აშშ-ის არჩეული პრეზიდენტი, დონალდ ტრამპი ეხმაურება კანადის პრემიერმინისტრის, ჯასტინ ტრუდოს გადადგომას და სოციალურ მედიაში წერს, რომ კანადა აშშ-სთან უნდა გაერთიანდეს და “51-ე შტატი” გახდეს.
“ბევრ ადამიანს კანადაში უყვარს 51-ე შტატად ყოფნა. აშშ ვეღარ აიტანს მსხვილ სავაჭრო დეფიციტსა და სუბსიდიებს, რაც კანადას სჭირდება. ჯასტინ ტრუდომ იცოდა ეს და გადადგა. […] კანადა აშშ-სთან რომ გაერთიანებულიყო, არ იქნებოდა ტარიფები, გადასახადები დაიწევდა, და ისინი სრულად დაცულები იქნებოდნენ რუსული და ჩინური გემებისგან, რომლებიც მუდამ მათ გარშემო დაცურავენ. ერთად, რა საოცარი ერი იქნებოდა!” – წერს ტრამპი “Truth Social”-ზე.
კანადის პრემიერმინისტრი, ჯასტინ ტრუდო თანამდებიბიდან გუშინ, 6 იანვარს გადადგა. ამის შესახებ განცხადება ტრუდომ პრესკონფერენციაზე გააკეთა.
ტრუდო პრემიერმინისტრის მოვალეობებს დროებით შეასრულებს, სანამ ახალი ლიდერი შეირჩევა.
"მე ვგეგმავ პარტიის ლიდერისა და პრემიერმინისტრის თანამდებობიდან გადადგომას მას შემდეგ, რაც პარტია ახალ ლიდერს აირჩევს," - განაცხადა ტრუდომ ორშაბათს ოტავაში გამართულ პრესკონფერენციაზე.
დონალდ ტრამპი არ გამორიცხავს სამხედრო ძალის გამოყენებას პანამის არხსა და გრენლანდიაზე კონტროლის მოსაპოვებლად. ამის შესახებ აშშ-ის არჩეულმა პრეზიდენტმა მარ-ა-ლაგოში ჟურნალისტებთან შეხვედრისას ისაუბრა.
ჟურნალისტის კითხვაზე, გამორიცხავდა თუ არა „სამხედრო ან ეკონომიკური იძულების“ გამოყენებას ამ ტერიტორიების მოსაპოვებლად, არჩეულმა პრეზიდენტმა უპასუხა: „არა“.
„არა, ვერცერთზე ვერ დაგარწმუნებთ, მაგრამ ერთს გეტყვით – ისინი ჩვენი ეკონომიკური უსაფრთხოებისთვის გვჭირდება“, – განაცხადა ტრაპმა.
მისივე თქმით, სინამდვილეში არავინ იცის, აქვს თუ არა დანიას გრენლანდიაზე რაიმე იურიდიული უფლება, „მაგრამ თუ აქვს, უნდა დათმოს“.
„გრენლანდია ეროვნული უსაფრთხოების მიზნებისთვის გვჭირდება. იქ დაახლოებით 45,000 ადამიანი ცხოვრობს. სინამდვილეში არავინ იცის, აქვს თუ არა დანიას მასზე რაიმე იურიდიული უფლება. მაგრამ თუ აქვს, უნდა დათმოს, რადგან ის ჩვენ ეროვნული უსაფრთხოებისთვის გვჭირდება. ეს თავისუფალი სამყაროსთვისაა. მე ვსაუბრობ თავისუფალი სამყაროს დაცვაზე – შეხედეთ, დურბინდიც კი არ გჭირდებათ, გაიხედავთ და ჩინური გემები ყველგანაა, რუსული გემები ყველგანაა. ჩვენ ამის დაშვებას არ ვაპირებთ“, – განაცხადა დონალდ ტრამპმა.
https://1tv.ge/news/donald-trampi-ar-gamori...s-mosapoveblad/https://tabula.ge/ge/news/728152-trampi-kan...rtianebuliqo-ar 
ტრამპს კანადა და გრენლანდია სურს
