A-G-A-P-E
ღმერთი დღეს კაცობრიობას მხოლოდ ბიბლიით "ესაუბრება"
ჯგუფი: Members
წერილები: 17417
წევრი No.: 77217
რეგისტრ.: 5-December 08
|
#20519932 · 5 Jul 2010, 15:29 · · პროფილი · პირადი მიმოწერა · ჩატი
| QUOTE (merkuriela @ 5 Jul 2010, 07:47 ) | A-G-A-P-E
თავი მეათე
...
9. ხოლო მან მითხრა: კვლავინდებურად გმართებს წინასწარმეტყველება ხალხთა და ერთა, ენათა და მეფეთათვის.
კვლავინდებურად რატომ? |
merkuriela
"ხმა, რომელიც ციდან გავიგონე, კვლავ მეუბნებოდა: წადი, აიღე გაშლილი გრაგნილი, ზღვასა და მიწაზე მდგომ ანგელოზს რომ უჭირავს ხელში. წავედი ანგელოზთან და ვუთხარი, მოეცა ჩემთვის პატარა გრაგნილი. მან კი მითხრა: აიღე და შეჭამე, მუცელს გაგიმწარებს, მაგრამ პირში თაფლივით ტკბილი იქნება. გამოვართვი ხელიდან ანგელოზს პატარა გრაგნილი და შევჭამე. პირში თაფლივით ტკბილი იყო, მაგრამ როცა შევჭამე, მუცელი გამიმწარდა. მეუბნებოდნენ: კვლავ იწინასწარმეტყველე ხალხების, ერების, ენებისა და მრავალი მეფის შესახებ". - გამოცხადება 10:8-11.
I საუკუნეში, იესო ქრისტეს მოწაფეები ღვთის სამეფოს მოახლოების შესახებ, ხალხებზე, ენებზე და მეფეებზე ნაწინასწარმეტყველებ სიტყვებს შეუწყვეტლად გადაგებდნენ. მოციქულები (იოანეს ჩათვლით) ადამიანებს უწინასწარმეტყველებდნენ და უქადაგებდნენ თუ რას მოუტანდა ღვთის სამეფო 'ხალხებს, ენებს და მეფეებს'. მოციქულებმა ბრწყინვალედ იცოდნენ დანიელის 2:44-ში ჩაწერილი წიტყვები და მათი მნიშვნელობა:
"იმ მეფეების დროს ზეციერი ღმერთი დაამყარებს სამეფოს, რომელიც არასოდეს დაიქცევა. ეს სამეფო სხვა ხალხს არ გადაეცემა. ის დააქცევს და ბოლოს მოუღებს ყველა ამ სამეფოს, თავად კი მარადიულად იდგება".
წმინდა წერილში ჩაწერილ ცნობებს, I საუკუნის ქრისტიანები ყველას უქადაგებდნენ და წინასწარეტყველებდნენ. მაგალითად, ფილიპე, სხვა მოციქულების მსგავსად ღვთის წმინდა სულით აღძრული, დაჯილდოებული იყო იმ ძღვენით, რომ წმინდა წერილში ჩაწერილი სიტყვები განემარტა და ეწინასწარმეტყველა მასში ჩაწერილი სიტყვების მნიშველობის ახსნით და სხვებისთვის ღვთის განზრახვების გაცხადებით: "ფილიპემ გახსნა ბაგე, წმინდა წერილის ამ მონაკვეთიდან დაიწყო და მას იესოს შესახებ სასიხარულო ცნობა აუწყა".
მოციქულთა საქმეებში მრავლადაა აღწერილი ისეთი შემთხვევები როცა მოციქულები, ფილიპეს მსგავსად, წინასწარმეტყველებდნენ მოახლოებულ ღვთის სამეფოზე, ხალხებზე, ენებზე და მეფეებზე და იმაზე, თუ რა მომავალი ელოდათ ხალხებს ენებსა და მეფეებს.
