დაანებეთ ბავშვურ ოცნებებს თავი. სხვების მხარში ამოდგომა ის იქნება, რომ ხელი არ შეგიშალონ!!!
მოდით მეორე სიმართლე ვუთხრათ ერთმანეთს:
ის რომ მეგრული არ ევასება ხალხს, არის ამაში ობიექტური მიზეზი. მეგრულები რომ ქართულად არჩევენ უკვე თAვიანთ შვილებთან ლაპარაკს, ეგ რის გამო? იმიტომ რომ საუკეთესო უნდათ შვილებისთვის. მეგრულ ენაზე მაქსიმუმ კარგი ფოლკლორი მოისმინოს, ნაკლებად რომ წაიკითხოს. იგივე ინსტინქტი მოქმედებს ნებისმიერი იმერელი, თბილისელი, აჭარელი დ.ა.შ. ამიტომ ურჩევნიათ მეგრულს ინგლისური, ფრანგული გერმანული... რას აძლევს მათ მეგრულის სწავლა? დღევანდელი მდგომარეობით არაფერს...
იმისათვის, რომ ღირსეული ხალხების გვერდის გვერდით დავდგეთ, უნდა დავიმსახუროთ ეს!!! ამას კი დიდი შრომა უნდა, შრომა ენაზე მუშAობა არის საჭირო... ამ საქმეში ნურავის იმედი ნუ გექნებათ, განსაკუთრებით ამ ეტაპზე... ბევრი ობიექტური მიზეზის გამო, ჩვენს გვერდით ხალხის უმეტესობა არ დადგება!!! დროა ეს გავითავისოთ, მივხედოთ მეგრულ ვიკიპედიას, მივიყვანოთ საქმე იქამდე, რომ ის დამტკიცდეს! ვთარგმნოთ და ვიკითხოთ ნელ-ნელა მეგულად და განვავითაროთ მეგრული...
ამ საქმეში, დასაწყისში, ჩVენს გვერდით, იმერლები და კახელები კი არა, მეგრელების უმრავლესობა არ დადგება
შეეშვით დავას, დაეხმარეთ ვიკის, წერეთ-თAრგმნეთ მეგრულად...
და საერთოდაც, ძაან მაგარია:
ჭარი დო ნოშქერითე ჭარი!
* * *
მოკლედ, ერტი ორიკ კვირის უკან დავასრულე ეზოპეს იგავარკების თარგმნა მეგრულად. ახლა იმ ეტაპზე ვარ, რომ ვახდენ რედაქტირებას, რაც ასევე საკამოდ რთული პროცესია. ასორმოცდაათი გვერდიდან, სადღაც ორმიცი მაქვს რედაქტირებული. სწორედ ამ ნაწილს წარმოგიდგენთ ახლა განსჯისათვის. რა თქმა უნდა შენიშვნებისათვის მზად ვარ. ვინც დაინტერესდება შეუძლია გამომიგზავნოს ელ-ფოსტა და მე გამოვუშვებ ვორდიფ ფორმატში ამ იგავებს და მერე თვითონ ჩაასწორეთ და უკან დამიბრუნეთ.
ჭყიშიცალო გუმონწყილ გერ
გერქ ქოძირუ, მუჭოთ შხურეფს თიშა თეშ ოშკურუდეს ნამდა, ხოლოშა ვამკინჭანდეს. თეშ გურშენ გერქ ჭყიშიცალო გაგიმინწყუ დო ათაშ ქიმიახოლუ შხურეფს. ხოლოშა მიანჭუნ, ქოძირუ ჭყიშის ტომბას ლურდუნ. ფშხურეფიშ მიოტყურაფალო გერქ გეგინოჭყვიდუ ჭყიშიშ ხონარიშ მეგურაფა. თეს ოცადუდუნ თეშ, ჸურაფი ქიდიჭყუ დო ჭყიშ გაკურცხინუ. გოკურცხინაფილ კოჩიქ გერს გამათხოზუ ოჸვილარო, თეს ხოლო უნელო ვა ანტინუ დო ქოთ დოყ'ვილეს.
მიდგა ოცადუ შხვაცალო მიქცუასინ, თის ხშირას ზედმეტ აღოლე.
