2013 წ. 5 სექტემბერი.
პერუს მთავრობამ კიდევ ცხრა ოლქში გამოაცხადა საგანგებო ვითარება, რომელიც მიმართულია იმისკენ, რათა დროულად გაუმკლავდნენ პერუსთვის უჩვეულო ცივ ამინდებსა და დიდთოვლობას.
როგორც ადგილობრივი ხელისუფლება იტყობინება, მინიმუმ ორი ადამიანი გარდაიცვალა და 33000-მა მოსახლემ იზარალა სიცივისგან.
ათასობით თავი პირუტყვი საშინელი სიცივისგან იყინება. პერუს პრეზიდენტი ოლანტა ჰუმალა (Ollanta Humala) ჩავიდა ერთ-ერთ ყველაზე დაზარალებულ ოლქში, რათა საკუთარი თვალით ენახა ყველაფერი და გაეკონტროლებინა ექსტრემალური დახმარების განაწილება.
ოფიციალური განცხადების მიხედვით, საგანგებო მდგომარეობა გაგრძელდება 20 დღის განმავლობაში.
ყველაზე ძლიერი დიდთოვლობა უკანასკნელი ათწლეულების განმავლობაში მიზეზი გახდა ათასობით შინაური და გარეული პირუტყვის დახოცვისა. ფერმერები უდიდეს ზარალს განიცდიან ბუნების ჭირვეულობის გამო.
კარაბაიას (Carabaya) სამხრეთ პროვინციაში ერთი მოსახლე თოვლისგან ჩანგრეული სახლის სახურავის ქვეშ მოჰყვა და დაიღუპა. კიდევ სამი, ამ რაიონიდან მოჰყვნენ თოვლის ტყვეობაში, რომელმაც სრულიად დაფარა მათი სახლები და იქიდან გამოსვლის არანაირი გზა არ დაუტოვა. ამ ადამიანებს დროზე მიასწრეს და გადაარჩინეს. არსებობს ცნობები, რომ კიდევ ორი გოგონა და მოხუცი ქალბატონი დაზარალდნენ ძლიერი ყივნებისგან.
ცივმა ფრონტმა დააზარალა ასევე პერუს სამხრეთ-აღმოსავლეთი ნაწილი, ბოლივია და პარაგვაი. საერთო ჯამში, ამ ქვეყნებში ყინვებისგან დაიღუპა 5 ადამიანი.
2013 წ. 5 სექტემბერი
რუსეთის ფინანსთა სამინისტრო წინადადებით გამოდის 2015 წლიდან ნაღდი ფულით ანგარიშსწორება შეიზღუდოს 300 000 რუბლით. გუშინ რუსეთის ფინანსთა მინისტრმა ანტონ სილუანოვმა ჟურნალისტებს განუცხადა, რომ "იმის შემდეგ, რაც 2014 წელს ზღვრად დაწესდება 600 000 რუბლი, 2015 წელს ზღვარი ჩამოიწევს 300 000 რუბლამდე".
"ნაღდი ფულით ანგარიშსწორება ფიზიკურ პირებს შორის, ასევე ფიზიკურ და იურიდიულ პირებს შორის პირველ ეტაპზე უნდა შეიზღუდოს 600 000 რუბლამდე. ეს ჩვენი, ანუ ფინანსთა სამინისტროს წინადადებაა. მეორე ეტაპზე, რომელიც ჩვენი ვარაუდით 2015 წელს დაიწყება - ეს თამასა ორმაგად ჩამოიწევს", - თქვა სილუანოვმა. მან ასევე განაცხადა, რომ კანონპროექტმა უკვე გაიარა განხილვა მთავრობაში და მალე სახელმწიფო დუმას გადაეცემა განსახილველად.
წყარო:
http://www.vedomosti.ru/finance/news/95462...b#ixzz2MGomkmFFშვედეთმა შესაძლოა საერთოდ აკრძალოს ნაღდი ანგარიშსწორება.
შვედეთი, რომელმაც პირველმა შემოიტანა მსოფლიოში ფულადი ბანკნოტები (1661 წელს), ბედის ირონიით შესაძლოა მსოფლიოში პირველი ქვეყანა გახდეს, რომელიც მთლიანად გადავა უნაღდო ანგარიშსწორებაზე. World Payments Report 2011-ის გაანგარიშებით, დღეისთვის შვედეთში ნაღდი ანგარიშსწორებით მხოლოდ გადახდის 3% აღესრულება. შედარებისთვის, აშშ-ში ეს მაჩვენებელი უდრის 7%, ევროკავშირში საშუალოდ 9%, ხოლო რუსეთში - 25% (ევროპაში ამ მაჩვენებელზე მაღალია მხოლოდ მოლდავეთში, ალბანეთსა და უკრაინაში). დღეისთვის შვედეთში შეუძლებელია ნაღდი ანგარიშსწორებით ზოგიერთ ავტობუსში ფულის გადახდა - მგზავრები ამას სმს-შეტყობინებებით აკეთებენ.
