იყო,მაგრამ დაჩეხილ-დამახინჯებული...
ტოჟე ძველია, ტოჟე საყვარელია,ტოჟე მაგარია
Горескоп ანუ როგორ გამოავლინოთ არამზადები ზოდიაქოს ნიშნის მიხედვით
ეროვნულ ვარიანტში "სინსილა გაწყდა!"
ვერძიროგორ ამოიცნობთ: დაიწყეთ თხილით ჟონგლირება და თუ ვინმე მათ დაჭერას პირით შეეცდება,სავარაუდოდ ეს ვერძია. თუ ამასთან მკერდზე მღიჯებიც დაირტყა და ტანსაცმლიდან მტვერს გაშორებთ,ეჭვი არაა_თქვენს წინაშე ყველაფერში პირველობის მოყვარე ვაცი დგას.
როგორ დააინტერესოთ: მოიქეცით რაც შეიძლება ხმაურიანად,თავხედურად და გამომწვევად,რათა მან თქვენში მონათესავე სული ამოიცნოს. იმავდროულად თქვენი ნატურის რბილი და ქალური მხარეები წარმოაჩინეთ,რომ მის მამაკაცურობას საფრთხე არ შეექმნას.
პირველ პაემანზე ან ზოოპარკში წაგიყვანთ ნათესავების გასაცნობად; ან რესტორანში,სადაც ნებას დაგრთავთ, ჭამოთ და სვათ,რამდენიც მოგესურვებათ,თუმცა უთუოდ აღშფოთდება,თუ თქვენ სალაპარაკოდ გააღებთ პირს.
როდის შეიძლება "საქმეზე" გადასვლა?_ ყოველთვის!
თუ მიგატოვებთ: დაივიწყეთ,ვერძს საკუთარი შეცდომების აღიარების უნარი არ აქვს,ამიტომ გამორიცხულია,თქვენთან დაბრუნდეს და განაცხადოს,რომ მართალი არ იყო.
თუ მიატოვებთ: თქვენს დევნას დაიწყებს,რადგან ვერასოდეს შეიგნებს,რომ მისი მამაკაცური მომხიბვლელობის მიმართ გულგრილი ხართ.
ქალთა სილამაზის შესახებ მითებისა და თანასწორუფლებიანი სექსის თანამედროვე ტენდეციებისგან დაბნეული ვერძი,სამკვდროდ იცავს მამაკაცის ქალზე აღმატებულობის იდეას. მას ენატრება ის დრო,როდესაც კაცი კაცობდა და ქალი მადლიერი იყო ამისთვის. ვერძი სავსეა მამაკაცური შოვინიზმით. მისი მენტალობისთვის ტიპური მახასიათებელია მიიჩნიოს,რომ ყოველი მამაკაცი,რომელიც რომანტიული ღამის მოსაწყობად, არომატიზებულ სანთლებს ყიდულობს, შეშლილი პედერასტია.
თუ თქვენ წილად გხვდათ ჩაკეტილ სივრცეში, ვერძთან პირისპირ დარჩენის გამოცდა, ყველაფერს აჯობებს, დადუმდეთ და დროდადრო ღიმილით დაუქნიოთ თავი. ქართული ენა(ისევე როგორც სხვა ნებისმიერი) მისთვის ცოტა უცხოურია. გრგვინვა_აი, მისი გარესამყაროსთან ურთიერთობის საშუალება. და გრგვინავს ის მხოლოდ საკუთარ თავზე,საკუთარ სამსახურზე,საკუთარ სპორტულ მიღწევებზე და კიდევ იმაზე,როგორ ჩამოგლეჯდა ამ კუდაბზიკა ფემინისტებს ქედმაღლობის ნიღაბს ერთხელ მაინც რომ....ნუ,თქვენ თვითონ ხვდებით,რაც.
