ტკბილეულობა - დესერტები, ბლომანჟე, ფელამუში, ჩურჩხელა, ნაყინი და

მე სამხრეთ საქართველოდან კურსელი მყავდა და იმას მოჰქონდა ხოლმე თათარაში ამოვლებული ხილი ...

თათარიანი მსხალი იყო ისეთი რომ გემო ახლაც მახსოვს ვაშლიც კარგი იყო მაგრამ მსხალთან ახლოსაც ვერ მივიდოდა

ჩურჩხელ ყველანაირი მიყვარს მაგრამ კახურს მაინც არაფერი შეედრება აი, რომ ჩაიშაქრებს ...
ფელამუში კი გურულებისაა საოცრება იისფერი რომაა "დამხობა" შეურქმევიათ რომ მომზადდებოდა ქვაბს მერე ერთიანად ამხობდნენ ტაბლაზე და მავრთულით ან სათევზაო ანკესის მისინით ჭრიდნენ

არავითარ საჭმელს არ მოვინატრებ თუ ეს ორი რამე კახური ჩურჩხელა და გურული ადესის ფელამუში მექნება

ხვალ ფრანგული შოკოლადის ნამცხვარი უნდა გავაკეთო ისე მიხარია
რეცეპტებს და ყველაფერს ხვალ დავდებ დეგუსტაციის შემდეგ თუ კარგი გამომივიდა რა თქმა უნდა

August


ჩემნაერი ყოფილხართ ,

ისე დასავლეთში როცა ამზადებენ მემგონი ატკბობენ ხოლმე, და კახური ყურძნისგან გაკეთებულს შაქარი არ უნდა ყველაფერი ნატურალურია, მაგიტომაცაა უმაგრესი და თან სასარგებლო

ფელამუში-
მე აქ ვყიდულობ უშაქრო და 100% წვენებს. თეთრი ყურძნისაც არის და შავისაც ფელამუშებს არც მე ვუმატებ შაქარს... მხოლოდ ქიშმიშს და ნიგოზს.
ჩურჩხელასაც ვავლებ ადრე სურათიც მაქვს მე მგონი აქ დადებული.

ისე სხვა ხილის წვენებითაც მშვენიერი "ფელამუშები" ნუ ამათებურად მუსები გამოდის ალუბლის იყო ძალიან კარგი, მსხლის, შავი მოცხარის და წითელი გრეიფუტიც ძალიან პიკანტური გამოვიდა
სანელებელიც ძალიან მოუხდა

ფელამუში-
დასავლეთის ყურძენი სიტკბოთი კახურს ვერ შეედრება ,მჟავეა და ფელამუშს მაგიტომ ატკბობენ.

macaco-fast65


ხო მართალი ხარ ამიტომ თათარა მირჩევნია


კახური ყურძენი სულ სხვაა ანუ The best არის

ეს დღევანდელი დესერტია ...
ძირი აქვს: ხარშუნა (მიქსერში დაფქვილი) + არაქისის კარაქი + რომი
ვანილ-ნაღებიანი დაბალკალორიული ნაყინი
ატამი და ჟოლოს კომფიტიური ზემოდან მოყრილი ნუშის ფანტელებითა და დარიჩინიანი პუდრით

This post has been edited by August on 4 Oct 2009, 19:46

მიმაგრებული სურათი

აქაა წესით ამის ადგილი და ამიტომ აქაც დავდებ ... მეც ერთი პოსტი მომემატება ... რა ვიცი რაში გამომადგეს - ოჯახი ხრამია

მიმაგრებული სურათი

დნობადი შოკოლადის ნამცხვარი
მე ასოთხმოცურას ვეძახი

• 180 გრამი შაქარი;
• 40 გრამი ფქვილი;
• 3 ცალი კვერცხი;
• 180 გრამი კარაქი;
• 180 გრამი შავი შოკოლადი (სულ მცირე 60%).

