იურიდიული კონსულტაცია, ნაწილი VIII

სოციალური ქსელის მინაწერ მონაწერები თუ გაქვს სადაც დასტურდებათანხის გადაცემა და + მოწმეების გეყოლება შეძლებ მტკიცებას სასამართ₾ოში.

გამარჯობა, ანდერძის არ არსებობის შემთხვევაში, მამის გარდაცვალების შემდეგ ბინა მეუღლეს რჩება, თუ შვილს?
ინტერნეტში ვნახე ინფორმაცია, რომ ქონების გადაფორმება უფასოა და მხოლოდ რეგისტრაციაა ფასიანი. მაინტერესებს რა ღირს რეგისტრაცია? :)

lasha-17
პირველი მემკვიდრე მეუღლეა,დანარჩენი არ ვიცი :)

lasha-17

ორივეს თანაბრად.

lasha-17

ადამიანის გარდაცვალების შემდეგ არსებობს მემკვიდრეობის მიღების ორი სახე: კანონით მემკვიდრეობა და ანდერძით მემკვიდრეობა. შეკითხვიდან გამომდინარე, გარდაცვლილის (მამკვიდრებლის) ქონების მემკვიდრეობით სხვა პირებზე (მემკვიდრეებზე) გადასვლა ხორციელდება კანონით.
კანონით მემკვიდრეობის დროს კანონი თვითონ არეგულირებს, ვის უნდა დარჩეს გარდაცვლილის (მამკვიდრებლის) ქონება და რა რაოდენობით. ამ დროს არსებობს მემკვიდრეთა რიგითობის პრინციპი (სულ 5 რიგი), რაც იმას ნიშნავს, რომ წინა რიგის თუნდაც ერთ-ერთი მემკვიდრის არსებობა გამორიცხავს შემდგომი რიგის მემკვიდრეობას.
გარდაცვლილის შვილები (შეკითხვაში მარტო ერთი შვილია) და მეუღლე კანონით მემკვიდრეებს რიგითობის მიხედვით მიეკუთვნებიან I რიგს. სამკვიდრო ერთი რიგის მემკვიდრეთა შორის ნაწილდება თანაბრად. ამ დროს მემკვიდრეთა უფლებებს შორის არ არსებობს განსხვავება სამკვიდრო ქონებასთან მიმართებით. შესაბამისად, ბინა მეუღლეს და შვილს "რჩება" თანაბარწილ საკუთრებაში. მემკვიდრეთა შორის სამკიდროს გაყოფაზე შეუთანხმებლობის შემთხვევაში დავას წყვეტს სასამართლო.

ინტერნეტში მოძებნილი, ნახული გაქვთ არასწორი ინფორმაცია - თანაც, სამწუხაროდ, წყაროს არ უთითებთ.

იმისათვის, რომ გარდაცვლილის (მამკვიდრებლის) ქონება გადავიდეს (შეკითხვაში "გაფორმდეს") მემკვიდრეზე, საჭიროა მემკვიდრემ სამკვიდრო ქონება მიიღოს კანონით დადგენილი წესითა და პირობებით, მამკვიდრებლის გარდაცვალებიდან 6 თვის ვადაში. ქონების "გადაფორმების" სანოტარო მოქმედების შესრულების მოსაკრებელი მიახლოებით 40 ლარია (სხვადასხვა ელემენტებისგან შედგება, შორს წაგვიყვანს) და საჯარო რეესტრში - 4 სამუშაო დღის ვადაში – 50 ლარი.

This post has been edited by Правовед on 30 Dec 2019, 20:45

სამოქალაქო სამართალში ყველაზე ძლიერი სანდო ადვოკატი რომელია?

amorzali

პირველობა კომპეტენტურობაში ეკუთვნის ჯო [ჯოზეფ[ ჯემეილს, King of Torts-ად წოდებულს ... ყველაზე ძლიერი ალბათ საჭიროა სპორტსმენ ადვოკატებში მოვიძიოთ ... სანდოობასთან დაკავშირებით, ძნელია პასუხის მოძებნა ...
:lol: გილოცავთ ახალ წელს! მრავალს დაესწარით!

გამარჯობა ერთი კითხვა მაქვს თუ ვინმეს გქონიათ შეხება აზარტული თამაშების შესახებ კანონთან

https://xbet.ge ეს საქმიანობა რამდენად დასაშვებია ლიცენზირების გარეშე და ითვლება თუ არა კანონდარღვევად?