ცხადია,ამ ძერსკი რომეოს აზრით,სექსი და სინაზე აბსოლუტურად შეუთავსებელი ცნებებია. მოკლედ,თქვენ ვერ მოახერხებთ "მოდუნებას და სიამოვნების მიღებას". სექსუალური გამძლეობის აშკარა უკმარისობის ფონზე,არამზადა ვერძი პირდაპირ ბიოლოგიურ მოთხოვნილებას განიცდის,თითქმის პირველყოფილი ცხოველური აზარტით, სდიოს უამრავი რაოდენობის,ყოვლად უდანაშაულო ქალს. გაითვალისწინეთ,რომ ის მოქმედებს ტრაქტორის მოქნილი დელიკატურობით,ასე რომ ღვთის გულისათვის,არც კი სცადოთ მისი უხეშად მოცილება, უფრო "დელიკატური" გახდება.
ვერძი მთელი თავისი არსებით,ორივე ხელით და ფეხით(რქებითაც) ერთგულებისა და თავდადების მომხრეა. თქვენი ერთგულების და თავდადების. ვერძიც გიერთგულებთ,სანამ სრულყოფილებას შეინარჩუნებთ...მაგრამ თქვენ ხომ ადამიანი ხართ?! და ის უსასრულოდ შეგახსენებთ ამას. თუ თქვენ მოგწონთ იმის მოსმენა,რომ გაწეწილი თმები გაქვთ,ცუდად ატარებთ მანქანას და არ გაწყენდათ ფსიქიატრთან ვიზიტი,გარისკეთ_არ ააცილებთ.
თუ თქვენ გიყვართ, როდესაც გამუდმებით მიგითითებენ რა,სად და როგორ უნდა აკეთოთ,მაშინ ვერძი თქვენი ოცნების მამრია.
კუროროგორ ამოიცნობთ: უჩვეულო თავის ფორმის,ხბოს მორჩილი გამომეტყველებისა და მზარდი ღიპუცას წყალობით,კუროს სხვა ნიშნებში არევა უბრალოდ წარმოუდგენელია.
როგორ დააინტერესოთ: შეეცადეთ,გამოიყურებოდეთ რაც შეიძლება გულგრილად. თავი მოაჩვენეთ ისე,თითქოს სავარძელს შეეზარდეთ და ფანჯრის მიღმა გადამფრენ ყვავებს ადევნებთ თვალყურს. როცა გაგიღიმებთ,არ მისცეთ რეაქცია და იქვე გაშოტილ ლაბრადორს მიაშტერდით. არც ამან გიშველათ? მაშინ დაყრუვდით და ჟესტების ენით აუხსენით უარი. კვლავაც არ ეპუება თქვენს "არას"?დამუნჯდით,მაგრამ არავითარ შემთხვევაში არ უთხრათ "დიახ".
პირველ პაემანზე თქვენი ეკლებიანი წინააღმდეგობის მიუხედავად,სავარძლიანად,იქ გაგაქანებთ,სადაც მოეპრიანება. მხედველობის არეში მოხვედრილ ყველა საკვებს გადასანსლავს, ხოლო თქვენ თავაზიანად მოგანიჭებთ საშუალებას, მიირთვათ ნებისმიერი რაოდენობის სასმელი,იმედოვნებს რა, რომ თავდავიწყებას მიეცემით.
როდის შეიძლება "საქმეზე" გადასვლა? დაიკავეთ თავდაცვითი პოზიცია! მედგრად იდექით! ბოლომდე შეეწინააღმდეგეთ!
თუ მიგატოვებთ: არ მიგატოვებთ, შეუპოვრობა მისი ერთადერთი ღირსებაა. თქვენ თვითონ მიატოვეთ!
თუ მიატოვებთ: მოთმინებით დაიცდის,სანამ თქვენს საბედისწერო შეცდომას გაიაზრებთ. თუ ვერასოდეს გაიაზრეთ,მაინც დაგელოდებათ.
სვამთ დამამშვიდებელ აბებს; ეძებთ ახალ სამსახურს,ბანკს,საცხოვრებელ ქვეყანას...ერთი სიტყვით,ცდილობთ აზრზე მოხვიდეთ მორიგ მახინჯთან განშორების შემდეგ. კუროზე უკეთ ვერავინ შეძლებს თქვენზე ზრუნვას და სწორ გზაზე გაყვანას. მთელს სამყაროში მხოლოდ მან იცის, რა გჭირდებათ და მზადაა ეს ყველაფერი უზრუნველყოს. სხვათა შორის წამოგცდათ,რომ სადმე გამგზავრება კარგი იქნებოდა? გაიგო. შეუკვეთა. გადაიხადა. სად?..რა საჭიროა ამის ცოდნა? მაგალითად,პოლონეთში, თქვენ იქ ძალიან მოგეწონებათ.....მოგეწონებათ-თქო!!!