________________________________________
ირემ დო ჭყენჭყი
ირემქ ქოძირუ მუშ ამნახანტი წყარს დო გეხარუ მუშ რქალეფიშ სისკვამეთ დო სიდიდარეთ, მარა თოლშა ვა მურთუ მუშ ციკალი, ჭიფე წირღეფქ . თეს ფირქენდ მუშ დუდშონ თეშ, ყილოქ გამუკორჩქინდუ ჭყენჭიწკუმა. ირემქ თოლ ქუკინდუ ყილოს დო ინტუ. თიქ ეფას გაგიწულუ ყილოს დო ძალამ შორი დისტანციას რდუ ყილოშე სოიშახ ტყაშა ვა მიშართუნ. მარა, მუჭოთ ტყაშა გემშერულუნ, რქალეფით ქიმთიბორკუ ჯალეფიშ ნოჸელეფს. ყილოქ უნელო ქიგიოჭიშუ ჯალეფს მითობორკილ ირემს დო დუდს ქუმნადირთუ. ირემქ ქოძირუ ნაპტან გვიანი რდუ დუდიშ დარსხება დო ქიდიჭყუ ნარღება მუშო: „ვაჲ ახავაჲ ჩქიმ ცოდა! მუჭო დიბღორი დუდი! ჩქიმ წირღეფი, ნამდგა ირიათო ხიფათიშე მონტინაუანდუნ, დღას ვამობწონდუ დო ბჯოგუდუ, დო მა უტვინე, ჩქიმ მადინაფალ დო მაჭყვიდალ რქალეფს, იპწონუანდი.
მუდგა დასურო ძვირფას რენ თის ფშხირას ფენდა ვა გეძუ.
________________________________________
მელა დო ნიღაბ
მელაქ გემნორთუ სახიობიშ ჸუდეშა, დო თიშ ღმალას ათოლიერენდუნ თეშ, ქოძირ კოჩიშ სახეშა მანგარო გეგურაფილ ნიღაბ. მელაქ ქინოდუ მუშ თვათვეფ ნიღაბის, დო ქოთქუ: ”მუშმასკვამა სახე რე! მარა მუთუნ ფენდა ვეგეძუ, თიშენ ნამდა, შურო ვა უღუ ტვინი".
სკვამ პიჯის მუთუნ ფენდა ვაუღ ჭკუაშ უმშო.
________________________________________
თუნთი დო მელა
თუნთის დუდ მოწონდუ მუშ ფილანტროპიათ დო იჩიებუდ თეშნერს: „ნონტყერეფშე არძოშ უმოსო მა მიფუ კათაშა მეხუჯაფილ დო არძოშ უმოსო მა მიღუ თინეფიშ ჸოროფა. თეშ ფცენქ კოჩიშ სკუას პატის, ნამდა თინეფიშ ღურელს ხოლო ვემკუანჭუქ“. მელაქ ქიგეგონუ თე ზიტყვეფი დო ძიცა-ძიცათ ქუწუ თუნთის: „ოჰ, სი ღურელს ნოჭკომუექ დო შურდგუმილს ვარ!“
კოჩის პატი ოკო ცე ღურაშახ.