ტურნირებსაც მართავენ სავარაუდოდ პროგოზებს იღებენ და შემდეგ გამართლებული პროგნოზების მიხედვით დგება რეუტინგები და გამარჯვებული 3-ეული იღებ საპრიზო თანხას https://xbet.ge/prognozistebi.html


აქვე მაგათი წესები https://xbet.ge/reglamenti.html

იქნებ ვინც ერკვევით არ დაიზაროთ და მითხრათ რამდენად ჯდება კანონის ფარგლებში ეს ყველაფერი .. მადლობა წინასწარ

მეგობრებო, ჩემს ახლობელს მიკროსაფინანსოს სესხები აქვს ხანდაზმული , ბოლო გადახდიდან გასულია 3 წელი, როგორ უნდა მოიქცეს რომ ოფიციალურად სცნონ სესხი ხანდაზმულად და აღარ ფიქსირდებოდეს ბაზაში??

likaka
"ოფიციალურად' არაფერი გამოვა მაგ საქმიდან, თუ არ გვეტყვით, რაში ეშლება ხელი თქვენს ახლობელს ამ არაღიარებული ხანდაზმულობის მიზეზით, ანუ რა მიზანს ემსახურება სესხის "ხანდაზმულად ცნობა". ვერავინ ვერასოდეს ვერავის ჩამოართმევს უფლებას მოითხოვოს გასესხებული - არ დაუკმაყოფილოს მოთხოვნა - სავსებით შესაძლებელია, თუნდაც მოთხოვნის ხანდაზმულობის გამო. განცალკევებული იურიდიული ინტერესი ასევე გონივრულ ფარგლებს აცილებულია. ასევე საჭიროა ალბათ, განმარტოთ, რას გულისხმობთ "ბაზა"-ში.
ნუ ჩათვლით გამაღიზიანებლად, ვამჯობინოთ პირდაპირობა - იურისპრუდენცია იცავს კანონიერ უფლებებსა და ინტერესებს - სურვილებისა და კაპრიზების რეალიზაცია ხშირად არ არიან დასახელებულებთან თანხვედრაში.
* * *
Gurulo22

არასოდეს არ ჯდებოდა, არ ჯდება, და არ ჩაჯდება აზარტული თამაშები. თამაშობა ან სანაძლეო მოთხოვნის უფლებას არ წარმოშობს. ეს წესი ვრცელდება სესხსა და ავანსზე, რომელიც განზრახ მიეცა თამაშის ან სანაძლეოსათვის, ასევე საბირჟო ან ამის მსგავს გარიგებებზე საქონლის ან საბირჟო ქაღალდების მიწოდების შესახებ, რომელსაც თამაშის ან სანაძლეოს ხასიათი აქვს. თამაშის ან სანაძლეოს საფუძველზე განხორციელებული შესრულების უკან გამოთხოვა არ შეიძლება. ეს მსოფლიო ზოგადსამართლებრივი პრინციპია - საქართველოს სამოქალაქო კოდექსში 951-ე მუხლია, მაგალითად.


This post has been edited by Правовед on 6 Jan 2020, 17:37

გამარჯობა.

გილოცავთ შობას.

მოკლედ ვეცდები სრულყოფილად ჩამოვაყალიბო საკითხი , რომელშიც მინდა თქვენი დახმარება / რჩევა.