საოცარია ღმერთმანი,როცა კურო თქვენი ცხოვრების გაფუჭებით არ არის დაკავებული,ქრონიკულ სიზარმაცეს ეძლევა და თითსაც არ გაანძრევს საკუთარი თავისთვის,თუ უკიდურესად მძიმე გარემოებები არ უბიძგებს იძულებით ღონისძიებებს მიმართოს,ვთქვათ,მაცივარი ან ბარი გამოაღოს.
ამ ზარმაცას ჩვევები სექსუალურ ცხოვრებაშიც კარგს არაფერს გიქადით. მართალია,ვერტიკალურ მდგომარეობაში ყოველთვის მბრძანებლობს,მაგრამ ჰორიზონტალურში _ უპრობლემოდ დაგითმობთ მხედრის პოზიციას.
დაივიწყეთ გვერდზე ფლირტი და გართობა. საკმარისია,ვინმემ მხოლოდ მზერა გამოაპაროს თქვენი მიმართულებით ან უწყინარ თემაზე გამოგელაპარაკოთ ერთი-ორი სიტყვით,კურო მას ამ ტანჯულ წუთისოფელს გამოასალმებს. აი, თქვენ მაშინვე არ დაგსჯით. ჯერ დაიწყებს თქვენი "უწყინარი" გართობების ფიქსირებას თავის წარმოსახვით ტაბლოზე და როდესაც თქვენი კრედიტი ამოიწურება, მშვიდად გაგეცლებათ. კუროს მოქმედების ტაქტიკა სრულიად აგირევთ თავგზას,რადგან მოთმინების ფიალა შესაძლოა აავსოს იმ,თქვენი აზრით, თითქოს უმნიშვნელო ფაქტმა, რომ თქვენ სახლის გზაზე პროდუქტების ყიდვა დაგავიწყდათ.
ამის შემდგომ თქვენ მთელი დარჩენილი ცხოვრება ტვინს იმტვრევთ იმაზე ფიქრით, რომ მხოლოდ იმიტომ მიგატოვათ, რომ რძის ყიდვა დაგავიწყდათ და არა იმიტომ, რომ მის საუკეთესო მეგობართან ადგამდით რქებს და ამისთვის დაისაჯეთ.
ტყუპები როგორ ამოიცნობთ: ესესაა თქვენ გესაუბრებოდათ და აი,უკვე სადღაც ჰორიზონტზე გაიელვა.
როგორ დააინტერესოთ: ნუ მოითხოვთ მისგან თანაგრძნობას,თანმიმდევრულობას,ერთგულებას,მის საზოგადოებას. ნუ ეკითხებით სად მიდის,როდის დაბრუნდება ან დაბრუნდება თუ არა საერთოდ.
პირველ პაემანზე: დატკბით. ის ძალიან ყურადღებიანი იქნება. ჯერ ხომ არ მობეზრებიხართ ?!
როდის შეიძლება "საქმეზე" გადასვლა? რაც შეიძლება სწრაფად. ყოველ დღე ხომ არ მოგეცემათ ჯგუფური სექსით დაკავების შესაძლებლობა?
თუ მიგატოვებთ: ეს სულაც არ ნიშნავს იმას,რომ თქვენს მიმართ გაცივდა. მას უბრალოდ დაავიწყდით. მოაწყვეთ "შემთხვევითი შეხვედრა",ის იფიქრებს, რომ საიდანღაც ეცნობით,ვიღაცას აგონებთ და აჰა,შეგიძლიათ (თავიდან)დაიწყოთ მასთან შეხვედრები.
თუ მიატოვებთ: მოულოდნელად აღმოაჩენს,რომ თქვენს მიმართ ღრმა გრძნობები ჰქონია,რომელიც თქვენ ატკინეთ. საშინელებაა!..შეუქცევადია!..მისი გული გატეხილია...სული აფორიაქებული...ესე როგორ მოექეცით?!. თქვენ..თქვენ...ნუ,მოკლედ რაც გქვიათ რა.....