________________________________________
გერი დო ქაცარ
გერქ, შარაეშაჩილათირ ფშხურიშ ძირაფაშ ბორჯის , გეგნოჭყვიდუ, ნამდა ხე ვემუთხუმუდუკო თიშა, სოიშაღ ვადუგორუნდუ ბაძაძის’უნ ნამუდგათ გამართლენდუ მუშ უფლებას ოჭკუმუკო ფშხურინ. თაშ ნამდა გერქ ქუწუ ფშხურს: „წიე, გოწოხ სი მანგარ შეურაცხყოფა მუმორინე მა.“ ფშხურქ უცბას ქიდიჭყუ დუდიშ მართლება: „სინამდივლეს, გოწოხ დაბადებულ ხოლო ვაორდი.“ თეშ უკულ, გერქ ქუწუ: „სი ჩქიმ ოდიარეს იდიარქუ.“ „ვარ ჩქიმ პატონ,“ ქუპასუხ ფშხურქუ, „მა დიო ვართ მისინჯებუ ოდიარე.“ იშენ ვეჩეთხუ გერქ გაჭირებულ ფშხურს დო ქუწუ: „სი ჩქიმ ინჭაშე შუნქ წყარს.“ „ვარ ჩქიმ პატონ,“ ქიმწიძახუ ფშხურქუ, „მა დღას ვამშუმ წყარ, თიშენ ნამდა დიო დღარო დიაჩქიმიშ ბჟა რე ჩქიმო წყარით დო ოჭკუმალით.“ თენა ქოთქუ ფშხურქ დო გერქ თვათვი ქოღინჩუ ფშხურს, ქეწიდჸოთუ, ძიძგონუა ქუდუჭყუ დო სოიშახ ფშხურს შურ ეშალუდუნ, თეიშახ ქუწუ: „ირფელ ჯგირ მარა, მა ვადოპსკიდუქ უაჭკუმალეთ, თიშ უმკუჯინუო ნამდა სი არძო ჩქიმ ბრალდებას ივარუანქ.“
ტირან ირო დოგორუნს სამანჯელს მუშ ტირანობაშო დო უსამართლობაშო; უბრალოს ვაგმადირთუ ჯკადილო რაგადით დო ლოგიკათ სამართალიშ მენჭირუაფაშ ცადება, მუჟამ ოდარალს გასარხულ აფუ რდას უსამართლონ.
ცალ ჭურიამ ირემ
ცალ ჭურია დაჸვერებულ ირემ მერჩქვანელ რდუ დიარუას ზღვაშ პიჯის გოხოლუას; ათაშ უმოსო უსაფრთხოთ გრძნენდუ დუდს. მუჭოთ წესინ, ირემ მუშ თელ თოლს ქართიანუანდუ დიხაშ მხარეს, სოვრეშე შეულებუდუ ძირუკო მოჯინე, ვარა წიარინ. მაჟრა ჭურიას, ნამდგათ ვარჭყედუ მუთუნსინ, ირემ ქართინუანდუ ზღვაშ მხარეშა, სოვრეშე ველუდ მუთუნ უბედრობას. მეჩხომექ, ნაპირს ხოლოს მენჩურუნდუნ თეშ, ქოძირუ ირემ, ჯგირო ქიგეწურუ დო ოღურალო დონჭყოლუ ქასაგანით. ღურაშახ ირემქ ქოთქუ: „ვავა, მუ უბედურ ვორექ! თეშნერ სიფრთხილე გიმიფრჩქინ დიხაშ მხარეშე დო უმოს უსაფრთხოებაშ მაგორალქ, ზღვაშ პიჯიშახ ქუმოფრთი, თეშნერ საშიშ აკინშა. “
მინჩა ხიფათ მოურს თი მხარეშე, სოვრედგა არძაშ ნაკლებუს ელუქუნ.
ჯოღორ, მუმულ დო მელა
ჯოღორ დო მუმულ, ართო მოგზაურენდეს. ართიშა ტყას აის გაჩერებელქ გათანაფალო. მუმულქ მაღალას ნოჸელას ქიგმაფურინუ, ჯოღორქ ქალენჯირუ ჯაშ ჯინჯის. ოჭმარექ ქუმახოლუნ, მუმულქ ქიდიჭყუ რყიაფ ნაპტან ხმამაღალო. მელაქ, ნამუდგაქ ხონარ ქიგეგუ დო ნამუდგას მუმულ ოჭკუმალო მაკორნუნ, ქიმერთუ ჯაშა, ნოჸელაშ თუდო ქექდოდირთუ დო მუმულს ქუდუჭყუ ლაქუცი. მელა არწმუნენდუ მუმულს, ნამდა მანგარო ოკოდუ თეშნერ ზისნახე ხონარიშ მინჯეშ გოჩინაბაფა. „ქიმემღენქუდა,“ ქუწუ მელაქ მუმულს, „მა მანგარო მიმეწონებუ სკანწკუმა თელ დღას დორინა.“ მუმულქ ქუპასუხუ: „ჩქიმ პატონ, ართ საქმეს ქიმმეხვარი - ჯას ქუმკულე დო გაკურცხინე ჩქიმ კარიშ კოჩ, თინა გოინჯანს კარს დო გენმგაშკვანს ჩქიმდა.“ მელაქ ქუდუჯერუ მუმულს, დასურო ქიმერთუ ჯაშა უმოს ხოლოშა. თე მომენტის გაკურცხინუ ჯოღორს, გემოწოსხაპუ, ქონქილუ მელას დო აკიღუ ანია განიათ.
