CFA, Chartered Financial Analyst

Excel Expert

ყველა კითხვა multiple choice-ია სამი სავარაუდო პასუხით. თითო კითხვაზე საშუალოდ 1.5 წუთი გაქვს. გამოცდა ტარდება ორ 3-საათიან ეტაპად (სულ 360 წუთი 240 კითხვაზე), შუაში 2 საათიანი შესვენებით.
კიდევ რა გაინტერესებთ?

ტაბუ

მადლობ პასუხისთვის.

გადასალახი ზღვარი რამდენ პოცენტიანია და თუ არის დამოუკიდებლად ქულის გამოთვლის საშუალება რაიმე გზით? ვგულისხმობ გამოცდის ჩაბარების შემდგომ შესაძლოა თუ არა დაახლოებით გამოვთვალოთ ჩავაბარეთ თუ ვერა. თუ საუკეთესო გამოსავალი უბრალოდ მაქსიმალურად ყველას ამოხსნაა?

Excel Expert

არ არსებობს გადასალახი ზღვარი - ყოველ წელს იცვლება და წინასწარ თვითონაც არ იციან - შედეგებით საზღვრავენ ტესტების იმწლევანდელ სირთულეს და შემდეგ აფასებენ შესაბამისად.
ანუ, გადიხარ იმ შემთხვევაში, თუკი კონკურენტებს ჯობნი, შესაბამისად უნდა ამოხსნა ყველა.

გამარჯობა. ძალიან მინდა კვალიფიკაციის ამაღლება და ACCA-ისა და CFA-ის კურსის გავლა.
ადრე სამაგისტრო პროგრამაზე ვსწავლობდი ერთ-ერთ უნივერსიტეტში, მაგრამ იმედგაცრუებული ვარ, ტყუილუბრალოდ დავკარგე რამდენიმე წელი.
გთხოვთ მირჩიოთ, საქართველოში კარიერული წინსვლისთვის სჯობს ჯერ CFA დავიწყო თუ ACCA? ბანკში მუშაობის გამოცდილება არ მაქვს.
უმაღლესი მათემატიკის ცოდნა აუცილებელია CFA - ის ჩასაბარებლად?

ვინცხა-მაღვალაკი

გააჩნია რა მიმართულებით აპირებთ მომავალში მუშაობას?

Thea11

გრანდიოზული გეგმები არ მაქვს. ამჟამად ბუღალტერი ვარ. ვერ ვიტყვი, რომ ფინანსები, საბანკო სფერო ან ეკონომიკა ჩემი განსაკუთრებული ინტერესის სფეროა. უფრო მენეჯმენტი/ოპერაციები/ინჟინერია მაინტერესებს. მაგრამ ჩემს ასაკში პროფესიის შეცვლა უკვე გვიანაა. არც ბევრი ფულის გამომუშავება მინდა. უბრალოდ, ვცდილობ, სტაბილური და საშუალო/საშუალოზე მაღალი შემოსავალი მქონდეს.
ACCA - ის თემაში ერთი-ორი გვერდი წავიკითხე და ცოტა არ იყოს, ზედმეტად გაწელილ და ბიუროკრატიულ სისტემად მომეჩვენა. ზოგადად, მოქნილობა და დამოუკიდებლად, დისტანციურად სწავლა და მეცადინობა მირჩევნია. მგონი ამ კუთხით CFA-ის ჩაბარების პროცესი უკეთესია. მაგრამ ასევე მაინტერესებს რეალურად რა ცოდნას მომცემს პიროვნული განვითარებისა და საქართველოში დასაქმების პერსპექტივების მხრივ.