ურთიერთობა ტყუპებ არამზადაში დიდ ენთუზიაზმს არ იწვევს. მას არასოდეს აწყობს შეხვედრის დრო; ინტიმურობა წნეხის ქვეშ აქცევს, მონოგამია ბეზრდება. ნებისმიერ შეზღუდვას წყობიდან გამოჰყავს. მარტო იმაზე ფიქრსაც კი,რომ მარტონი უნდა დარჩეთ,საშინელებამდე მიჰყავს. ამას ხომ დაახლოება მოჰყვება? უცებ მის სულში ჩაძვრომა რომ მოინდომოთ?სულში ვიზიტორების ტყუპებს ეშინია,რადგან თავადაც ვერ გარკვეულა,რა უტრიალებს იქ. ამიტომაც ურჩევნია მის რიგით ნაცნობების სიაში ირიცხებოდეთ,ქორწინების შემდეგაც კი.
ამ არამზადას დემონთა მთელი სამყარო სდევს უკან. მასში ბევრი "მე" ცხოვრობს:
-პირველ რიგში,მარად ოთხი წლის ბავშვი,რომელიც მორიგეობით ხან ანგელოზია(როცა სძინავს),ხანაც_ ხორცშესხმული ეშმაკი(მთელ დანარჩენ დროს).
-კიდევ არის ნახმარი ავტომობილებით მოვაჭრე. სწორედ მისი წყალობით დაუკავშირდით თქვენ არამზადა ტყუპებს.მასზე უკეთ არავინ იცის,როგორ გაასაღოს ჩაწოლილი საქონელი. -და იმას თუ იცნობთ,თქვენს გარდა,ყველა და ყველაფრით რომ ინტერესდება?თუ თქვენ ტყუპები თავქარიანად გეჩვენებათ....არაფერიც არ გეჩვენებათ,ასეცაა.
-არსებობს კიდევ ნერვული და მუდმივად აღგზნებული ტყუპები,რომელსაც ყოველთვის რაიმე "მაგარი სასმელი" წყურია და დაძაბულ სიტუაციებში ქაოტურად ფუსფუსი უყვარს.
-და ბოლოს ტყუპების საქმიანი ვარიანტი. საკმარისია,რაიმე გაუჭირდეს და რთულ ვითარებაში აღმოჩნდეს,საშველად სწორედ ამ "მეს" უხმობს_ცივსისხლიანია, გამთვლელი,ცინიკური და სასტიკი. გაიძულებთ ისეთი დანაშაულები აღიაროთ,ყურიც რომ არ მოგიკრავთ.
მთელი ამ სოდომის გამო,ტყუპები მუდმივად იცვლის აზრებს და შეხედულებებს. დღეს ნათქვამს,ხვალ ყოველგვარი მნიშვნელობა ეკარგება,ან დღესვე. ეს ყველაფერი განპირობებულია მასში თავმოყრილი მრავალი ალტერ ეგოს ჰარმონიული თანაცხოვრების აუცილებლობით.....ან უბრალოდ ორპირი ნაძირალაა.
თუ ტყუპებმა ერთი კვირით ადრე კინოში დაგპატიჟათ და შეთანხმება არ დაარღვია,შეგიძლიათ ჩათვალოთ, რომ ხანგრძლივვადიანი ვალდებულება იტვირთა და დაგზავნოთ საქორწინო მოსაწვევები.
კირჩხიბი როგორ ამოიცნობთ: ზრდასრული მამაკაცი გატუტუცებული ბავშვის ჩვევებით,უთუოდ კირჩხიბია. ის არ შეშფოთდება, თუ დედიკო დავარცხნის ან დანერწყვილი ხელსახოცით სახეს გაუწმენდს,თუნდაც 38 წლის იყოს.
როგორ დააინტერესოთ: უთხარით,რომ დედამისი მოგწონთ; უთხარით, რომ თავად ის მოგწონთ; უთხარით,რომ...... გულწრფელად გაინტერესებთ? - ორივე სასწრაფოდ მოიცილეთ თავიდან.
