს.

უღრმესი მადლობა ამომწურავი პასუხისთვის

Правовед

11 დეკემბერს გამოიტანა განაჩენი სასამართლომ და ამ დღის მერე ვეძებ ფურცელი ხომ არ გამოუტანებიათ, რომელზეც შეიძლება ეს ყველაფერი ეწეროს. (ბერლინიდან შორს ვარ ამ მომენტში და ამ ინფორმაციის მისაღებად ვერ ვახერხებ მისვლას პოლიციაში ან რამე მსგავს დაწესებულებაში, ტელეფონით ან ონლაინაც ვერ მოვახერხე)

ერთადერთი, რაც მომცეს, არის ფურცელი, რომელზეც წერია საბანკო რეკვიზიტები.

სხვა არაფერი მოუციათ.

განაჩენის გამოცხადების დროს მოსამართლეს არ უხსენებია არაფერი ქვეყნის დატოვებასთან დაკავშირებით, ანუ არც ჩაწერილი იქნება არსად?

თუ შესაძლებელია არ ეთქვა და ჩაეწერა?|

მადლობა პასუხისთვის

This post has been edited by TheAnswer on 25 Dec 2019, 21:26