ე.ი ერთერთ რაიონში ოჯახის წევრებთან ერთად ვფლობ სასოფლო სამეურნეო მიწის ნაკვეთს დაახლოებით 700 კვ.მ. აღნიშნული ნაკვეთი საჯარო რეეტრში შესაბამისად რეგიტრირებულია ჩვენზე. რამდენიმე წელია არ ვახდენდით ამ ნავეთით სარგებლობას.
2017 წლის ნოემბრის თვეში ამ ნაკვეთის შუაში გაზგამანწილებელმა კომპანიამ გაიყვანა გზის მილი. მილის გაყვანა მესაკუთრებთან შეთანხმების გარეშე მოხდა და გაყვანის ფაქტი ჩვენს მიერ აღმოჩენილი იქნა მოგვიანებით. ე.ი მაინტერესებს შემდეგი საკითხი სასამართლო წესით მესაკუთრეებს შეგვიძლია მოვთხოვოთ თუ არა გაზგანაწილებელ კომპანიას , რომ ჩვენი ნაკვეთის სარგებლობის სანცვლოდ 2017 წლის ნოემბრიდან მოვითხოვოთ ყველთვიური ქირა X თანხა?? რამდენად შესაძლებელია რომ ეს მოთხოვნა დააკმაყოფილოს სასამართლომ? ფაქტიურად გაზის კომპანია ყოველგვრი საფასური გადახდის გადახდისა და მესაკუთრეების თანხობის გარეშე სარგებლობს ჩვენი ქონებით.
პ.ს ვეცადე სრულად გადმომეცა საკითხი თუ რაიმე დეტლის დამატებაა არის საჭირო არ დაგზარდებით. წინასწარ მადლობა ყველას.

This post has been edited by GEO2020 on 7 Jan 2020, 18:31

გილოცავთ შობა-ახალწელს.

ესეიგი პიროვნებამ გაჰყიდა სახლი.თანხა აიღო, მარა მერე არ გამოვიდა და გამოასახლეს მიშას დროს.
შემდეგ ქოცების დროს ამ პიროვნებამ გატეხა სახლი და ისევ შესახლდა. პროკურატურამ დაიკიდა.
ხელმეორე გამოსახლება კი გაასაჩივრა, რომ თურმე მფლობელს უკან დაუბრუნა ფული და მოითხოვა ხელშეკრულების ბათილად ცნობა .

პირველმა ინსტანციამ ახალი მფლობელი გაამართლა.
სააპელაციომაც გაამართლა ახალი მფლობელი.

უზენაესმა კი - არასწორად იყო დაყენებული მოთხოვნა, გაბათილება კი არ უნდა მოგეთხოვათ, არამედ უკან მფლობელობაში გადმოცემა უნდა მოგეთხოვათო და გააუქმა წინა გადაწყვეტილებები. უზენაესმაც გაამართლა ახალი მფლობელი , მაგრამ როგორც ჩანს ახლიდან ჩივილის საშუალება დაუტოვა აფერისტ გამყიდველს.
ამასობაში გავიდა 4 წელიწადი.

ეხლა ჩნდება კითხვა თუ არასწორად იყო შევსებული საჩივარი, რატო მიიღეს პირველმა და სააპელაციო სასამართლომ ეს საჩივარი საერთოდ და რატომ დააკარგვინეს ახალ მფლობელს ფულადი სახსრები და დრო? რატო დაუტოვეს აფერისტ გამყიდველს იგივე მიზეზით ახლიდან ჩივილის საშუალება ?

ეხლა გამოსახლებას კვლავ გაასაჩივრებს და კიდე გავა 4 წელი.

საქართველოს სასამართლო ნუცას სკოლაა თუ დაკვეთას ასრულებს ?

This post has been edited by Georgian_Highlander on 7 Jan 2020, 21:46

GEO2020
მიწით სარგებლობისთვის გარკვეული თანხა გეკუთვნით. სასამართლო დაგიკმაყოფილებთ ჩამოყალიბებულ, გამართულ, საფუძვლიან და განმტკიცებულ მოთხოვნას. სავარაუდოთ თქვენ გექნებათ ორი მოთხოვნა - პირველი, უკვე სარგებლობით გამოწვეული ქირის ანაზღაურება და მეორე, იჯარის, ქირავნობის, სარგებლობის ხელშეკრულების დადება. ჯერ აუცილებლად უნდა მოახდინოთ სასამართლომდე მოწესრიგების ღონისძიებები და შემდგომ, თუ მოწესრიგებაზე უარი განაცხადა გაზის კომპანიამ, მიმართოთ სარჩელით სასამართლოს. სახეზე უნდა იყოს დავა, კონფლიქტი.

Правовед

უღრმესი მადლობა , ამომწურავი პასუხისთვის.

ორიოდე კითხვა მაქვს ( იმედია სწორად ვსვავ).

