ტამპლიერები - ტაძრის რაინდები, ქრისტეს მხედრები თუ უბრალოდ მკვლელი ბერები ?

Magicman Gio

უკვდავების მომნიჭებელ თასზე რომელი ნორმალური იტყვის რომ ფანტასტიკააო?

ეს თემა გააცოცხლეთ
ძველებიდან ვინმე დარჩა ფორუმზე ?

gochaj გარდაიცვალა, დანარჩენებიდან ზოგი დღემდე პოსტავს ზოგიც არა.

"ვბრძანებთ, რომ ძმათა სამოსი მუდამ ერთ ფერში იყოს: თეთრი, შავი ან ყავისფერი. ნებას ვრთავთ ძმებს ზამთარ-ზაფხულ თეთრი სამოსი ატარონ, რათა მათ, ვინც ბნელს განეშორენ და თავი შემოქმედს უძღვნეს, ერთმანეთი თეთრი სამოსით იცნონ, რაც სიწმინდესა და სრულ უბიწობას ნიშნავს. უბიწობა - ეს გულის სიმართლე და სხეულის სიჯანსაღეა." (ტამპლიერთა ორდენის წესდება)
უბიწობის იგივე კონცეფცია, რაც რომაელ იუვენალთან გვხვდება - "Mens sana in corpore sano" - როცა მწერალი წერს: "ვილოცოთ, რათა გონება ჯანსაღი იყოს ჯანსაღ სხეულში." ვილოცოთ, ანუ მოვინდომოთ, და არა ის, რომ ჯანსაღ სხეულში გონებაც აუცილებლად ჯანსაღია, არამედ ნება და ძალისხმევაა გონების სხეულთან ერთად გასაწმენდად. "ცათა სასუფეველი ძალისხმევით აიღება და ძალისმხმეველნი წარიტაცებენ მას." (მათეს სახარება)

ჩვეულებრივი მკვლელები იყვნენ რომლებიც ქრისტეს სახელით ხალხს ხოცავდნენ. ტიპებმა კონსტანტინოპოლი აიღეს რადგან გენუას და მილანს ვაჭრობაში ჯობნიდა და ეს არ აწყობდათ.

არანაირი მკვლელბიც არ იყვნენ მე მალტაში ტამპლიერების ჰოსპიტალში ვიწექი და დღემდე გაოცებულივარ არქიტექტურით და წესრიგი ხო სხვა თემაა დღემდე უბრალოდ მილიტარისტული ამბავია უფრო

"მრწამსისადმი მსახურებაში უნდა შეაერთოთ უმწიკვლო მცდელობა და მრწამსის სიმტკიცე. ამ წესრიგით ყვავის და აღორძინდება რაინდობა. არსებული რაინდობა აბუჩად იგდებს სამართლიანობის სიყვარულს, რაც მათი მოვალეობაა და არ იქცევიან ისე, როგორც საჭიროა, კერძოდ: არ იცავენ ღარიბებს, ქვრივებს, ობლებსა და ტაძრებს, არამედ ცდილობენ მხოლოდ გაძარცვონ და მოკლან..." (ტამპლიერების ორდენის წესდების შესავალი)

თავად რაინდული ორდენები ადასტურებენ, რომ სიტყვა "რაინდთან" დაკავშირებული იდეალური წარმოდგენები უფრო სასურველი მიზანია, ვიდრე ის ფაქტი, რომ რაინდების დიდი ნაწილი მართლა ასეთი სამაგალითო ქცევის იყო. დაუცველთა მიმართ მსახურება - რაინდის ჭეშმარიტი სოციალური მსახურებაა, რომლითაც იგი ყოველ ჩაგრულს და სუსტს მათ მრწამსს განუმტკიცებს, რადგან თავად აქვს მტკიცე მრწამსი - მყარი ფასეულობები და ღირებულებითი სისტემა, ამის გარეშე ის ვერ იმოქმედებს და ვერ იმსახურებს.

ისე, ტამპლიერები როგორი ლეგენდების შარავანდედითაა მოსილი, არადა ჰოსპიტალიერები მაგათზე მაგრები იყვნენ. მარტო მალტის ალყა რად ღირს.

ვარაზვაჩე

დიდწილად ორდენის დრამატულმა დასასრულმა განაპირობა ეს. უკვე ნამეტანია ის უამრავი ლეგენდა, რომელსაც დღეს კიდევ უფრო მრავალფეროვანი ვერსიებით ჰყვებიან.

ან ის მისტიფიცირებული ვერსიები, თუ რა ცოდნას თუ სწავლებას ფლობდნენ ტამპლიერები.

miles Christi (ლათ. ქრისტეს მეომარი).

შუა საუკუნეების ხელნაწერზე გამოსახული რაინდი ქრისტიანული სიმბოლოებით, რომელიც სულიერი მეომრის არსს აღწერს.

რაინდი შემოსილია ღვთის საჭურველით და მზად არის იბრძოლოს შვიდ მომაკვდინებელ ცოდვასთან. "შეიმოსეთ ღვთის სრული საჭურველი, რათა შეგეძლოთ წინ აღუდგეთ ეშმაკის ხრიკებს"(ეფესელთა 6:11).

რაინდი ატარებს ე.წ. სამების ფარს, რომლის სქემა ქვედა სურათზეა მოცემული.

ანგელოზი ერთი ხელით სულიერი დიდების გვირგვინს ადგამს თავზე, "ხოლო ვინც ომობს, ვერ გახდება გვირგვინის ღირსი, თუკი არასჯულიერად ომობს."(ტიმოთე 2:5).

მეორე ხელით კი ანგელოზს შვიდი სათნოება უჭირავს:
თავმდაბლობა, მოწყალება, უმანკოება, სიმშვიდე, მარხულობა, სიყვარული, სასოება.

ამ შვიდი სათნოებით სულიერი მეომარი სულიწმინდის შვიდ ნიჭს მოიპოვებს:
სიბრძნე, გონიერება, რჩევა, სიმტკიცე, შემეცნება, ღვთისმოსაობა, ღვთისმოშიშობა.

სულ ეს არის მისი ნამდვილი იარაღიც, დაცვაც და რაინდული მისიის შინაარსიც.