იურიდიული კონსულტაცია, ნაწილი VIII

Liаm
ტენდერი ჯერ კიდევ არ არის სამართლებრივი ურთიერთობა, იგი არის ოფერტა.
სამართლებრივი ურთიერთობა კი შეიძლება აღმოცენდეს, განვითარდეს ან შეწყდეს მხოლოდ იურიდიული ფაქტების საფუძველზე, ანუ ისეთი ფაქტების საფუძველზე, რომლებსაც სამართლის ნორმა უკავშირებს გარკვეულ იურიდიულ შედეგს.
სამართლებრივი ურთიერთობისთვის ოფერტის იურიდიული ბუნების უმთავრესი ნიშანი ისაა, რომ ტენდერის გამომცხადებელი, აქცეპტანტის თანხმობის შემთხვევაში, მზადაა, ამ ტენდერში გადმოცემული პირობით შეასრულოს იგი - დაამყაროს სამართლებრივი ურთიერთობა.
არსებობს ტენდერი მიღებასავალდებულო ნების გამოვლენით, არსებობს ოფერტზე მოწვევა - წინადადების მიმცემი იწვევს პირთა განუსაზღვრელი წრეს, რათა მსურველებმა პირიქით, მას მიმართონ ოფერტით.

This post has been edited by Правовед on 16 Aug 2020, 02:47

ვთქვათ მინდა დაზარალებულად ცნობა და დამნაშავის დადასტურება სასამართლოს მიერ, სისხლის სამართლის საქმეში. მაქვს მთელი რიგი ფაქტები და დამნაშავეც გამოვნელილი მყავს.
მითხრეს, აღნიშნულ საკითხზე სასამართლოს რომ მიმართო განცხადებით არ შეიძლებაო, პროკურატურას უნდა მიმართოო. და მაინტერესებს რა კანონის საფუძველზე მითხრეს ეს?
თუ ზეპირი წესია?

Kaxab
PROLoG-ს, GIZ-ს და ათასი ჯურის ჩამოთრეულ იმპლანტატორებს უთხარით მადლობა!
არ დაგავიწყდეთ გერმანელებსაც თაყვანის სცეთ!
"იმსახურებენ" იმისათვის, რომ კერძო ბრალდების ტრადიციული, ისტორიულად ჩამოყალიბებული ინსტიტუტი ჩაკლეს ქართულ სამართალში!
ქართული იურიდიული საზოგადოება, რომელსაც ხელეწიფება წინაღმდეგობის გაწევა - უბრალოდ, არ არსებობს! ქართულ იუსტიციაში მოღვაწე სუბიექტები კი მოკლებულნი არის ინტელექტუალურ შესაძლებლობებს.
მოსამართლეთა კლანი კი გამოზრდილ-გამოწთვრნილია გერმანულ პანდექტიკაში.

ეს ზოგადად ...

შეკითხვიდან თითქოს ჩანს, რომ სისხლის სამართლის საქმე აღძრულია და წარმოება მიმდინარეობს.

ადრე მოქმედი სისხლის სამართლის საპროცესო კოდექსის მიხედვით, დაზარალებულად ან მის
უფლებამონაცვლედ ცნობის შესახებ დადგენილება გამოჰქონდა პროკურორს ან გამომძიებელს და
დაზარალებულად ცნობის უფლება ჰქონდა პირველი ინსტანციის მოსამართლესაც.

2010 წლის ოქტომბერს ამოქმედდა ახალი სისხლის სამართლის საპროცესო კოდექსი, რომელმაც მთლიანად
შეუცვალა კურსი სისხლის სამართლის პროცესის წარმოებას. ცვლილებებმა გამოიწვია დაზარალებულისთვის მთელი რიგი უფლებების ჩამორთმევა. კანონმდებლობა დაზარალებულის სამართლებრივ მდგომარეობას არსებითად სხვაგვარად მიუდგა. იგი აღარ მოიაზრებოდა მხარედ და, ძირითადად, მოწმის უფლება-მოვალეობებს იზიარებდა.

