#58354564 · 12 Sep 2021, 13:35 · · პროფილი · პირადი მიმოწერა · ჩატი
საბერძნეთის საჰაერო ძალები დამატებით კიდევ 6 ფრანგულ გამანადგურებელს Rafale-ს შეიძენს, აღნიშნულის შესახებ საბერძნეთის პრემიერ-მინისტრმა გუშინ განაცხადა, რითაც ჯამში 2023 წლის ბოლომდე საბერძნეთის საჰაერო ძალების შემადგენლობაში 24 ფრანგული Rafale მოიყრის თავს, გავრცელებული ინფორმაციით დამატებით შეძენილი 6 გამანადგურებელი უახლესი მოდიფიკაციის F4 იქნება, საბოლოოდ კი იგეგმება ჯამში 40 ფრანგული Rafale-ს შეძენა, რითაც სრულად ჩანაცვლდება ბერძნული Mirage 2000-ების ავიაპარკი გარდა ამისა, საბერძნეთი ჩაერთვება საერთო ევროპული მე-6 თაობის გამანადგურებლის შექმნის FCAS პროგრამაში, რის გამოც დიდი ალბათობით საბერძნეთი უარს იტყვის, გასულ წელს დაანონსებულ 2025 წლიდან ამერიკული მე-5 თაობის F-35-ების შეძენაზე.
ამ დროისათვის საბერძნეთის საჰაერო ძალებში უკვე ირიცხება პირველადი კონტრაქტით გათვალისწინებული 2 შეიარაღებაში მიღებული ფრანგული Rafale, ხოლო ყოველ მომდევნო თვეს დამატებით ერთის შეიარაღებაში მიღება მოხდება. ამავდროულად აქტიურ ფაზაშია ბერძნული F-16-ების მოდერნიზაციის პროგრამა F-16 Viper დონემდე, რითაც ჯამში 84 ბერძნული F-16-ის მოდერნიზაცია განხორციელდება უახლესი ტიპის სისტემებითა და შეიარაღებით.
ამავდროულად, ისრაელში დაიწყო ბერძნული დამრტყმელი შვეულმფრენების AH-64 Apache-ბის მოდერნიზაციის პროგრამა, რითაც ებრაული Elbit Systems-სი უზრუნველყოფს ბერძნული ,,აპაჩების" მიზნის ამომცნობი, ღამის ხედვისა და კონტროლის სისტემების სრულ განახლებას, ამავდროულად მოხდება შვეულმფრენების ებრაული წარმოების ტანკსაწინააღმდეგო მართვადი სისტემებით Spike Nlos-ებით აღჭურვა. სამომავლოდ საბერძნეთი გეგმავს აღნიშნული მართვადი რაკეტებით საკუთარი S-70B-6 Aegean Hawk შვეულმფრენების შეიარაღებასაც.
--------------------
They didn't know it was impossible, so they did it- Mark Twain
For with much wisdom comes much sorrow; the more knowledge, the more grief- Ecclesiastes 1:18
To be yourself in a world that is constantly trying to make you something else is the greatest accomplishment- Ralph Waldo Emerson
|
საბერძნეთის საერთო თემა
