იოანე 18:6, რას ფიქრობთ ამ პასაჟზე?

[akaki73]

[akaki73]

Lashab

განსწავლულობა არაფერ შუაშია, ლაშა! და არც ფანდებს გიდებ, წასაქცევად. უბრალოდ მგონია, რომ ზომბირების მცდელობის მიუხედავად ჯერ აზროვნების სურვილი გაქვს შერჩენილი (და უნდარიც).
ახლა უნდა გავიდე, მალევე დავბრუნდები!
აკაკი

* * *
Lashab
აი, დავბრუნდი!
ხო, რაზე ვსაუბრობდით?
წმიდა სამებაზე! ჩემო კარგო განსწავლულობა არაფერ შუაშია, ნებისმიერ მორწმუნისათვის უნათლესი საიდუმლოა (არა სეკრეტი, არამედ აღმატებული, გონებას რომ სჭარბობს, მაგრამ ამავე დროს ანათებს მას) წმიდა სამება, და არ მინდა დიდი ზნეობრივი თუ სხვა ღირსეული პოზები დავიჭირო, აქაოდა შემომხედეთ და მომბაძეთო, მაგრამ, თუ კარგად ჩაუკვირდები, სამება რომ არა არავითარი სხვა ღმერთი რწმენას არ იმსახურებს.
რეებს ვროშავ? შევეცდები ავხსნა რას ვგულისხმობ (არამხოლოდ მე):
ერთი და ერთპიროვნული ღმერთი (იაჰვე, ალაჰი თუ რაც არ უნდა ერქვას, ანდა ფილოსოფოსთა აბსოლუტი) შეიძლება არსებობდეს, მაგრამ მისი არსებობოა ჩემთვის, როგორც ადამიანისათვის სავსებით უსარგებლოა (არა ჩემი ანგარების მხრივ, არამედ მისი სრულყოფილი მიუწვდომლობის გამო, იგია ის მიუწვდომელი, რომლის წინაშეც მე თუ მალაყებს გადავალ იმისათვის რომ რაიმე გამოვთხოვო, ეს იქნება მხოლოდ ჩემი ილუზია, მას სავსებით არაფერი ესაქმება ჩემთან, იმიტომ რომ ის თავის ზეცას მკვიდრობს). ეს სრულებითაც არაა უბრალო რამ (ანუ ის, რომ ღმერთი ერთია და ერთპირიანი), იგი ვერ დატოვებს თავის ზეცას (ძველიაღთქმისეული ანგელოზები სწორედ ამისათვის სჭირდება იმ ღმერთს, რომელიც მუდამ მიუწვდომელი უნდა დარჩეს), იმიტომ, რომ ეს იქნებოდა მისი წამოცარიელება. მეტიც, მას არა აქვს სიტყვა (როგორც ურთიერთობის საშუალება), მას არა სჭირდება ის, იმიტომ რომ იგი სრულყოფილად მარტოა, არა ჰყავს მოსაუბრე! რაოდენ სახიფათოა თქმა რომ ამგვარმა ღმერთმა შექმნა სამყარო! რატომ? იმიტომ, რომ დაისმის კითხვა, თუ რა ამოძრავებდა მას ამ შექმნაში! სეირის ყურება? (წუთისოფელი, ღმერთისათვის სერიალია?), თუ მოსწყინდა და მოსაუბრე გაიჩინა? ანუ, იძულებული იყო, მარტოობის განსაქარვებლად! თუ მადიდებლები ინდომა? (ანტუან დე სენტეგზიუპერის "პატარა უფლისწული" გექნება წაკითხული, თუ არა და საშინაო დავალებად გაძლევ, ან ქართულად რომ ვაგლახად ნათარგმნია, ის წაიკითხო, ანდა ფრანგული ისწავლო საგანგებოდ! ხოდა იქაა პატივმოყვარე კაცი ყველასაგან ტაშსა და დიდებას რომ ელის!). ღმერთმა სამყარო შექმნა რაიმე საჭიროების გამო! და ეს პირდაპირ ღმერთის ღმერთობას უთხრის ძირს!
ხოლო ის, რომ ღმერთი სიყვარულიაო, სრულებით გამოირიცხება, იმიტომ, რომ ერთი და ერთპიროვანი ღმერთი ყველაფერი შეიძლება იყოს, გარდა სიყვარულისა, რომელიც სწორედაც რომ საკუთარი თავიდან გამოსვლას ნიშნავს! (დაივიწყო საკუთარი თავი, იმისათვის რომ გახსოვდეს, სხვა! დააყენო საკუთარ სიკეთეზე მაღლა სხვისი სიკეთე!) რა თქმა უნდა თუ არ დავუშვებთ, რომ თუკი ღმერთი სიყვარულია (და თუ ახალი აღთქმის სანაგვეზე გადაგდება არ გვინდა, ამას ვერ დავივიწყებთ!) მას შეიძლება საკუთარი თავი უყვარდეს (ბრუკლინში ეგეთებიც მოუფიქრებიათ!), ანუ ის, რომ იგი იყოს აბსოლუტური ეგოიზმი! (საკუთარი თავის სიყვარული), და თუკი ჩვენ უნდა ვესწრაფოთ სრულყოფილებას რომელიც ღმერთშია (იყავით სრულყოფილნი, როგორც თქვენი ზეციერი მამაა სრულყოფილიო - შენს ბიბლიაშიც წერია მსგავსი რამ?) უნდა ვიყოთ რაც შეიძლება ძლიერ ეგოისტურნი!!!
ბოდიში სიტყვის გაგრძელებისათვის.
ერთხელ მოგწერე და მეგონა მოკლედ თქმული უფრო ცხადი იქნებოდა, მაგრამ... ამიტომ გთხოვ დაუფიქრდი იმას, რომ "ღმერთი ერთია, მაგრამ არაა მარტო" ეს დიდი რამაა, ნამდვილი გამოცხადებაა! ღმერთი თავის თავშივე ურთიერთობაა! რა თქმა უნდა გონებას აღემატება მსგავსი რამ, მაგრამ სრულებითაც არ ეწინააღმდეგება, იმიტომ რომ ბუნების ერთობა და პირთა სამება ერთმანეთს არ ერევა. სწორედ ამგვარ ურთიერთობაშია ჩადებული ღმერთის სიყვარულის აუცილებელი წინაპირობა, და ჩვენი ადამინობის ნამდვილი ბუნებაც, რომ ჩვენ ადამიანები შექმნილნი ვართ (ჩაფიქრებულნი ვართ) ურთიერთობისათვის და სიყვარულის ურთიერთობისათვის (დავივიწყო საკუთარი თავი სხვისათვის, "ვინც საკუთარ სიცოცხლეს დაკარგავს იპოვის მას"). შენ გინდა რომ ყოველივე ეს ბიბლიაში ეწეროს? წერია, ოღონდ დანახვა უნდა: მამა ჩემი და მამა თქვენი, იესო არასოდეს ამბობს "მამა ჩვენი", ღმერთი მისი მამაა, და იმიტომ რომ მან, ნამდვილმა შვილმა ინება გამხდარიყო ჩვენი ნამდვილი ძმა, თითეულს შეგვიძლია მივმართოთ მას "მამაო" (არა როგორც მამინაცვალს, იმიტომ, რომ გერები კი არა ვართ, არამედ იესოს სისხლით მოპოვებულნი.)
ჯერ-ჯერობით
აკაკი