რა ვქნა, ინტერნეტიანი სამსახური კი არ მაქვს
ეს კრეისერი იყო "კაროლ კარლ" და მეტად საინტერესო ისტორია ჰქონდა.
კრეისერი თავიდან რუმინეთის კუთვნილება იყო და ერქვა "დაკია", პირველი მსოფლიო ომის დროს შეისყიდეს რუსებმა, მაგრამ ოფიცრების ნაწილი მაინც რუმინელები იყვნენ.
დაბალი რანგის რევოლუციურად განწყობილმა ეკიპაჟი რევოლუციის შემდეგ აჯანყდა, მთელი სადავეები იგდო ხელთ, ოფიცრებს არავინ არაფერს ეკითხებოდა. გემი დაწოწიალობდა ლამის მთელი შავი ზღვის სანაპიროებზე და მატროსები ძარცვა-გლეჯაზეც არ ამბობდნენ უარს. ერთ-ერთი ასეთი "ნალიოტის" დროს ქ. სოხუმში მთვრალი მატროსები თავს დაესხნენ "თეთრ" ოფიცერ ემხვარს, რომელმაც თავდაცვის დროს ერთი თავდამსხმელი მოჰკლა და ერთი დაჭრა.
გემი ცოტა ხნით აიბარგა, მაგრამ ერთი დღის შემდეგ უკან დაბრუნდა და მოითხოვეს-თუ მკვლელს არ გადმოგვცემთ, მთელ ქალაქს ამოვჟლეტთო. როგორც ჩანს, ქალაქიდანაც ჰქონდათ მხარდაჭერა, თორემ ალბათ ასეთ ავანტურას ვერ გაბედავდნენ. ასე იყო თუ ისე, ემხვარი შეიპყრეს და გემზე გაააგზავნეს, სადაც ის სიკვდილით დასაჯეს-ორთქლის ქვაბში ჩააგდეს
მაგრამ კიდევ უფრო საინტერესო ამბავი მოხდა შემდეგ:
ტრაპიზონიდან ბათუმამდე გემს წამოჰყვა ქართველთა დელეგაცია (მათ შორის იყო რეზო გაბაშვილი), რომელიც ტრაპიზონში დიპლომატიური მიზნებით იყო მივლინებული (ეს მივლინება მარცხით დამთავრდა). გემზე ქართველების მეორე ჯგუფიც დახვდათ-ოფიცერი მიქელაძე და ერთი ასეული-სამშობლოში ბრუნდებოდნენ.
გზაში ქართველებმა მოილაპარაკეს (რუს და რუმინელ ოფიცრებსაც შეუთანხმდნენ), რომ ეს კრეისერი ბათუმში დაეკავებინათ, "რევოლუციონერები" დაეპატიმრებინათ და გემი საქართელოსათვის გადაეცათ. ნოე ჟორდანიამ ხელი არ გაანძრია, მაგრამ ნოე რამიშვილმა გამოიდო თავი და იმდენი მოახერხა -250 მატროსი წუთში დააპატიმრეს.
იქვე, ბათუმში გამონახეს ადმირალი ჭავჭავაძე და "კომისიამ" შესთავაზა, ჩაებარებინა გემი (თვითონ კომისიის წევრებს, მათ შორის გაბაშვილსაც, არაფერი გაეგებოდათ სამხედრო საქმისა). ჭავჭავაძე დათანხმდა და განაცხადა-საქმე უნდა გამოვიძიოთ, მატროსებიდან 20-მდე ადამიანი ნამდვილი ყაჩაღებია და უნდა დავხვრიტოთ, ნაკლები დამნაშავეები-ციხეში დავტოვით და მცირე ნაწილი, რომელთაც ბრალი არ ექნებათ-ფელუგებით რუსეთში გავისტუმროთო, კრეისერს კი მე ვუხელმძღვანელებ, ოფიცრების დახმარებით. ნელ-ნელა მატროსებსაც მოვკრებთო.
მაგრამ კომისიის წევრებმა დიდი წინააღმდეგობა გაუწიეს-რას ჰქვია, დახვრიტო და დააპატიმრო, ეგენი ჩვენი პარტიული ამხანაგები არიანო,. ჭავჭავაძე გაბრაზდა და წავიდა. დაპატიმრებულები გამოუშვეს, ისინიც ავიდნენ გემზე და გასწიეს ახალი თავგადასავლების საძიებლად. ასე დავკარგეთ კრეისერი
ისტორიული ვიქტორინა, კითხვა-პასუხი ისტორიაზე