ნამუდგა ცდილენს შხვაშა სხაპიშ გერცხუალასინ, ხშირას თინა მუ თვითონ მოხვადუ კინ თი სხაპის.
ჭუკი, გორდი დო ქორ
ჭუკიქ, უბედურ ბედის გორჩქინელქ, დეჯიმაკოჩ გორდის. ართ დღას, გორდიქ გლახა განზრახვათ ჭუკიშ კუჩხ ქიმკისკუ მუშ ბორკიშა დო ათაშ ართიანს გინოსკვილო, ქიგიოდირთეს შარას. გორდიქ მუშ ჯიმაკოჩ მიდეჸონ დღვაბაშა , სოდგა მუ ცხოვრენდუნ. მუჟამს ქიმიანჭეს დღვაბაშ პიჯისინ, გორდიქ უცბას გეგნოსხაპუ წყარშა დო მუშ ჯიმაკოჩ ხოლო მიდეჸუნუ. გორდის მანგარო მოწონდუ წყარს გილანჩურუა დო გობიძღინაფილო ყვარყვარანდუ ვითომ მანგარ საქმე აკეთუკონ თეშ. უბედურ ჭუკიქ მალას დიშკვიდუ. გაჭირებულიშ სხეულ მინიფაფუდუ წყარს, გორდიშ კუჩხიშა მესკვილ. ქირქ ქოძირუ ღურელინ, ქიოგიოფურინ თის დო ჰაერშა ქიტატუ ღურელ ჭუკი. ჭუკის გორდიქ ხოლო ქიმიჸაუნუ, თიშენ ნამუდგა თიშა რდუ მსეკვილინ. ქირქ ჟირხოლო მუშ ბუდეშა ქიმიოფურინუ დო ჟირხოლო, ღურელ ჭუკი დო ცოცხალ გორდით, ოჭკუმუ იშო.
გლახაშ კეთება დო გლახაშ დუდიშა გენჭაფა ართირე.
ჯოღორ დო კიბოია
მარქვალიშ ჭკუმუას გერჩქვანელ ჯოღორქ ქოძირუ კიბოია, განჯუ პიჯ მუსხით შეულებუდუნ დო გემუანას გეყინტუ იშო, თიშ ფიქრით, ნამუდგა კვერცხის ჭკუმუნდუკონ. მალას ქვარაშ ჭუა ქიგინუ დო ქოთქუ: „ათეშნერ წამება ქოფხვადუ, თიშენ ნამუდგა, ირფელ კვარკვალიას კვერცყო მიფრჩქინანქინ.“
მიდგა ჩქარებულო ორთუ საქმესინ, თის მოსვანჯაშ დროს აი ირფელ ონარღებელ.
გერ დო ჭყიშეფ
გერქ, ფაცხას მიკიშუნ თეშ, ქოძირუ ჭყიშეფ სადილო ქაცარიშ ბორკეფს ჭკუმუნდესინ თეშ. ქიმიახოლუ გერქ დო ქუწუ მეფშხურეეფს: „მუ ამბეს გეტახუნდით მა ქუორთუდე თის მუდგას თქვა ასე ორთუთუნ.“
კოჩიშსკუას ნაპტანს ოხერხანს შხვაშა თიშ დაწონება მუდგას მუ თვითონ ირიათო ორთუ.
