გერმანული ბაღები და TANTE-ები!!!

TANTE LANDA
TANTE NINA


აბა, გამოჩნდით ფორუმელები, ვინც მოესწარით ნამდვილ გერმანულ ბაღებს თანთე ლანდასთან ან თანთე ნინასთან!მაინტერესებს ყველანაირი ინფორმაცია, მოგონებები, ფოტოები, შემორჩენილი ნახატები, როდის რა ტერიტირიაზე იყო, ვისთვის რა მნიშვნელობა შეიძინა ან ვერ შეიძინა იქ ნასწავლმა გერმანულმა და სხვა რაღაცეებმაც და ა.შ.

ვინ შემორჩა გერმანულ კულტურას და რა გახსოვთ თანთეებზე?
წინასწარ გიძღვნით ყველას გამოხმაურებისათვის დიიიიიიიიიიიიდ მადლობას!!!!!

This post has been edited by Margarita-Hanum on 24 Oct 2006, 20:44

ვაჰ, როგორ არავინ გამოჩნდა, დავიჯერო, ამ განათლებულ განყოფილებაში მხოლოდ პოტომაკდალეულები დაიარებიან?

დედაჩემს დაუდიოდა სახლში თურმე ერთერთი ტანტე, ოღონდ სახელი არ მახსოვს. :)
ძალიან კარგ მოგონებად აქვს დარჩენილი დედაჩემს ტანტეს გაკვეთილები - მსუყე და აზრით დატვირთული.

ისეთები კი არა გოეთეს ინსტიტუტში ან მოგერმანულო სკოლებში რომ ასწავლიან ვიღაც ჩამოთრეული "ინსტრუქტორები" სადამლაგებლო და სატვალეტისმრეცხავო გერმანულს. :boli:

აააააარა ბატონო, - შილერი და მთელი ამბები იყო ჩართული ამ საქმეში. :)

Margarita-Hanum

Tante ვიცი რომ დეიდას ნიშნავს მაგრამ რა ფენომენზე გაქვს ამ შემთხვევაში საუბარი ვერ მივხვდი ალბათ არ მსმენია, (მიუხედავად გერმანული კულტურისა და ენისადმი ჩემი ღრმა პატივისცემისა)
დაახლოებით კი მივხვდი ბატონიPathetikos პოსტიდან მაგრამ თემის გახსნის შინაარსი რა უნდა იყოს და როგორ უნდა მოხდეს ამ თემაზე დებატები, პოლემიკა ვერ წარმომიდგენია.
რომელ წლებში იყო ეგ გერმანული ბაღები რომლებზეც წერ? იქნებ უფრო ვრცლად, საინტერესოა.

Pathetikos

კითხე შენს გაზრდას სახელი და გვარი და თუ რაიმე საინტერესო და სათქმელი ახსოვს, იქნებ შემომაწიო.
მადლიერი დაგრჩები!

muzabello
ტოპიკი დებატებისა და პოლმიკისთვის არ გამიხსნია.

ინფორმაციას ვაგროვებ გერმანულის გერმანელ მასწავლებლებზე, ე.წ "ტანტეებზე".
ტანტე ნინასა და ლანდას კერძო ბაღები ჰქონდათ 60-80-იან წლებში, 90-იანებში ლანდას ქალიშვილი - ელისო ეწეოდა იგივე საქმიანობას.
მე უფრო ამ ოჯახის ამბები მაინტერესებს, მაგრამ ფონად სხვა ტანტეების ისტორიების ძალიან საინტერესოა.

Margarita-Hanum

დედაჩემის ტანტეს იულია მაიერი ერქვა.
სულ ესაა რაც მის ბაგეთ გამოვღლიტე. ნამეტანი დაღლილია. მეტი ვეღარ შეძლო. ერთი ის კი ვიცი, რომ დედაჩემზე გიჟდებოდა, მერე ბიძაჩემსაც აუყვანეს, მაგრამ იმან ისე გადარია, რომ რამდენიმე კვირა მარტო დედაჩემის ხათრით დარჩა და დედაჩემი წავიდა თუ არა გერმანიაში, მაშინვე გაიქცა. :D
აი ესეც საინტერესო და სასიამოვნო ისტორია... :)


:yes:

Pathetikos
მადლიერი! დაუყარაულდი დასვენებულზე და იქნებ კიდევ რამე გამოსტყუო... შემთხვევით ძველი რვეულები და ეგეთი რამე-რუმეებიც ხომ არა აქვს იმ დროიდან შემორჩენილი? - რა იცი, თავშემონახული ხალხი ვართ...

Margarita-Hanum

:no:
დედაჩემი არაა მაი ზნის ქალი.

ზეპირსიტყვიერებისკენ უფროა მიდრეკილი.


:D

Pathetikos

ჰო, ნარატიული კულტურის ხალხი ვართ.
მაშ ზეპირსიტყვიერების იმედად ვიქნები.

წელსაც არავინ გამოჩნდა ნეტა? :rolleyes:

რავა ყველამ მიმატოვა???? :user:

ახ, დიზეს თემა ისტ ნოხ ამ ლებენ? :D

ერთი ტანტე, ფრიდა მაიერი ახლა გერმანიაში ცხოვრობს, შორნდორფში, შარშან ასი წლის გახდა. 90-ს რომ გადასცილდა, დაბრმავდა და ბრმების შრიფტი ისწავლა და წიგნიც დაწერა. ფრიდა მაიერი იყო ლუთერული პასტორის, რიჰარდ მაიერის შვილი. მამამისი მოკლეს, თვითონ გადაასახლეს, მერე დაბრუნდა, იყო ტანტე, მერე გამსახურდიასი შეეშინდა და ემიგრაციაში წავიდა. ტანტეების ინსტიტუტი აღარ არსებობს. ერთი არის ცოცხალი ლილი ფონ გიორცი, მაგრამ ძალიან მოხუცია. დიდებულიძეები აღარ აგრძელებენ ტანტე ლანდას საქმიანობას. ტანტე ლანდა იყო ლომაიას მოადგილე სანდრო დიდებულიძის დედა, ელისო კი მისი - და.
ახლა არსებობს ერთი გერმანული ბაღი, მე რორგორც ვიცი, მაგრამ ძალიან ძვირია დაახლ. 200$. ინტეგრირებული ბაღია და ამითაც კარგია: უნარშეზღუდული და გაზულუქებული ბავშვები ერთად არიან.

Pathetikos
იმედს არ ვკარგავ :yes:

memoria
გაიხარე!

თბილისში არის ეგ წიგნი? ან რა ქვია ზუსტად თუ იცი?

ეგ ბაღი ვიცი, მაგრამ მანდ უკვე სხვა ამბავია. "ნამდვილი" გერმანელების დაარსებულია.
რა გინდა, შენ რომ გაზულუქებულს ეძახი, იმათი მშობლები ინახავენ მაგ ბაღს უნარშეზღუდული ბავშვებისათვის.

თბილისში ეგ წიგნი ნამდვილად აქვს ფრაუ ჰუმელს, გოეთეშიც იქნება აუცილებლად. ეკა წერეთელს ჰკითხე გოეთეში. ფრიდა მაიერი უნიკალური ქალია. ძალიან ძლიერი ადამიანია, მე მას პირადად არ ვიცნობ. წიგნის ზუსტ სახელს ხვალ მოგწერ.
გაზულუქებული ცუდად გამომივიდა. როცა მშობელს ფული აქვს და თანახმაა მისი ბავშვი უნარშეზღუდულებთან ერთად იყოს, უკვე დიდი წინგადადგმული ნაბიჯია.