შეკითხვა: რისი მეშვეობით მიხვედით ამ დასკვნამდე?
ეს სერიოზული კითხვაა. კარგად გაიაზრეთ. მომდევნო შეკითხვებიც იქნება
საიდან მიხვედით ამ დასკვნამდე, თქვენ ხომ პირად გამოცდილებაში არ მოგცემიათ სიტუაცია მკვდარი ტვინის (მკვდარი ფიზიკური სხეულის) შემთხვევაში? ფიზიკური სხეული, ტვინი, მხოლოდ ინსტრუმენტია, მხოლოდ საშუალებაა იმისათვის რაც ქმედებს ფიზიკურ სამყაროში როგორც თქვენი "მე".
ეს სიტუაცია დაახლოებით ემსგავსება შემდეგს:
ადამიანი ზის მანქანაში და მიჰყავს ის თავისი მიზნისაკენ. მაგრამ (დავუშვათ) თქვენ ვერ ხედავთ ადამიანს. თქვენ ხედავთ მხოლოდ მანქანას.
როდესაც მივა მიზანთან და გააჩერებს მანქანას, გადმოვა, მანქანა რჩება უძრავ და უმოქმედო მდგომარეობაში,შემდგომ კი მასზე ბუნების (მატერიის) კანონები იმოქმედებენ და ეს კანონები მუდამ მიმართულია დაშლისაკენ.
მისგან გამოვდა ისეთი რამ რაც ეწინააღმდეგებოდა ამ დაშლის პროცესებს და მოქმედების საშუალებას აძლევდა "მანქანას".ამ შემთხვევაში ფიზიკურ სხეულს ვგულისხმობ ცხადია.
ხოლო როგორც კი ის, რაც ამ ფიზიკურ სხეულში და მისი მეშვეობით, გარკვეული მიზნით ქმედებდა, გრძნობდა, იმეცნებდა, "გამოვიდა" ამ ფიზიკური სხეულიდან და დატოვა იგი, ფიზიკური სხეული მთლიანად მატერიის კანონებს დაქვემდებარებული აღმოჩნდა და სხეულმა დაიწყო დაშლა.
ის რაც სხეულს "კრავს" ერთმთლიანობად, აწესრიგებს და აკონტროლებს მასში მიმდინარე პროცესებს, არის სული.
რომლის გამოსვლის შემდგომ, წმინდა მატერიული ძლების დაქვემდებარებაში მყოფი სხეული მართლაც მკვდარია, მაგრამ მას ახლაც, ამ შემთხვევაშიც ზუსტად ისევე არაფერი ესაქმება იმ განცდებთან, აზროვნებასა და ნებასთან, რომელიც გააჩნდა ამ სხეულში მყოფ სამშვინველს, ამ სხეულით მოქმედ "მე"-ს, როცა ის ამ სხეულში იმყოფებოდა.
როგორ დავრწმუნდეთ ამაში?
ამისათვის უსწორესი და უმოკლესი გზა არსებობს, თუ მას კეთილი ნებით და იდეაფიქსების გარეშე მყოფი გონებით დაუხვდება ადამიანი:
თქვენ უნდა მოიძიოთ თქვენს თავში ისეთი რამ, რაც სრულიად იდენტურია თქვენი "მეს" აბსოლუტური მთლიანობისა, რომელიც არანაირი გარეფაქტორით არ არის განსაზღვრული!
და ასეთი რამ არსებობს უტყუარად!
ეს გახლავთ აზროვნება.
მაგრამ აზროვნება არა იმ მდგომარეობაში მყოფი, როცა ის მიმართულია გარესამყაროს (ან შიდა სამყაროს) მოვლენებისაკენ და აღძრულია დაკვირვების პროცესით!
არამედ აზროვნება იმ მდგომარეობაში, როდესაც იგი, სრულიად "დაუკავებელი" ყოველგვარი სამუშაოსაგან, ნეიტრალურ მდგომარეობაში მყოფი სუბიექტ-ობიექტისაგან,თავად ხდება აზროვნების საგანი!!!
მარტივ რაღაცას არ გეუბნებით.
ძალიან მცირეა იმ ადამიანთა რიცხვი ვისაც მსგავს გამოცდილებაში უმონაწილევია.
ეს გამოცდილება სრულიად ახალ რეალობას გადაშლის ადამიანის წინაშე.
რადგან ამ შემთხვევაში, მის წინაშე გასააზრებელი იქნება ისეთი რამ, რაც როგორც ერთადერთი რამ სამყაროში, მხოლოდ მისი საკუთრივი მოღვაწეობის შიდა არსია, რომელსაც ქმნადობის პროცესში იმეცნებს!
და ამ დროს ის არსად "გარეთ" არ გადის და არავითარი გარე (ან შიდა - მოტივირებულად ემოციური) ფატორებით არ არის განსაზღვრული!
სწორედ ეს არის გასაღები და გასასვლელი კარი ბუნებასთან ჩვენი ერთმთლიანობის დასანახად და გასაგებად. იმ ბუნებასთან, რომელიც ჩვენმა აზროვნებამ (აზროვნების გარკვეულმა ტიპმა, წესმა, ყაიდამ) განაყენა ჩვენივ "მე"-საგან.
..........
ამ საკითხზე შეიძლება თემის გახსნა.
* * *
ArtistКаждый имеет право налево.
Кто не со Мною, Я не против.
Храни тебя Господь в сухом прохладном месте.
რეინკარნაცია II ნაწილი 