კურდღელეფ დო გორდეფ
კურდღელეფ ნაპტან შეწუხებულეფ რდეს მუნეფიშ ზედმეტო შკურანჯიობათ დო ირიათო ხიფათიშ მოლოდინით. ათე წუხებათ კისერშა ეკულირეფქ ართ დღას გეგნოჭყივდეს დუდ დუჸვილუდესკო არხაშე ტომბა მერეშა სხაპუათ. გინნაჭყვადუშ ოღოლამარო რულა ქიდიჭყეს ბრელქ ართო. მერეშ პიჯის წუმონჯირელ გორდეფქ ქიგეგეს თენეფიშ თვათვებიშ რეფაფ, დოშკურონდეს დო აწა-უწათ ინტეს ტონბა წყარშა უმოს უსაფრთხოებაშო. ართ კურდღელქ ქოძირ გორდეფიშ აჭი-გაჭით სხაპუა, გაჩერდუ დო ქუდუძახუ მუშ მაჸალეეფს: „ჯიმალეფ გაჩერდით, დოტოულეთ, ვაღოლათ მუდგას ორთუთუნ თინა; ქიმკაჯინით შხვა სქელედეფს, ნამდგეფ დიოდღარო ცოცხალეფ რენან, ჩქინდე უმოს შკურანჯიეფ ჸოფენა.“
კოჩის გურ აძინუ, მუჟამს მუშე უარესის ძირუნსუნ.
ალემ დო კერ
ზარხულიშ ბორჯის, დიდ გოლოფას ქუმაჸუნუ დიდ ყუმენჯიქ. ართ-ართ გოლოფა დღას ალემ დო კერქ ართბორჯულო წყარიშ ოშუმშა ქიმერთეს ჭიჭე ინჭაწკუმა დო ქიდიჭყეს ნირზი, მის ოკო უშუმუდუკო წყარ პირველონ. სიტყვათ მუთუნქ ვაგახერხებესინ, ოღურალო ქადირგეს ართიანს დო მალას ჭკირილეფქ აგონიას ქენანთხეს. ართ მომენტის გაჩერდეს ჟირხოლოქ შურიშ ეკაღალარო ჭიჭე ხანით. კინ ოკო ქიდიჭყესკო ართიანიშ ძირძონუან თეშ, ქოძირეს ცას სვავეფ. სვავეფ წრეს გილერსიოლუდეს ცას დო ელუდეს პირველ დონთხაფილ ღურელს, ნამუდგა ოკო დოძირძონესკონ. ალემ დო კერქ უცბას გაჩერდეს დო მირაგადეს ართ-მაჟრაწკუმა თეშნერ მუდგარენ: „უჯგუ ნამდა მაჸალეეფო ვორდათი ვინემ ქირეფშო და სვავეფშო გინიფრთათ ოჭკუმალო. ჩქი ვეკიპწყინდით ასე და ართ-ართის, ნამდგა დიჭკირუნ, თე ბედ ვეიოჩირთუ ნაღდას.“
მალიმარეფს ხშირას მასმა თოლ უჯინე დო თის ელუ ნამდა თენეფ შკას დონთხაფილიშ წაგება, მუშო გეგმირინუასინ.
კვარჩხ ჯოღორ
ართ ჯოღორს წესო უღუდ კოჩიშ უკახალე წყნარო ეკოჸუნა დო უცბას, მოულოდნელო კოჩიშ ჩამინ. მინჯე მინჩა ზარს გიობუნუანდ კისერს თე ჯოღორს, თეშ ნამდა მიდგაინშა მეხოლუაშ დროს თე უწესოქ დუდ გემიჩუკონ. თეშ გალე, მინჯე ჯოღორს კისერს მომკა ქუას ხოლო გიობუნუანდუ, თეშ ნამდა მითინშა უცბას ვაჩამინუკონ.
ჯოღორ კანდიორანდუ მუშ ზარ დო ქუათ დო დუდპეკო გილეშ ირდიხაშა. ჯვეშ წიარქ უწუ ჯოღორს: „მუშენ გიზგინჯანს ათაშ დუდ? დამჯერ, სი გილაიღუ ზარ დო ქუან თენა ვარე ჯგირიშ ნიშანი, ვარინ სინამდვილეს რე საონჯღორო, სახარხო ნიშან არძა შურდგუმილშო, თიშ მანიშნელბელ ნამდა დუდ აგარიდან მუჭოთ კვარჩხისინ.“
ბრელს, ნამდგას გლახაშ კეთებათ სახელ აფუ განთქმულინ, ჩილათირო თენა ჯგირ სახელო მიოჩქუ.