2014 წელს თითქოს დაუბრუნეს დაზარალებულს მცირე უფლებები და აღიჭურვა უფრო მეტი სამართლებრივი გარანტიითა და უფლებამოსილებით, კერძოდ: დაზარალებულს მიეცა შესაძლებლობა, გაეცნოს სისხლის სამართლის საქმის მასალებს, თუ ეს არ ეწინააღმდეგება გამოძიების ინტერესებს, განსაკუთრებით მძიმე დანაშაულის შემთხვევაში, გაასაჩივროს პროკურორის ცალკეული გადაწყვეტილებები სასამართლოში. მაგრამ დაზარალებულის პროცესუალური სტატუსის მინიჭების მოთხოვნით. შეუძლია მიმართოს მხოლოდ პროკურორს.

აღნიშნული მოწესრიგებულია საქართველოს სისხლის სამართლის საპროცესო კოდექსის 56-ე, 57-ე მუხლებით.

This post has been edited by Правовед on 16 Aug 2020, 13:18

Правовед
მადლობა გასაგებია.

თუმცა ის ვერ გავიგე კარგად, ესეიგი პროლოგმა და მაგენმა აგვრიეს როგორც მივხვდი.

ამ სიმძიმეს ვინღა ადგენს? ანუ მძიმე თუ არ არის, პროკურორს შეუძლია არც კი მომაქციოს ყურადღება?
ან განცხადება რომ შევიტანო პროკურორთან, არის კი ვალდებული, კანონით დადგენილ ვადაში მიპასუხოს? ან რა ვადაში უნდა მიპასუხოს?
* * *

არა, აღძრული არაფერია ჯერ. ჯერ ჩემი მოსაზრებები მაქვს მარტო.

This post has been edited by Kaxab on 16 Aug 2020, 16:55

Kaxab
უცხო ქვეყნების ორგანიზაციები PROLoG, GIZ, USAID, ISFED, SILC და ა. შ. "წერენ" საქართველოსთვის კანონებს! პარლამენტის ვებ-გვერდზე გადადით და წაიკითხავთ დასამტკიცენლად მოწოდებულ კანონების შესახებ "ამაყ" ახსნა-განმარტებებს!!!

არადა, ეს რაღაც სამართალშემოქმედების ანომალიაა, თავმოყვარეობადაკარგული კანონმდებლების მავნებლობა, რომლებიც ვერ ახერხებენ ქვეყნის სოციალურ-ეკონომიკური მოვლენების მოწესრიგებას და მის ასახვას საკანონმდებლო ნორმებში!

განსაკუთრებით მძიმე დანაშაულს "ადგენს" სისხლის სამართლის კოდექსი.

მეც მიჭირს, და, საერთოდ მიუღებელია იურისპრუდენციაში ვარაუდებისა და ალბათობების შესახებ მსჯელობა - სამართალი დაფუძნებულია მხოლოდ იურიდიულ ფაქტებზე, ანუ იმ მოვლენებზე, შედეგებზე, რომლებიც დადგა, დამდგარია ან აუცილებლად დადგება. თან არც "გახსენით" თქვენი ინტერესი - ცნობა გჭირდებათ თუ დანაშაულის გამოძიება.

ამიტომაც, თქვენს შეკითხვას მხოლოდ პროფესიონალური მსჯელობების გაგრძელება შეიძლება მოჰყვეს და იმდენი ახალი "რატომ" და "როგორ" დაიბადება, არც ეს ფორუმი გვეყოფა და ერთი თვე მაინც უნდა ვიყოთ გართული მიწერ-მოწერაში.
შესაბამისად, თავს აღარ შეგაწყენთ და წარმატებებს გისურვებთ!

This post has been edited by Правовед on 16 Aug 2020, 19:46

Правовед

მივხვდი, ჩემი არ არის მძიმე დანაშაული, ანუ პროკურორს შეუძლია არც კი მომაქციოს ყურადღება.
ვცდი მაინც. ვნახავ რა მოხდება.
მე საბუთი მჭირდება, სასამართლოს გაცემული მაგრამ პროკურორი უნდა დაგეხმაროსო, პროკურორმა შეიძლება თქვას, შენი მოყვანილი ფაქტები უნდა გადავამოწმოო და დრო მჭრდებაო.