წყარო:
http://travel.mail.ru/news/63264/საფრანგეთი აკრძალავს 1000 ევროზე მეტ ნაღდ ანგარიშსწორებას.
26.06.13. პრემიერ-მინისტრი Jean-Marc Ayrault-ი გააძლიერებს ნაღდი ანგარიშსწორების კონტროლს, რათა მიაღწიოს გადასახადების მაღალ მაჩვენებელს. მთავრობის პროგრამის "ბრძოლა თაღლითობის წინააღმდეგ" ფარგლებში - ნაღდი ანგარიშსწორების ლიმიტი 3000 ევროდან 1000 ევრომდე ჩამოიწევს. უცხოელებს უფლება ეძლევათ ნაღდი ფულით გადაიხადონ მაქსიმუმ 10000 ევრო. კანონის ამოქმედებას 2013 წლის ბოლოსთვის აპირებენ.
წყარო:
http://www.3rm.info/33290-franciya-zapreti...-1000-evro.htmlესპანეთი ნაღდი ანგარიშსწორების შეზღუდვას აპირებს
20.01.12. ესპანეთის ახალი მთავრობა აპირებს აკრძალოს ნაღდი ფულით ვაჭრობა. კერძოდ, ნებისმიერი შეთანხმება, რომელიც აღემატება 3 000 ევროს უკვე მხოლოდ ბანკის მეშვეობითღა იქნება მისაწვდომი. ეს ღონისძიება თავის დაღს დაასვამს უძრავი ქონებით ვაჭრობას, სადაც მრავალი მოქალაქ ჯერაც ამჯობინებს ფულის გადახდას ნაღდი ანგარიშსწორებით.
წყარო:
http://www.euromag.ru/catalogs/realty/17102.htmlბელორუსში შესაძლოა აკრძალონ ნაღდი ანგარიშსწორება ძვირიანი საქონლისთვის
22.10.12. ბელორუსიის ეროვნული ბანკი კანონმდებლობითად აპირებს ვაჭრობისა და სოციალური მომსახურეობის სფეროში ნაღდი ანგარიშსწორების შეზღუდვას, თუ თანხის ოდენობა აჭარბებს 100-ჯერ ან უფრო მეტად აჭარბებს საბაზისო სიდიდეს (რეალიზაციის დღისთვის). ამის შესახებ 2012 წლის 22 ნოემბერს 9-ე საბანკო საინფორმაციო ტექნოლოგიების საერთაშორისო ფორუმზე "ბანკიტ 12"-ზე განაცხადა ბელორუსიის ეროვნული ბანკის თავმჯდომარის მოადგილემ სერგეი დუბკოვმა.
წყარო:
http://telegraf.by/2012/11/v-belarusi-mogu...dorogie-pokupkiყაზახეთში იურიდიულ პირებს თანხის განაღდებას უკრძალავენ.
19.10.12. როგორც Tengrinews.kz.-ის კორესპონტენტი იუწყება ყაზახეთში იურიდიულ პირებს თანხის განაღდების აკრძალვა შესთავაზეს. ამგვარი წინადადებით გამოვიდა ყაზახეთის ეკონომიკურ და კორუფციულ დანაშაულობათა წინააღმდეგ მებრძოლი სააგენტო (ფინანსური პოლიცია). "მსოფლიო გამოცდილება აჩვენებს, რომ ამგვარი ხერხით კორუფციასაც უფრო ადვილად ებრძვი და მის მიზეზსაც ადვილად იცილებ. ჩვენის აზრით, კორუფციის გავრცელების ყველაზე მოხერხებული მეთოდი სწორედ ფულის განაღდებით ხორციელდება. ეროვნული ბანკის ცნობით, წლის პირველ ნახევარში ყაზახეთში განახდებულ იქნა 968 მილიარდი თენგე".
წყარო:
http://tengrinews.kz/kazakhstan_news/v-kaz...sredstv-222082/ხელისუფლება უკრაინელებს აიძულებს უარი თქვან ნაღდ ანგარიშსწორებაზე.
13.07.12. უკრაინაში აპირებენ აკრძალონ ნაღდი ანგარიშსწორება ძვირიან საქონელზე. როგორც გამოცემა "Комментарии" იუწყება, ამიერიდან ამგვარი ნივთების შეძენა მხოლოდ საბანკო ბარათებით იქნება შესაძლებელი. კერძოდ, საქონელი, რომელიც თავისი სიძვირით გადააჭარბებს 20000 გრივნას ბარათით უნდა შეიძინო. პარლამენტმა პირველივე მოსმენით დაამტკიცა უკრაინის ეროვნული ბანკის ჩასწორება საგადასახადო სისტემების ფუნქციონირებისა და უნაღდო ანგარიშსწორების განვითარების თაობაზე.