________________________________________
შარლატან გორდ
გორდიქ არჩა გაგმაცხადუ ნამდა მუ რდუ ნონტყერეფშე არძოშ უმოს რჩქინელ დოხთურ დო შეულებუდუ არძონერ ლახალაშ სკილიდაფა. მელაქ ქოკითხუ თის: „მუჭო შეილებუ შხვეფიშ სკილიდაფა, ვარა მითინშა წამალიშ დოგურაფა, მუჟამს ვეშეილებუ სკან საკუთარ სიქულეშ დო ჭირაკილ კანიშ სკილიდაფან?“
მიდგას პრეტენზია უღუ ნამუდგა შხვეფიშ გიშაკეთება შეულებუნ, პირველო უჯგუ მუშ დუდ გეგშეკეთასინ. ათაშ უმოსო დუჯერენა შხვეფ.
________________________________________
ვირ, მელა დო ალემ
ვირ დო მელაქ დეჯიმაკოჩეს დო ართო მიდართეს ტყაშა ონადირუშა. შორშა ვაულებუნა თეშ ქიშეხვადეს ალემს. მელაქ ქიმიახოლ ალემს დო დეპირუ ნამდა აჭოფაფუანდუ ვირს, ოღონდ ალემს სიტყვა ოკო ქიმუჩამუდუკო მელაშა, ნამდა ალემ მუს თვითონ ქიდინდენდუნ. ალემიშა მეჩამილ სიტყვაშ გეჸუნელს, მელაქ ვირიშო სხაპი ქიმიფიქრუ: თექ დარწმუნ ვირ, ნამდა მუთუნსუ ვადუშენდუნ დო ქოთხუ უკახალე მიდაჸუნუაფუდუკონ. მელაქ ვირ ქიმიჸონუ ტომბა ორომეშა, სოდგა ოკოდუ მიტყურუკო დო ენარგვუკონ. ქოთ თაშ გაკეთუ გურ უჩა ნონტყერქ დო ვირქ ქენანთხუ ქიანაშმადიდა ნთხორილს. ალემქ ქოძირ ნამდა ორომეს ენონთხაფილ ვირს სოთინ ვანტინედუნ დო უცბას ქოქინჩუ მელას თვათვეფ, აკოსოფუ დო ქოთ ოჭკუმუ იშო. მელაშ ჭკუმუა გათუნ, უკულ აუჩქარებუო დუდს ქიგიოდირთუ ვირს დო თინა ხოლო ოჭკუმუ.
მოღალატეეფ ოკო ელუდან ღალატის.
________________________________________
გერ დო ფშხურ
გერქ, დალახებულქ დო დასუსტებულქ, ქოძირუ ფშხურ მიშუ შარასინ, ქუდუძახუ თის დო ქოთხუ, ნამდა ჭიჭე წყარ ქუმუღალუდუკო ხვარჩალაიაშე. „სი ვარენო“ – გერქ ქიდიჭყუ რაგად – „წყარს ქუმომღანქუდა, ხორცის უსქანედ დობგორუნქია.“ „მართალ რექ“ – ქუპასუხ ფშხურქ – „მა ვარენო სი ართ ყინტ წყარ ხოლო ქიმეიღენ, სი ხორცის დასურო ქიშინქ სქანით.“
ტყურა სიტყვა ადვილო იძირე
________________________________________
მუმულ დო არხამა
მუმულ დიხას ეშმაცხვაბარანდუ მუშო დო მუშ დადულეფშო ოჭკუმალ ქოძირუკონ. ათე ბორჯის თოლ ქუმუკინდუ არხამა ქუას დო ქოთქუ: „ჩქიმ მანგიერო ჩქიმ მინჯეს ქუძირუდიკონ, დიხაშე გეშაიღანდუ დო მუშ გიშნაგორა არხამეფწკუმა ქუდორდვანდუ; მარა თიშ მანგიერო მა ქორძირ დო მა ხოლო სი მუთუნშო ვამარგებექ. თელ ქიანაშ არხამას მისხუნ ართ დუდელ .“
________________________________________
ჟირ ორკოლ
წყარს მეუღუდ ჟირ ორკოლ, ართ კეთებული რდუ ჭუბურაშე, მაჟრა ლატუნშე. ორკოლეფ ნდინარეს მიფაფუდესინ თეშ ჭუბურაშე კეთებულ ორკოლქ ქუწუ ლატუნშე კეთებულს: „გოხვეწუქ დისტანცია გიკებუდას დო ვამმახოლა, ვარა აკაბცხას იშენ ქუმკმადვენ, მა გოპტირხუქ ჭიჭე–ჭიჭე ნაწილებო. ჩქიმდე ურე, მა ხოლო ვეცადებუქ, ნამდა, ვემგახოლე პატონინ.“
ართნერეფ არძაშ უჯგუშ მაყალეფ რენა.
