mRvdeli giorgi sxiladze
მღვდელი გიორგი სხილაძე
ჯგუფი: Members
წერილები: 2482
წევრი No.: 159730
რეგისტრ.: 19-January 13
|
#43115094 · 10 Dec 2014, 00:25 · · პროფილი · პირადი მიმოწერა · ჩატი
vano_t
| QUOTE | | mRvdeli giorgi sxiladze, ღმერთმა დაგლოცოთ თქვენც. |
_ გმადლობთ!
რახან არ მიპასუხეთ ოთხიდან ორ შეკითხვაზე, ჯერ მათზე განვმარტავ: მიცვალებულისთვის ,,წესის აგება“, იგივე მისი ,,გაპატიოსნება“, ,,ანდერძის შესრულება“ წარმოადგენს ეკლესიურად მაცხოვრებელი ადამიანის მიერ ანდერძად დატოვებულ თხოვნას _ მისთვის ამქვეყნიურ ბოლო მსახურებას, რომელშიც მისი სულიერი მამა, მოძღვარი, ჭირისუფლებთან და გულშემატკივრებთან ერთად, უფალს შესთხოვს განსვენებულის, ძირითადად, იმ ცოდვების პატიებას, რომლებიც მან ბოლო აღსარებიდან სიკვდილამდე ჩაიდინა და მათი მონანიება აღსარებით ვერ მოასწრო. ეს ასეა გადმოცემით (ტრადიციულად) და ასე ჩანს თვითონ მოცემული ლოცვების _ განსაკუთრებით, ,,შენდობის წიგნის" _ შინაარსშიც. აქედან გამომდინარე, ამ წეს-განგების აღსრულება განურჩევლად, ნებისმიერზე, არც შეიძლება.
თქვენს მიერ მოტანილის მსგავსი ,,მღვდელი“ ჩემს მშობლიურ ქალაქშიც ,,მოღვაწეობდა“, რაც, მიუხედავად იმისა, რომ ბავშვობიდანვე ღვთისმოშიში ვიყავი, მაბრკოლებდა ეკლესიამდე და ღმერთამდე მისვლაშიც კი (როგორც ამასწინათ მითხრეს, სიკვდილის წინ, თურმე, ჰყვიროდა, მიშველეთ, ცეცხლში ვიდაგებიო...). რომ იცოდეთ, ასეთი საეკლ. პირი სახელმწ. უშიშროების კომიტეტს, თითქმის, ყველა ქალაქსა და რაიონში ჰყავდა, დავალებით: მსგავსი საქციელებით ხალხში რწმენა განექარვებინათ... მოგვიანებით, ჩვენც მოგვიწია, წყეულ ულიანოვ-ჯუღაშვილის ღმერთმებრძოლი პარტიის იგივე პირობებში, გარდაცვლილთათვის მსახურება (მგალობელ-მქადაგებლის საეკლ. ხარისხში), მაგრამ ჩვენი მაშინდელი სულიერი მამა (ეპისკოპოსი) ასეთ ხერხებს როდი იყენებდა; პირიქით, ფეხდაფეხაც დადიოდა და დახარჯული ძალისხმევისათვის შემოთავაზებულ შესაწირავსაც კი არ იღებდა, ოღონდ, ხალხს ღვთის სიტყვა მოესმინა...
,,დიდი სჯულისკანონი“ არათუ უფლებას გვაძლევს, _ გვავალდებულებს, კიდეც, ურჯულო ღვთისმსახურის მხილებას (წმ. ბასილი დიდის 71-ე კანონი).
| QUOTE | | არსებობენ წმინდა მღვდლები, რომელთა საქციელი მოკვდავისათვის გაუგებარია, მიუღებელია, ჩაუწვდომელია. |
წმინდა მღვდლები მოკვდავები არ არიან?! მღვდლის სიწმინდეს განსაზღვრავს სჯული და კანონი; _ არც თქვენ, არც მე.
| QUOTE | | თუ რომელიმე მღვდელი ვერ ხედავს სხვის გულს (სულიერი ხედვა არ გააჩნია), ის ვერ განსაზღვრავს, რის გამო ჩადის მეორე მღვდელი მსგავსს საქციელს. |
სულიერი სარკე და მასში ხედვის მადლი რომ არ გაგვაჩნია, იმიტომაც დაგვედო ხილულ სარკედ წეს-განგება.
| QUOTE | | გამორიცხულია, რომ იმ მღვდლისათვის თვით უფალი განცხადებულიყო და ასეთი სახით განცხადებულიყო მასში ღვთის ნება? |
ასეთი მსჯელობით (ლოგიკით), მღვდლის ყველანაირი საქციელის გამართლება შეიძლება. მაშინ, იშლება ზღვარი პატიოსნებასა და სიმონიას შორის... განურჩევლობა ღვთიური მოვლენა არ არის. ,,ამღვრეულ წყალში თევზჭერა“ ვისთვისაცაა დამახასიათებელი, იცით!
სხვათა შორის, ეკლესიის ისტორიაში რამდენი იცით მოსალოსე სამღვდელო პირი (არამონაზონი)?
This post has been edited by mRvdeli giorgi sxiladze on 10 Dec 2014, 00:54
--------------------
მთავარში _ ერთიანობა, კამათში _ თავისუფლება და ყველაფერში _ სიყვარული!
ნეტარი ავგუსტინე (ავრელიუსი; ეპისკოპოსი, ფილოსოფოსი და პოლიტიკოსი, IV-Vსს..)
ვეძიებ არა გამარჯვებას, არამედ ძმათა დაბრუნებას, რომელთაგან განშორება მტანჯავს (წმ. გრიგორი ნაზიანზელი; მთავარეპისკოპოსი, ღვთისმეტყველი, პოეტი, IVს.).
|
ილია შიოლაშვილის ფოტოსურათი.