ვინცხა-მაღვალაკი
გამარჯობა.
ძნელია ვინმემ კომპეტენტურად გირჩიოთ - ან ერთი გვაქვს გავლილი და ან მეორე ზოგადად ACCA-ები აუდიტორები, IFRS აღრიცხვის სპეციალისტები, მთავარი ბუღალტრები ხდებიან ხოლმე, CFA-ები კი ანალიტიკოსები, ინვესტიციების სპეციალისტები და ფინანსური დეპარტამენტების ხელმძღვანელები. ACCA სწორებას უფრო IFRS-ის ცოდნასა და ანგარიშგების შედგენაზე აკეთებს, CFA კი ამ ანგარიშგების შეფასებასა და საინვესტიციო გადაწყვეტილებების მიღებაზე. თუმცა ბევრ ერთსადაიმავე დისციპლინას კი ვსწავლობთ (მიზნობრიობის სპეციფიურობის გათვალისწინებით).
უშუალოდ სწავლას და ჩაბარებას რაც შეეხება: მიუხედავად იმისა, რომ ACCA-ს ბოლომდე მისაღწევად 14 (მგონი) გამოცდის ჩაბარება გიწევთ, ხოლო CFA-ისთვის 'სულ' 3-ის, ამით CFA არც უფრო ადვილია და არც უფრო მალე მორჩებით. ACCA-ის თითო გამოცდა თითო საგანია, ერთდროულად ორი (მეტიც) საგანი შეგიძლიათ აირჩიოთ და წელიწადში მგონი 3-ჯერ შეგიძლიათ გამოცდაზე გასვლა. ლექციებზე სიარული სულაც არაა აუცილებელი, რაც ასევე არ ზღუდავს მოქნილობას. CFA -ის თითო გამოცდაზე კი ერთდროულად 10 (მესამე დონეზე 7) საგანს აბარებთ, პირველი დონის გამოცდა წელიწადში ორჯერაა, მეორე და მესამე დონისა კი მხოლოდ თითოჯერ. და 10 საგნის (რაც 6 წიგნშია თავმოყრილი) ჩაბარება ერთ ჯერზე, დამეთანხმეთ, რომ რთული იქნება, ხოლო სრული სამი გამოცდის ჩაბარებას (თუკი პირველივე ჯერებზე მოახერხებთ) სულ ცოტა 3 წელი სჭირდება. ამ სირთულის სანაცვლოდ იღებთ ძალიან წონიან სერთიფიკატს (სამივე დონის გამოცდის ჩაბარების და შესაბამისი 48 თვიანი სამუშაო გამოცდილების შემდეგ), რომელსაც წონა აქვს საზღვარგარეთაც, აღიარებული ფინანსების ოქროს სტანდარტად, მიიჩნევა ევროპული მაგისტრატურის ექვივალენტად და ანაზღაურდება უფრო მეტად. ასევე უნდა გითხრათ, რომ CFA-ის მხოლოდ პირველი ან პირველი და მეორე დონეებიც წონიანია და მსუყედ აისახება როგორც თქვენს ცოდნაზე, ასევე ანაზღაურებასა და პოზიციაზეც (წესით).
CFA-სთან შეჭიდებას თუ გადაწყვეტთ, გირჩევთ გაეცნოთ ჯერ მასალებს - თუ შეძლებთ, რომ საკმარისი დრო დაუთმოთ სწავლას. რთულია, მაგრამ შედეგი ამად ღირს.

This post has been edited by ტაბუ on 17 Jul 2016, 06:48

ტაბუ
კარგად გაქვთ ყველაფერი ახსინილი, მეტიც, ძალიან საინტერესოდ. უბრალოდ, ACCA-ს სერტიფიკატის წონაზეც ზუსრად იგივეს დავწერდი და CFA-ზე დაწერეთ ზოგადად, არსი და მიმართულება ერთია, მაგრამ სხვადასხვა სფეციფიკაა დამეთანხმებით და ერთმანეთის შედარება ალბათ რელევანტური არ იქნებოდა. მე პირადად ACCA ვარ, ასევე მახსოვს მეგობარი რასაც მეცადინეობდა დაახლოებით CFA-ს ამთავრებს (ბლექ სქოულზს გაიძახოდა ხშირად , რაც მერე სხვათაშორის მეც გავიარე P4-ში ოღონდ იქ ბლექ შოლცი ერქვა ) და ყოველივე ამის შემდეგ, ვთვლი, რომ მსოფლიოში საუკეთესო სასწავლებლებია, CIMA-სთან ერთად, რასაც დიდი სიამოვნებით გავივლიდი...

This post has been edited by Krusty_the_Clown on 17 Jul 2016, 12:52

ტაბუ

გამარჯობა,

უშუალოდ სწავლის პროცესში აქვს თუ არა მნიშვნელობა წიგნების რიგითობას ? მაგალითად მსურველმა აუცილებლად უნდა გაიაროს ჯერ ეთიკა და რაოდენობრივი ანალიზი (ეთიკა ალბათ ყოველთვის შეიძლება ისწავლო, აქცენტი უფრო რაოდენობრივ ანალიზზე მაქვს) და შემდგომ ეკონომიკა, კორპორატიული ფინანსები და ა.შ. ?

სხვა სიტყვებით, არის თუ არა თითოეული წიგნი, მის რიგით შედგომი წიგნის აუცილებელი წინაპირობა ეფექტური შესწავლისთვის?

Excel Expert
სასურველია რაოდენობრივი ანალიზი ისწავლო ჯერ, კორპორატიული ფინანსები თითქმის მთლიანად ამაზეა აგებული

ტაბუ
Krusty_the_Clown

გმადლობთ, დიდი მადლობა. გავითვალისწინებ თქვენს რჩევებს

Krusty_the_Clown

ნამდვილად არ მიფიქრია ACCA-ს დაკნინება - რაც ვიცი ACCA-ს შესახებ, ის დავწერე. CFA-ზე მეტი ინფორმაცია ამქვს და ეგ გავშალე

Excel Expert

სასურველია. ზუსტად ვერ გავიხსენებ, რომელი დისციპლინა რომელ სხვაში გამოგადგებათ, მაგრამ ვაითუ?
ერთადერთი, ეთიკა თავისუფლად შეგიძლიათ მოიტოვოთ ბოლოსთვის.
გადახედეთ წონებს - რომელი დისციპლინა რა წილით იქნება წარმოდგენილი გამოცდაზე (პირველ და მეორე დონეებზე ყველაზე მსუყედ სწორედ ეთიკის საკითხები მოდის) და მათ განსაკუთრებული ყურადღება დაუთმეთ.
წარმატებები!