________________________________________
ალემი დო კოღონა
კოღონაქ ქიმეფურინ ალემშა დო ქუწუ: „მა აკაბცხას ხოლო ვამოშკურ სკანდა და გიჩქუდასინ, ჩქიმდე ჭიჭეთ უმოს ღონე ხოლო ვაიღუ. კოჩქ ქოთქუასინ, სოვრეშე გიღუ ძალა? მუშე აკმოდირთუ სკან ღონე? სი შეილებუ სკან ჭვალიკებით ცხაბარუა დო სკან კიბირებით ჩამინ. ენა ოსურეფს ხოლო აღოლენა წაკინდეფაშ ბორჯის. გიმაჟირუნქ დო გირაგადუქ, ნამდა მა უმოს ღონიერ და შეძლებულ ვორექ ვიდრე სი. სი ვარენო თენა ქუგოეჭვუ–და, მორთ, ქიბჩხუბათ დო ქობძირათ ნამ ორჯგინანსინ.“
თეშ რაგად გათუ დო კორონაქ ქიდიჭყუ წურწინ, ქიმკაჭაბუ ალემს და ქაჩამ ნესტოს დინახალეშე. ალემქ, კოღონაშ მიკოსიროტუას ცდილენდუნ თეშ, მინჭუ ნიჩვიშა ტორეფ დო კინ მუშ ჭვალიკეფით აკისოფუ მუშ დუდი. ათაშ გაგრძელუ სოიშახ გურქ ვესუსტუ დო ვადანთხუნ. ორჯგინუ კოღონაქ ალემს დო გურმეჩამილქ გომორძგუაშ ბირა–ბირათ, მიდაფურინუ. მარა ჭიჭე ბორჯიშ უკულ კოღონაქ ქუმოხვადუ ბადეს დო ბორბოლიაქ ოჭკუმ ვიშო. სოიშა ბორბოლია ჭკუმუნდუ კოღონასინ, თე უკანასკნელქ მუშ ბედიშ გენგარილო ქოთქუ: „მა ცოდას, უდიდაშ მაფაწკუმა შემილებ მელეთ გომორძგუაფილო დო ასე ათე ბორბოლიაქ ოკო დოპილას.“
________________________________________
რქვი დო თიშ ჭიჭე ძღაბეფ
რქვიებულ ოსურკოჩის მანგარო უჸორდ წკანტილო რინა დო ბრელს ხანდენდუ თეშ გურშენ. თე ოსურს ჸუნდუ ჟირ მოინალე ძღაბ. ხანდაშ მოჸოროფე რქვის ჩვევათ უღუდუ იალონშა, მუმულიშ ჸიონიშ ბორჯის, თე ცირეფიშ გოკურცხინაფა დო ომუშებშა ჸონაფა. ძღაბეფს მობეზრებულ აფუდეს აკოთანუ ოჭმარეს ედგინა დო ხანდა. თეშ გურშენ თე ცირეფქ გეგნოჭყვიდეს დუჸვილუდესკო მუმულინ, ნამუთ თენეფიშ უსიამოვნებას იჭყანდუ ირ ოჭმარეს. მუჟამს თენა გაკეთესინ, მალას ქოძირეს ნამდა მუნეფიშ დუდიშო უმოს გაჭირება მიკათესინ: ოსურკოჩის მეტ ვარჩქილედუ მუმულიშ ჸიონინ, თეშ გურშენ ბორჯიშ ჩინება ვეშულებუდუ დო ომუშებშა შკა სერს ეთმიორინანდუ ძღაბეფს.