არ ვიცი ესენი რას წერენ, მაგრამ წესით სწორ რამეებს უნდა წერდენ, იდეალურ შემთხვევაში. მაგრამ ასევე შესაძლებელია იდეალები არც აინტერესებთ და თავისთვის რაც უკეთესია იმას წერენ, არ ვიცი ნახვა უნდა და გარჩევა.
იმასაც კი ვუშვებ, კარგის დაწერა უნდათ და ვერ წერენ. თარგმანში არევასაც ვუშვებ.
მეც კი მაქვს ცოტა მოსაზრებები, როგორი უნდა იყოს კანონები.
საერთოდ ცუდია, თუ პროკურორი წყვეტს რაიმე ადამიანის უფლების დაცვა არ დაცვას და მისი ქმედება არ ქმედების გასაჩივრება არ შეიძლება.
მადლობა საინტერესო საუბრისთვის.

Kaxab
სწორ რამეებს ვერ დაწერენ - ანთროპოლოგიურად სრულად განსხვავებული ერები ვართ. მათთან ჰარმონიზირებულად არ გაგვივლია სამართალშეგნების ჩამოყალიბება! სამართლებრივი ფიქციები მათაც და ჩვენ ერთნი გვაქვს, მაგრამ ტრადიციების, ფასეულობების სხვადასხვა ჭრილში ვართ მოქცეული! განსაკუთრებით ეს მწვავედ ჩანს საოჯახო-სამემკვიდრეო სამართალში, სისხლის სამართალში. თითქმის უგუნურნი და აბსოლუტურად გამოუცდელნი ვართ საკორპორაციო სამართალურთიერთობებში. სასესხო სამართლებრივ ურთიერთობებში, რა დღეში ჩავვარდით?! არ გაგვაჩნია ჩამოყალიბებული სამართლებრივი ლექსიკა ...

This post has been edited by Правовед on 17 Aug 2020, 00:43

გამარჯობა,
ასეთი რაღაც მაინტერესებს: რამდენად აქვს პატრულს კანონით უფლება რომ ქალაქში მოძრავ ავტომობილებს "ჩაუსაფრდეს" სიჩქარის გამზომველი ხელსაწყოთი ( ე.წ. რადარით)?

kamikadze_teroristi
თუ არ განსაზღვრეთ, რას უწოდებთ "ჩასაფრებას" ...
ისე, ავტომატური ფოტო- და ვიდეოტექნიკის, არასტაციონარული (მოძრავი) სიჩქარის მზომი ხელსაწყოს განთავსება-გამოყენება, „პოლიციის შესახებ“ და „საგზაო მოძრაობის შესახებ“ საქართველოს კანონების შესაბამისად პატრულს (ალბათ საპატრულო პოლიციას გულისხმობთ) აქვს უფლება.

ვალდებულია თუ არა დასაქმებული, რომ ზეგანაკვეთური სამუშაო შეასრულოს, იმ შემთხვევაში, თუ შრომის კოდექსით გათვალისწინებული პირდაპირი წინაპირობები არ არსებობს? და თუ არ შეასრულებს ზეგანაკვეთურ სამუშაოს, შეუძლია დამსაქმებელს თუ არა, რომ იგი გაათავისუფლოს?

და ნახევარგანაკვეთიანი სამუშაოს დროს, ვთქვათ, თუ ეს 20 საათიანია, 20+ საათებიც ჩაითვლება ზეგანაკვეთურად? (ან თუ, ვთქვათ, 36 საათიანი სამუშაოა გათვალისწინებული კვირაში ხელშეკრულებით, შეუძლია, თუ არა დამსაქმებელს მოსთხოვოს 40 საათიანი სამუშაო, ეს ჩაითვლება ზეგანაკვეთურად?)