მომზადება

• კვერცხი და შაქარი ავთქვიფოთ თეთრი მდგრადი ქაფის წარმოქმნამდე;
• ნელ-ნელა დავამატოთ ფქვილი და განვაგრძოთ თქვეფა;
• შავი შოკოლადი გავალღოთ სულ ცოტა წყალთან ერთად და ნელ-ნელა მორევით დავუმატოთ კარაქი;
• ნარევი დავამატოთ კვერცხისა და ფქვილის ქაფს და კარგად ავთქვიფოთ;
• დავასხათ ცომი ცივ ტაფაზე და ვაცხოთ 15-20 წუთი თბილ ღუმელში (დაახლოებით 180ºC-ზე).

წკაპო

მოლთენ ქეიქი მე პატარა მაფინების ფორმებში ვაცხობ. ოღონდ სულ რაღაც 5-6 წუთში.

nanana

მასწავლე რაა

coco chanel

ზემოთ რომ არის მითითებული იგივე რეცეპტია. მე 200 გრ შოკოს და 4 კვერცხს ვიყენებ. ცხვება სპეციალურ მაფინის ფორმებში. სადღაც 6 - 9 წუთი. ზედაპირი რომ გამოცხვება უკვე მზადაა. ჰო და კიდევ ერთი გამე მაცივარში თუ გააჩერებთ, უფრო კარგი გამოდის.

nanana
მაფინის ფორმები სად იყიდება ხომ ვერ მიმასწავლით????

forumeli007
მგონი დანიურში და გუდვილში უნდა ეძებო. მე სხვა ქვეყნიდან წამოვათრიე სახლში

ჩურჩხელები

ახალი წელი მოდის და აქტუალური გახდა მათთვის ვინც არ იცის მისი რეცეპტი:

ჩემთვის მისი მომზადება არის ძალიან ადვილი, და რაც მთავარია ნებისმიერ დროს შეგიძლია გააკეთო, დღესასწაულამდე 1 კვირით ადრე... (გექნება ნედლი გემრიელი ახალ-ახალი ჩურჩხელები მთელი წელი...)

10ცალი საშუალო ზომის ჩურჩხელისთვის
საჭიროა:

ნიგოზი (კარგად გამომშრალი)
1 ლიტრი ბადაგი (ან 1 ლიტრი ნაყიდი ყურძნის წვენი+1 ჭიქა შაქარი)
8 დიდი თავმობმული სადილის კოვზი თეთრი პურის ფქვილი
(სურვილის მიხედვით მე 1 კოვზ დარიჩინს ვუმატებ, ერევნის ჩურჩხელას მაგონებს და იმიტომ.)

2-პირ ძაფზე (რომელიც მაკრატლის გარეშე არ წყდება!!) ავაბამთ ნიგვზებს, ან მთელ ლებნებს, ან ნახევარს. ამობურცული მხარე ზემოდან. პირველ ნიგოზს მე ორჯერ ვუყრი ძაფს სიმაგრისთვის.



მოვამზადებთ ყველა საჭირო ინვენტარს...


ქვაბში ჩავყრით შაქარს და ფქვილს, მოვურევთ....


დავასხავთ ჯერ 1/3 ლ ყურძნის წვენს, და კარგად გავხსნით ფქვილს...



დავამატებთ დანარჩენ წვენსაც და კარგად მოვურევთ.


შემოვდგამთ ცეცხლზე და მუდმივი მორევით მოვხარშავთ თათარას...


რომ ადუღდება, დაბალ ცეცხლზე 5-10 წუთი კიდევ ვადუღებთ, პერიოდული მორევით, რომ არ დაგვეწვას...
შემდეგ ჩავდებთ აბმულ ნიგვზის მძივებს, და კარგად დავფარავთ თათარათი,


ამოვწევთ, და მივიღებთ ლამაზ წვეტიან ჩურჩხელას...




ჩAმოვკიდებთ რაიმე ჯოხზე გასაშრობად (თუ დააცადეს!) სითბოში...

1 კვირაში მზადაა !

პ.ს. მე ერთხელ ვავლებ ჩურჩხელებს, რომ მალე გაშრეს...


პ.ს.პ.ს. დარჩენილი თათარა მიირთვით გემრიელად...




ბედნიერ შობა-ახალ წელს გისურვებთ...