ვინცხა-მაღვალაკი
არაფრის და წარმატებები!

ტაბუ
Bloomy

მადლობთ.

პირველი და შემდგომი დონეების ჩაბარებისას გაიცემა თუ არა ამის რაიმე დამადასტურებელი დოკუმენტი?

ჩავაბარე Level I-იიი
* * *

გრანდიოზული გეგმები არ მაქვს. ამჟამად ბუღალტერი ვარ. ვერ ვიტყვი, რომ ფინანსები, საბანკო სფერო ან ეკონომიკა ჩემი განსაკუთრებული ინტერესის სფეროა. უფრო მენეჯმენტი/ოპერაციები/ინჟინერია მაინტერესებს. მაგრამ ჩემს ასაკში პროფესიის შეცვლა უკვე გვიანაა. არც ბევრი ფულის გამომუშავება მინდა. უბრალოდ, ვცდილობ, სტაბილური და საშუალო/საშუალოზე მაღალი შემოსავალი მქონდეს.
ACCA - ის თემაში ერთი-ორი გვერდი წავიკითხე და ცოტა არ იყოს, ზედმეტად გაწელილ და ბიუროკრატიულ სისტემად მომეჩვენა. ზოგადად, მოქნილობა და დამოუკიდებლად, დისტანციურად სწავლა და მეცადინობა მირჩევნია. მგონი ამ კუთხით CFA-ის ჩაბარების პროცესი უკეთესია. მაგრამ ასევე მაინტერესებს რეალურად რა ცოდნას მომცემს პიროვნული განვითარებისა და საქართველოში დასაქმების პერსპექტივების მხრივ.

აუდიტორად ვმუშაობდი რამდენიმე წელი და ACCA-ს ხუთი წიგნიცმაქვს ჩაბარებული; ეხლა ფინანსურ ანალიტიკოსად დავიწყე მუშაობა, ACCA მივატოვე და CFA-ს Level I-ი ჩავაბარე.

ორივე საკმაოდ რთულია და ორივეს შემთხვევაში ასობით საათი მეცადინეობა მოგიწევთ; ბევრ ძალიან ჭკვიან ადამიანს ვიცნობ რომელიც ჩაჭრილან - მარტო ჭკუა არ არის საკმარისი, ორივე შემთხვევაში ტვინის დანთხევა და სასოწარკვეთამდე სწავლაა საჭირო

ჩემთვის CFA უფრო საინტერესოა რადგან ბუღალტერია დიდად არასოდეს მომწონდა და უფრო "მომავალზე ორიენტირებული" ფინანსები მაინტერესებს ვიდრე "ისტორიული ფინანსები" და ორისში გატარებები ))

საქართველოში ჩემი აზრით ACCA უფრო "ხოდშია" რადგან HR-ების უმეტესობას გაუგია რა არის ACCA და ფინანსურ დეპარტამენტებშიც ბევრი ყავთ ACCA გავლილი ან მსწავლელი ხარისხიანი კადრი.

CFA ხარისხის მქონე სულ რამდენიმე ადამიანია საქართველოში და ჩვეულებრივ კომპანიებში კი არა ბევრ ბანკშიც არ გაუგიათ CFA რა არის.

ასე რომ თუკი ბუღალტერიაში ან რეპორტინგში გინდათ საქმიანობის გაგრძელება ცალსახად ACCA უნდა ჩააბაროთ, თუკი უცხოეთში წასვლა ან უფრო "ნავაროჩენ" საინვესტიციო კომპანიაში გინდათ მუშაობა მაშინ CFA.

ვინცხა-მაღვალაკი

ხეირი ნახე
ტაბუ

არც მე მიფიქრია, რომ აკნინებთ) არც იმის ილუზია მაქვს, რომ აქ ნაწერით (ნებისმიერ კონტექსტში) ACCA დაკნინდება ) უბრალოდ, მაინც არარელევანტურად მიმაჩნია ამ ორი სასწავლებლის შედარება და ჰა... აი, CPA რომ შეადარო ACCA-ს, ალბათ ადეკვატური იქნებოდა... უბრალოდ სრუქტურულად სხვადასხვა მიდგომები აქვთ, პირველი უფრო ფართო განათლებას იძლევა, მეორე უფრო ვიწროს, მაგრამ ღრმას. მოკლედ, ორივე ძალიან დასაფასებელი სასწავლებელია, უბრალოდ, ჩემი სიმპათია ბრიტანეთისკენ იხრება
ჩემი_ძმა

მთლად ვერ დაგეთანხმებით, ინვესტიციები, გადაწყვეტილებები, კაპიტალი და ყველა ფინანსური ინსტრუმენტი P4-ში დაწვრილებითაა განხილული...