სოკრატე და ქრისტე

"ორივე - ქრისტეცა და სოკრატეც - იდუმალებით მოცული პიროვნება იყო. არც ერთს და არც მეორეს თვითონ არ ჩაუწერია საკუთარი მოძღვრება და ამდენად, იძულებულნი ვართ დავეყრდნოთ მათ მოწაფეთა გადმოცემებს. თუმცა ჩვენ ვიცით, რომ ორივე განსჯის დიდოსტატი იყო და ორივეს მეტყველებას ახასიათებდა თავდაჯერებულობა - ერთდროულად მომხიბლავიცა და გამაღიზიანებელიც. ამასთანავე, ორივეს სწამდა, რომ ლაპარაკობდა აღმატებული ძალის სახელით. არც ერთი არ ურიგდებოდა არსებულ ხელისუფლებას, აკრიტიკებდა უსამართლობისა და კორუფციის ყველანაირ ფორმას, და ბოლოს: ორივეს სიცოცხლის ფასად დაუჯდა საკუთარი ქმედება.
იესოს და სოკრატეს სასამართლო პროცესებიც რაღაცით ჰგავს ერთმანეთს.
ორივეს დანამდვილებით შეეძლო თავის გადარჩენა შეწყალების თხოვნით, მაგრამ ორივე გრძნობდა საკუთარ მისიას, რომელსაც უღალატებდნენ, თუ ბოლომდე არ მიიყვანდნენ დაწყებულ საქმეს. ხოლო ასეთი ვაჟკაცური სიკვდილით ერთმაც და მეორემაც დასძრა მიმდევართა უზარმაზარი ნაკადი, რომელიც არასოდეს შეჩერებულა."

იუსტაინ გორდერი, "სოფის სამყარო"

რასპუტინი

საინტერესო პარალელებია გავლებული, მაგრამ ქრისტესთან სოკრატე კი არა, დედამიწაზე მცხოვრები ადამიანებიდან, ვერცერთი ვერ დადგება მის გვერდით — სიბრძნეში, ცხოვრების სტილით, უმწეო ადამიანების დახმარებაში და რაც მთავარია იმაში, რომ ვერცერთმა ვერ შესძლო ღვთის პიროვნების ჩვენთვის ახსნა და აღწერა, როგორც ეს ქრისტემ გააკეთა. სოკრატე ამ საკითხში სერიოზულად წაიბორძიკებს.

This post has been edited by A-G-A-P-E on 9 Nov 2013, 15:13