Lemon Curdროგორც ლოქოს და ცოცხალს ვხარშავთ, ზუსტად ისე მოხარშეთ.
ანუ, ნახევარი ხელისგული შავი დაუფქვავი პილპილი, დაფნის 4-5 ფოთოლი და ხორხოშინა მარილი.
მარილის სიმლაშე შემდეგნაირად შეგიძლიათ შეამოწმოთ.
მიჩვეული ვარ ასეთი კერძების მომზადებას და დაწერისას
ჩქარა გამომდის, აზრებს ვყლაპავ ისე ვწერ.
თავიდან შედარებით ცოტას ვყრი და მერე კოვზის საშუალებით ვგებულობ, თუ საკმარისია სიმლაშე.
ანუ, ვამატებ უკვე მდუღარეში ცოტ-ცოტას და კოვზის ამოვლებისას, სულს ვუბერავ, გაჩნდება კოვზზე თეთრი ლაქები და წყალი მზად არის თევზის ჩასაყრელად.
დიდხანს არ ხარშოთ, თორემ ჩაგეშლებათ ან ძალიან რბილი იქნება.
თუ თევზის თავია წყალში, ეგ ყველაზე უკეთესი ინდიკატორია.
გაუთეთრდება თვალები თუ არა, დაუწიეთ ცეცხლს და ამოკრიფეთ თუშფალანგზე, ღრმა ლარნაკზე არ გააშროთ, აუცილებლად გაუვიდეს ნახარშის წვენი.
უკეთესი რამ არსებობს.თუ საქართველოში ხართ, სადაც თევზს ჰყიდიან, მოიკითხეთ ხახალი.
ეს არის წნელის, იგივე მტირალას, ანუ ტირიფის წვრილი ტოტებისაგან მოქსოვილი დიდი ლამბაქი.
გადააფარებთ სუფრის ტილოს და დააცდით გაციებას.
თევზი უნდა გაცივდეს ოთახის, ან ზაფხულში, სარდაფის ტემპერატურაზე. მაცივარში არაფრის დიდებით არ შედოთ ცხელი თევზი და არც მიირთვათ ამ გზით მომზადებული, ყველანაირი კულინარიული ღირებულება დაკარგული აქვს ცხელს.
იგივე ნახარშიდან სადღაც ერთი მესამედი წვენი გადმოწურეთ, მას დაამატეთ იგივე რაოდენობის წყალი, რაც თავიდან იყო ქვაბში და წვრილად დაკეპილი ახალი ქინძი ჩაყარეთ, ამ ყველაფერში ძმარი გემოვნებით შეაზავეთ.
ამასაც დააცადეთ განელება და შემდეგ ჩააწყვეთ გაცივებული თევზის ნაჭრები.
ამის მერე თუ გექნებათ "საშუალება"
, მოითმინეთ და სადღაც მინიმუ 6 საათი გააჩერეთ სიგრილეში.
უხდება თეთრი მშრალი ღვინო და თონის პურები.
პ.ს. ყველას დიდი მადლობა ყურადღებისთვის, რომელიც "ხინკლი" რეცეპტზე გამოხატეთ.
· 
დღეს გავაკეთე..., კულინარიული დღიური ცხელ ზაფხულში