პირველ პაემანზე დაგპატიჟებთ საკუთარ დამზადებულ სადილზე,რადგან ეს რესტორანზე ბევრად იაფი დაუჯდება.
როდის შეიძლება "საქმეზე" გადასვლა? როცა სამარადისო სიყვარულს შემოგფიცავთ,რასაც ძალიან მალე გააკეთებს.
თუ მიგატოვებთ: ამით ის თქვენ ფასდაუდებელ სამსახურს გაგიწევთ და რადგანაც კირჩხიბს მსგავსი კეთილშობილური საქციელი არ სჩვევია,მისი მადლიერი უნდა იყოთ. თუმცა არამზადა კირჩხიბს არ უყვარს მარტოობა და სულ მალე უკან მოფორთხდება გულამოსკვნილი სლუკუნით.
თუ მიატოვებთ: ღრიალით გავარდება დედასთან,რომლის იზულებითაც უკან მოგთხოვთ ყველა საჩუქარს,რაც კი დედის პენსიით გიყიდათ. ვიმედოვნებთ,თქვენთვის არც ისე ძვირფასი იყო "1001 მარტივი გაკვეთილი გემრიელი კერძების მოსამზადებლად" კულინარული სახელმძღვანელო.
თუ თქვენ კირჩხიბი შეგიყვარდათ,უფალი იყოს თქვენი შემწე. იმის იმედად თუ იქნებით,რომ დედამისმა სამარადისო განსასვენებელი ჰპოვა,თორემ თუ ის მაწაკი ბებრუხანა ცოცხალია,არანაირია შანსი არ გაქვთ. დედასთან ურთიერთობა ხომ კირჩხიბის მთელი არსებობის ქვაკუთხედია. კიბო ან გამოთაყვანებულია დედისადმი სიყვარულით,ან სასტიკად ვერ იტანს და მასთან ერთად,ეზიზღება კაცობრიობის შობადუნარიანი ნახევარი,მისივე გამოთვლებით 51%.
თუმცა მაინც რეგულარულად სტუმრობს კრუხის ფრთისქვეშ და ამით საშუალებას აძლევს დედუკას, თქვენს ყოველ მარცხს თვალი ადევნოს. დაიმახსოვრეთ ჩვენი სიტყვები,სულ მალე აუცილებლად აღმოჩნდება,რომ თქვენ მისი შვილიკოს შესაფერისი არ ხართ! მაგრამ თავის პაწიას არაფერს ეტყვის. შეხვედრებისას დედილო ვაზელინად დაიღვრება. უხვად აგივსებთ თეფშს კალორიებით-საკუთარ გაბარიტებამდე მიყვანის იმედით. ხოლო როცა თქვენ თავაზიანად იუარებთ "დამატებას", მზრუნველად გკითხავთ,რაიმე პრობლემები ხომ არ გაწუხებთ საჭმლის მონელებასთან დაკავშირებით. რაც კირჩხიბს მართლა ვირტუოზულად ეხერხება,ეს არის გაბუტვა. არც კი სცადოთ გამოარკვიოთ რა სჭირს,მაინც მოკლედ მოგიჭრით :"არაფერი!" მისი გამხნევების ერთადერთი საშუალება საჩუქარია. სასურველია იყოს რაიმე ძველებური და ძვირფასი,რაც მას მოაგონებს....თქვენ თვითონაც იცით, ვის.
გამოუწერეთ მსუყე ჩეკი,რომ განცხრომაში იცხოვროს. დედუკას აზრით,მისი პაწია მხოლოდ საუკეთესოს ღირსია. ის არასოდეს ართმევდა შვილს ფულს სახლისთვის და ამიტომ კირჩხიბი მიჩვეულია ფულის პრანტვას. თუ ფული თქვენზეც შემოეხარჯა,იმდენად შეწუხდება,მთელი თვე გულში ატარებს ბოღმას. ამიტომ თუ გულგათანგულმა კირჩხიბმა ძლივს გამოსცრა კბილებიდან,რომ თქვენთვის საჩუქრის ყიდვა სურს,აიკლეთ მადლობებით. შემდეგ შეუმჩნევლად დააბრუნეთ საჩუქარი ჩამოფასებული საქონლის სექციაში და ფული ანგარიშზე დაუსვით.