This post has been edited by Liаm on 21 Aug 2020, 18:16

გამარჯობა.მეგობარს რამდენიმე თვის წინ ჩაერიცხა ბარათზე თანხა,როგორც 99% მოიქცეოდა გამოიტანა და მოიხმარა.ახლა დაუკავშირდნენ პოლიციიდან და ეუბნებიან რომ კიბერ დანაშაულშია ეჭვმიტანილ და ერთერთი ონლაინ კაზინოდან იყო გადმორიცხული მფლობელის დაუკითხავად.ამას ვერასდროს დაუმტკიცებენ რომ თვითონ გააკეთებდა მსგავს რამეს იმიტომ რომ საკუთარი მეილიც კი არ აქვს.როგორ უნდა მოიქცეს?იქნებ დაგვაკვალიანოთ.მადლობა წინასწარ

Liio
შეკითხვაში მოყვანილი შემთხვევის სინამდვილესთან შესაბამისობას დავანებოთ თავი, ვინაიდან საბანკო ოპერაციების ალგორითმი იმდენად რეგლამენტირებულია, მსგავს ფანტასტიკას, უბრალოდ, გამორიცხავს! სრულიად შესაძლებელია, თქვენი მეგობარი შებოჭილია ვითარებით და ვერ გიმჟღავნებთ სრულ გარემოებებს,
ისიც გასაგებია რომ თანხას არ უთითებთ, მაგრამ სწორედ მისი ოდენობაა თანმხვედრი ბრალდების განმსაზღვრავი დომინანტი - ანუ, ქართველების 99 % პროცენტი, თუ, კიდევ რაღაც ოდენობა გვყავს, რომლებიც მსგავს გარემოებებში დაფიქრებას ამჯობინებენ!

ეს მიღებული თანხა რამდენად შეესაბამება ბარათზე არსებულ ბრუნვას?! პირობითად [რადგან შეკითხვა არასრულყოფილად არის დასმული, მოგვიწევს მარჩიელობა], იღებს ხელფასს 700 ლარს ადამიანი და უცბათ, გადმოერიცხა 4 000 ლარი! უაღრესად გაუჭირდება ეჭვმიტანილს თავის მართლება, თუნდაც იმ არგუმენტით, რომ 99 % ქართველები ესეთები ვართ. ბრალდება კი დაიხვევს ხელზე! "მაილი" რომ არ აქვს, ეს პირიქით, დანაშაულის მომზადების კვალიფიკაციად შეიძლება გამოდგეს.

სიმართლის თქმა საუკეთესო გამოსავალია!
და ... აიყვანეთ ადვოკატი, თუ ბრალდების მიმართულება შეესაბამება ზემოთ მოყვანილს ...

This post has been edited by Правовед on 22 Aug 2020, 13:53

შუადღე მშვიდობის ყველას!
10-12 წლის წინ, სამოქალაქო საქმეზე გამოტანილი განაჩენის ასლი სად უნდა მოვიძიო?
განაჩენი თბილისის საქალაქო სასამართლომ გამოიტანა.

alteregoya
საერთო სასამართლოების არქივის მომსახურებით შეიძლება ისარგებლოთ.
274 81 58, 274 81 62 დარეკეთ. თბილისი. დიდი ლილო

ეს შენიშვნებიც, იქნემ გამოგადგეთ:
რადგან შეკითხვაში არ მიუთითეთ თქვენი შემხებლობა და საჭიროება, შეიძლება უარიც მიიღოთ - არც მოძებნონ და არც გადმოგცენ გადაწყვეტილების (განაჩენი სისხლის სამართლი საქმეზე გამოაქვს სასამართლოს) ასლი, თუ ეს თქვენ, ან თქვენს ინტერესებს არ ეხება.
ისიც ადვილად დასაშვებია, თქვენს საკითხს არც დასჭირდეს ეს გადაწყვეტილება, ან სრულიად უსარგებლო აღმოჩნდეს, ვინაიდან სწორედ 10 წელია ხანდაზმულობის ვადა და შეკითხვიდან არ ჩანს, აღსრულებას მოითხოვდა - არ მოითხოვდა ...

This post has been edited by Правовед on 24 Aug 2020, 17:05

Правовед
გმადლობთ. დავრეკავ თქვენს მითითებულ ნომრებზე ხვალ.

მამაჩემის საქმე იყო. რაღაც თანხების ამოღებასთან დაკავშირებული. ზუსტად დეტალები არ ვიცი.