გამოცხადების (აპოკალიფსის) ხილვის შედეგად, იოანეს ხალხებზე, ენებზე და მეფეებზე მომავალი დიდი გასაჭირის შესახებ არაერთი დეტალი განეცხადა და მას უნდა ჩაეწერა ხილვაში მიღებული ცნობები და გაეცხადებინა (ეწინასწარმეტყველა). შესაბამისად ამისა, მიუხედავად იმ ფაქტისა რომ გრაგნილზე დაწერილი ღვთის სიტყვები იოანეს ეტკბილებოდა, ცნობა, რომელსაც ის გააცხადებდა, მწარე იქნებოდა ხალხებისთვის, ერებისთვის და მეფეებისთვის. სწორედ ამიტომ ეუბნება ანგელოზი იოანეს: "აიღე და შეჭამე, მუცელს გაგიმწარებს, მაგრამ პირში თაფლივით ტკბილი იქნება. გამოვართვი ხელიდან ანგელოზს პატარა გრაგნილი და შევჭამე. პირში თაფლივით ტკბილი იყო, მაგრამ როცა შევჭამე, მუცელი გამიმწარდა". ამ კონკრეტულ შემთხვევაში, იოანემ თითქმის იგივე განიცადა, რაც ბაბილონში გადასახლებულმა წინასწარმეტყველმა ეზეკიელმა. მანაც მიიღო გრაგნილის ჭამის ბრძანება. (წაიკითხე ქვემოთ რომ მიგითიტებ მუხლებს). მართალია, ეტკბო ეზეკიელს გრაგნილი პირში, მაგრამ, როცა შიგნეული გაევსო, ისრაელის ურჩი სახლის წინააღმდეგ მწარე ცნობის გაცხადება დაიწყო (ეზეკიელი 2:8-3:15). განდიდებული იესო ქრისტეს მიერ იოანესთვის მიცემულ გაშლილ გრაგნილშიც ღვთის ცნობა იყო ჩაწერილი. ასე რომ, იოანესაც ეტკბებოდა ღვთის სიტყვები, ისევე როგორც იეზეკიელს, ხოლო მას შემდეგ იოანე უნდა ექადაგა "ხალხების, ერების, ენებისა და მეფეების შესახებ". ანუ გრაგნილი იმიტომ ეტკბო იოანეს, რომ ის ღვთისგან იყო (შეადარე ფსალმუნის 119:103; იერემიას 15:15, 16). მუცელი კი იმიტომ გაუმწარდა ეზეკიელივით, რომ ურჩი ხალხისთვის უბედურება უნდა ეწინასწარმეტყველებინა.
იოანე იმ მოციქულთაგან ერთერთი იყო, რომელიც ხალხებზე, ენებზე და მეფეებზე მოახლოებული დიდი გასაჭირის შესახებ გამოცხადების მიღებამდე ქადაგებდა. ანუ ხალხებზე, ენებზე და მეფეებზე მოახლოებული მწარე ცნობის ქადაგება, დიდი გასაჭირის მოახლოების შესახებ ქადაგება, გამოცხადების მიღებამდე იყო ნაწინასწარმეტყველები იესო ქრისტეს მიერ, რომელმაც თქვა:
"იქნება დიდი გასაჭირი, როგორიც არ ყოფილა წუთისოფლის დასაბამიდან" (მათე 24:21; მარკოზი 13:19,20; ლუკა 21:23). როგორც მათეს, მარკოზის და ლუკას სახარებიდან ჩანს, ამ დიდი გასაჭირის შესახებ ზოგადი ინფორმაცია უკვე ნათქვამი იყო იესოს მიერ და ცნობილი იყო მოციქულებისთვის, რომელსაც მოციქულები (იოანეს ჩათვლით) უკვე ადრევე, იოანეს გამოცხადების მიღებამდე წინასწარმეტყველებდნენ. ხოლო გამოცხადების საშუალებით, იოანეს ამჯერად ხალხებზე, ენებზე და მეფეებზე მოახლოებული დიდი გასაჭირის შესახებ დეტალური ინფორმაცია მიეცა! რომელსაც იოანე თანდათანობით იღებდა გამოცხადებაში ხილვის დროს და როგორც ჩანს თანდათანობით წერდა (წაიკითხე გამოცხადების 7:14).
ამგვარად, იოანეს კვლავ მოუწევდა იგივე ცნობის (რომელიც იესომ თქვა თავიდან და რომელიც მათემ, მარკოზმა და ლუკამ ჩაწერეს და რომელსაც მოციქულები გადაგებდნენ და წინასწარმეტყველებდნენ იოანეს ჩათვლით) გაცხადება, ოღონდ ამჯერად არა ზოგადად, არამედ დეტალურად, ზუსტად ისე, როგორც ეს გამოცხადების ხილვებში მიიღო. გამოცხადების 10:11-ში ჩაწერილი სიტყვა "კვლავ" (რომელსაც ზოგი მთარგმნელი "კვლავინდებურად" თარგმნის), კიდევ იმაზე მიუთითებს, რომ იოანეს ისევ უნდა ჩაეწერა და გაეცხადებინა ის რაც ხილვის დაწყებით ნაწილში უკვე იხილა, იმის გაგრძელებაც სადაც წინასწარმეტყველების დეტალები თანდათანობით გადაეცა და ისიც, რასაც ხილვის მომდევნო ნაწილში იხილავდა და მოისმენდა, ანუ იმის დეტალური წინასწარმეტყველება, რაზეც მათემ, მარკოზმა და ლუკამ დაწერეს სახარებებში და რასაც იესომ დიდი გასაჭირი უწოდა.
This post has been edited by A-G-A-P-E on 5 Jul 2010, 15:56
--------------------
ეკლესიებს ღმერთი არ იწონებს. არც გამოცხადება-ხილვებით ეკონტაქტება სამღვდელოებას; 2-ე საუკუნიდან დღემდე, ღმერთი მხოლოდ ბიბლიით "ესაუბრება" ხალხს და იუწყება,რომ სულ მალე,პოლიტიკური ძალები გააფთრებით დაესხმებიან რელიგიებს გასანადგურებლად რასაც მოჰყვება ღვთის მთავრობის მმართველობა ზეციდან დედამიწაზე.
|
მოწაფე, რომელიც უყვარდა იესოს, ვინ იყო ის?