ლომი როგორ ამოიცნობთ: პროჟექტორის სხივით განათებულ ყველაზე მომგებიან პოზიციაში დგას.
როგორ დააინტერესოთ: აღტაცებით მიაშტერდით და როგორმე შეჰკადრეთ,რომ გსურთ მასავით ლამაზი,ჭკვიანი,გაბედული და ა.შ. იყოთ. შეგიძლიათ სარკე ჩამოიკიდოთ და საერთოდ გაჩუმდეთ.
პირველ პაემანი სასიამოვნო იქნება. ჯერ ხომ არ მოგისმენიათ მისი ისტორიები საკუთარ თავზე?ამიტომ გასართობად მოგეჩვენებათ და მეორე პაემანზეც გაქაჩავს.
როდის შეიძლება "საქმეზე" გადასვლა? მესამე პაემანზე. მაინც რაიმე უნდა მოიმოქმედოთ, მისი გენიალური თავგადასავლების განმეორებით მოსმენა რომ აიცილოთ თავიდან_შესანიშნავი საშუალებაა მისი ყურადღების გადასატანად. რა თქმა უნდა,თქვენ ახლა ფიქრობთ,რომ მარტივი გამოსავალი იქნება, ყურები დაიხშოთ ან საერთოდ აღარ შეხვდეთ,მაგრამ ეს პარაგრაფი ლომის ვერსიის შესაბამისად იწერება და ამიტომაც მესამე პაემანზე თქვენ უკვე ყურებამდე შეყვარებული ხართ მასზე და მის გარეშე ცხოვრება აღარ შეგიძლიათ.
თუ მიგატოვებთ თქვენ რა,მის ფერხთით გართხმულ პრივილეგირებულ მდგომარეობას მუშაობა ამჯობინეთ?...აააა,საკუთარი აზრებიც გაქვთ?..ეგრეც მოგიხდებათ!
თუ მიატოვებთ სრულიად გამორიცხულია,რომ თქვენ,საკუთარი ნებით,მისი მიტოვება მოინდომოთ! (არ დაიბნეთ ეხლა,ისევ ლომის ვერსიის შესაბამისად)
თუ თქვენ ჯერ კიდევ ვერ მიხვდით,ვისთან გაქვთ საქმე,გთავაზობთ პიესას,ლომის ავტორობით.
* შესავალი შენიშვნა : მიუხედავად იმისა,რომ ეს მისი უბრწყინვალესობა ბატონი ლომის დებიუტია,ჩვენ უნდა ვაღიაროთ(აბა, გავბედავთ და ნუ ვაღიარებთ),რომ ეს პიესა წარმოადგენს ყველაზე გენიალურ დადგმას,რაც კი რამ დადგმულა.
ბატონებო და უპირატესად ქალბატონებო თქვენს წინაშეა
"ლ ო მ ი ს ს ი ყ ვ ა რ უ ლ ი "შემოქმედებითი ჯგუფი:სცენარის ავტორი - ლომი
რეჟისორი - ლომი
პროდურესი - ლომი
როლებში:ლომი- ასრულებს თავად ლომი(ლამაზმანი,რომლის გარშემოც ვითარდება ყველა მოვლენა)
მშვენიერი ასული - თქვენ (მეორეხარისხოვანი,მაგრამ მნიშვნელოვანი როლია მთავარი პერსონაჟის ხასიათის გასახსნელად)
კიდევ უფრო მშვენიერი ასული,თქვენი მეტოქე_ასრულებს უმა თურმანი(ამ როლზე ოცნებობდა მსოფლიოს ყველა ქალი. ლომმა სცენარში შემოიყვანა იმისთვის,რომ თქვენ დააფასოთ მისი მოწყალება,როდესაც მთავარი გმირი არჩევანს თქვენს სასარგებლოდ გააკეთებს).
გაცილებით უინტერესო მამაკაცი - ასრულებს რომელიმე სტატისტი; ნუ,მაგალითად,ვინმე ბრედ პიტის პონტში (ლომის ეშმაკური სიუჟეტური სვლაა,რომ წარმოჩინდეს ყველა სხვა მამაკაცის არარაობა ლომის ფონზე).