1. ქირის თანხის ოდენობა როგორ უნდა განისაზღვროს , ჩევნი მესაკუთრეების შეხედულებისამებრ თუ რაიმე სტანდარტი არსებობს თუ იცით?
2. თუ გაზის კომპანიამ ჩვენი მესაკუთრეების წერილობითი კომუნიკაცია უყურადღებოდ დატოვა და სასამართლოსთვის მიმართვისას პარალელურად სემეკს რომ მივმართოთ რამეში წაადგება საქმეს თუ არა? არ ვიცი რამდენად სწორია მაგრამ მიჩიეს რომ სემეკს და სახალხო დამცველსაც თუ ჩართავ უფრო მეტად ექნება შედეგიო. იქნებ ამ ორ საკითხეზე მითხრათ თქვენი რჩევა.

GEO2020
სავსებით დასაშვებია არსებობდეს რაიმე უწყებრივი აქტი, რომელიც ადგენს ტარიფებს მსგავსი შემთხვევებისთვის. ამ მხრივ, რა თქმა უნდა სემეკისთვის მიმართვა წაადგება საქმეს. სხვა მხრივ, სემეკი და, მითუმეტეს, სახალხო დამცველი საერთოდ რა შუაშია, გაუგებარია. "მითხრეს-მირჩიეს" ქართულ უდღეურ ტრადიციებს საერთოდ ნაკლები ყურადღება დაუთმეთ ხოლმე - აი, თქვენც უნაყოფოდ მოიშველიეთ ეს ანონიმური არგუმენტი - სად გირჩიეს?!... ვინ გირჩიათ?!...
ქირის თანხის ოდენობის განსაზღვრის მეთოდებიც ნამდვილად არსებობენ და საამისო ექსპერტებიც - მათი დასკვნების წარდგენა სასამართლოში, მტკიცებულების ერთ-ერთი სახეა.
* * *
Georgian_Highlander

ვერც ერთი ინსტანციის სასამართლო ვერ გააგდებინებს ხელიდან კალამს, აუკრავს პირს ვინმეს და მითუმეტეს, ჩაუკეტავს საბუთების ჩაბარების სარკმელს. უფრო მეტიც, სასამართლოს აკრძალულიც კი აქვს, მიღების სტადიაზე დაიწყოს სარჩელის საფუძვლიანობის განხილვა! სარჩელი აკმაყოფილებს ფორმალურ მოთხოვნებს და იურიდიული ინტერესი ჩამოაყალიბა მოსარჩელემ? ანუ გასაგებად დაწერა რას ითხოვს და ეს ჯდება ზოგადსამართლებრივ ორინციპების ფარგლებში? - ბასტა, მეტი არ მოეთხოვება სასამართლოსთვის მიმმართველს. არც ეს არის მართალი, რომ ახალ მფლობელს ფულადი სახსრებს და დროს აკარგვინებს ვინმე - ყოველი სამოქალაქო ბრუნვის მონაწილე გამზიარებელია იმ მოსალოდნელი რისკისა, რომელიც მის გარიგებებს შეიძლება მოჰყვეს. თანაც კომპენსაციაც გათვალისწინებულია საპროცესო კანონმდებლობით.

სამართალი არ არის ვიღაცის "შემოგდებული", რაღაც აბსტრაქტულად შექმნილი კანონების ტექსტი, იგი სოციალურ ურთიერთობების მომწესრიგებელი ნორმებია - იგი კაცობრიობის უდიდესი და ერთ-ერთი უმთავრესი მონაპოვარია. სამწუხაროა, რომ საქართველოში სამართალშეგნების მხრივ საგანგაშო მდგომარეობაა.

თქვენ ისეთ "პაუზებს" ასახელებთ ნაც-ქოცთა ეპოქათაშორისობაში, დიდი ალბათობით, მოცემულ შემთხვევას, შეკითხვაში "გამოტოვებული" ისეთი "ისტორია" აქვს სარჩულად ამოდებული, მთლად მარტივი "გაჰყიდა სახლი.თანხა აიღო" არ იყო გარიგების არსი.
დარწმუნებით შეიძლება ითქვას "კიდე გავა 4 წელი", არც ისე ძნელად გასათვლელ პერსპექტივას წარმოდგენდა და, რამდენიც გინდა ვეძახოთ "ნუცას სკოლა თუ დაკვეთის შემსრულებელი" - სასამართლოსგან ამ რისკების დაზღვევას ვერასოდეს მივიღებთ.

This post has been edited by Правовед on 8 Jan 2020, 01:19