ამხელა ამბავია ს.არაბეთის მეფეს კიდე კიდია საფრანგეთში მიდის დასასვენებლად
:საფრანგეთში, საუდის არაბეთის მეფის კერძო ვიზიტმა საზოგადოებაში სერიოზული პოლემიკა გამოიწვია, ამის შესახებ ადგილობრივი მედია იტყობინება.
საუდის მონარქი სამხრეთ საფრანგეთში, პატარა საკურორტო ქალაქ ვალორისში გეგმავს დასვენებას, სადაც მის განკარგულებაში იქნება ვილა. მონარქი, საფრანგეთს ერთი თვით, 1000 თანმხლები პირით ეწვევა.
ადგილობრივი მაღაზიების მეპატრონეები მდიდარი კლიენტების მოლოდინში არიან, თუმცა ასეთი რაოდენობის საუდელი სტუმრის მიღება ბევრს არ სიამოვნებს.
საქმე იმაშია, რომ მონარქმა სალმან იბნ აბდულ-აზიზ ალ საუდმა ერთერთი ადგილობრივი სანაპიროს დახურვა მოითხოვა, იმისათვის რათა მის მრავალრიცხოვან თანმხლებ პირს დასვენებაში ხელი არავინ შეუშლოს.
პარიზში, მონარქის ახირებას გაგებით შეხვდენენ - 25 ივლისიდან ძალაში შევიდა შესაბამისი ბრძანება, რომელიც ადგილობრივმა პრეფექტურამ გამოსცა. საფრანგეთის პოლიციამ მთლიანად გადაკეტა სანაპიროს ის მონაკვეთი, სადაც საუდის მეფე აპირებს დასვენებას.
ამ ქმედებამ ვალორისის მოქალაქეების აღშფოთება გამოიწვია: "ხელისუფლებას, სავარაუდოდ, ეშლება ვინ არის აქ მასპინძელი და ვინ სტუმარი".
ქალაქის მუნიციპალიტეტის წარმომადგენელმა ჟან-ნოელ ფალკომ პეტიცია შეადგინა, მოთხოვნით "არ დაუშვას ხელისუფლებამ საზოგადოებრივი სანაპიროს პრივატიზაცია".
აღსანიშნავია, რომ პეტიაციას ხელი 100 ათასმა ადამიანმა მოაწერა, მაშინ როცა ქალაქ ვალორისის მოსახლეობა ოდნავ აჭარბებს 30 ათას ადმიანს.
როგორც სჩანს საქმე უფრო რთულად არის.
რამდენად გაითვალისწინებს საფრანგეთის ხელისუფლება მათ მოთხოვნას, ჯერ უცნობია. ცნობილია, რომ სანაპირო მხოლოდ მაშინ გახდება ყველასათვის ღია, როცა საუდის მონარქი ქალაქს დატოვებს.
სანაპიროსთან მონარქის იახტაა გაჩერებული. სათანადოდ, წყლის სივრცე, დაახლოებით 300 მეტრის ფარგლებში დახურულია.
მედიის ცნობით საუდის მონარქის ფრანგული არდადეგები 20 აგვისტომდე გასტანს.
ომი იემენში და არაბეთის ნახევარკუნძულზე