მოსამსახურე - ისევ თქვენ.
აღფრთოვანებული პუბლიკა - მსოფლიოს ყველა ქალი.
აქტი პირველიმისაღები. სამი მეორეხარისხოვანი პერსონაჟი(იხ.ზემოთ) ტანჯვით უცდის მომაჯადოებელი ბატონის უბრწყინვალეს გამოსვლას. გადის მოლოდინისგან დაძაბული რამდენიმე წუთი,კარი იპობა,შემოდის ლომი.
ლომი (მედიდურად თვალს შემოავლებს დამსწრეთ): " რატომ მოგიწყენიათ? ბატონის ბრწყინვალე საზოგადოება ხომ არ მოგენატრათ? "
აღფთოვანებული პუბლიკის ბობოქარი აპლოდისმენტები არ წყდება მთელი 5 წუთის განმავლობაში.
მშვენიერი ასული და კიდევ უფრო მშვენიერი მეტოქე:"ოჰ,დიახ! ჩვენ ისე გვაკლდით,უთქვენოდ მზე არ მზეობს,ჩემო ბატონო."
ლომი:" მაშინ დავლიოთ,სად არის მოსამსახურე?"თვალებით თქვენ გეძებთ,"რაიმე დასალევი მოგვიტანე,ძვირფასო".
მშვენიერი ასული ბრძანების შესასრულებლად მიემართება.
გაცილებით უინტერესო მამაკაცი:"ბეე..ფლჰ..უუ...ჭყ"(ხვდება,რომ საუბრის ხელოვნებაში ლომამდე ბევრი უკლია,ამიტომ გარბის და ამ საქციელით უნებურად აღიარებს ლომის უდავო უპირატესობასა და აღმატებულებას).
მშვენიერი ასული ბრუნდება ლანგრით ხელში,რომელზეც სიყვარულით დაუწყვია სხვადასხვა დახვეწილი სასმელი.
ლომი:"ღღღ..ზუსტად ის არის,რაც მინდოდა!"
კიდევ უფრო მშვენიერი ასული თავპირისმტვრევით მიექანება სამზარეულოსკენ,ლომის კეთილგანწყობის მოპოვების იმედით.
ლომი(სასწაულ დაკვირვების უნარს ავლენს): "როგორც იქნა,მარტონი ვართ"
ფარდა
აღფრთოვანებული პუბლიკა თავს ვეღარ იკავებს ადგილზე და ფეხზე წამომხტარი ორსაათიან ოვაციებს უწყობს პიესის ზე-სუპერ-მეგაგენიალურ ავტორს.
folkman შენ იყო ქალწული,მეორე აქტი თუ არ დაწერო
ქალწულიროგორ ამოიცნობთ: თუ მოგეჩვენათ,რომ უკვე სადღაც გინახავთ,ასეცაა. თქვენ ალბათ საინფარმაციო გამოშვების კრიმინალურ კოლაჟში მოჰკარით თვალი ფოტორობოტს,სადაც ჟღერდა სიტყვები:"დანაშაული", "ძებნაშია", "ქალწული"...
როგორ დააინტერესოთ: "შემთხვევით" წამოროშეთ,რომ მემკვიდრეობა მიიღეთ. პარალელურად ამრეზით გაატარეთ თითი ბარის დახლზე და ზიზღით აღნიშნეთ,რა მტვრიანია.
პირველ პაემანზე წაგიყვანთ კრიშნაიდებთან,სადაც სულ რაღაც რამდენიმე თეთრად შეძლებთ მიირთვათ იმდენი ოსპის სუპი,რამდენსაც თქვენი კუჭი და შარდის ბუშტი დაიტევს. გაფრთხილდით,თუ გითხრათ,რომ ერთი შესანიშნავი ადგილი იცის_ფრიალო ხრამთან მდება რომელიმე სარდაფში ან გაუკაცურებულ ალეისკენ წაგათრევთ.
როდის შეიძლება "საქმეზე" გადასვლა? არ გინდათ!