წყარო:
http://www.segodnya.ua/economics/business/...nykh-deneh.htmlიტალია შეზღუდავს ნაღდ ანგარიშსწორებას.
29.02.12. იტალიის ხელისუფლება აპირებს ნაღდი ანგარიშსწორების შეზღუდვას. იმის შემდეგ, რაც კანონი ძალაში შევა, იტალიაში 1000 ევროზე ძვირი საქონლის შეძენა ნაღდი ანგარიშსწორებით შეუძლებელი გახდება. საბანკო ბარათით გადახდის დროს გამყიდველი ვალდებულია გააკეთოს მყიდველის პირადობის მოწმობის ქსეროასლი. ეს ღონისძიება, როგორც ამბობენ, დაეხმარება მთავრობას ებრძოლოს ურჩ იტალიელ გადამხდელებს, რომლებიც ყოველმხრივ ცდილობენ თავი აარიდონ გადასახადებს.
წყარო:
http://www.euromag.ru/catalogs/shopping/18720.htmlლიტვაში დააწესებენ ზღვარს ნაღდი ანგარიშსწორებისთვის.
26.11.12. ლიტვაში აპირებენ ნაღდი ანგარიშსწორების შეზღუდვას. როგორც Delfi.lt იუწყება, ამის შესახებ განაცხადა რესპუბლიკის ახალმა პრემიერ-მინისტრმა ალგიდრას ბუტკიავიჩუსმა. მთავრობის ახალი წევრის თქმით, ზღვარს დააწესებს ხუთ ათას ლიტრზე (ეს არის დაახლოებით 1450 ევრო). უფრო ძვირადღირებული საქონლის შეძენის შემთხვევაში მყიდველმა ფული ბანკში უნდა გადარიცხოს.
წყარო:
http://lenta.ru/news/2012/11/26/money/სკანდინავიის ქვეყნები ერთმანეთს ეჯიბრებიან ნაღდი ანგარიშსწორების სრულიად ამოღების საქმეში.
სულ ახლახან ევროკავშირის ქვეყნების ფინანსთა მინისტრები თავს იმტვრევდნენ როგორ გადაერჩინათ შერყეული ევროპული ვალუტა. სკანდინავიის ქვეყნები, რომლებიც ევროს არ შეუერთდნენ, დღეს სხვა პრობლემით არიან შეწუხებულნი და შექსპირულად ჟღერს: "ყოფნა არყოფნა ბანკნოტებისა და მონეტებისა, საკითხავი აი რა არის". ანუ შესაძლოა საერთოდ აკრძალონ ისეთი საგადასახადო ინსტრუმენტი, რომლის ისტორია ხუთი ათას წელს ითვლის და საფუძველში უდევს თანამედროვე ცივილიზაციას.
წყარო:
http://www.akten.ru/news/skandinavskie-str...nu-nalichn.htmlსაბერძნეთში 3000 ევროს ზემოთ ნაღდი ანგარიშსწორება იკრძალება.
1.04.11. 1 აპრილიდან საბერძნეთში ძალაში შედის ახალი კანონი ფულად ანგარიშსწორებაზე, რომელზეც წესდება ლიმიტი 3000-მდე ევროს ოდენობით. როგორც საბერძნეთისადმი მიძღვნელი საიტი greek.ru იუწყება, ნებისმიერი ოპერაცია, რომლის თანხა გადააჭარბებს 3000 ევროს, უნაღდო ანგარიშსწორებით უნდა იქნეს გადახდილი. ეს ეხება კრედიტებსაც და განვადებებსაც. მყიდველს შეუძლია ისარგებლოს დებეტური და კრედიტუილ საბანკო ბარათებით, ასევე ჩეკებით.
წყარო:
http://www.euromag.ru/greece/8189.html?p=3ბელგიაში ნაღდი ანგარიშსწორების ლიმიტს აწესებენ
6.12.03. 2004 წლის პირველი იანვრიდან ბელგიაში წესდება ლიმიტი სავაჭრო ტრანზაქციებზე ნაღდიუ ფულით. როგორც ტელეარხი "ერ-ტე-ელი" იუწყება, ახალი წლიდან ნაღდი ფულით მხოლოდ იმ ნივთების ყიდვა იქნება შესაძლებელი, რომლის ღირებულება 15 ათას ევროს არ გადააჭარბებს. თუკი ნივთის ღირებულება ამ თანხაზე მეტი აღმოჩნდება, მაშინ მყიდველს საბანკო ბარათის გამოყენება მოუწევს. ამ ღონისძიებას ბელგიაშიც თაღლითობისა და დანაშაულებრივი კაპიტალის "გათეთრების" საბაბით მიმართავენ. კომერსანტები, რომლებიც ახალ განწესებას არ დაემორჩილებიან, დაჯარიმდებიან მათ მიერ შესრულებული კონტრაქტის ღირებულების ათი პროცენტით.
· 
მსოფლიო პოლიტიკური რუკა
