მთაწმინდაშ თუთა
დღას ვაყაფე დიო თენერ თუთა ჩელაია,
თუთა ოქროპუტალერჲ, ოჟერჟელაია.
ქანა ცაშფერ ლანდეფით დო სისმარეფით გაფშუ...
თენერ ლ/ლ/ დო შურქალირჲ ცა დიო ვაფშუ.
თუთა ითამ ზამბახიე, ჩქ/ჩქ/შ სისმარცალო
თიშ ორო დო ოქრუონს მტკვარჲ მისარსალუ;
მტკვარს მეტეხჲ გინაჯინე, ჭიფე წელაია...
დღას ვაყაფე დიო თენერ თუთა ჩელაია.
თაქ აკაკიშ აგაგას ხენცფეშ ლურით ლურსუ,
თაქ ნახუტურ გვირალ ვარდეფს გინართუანს შურსუ.
გვალა რე თუ მურიცხეფიშ გოთანთალერ ბინა.
ბარათაშვილს ათაქ უყორდ ომბოლურო რინა.
ნოტე, ბირას ქოპუნაფდა, გედიშ ბედიქ მერგ/,
ოღონც გეშმარაგადუას, მუჭო დობჟამ სერქ/,
მუჭო სისმარს ეკი–დიკი ვაყუნს მოვარიე,
ფსუაშ შქიორ–შქიორით მიდეღ ოარიე.
მუჭო ხონარ თიშენ მიღუ ოჟერჟელაია,
ვორექ ღურამონჭაფილჲ გედი ჩელაია.
ათე ცა დო თუთაშ ნარდიქ მუჭო ფთქუა, ვარა
ღურუშ შარა ხვალე ართ რე–იავარდიშ შარა.
მუჭო ქარგ/ნს თე შარას მოლერსეშჲ ჭკუა,
მუჭო დიო კოც ვოუძირ სერჲ ათეჯგუა;
დიდ აგაგეფ! თქვან თოლოწო მუჭო მიდაფრთია,
მუჭო ლერსიშ ხენცფე ვორექ, ხანგურ ლერსიშ თია.
მუჭო ქანას ქავოსქიდუქ მათჲ თქვანიწკელა...
დღას ვოუძირ დიო კოც თენერ თუთარჩელა.
აი ეს ვნახე მეგრულ ვიკიპედიაში. ძაან მომეწონა. რა მაგარია. მეგრელებო ხმა არ ამოიღოთ. არამეგრელებო, თქვენ თუ მიხვდებით რა წერია?
ვიკიპედია, თავისუფალი ენციკლოპედია