თუ მიგატოვებთ: სრულიად თვალნათელია,რომ თქვენ ცუდად ალაგებდით სააბაზანო ოთახს ან პოლიციის არქივში ქექვისას,ძებნაში მყოფ დამნაშავის ფოტოს დაადეთ თითი, სიტყვებით:"ის არის!"
თუ მიატოვებთ: ავისმომასწავლებლად დამალავს წყენას და როცა გადაწყვეტთ,რომ როგორც იქნა, თავიდან მოიცილეთ,გამოგეცხადებათ ზურგსუკან......არაა,ყვავილების თაიგულით არა(ეგ ძვირია),ყინულსაჭრელი დანით.
გაინტერესებთ რაზე ფიქრობენ პროფესიონალი ქილერები? დაიწყეთ შეხვედრა ქალწულთან და გაიგებთ.
სრულფასოვანი ფსიქოპატისთვის ნიშანდობლივია:
*აღტაცებით აკეთოს ერთდაიგივე მოსაწყენი სამუშაო, ერთსადაიმავე დამაჩლუნგებელ მანერაში.
*არაჯანსაღი მიდრეკილება ისეთი უმცირესი წვრილმანებისადმი,რასაც არცერთი ნორმალური ადამიანი არ აქცევს ყურადღებას,რადგან ცხოვრება სავსეა გაცილებით საინტერესო მოვლენებით.
*გასაოცარი სქელკანიანობა:მაგალითად,ის ვერც კი ამჩნევს,როგორ ჭრიან მისი ნაცნობები ქუჩას,მასთან შეხვედრას რომ თავი აარიდონ.
ჩახედეთ სიმართლეს თვალებში,სიმპტომები საკმარისზე მეტია:
შეიძლება მწერებს ფრთებს არ აძრობს,სამაგიეროდ მარკების კოლექციონირება იტაცებს.
შეიძლება ლოგინში არ იფსამს,სამაგიეროდ საათობით იზუთხავს მატარებლების განრიგს.
შეიძლება ხანძრების გაჩაღებაზე არ გიჟდება,სამაგიეროდ ტვინი ეკეტება ალგებრაზე.
ყველა ეს სიმპტომი განგაშის საფუძველს იძლევა. და ქალწულისთვის დამახასიათებელი კეფისგამხვრეტი, ავადმყოფური მზერა?..რა თქმა უნდა,თქვენ შეიძლება შუქი ჩააქროთ,რომ ვერ დაინახოთ,მაგრამ მაშინ იმასაც ვერ შეამჩნევთ, როგორ ამოაცურებს ჩუმად ყინულსაჭრელ დანას.
თავისთავად ბატონი ქალწული ყურადღებით ეკიდება თქვენს დიასახლისურ უნარებს. თუ თქვენ გგონიათ,რომ აბაზანის დალაგება მარტოოდენ, შხაპის მიღებისას, ნიჟარაში საპნის ჩაგდებით შემოიფარგლება,ქალწული თავშეკავებას დაკარგავს. მერე რა?..ყველაფერს თავის პოზიტიური მხარე აქვს-სჯობს მყისვე მოგკლან,ვიდრე მთელი ცხოვრება მისი ბუზღუნი ისმინოთ. და ბოლოს ქალწულის დამოკიდებულება ფულისადმი. ჩვენ ნამვილად არ შევცოდავთ ჭეშმარიტებასთან,თუ მას ხელმომჭირნეს ვუწოდებთ. არა! ხელმომჭირნეობა ქალწულის სიძენწეს ვერ ასახავს. უფრო უპრიანი იქნებოდა საშინელი კრიჟანი,რომელიც წამსვლელია,ბრმა მათხოვარს უკანასკნელი გროში ამოაცალოს ქუდიდან.
ქალწული იმდენად უფრთხილდება ფულს,რომ სახლიდან პრაქტიკულად არასოდეს გამოაქვს. სამაგიეროდ ხალისით მოგანიჭებთ საშუალებას,ხარჯოთ საკუთარი ფული...მისთვის ახალი პიჯაკის შესაძენად,როცა ძველს ქიმწმენდაში ჩააბარებს სისხლის ლაქებისგან გასაწმენდად.
· 
ნიშნები იუმორში ll, შეხედეთ იუმორით :)