ხანდაშ დო ღალაშ ოქექებელო უსამართლოთ მუდგაშ კეთება კოჩის დღას ვემწადირთუ დო ხშირას, პირიქით, გაჭირებას ხოლო გეუძინანს.
________________________________________
მელა დო ალემ
მელას დღას ვაფუდ ნაძირეფ ალემ. თე მელაქ პირველო ქოძირუ ალემ ტყასინ, თეშ აშკრუინ, ნამდა დახე დოღურ შკურნაფათ. მაჟრაშა ძირაფაშ ბორჯის ხოლო დოშკურონდუ, მარა უმოს ნაკლებო. მასმაშა ძირაფაშ დროს, თეშ გეალანუ, ნამდგა ქიმიაზადუ ალემს დო რაგად ქუდუჭყუ.
ნაჩინებაფუოფა ალიბარენს შკურანჯას.
________________________________________
ქალაქიშ ჭუკ დო სოფელიშ ჭუკ
სოფელარ ჭუქიქ დაპატიჟუ ქალაქარ ჭუკ, მუშუ უხოლაშ მაჸალე, ქიმუხვარებუდუკო სოფელს საქვარიშ ოქიმინუსინ. თენეფ ოხაჩქალ დიხაშ თუდო რდეს დო ჭკუმუნდეს მუნეფიშ ქობალს – დუდეფს დო მინორთინაფილ ჯინჯეფს . თეშ გურშენ ქალაქარ ჭუკიქ ქუწუ მუშ ჯიმაკოჩის: „სი თაქ ცხოვრენქ ბუტუტიაშ ცხოვრებათ, მუჟამს მა ბაღათურო ვორექ ქალაქის დო ჩქიმ ჸუდე ხოლო თექ სინდიდრეშ სიმბოლო რე. მა არძო ნერ არხამა მიღუ, დო ჩქიმწკუმა მალურქუ–და, თენა მა მანგარო მახიოლენ დო გოირთუნქ მუდგა ოხუნჭკორაია მიღუნ ირფელს. სოფელიშ ჭუკიქ ადვილო დეჯერუ მაჸალეშ ნარაგადი დო თეს მიდაჸუნ ქალაქიშა. მეულაშ უკულ ქალაქიშ ჭუკიქ ქეწუდგუ მუშ ჯიმაკოჩის ქობალ, ბარლი, ლებია, სკირაფილ ლუღ, თოფურ, იზიუმ, დო ბოლოს ქიმიღუ უგემუანაშ ჸვალიშ ნოჭკერ. სოფელიშ ჭუკის მანგარო ესიამოვნუ თეშნერ სუფრაშ ძირაფაქ, მაჸალეს გემუანას გეგმუხანტუ მუშ მორდება დო ქუმაჸუნ მუშ ბედიშ ჭყალას. თენეფქ მუჭოთ ქიდიჭყეს ჭკუმუან, მიდგარენქ გამკანჯუ კარ დო ჟირხოლოქ ინტეს წკუმინუათ ომანეშა, თიშმაჩქარას მუჭოთ შეულებუდესუნ. მარა ომანექ თიშნერ ინწროქ იუ, ნამდა ართიანიშ მიკოწილოხირო დორინაშ მეტო ვეშილებუდუ. ხიფათიქ გემკილუნ, ჭუკეფქ კინ ქიდიჭყეს ჭკუმუა, მარა მიდგარენქ კინ გემნორთუ ოთახიშა ოჭირქეშე მუდგარენიშ ეიოჭოფუშა. ათე შემთხვევას მაჸალეეფს ხოლო უმოსო აშკურინეს ვინემ პირველო დო კინ ქიგიოლეს ომანეშა ოტყობინალო. ბოლოს, სოფელიშ ჭუკიქ, შკირენშე დახე გათებულქ, ათეშნერ სიტყვა ქუწუ მუშ მაჸლე ქალაქარ ჭუკის: „თიშ უმკუჯინუო ნამდა სი ჩქიმო თეშნერ არაჩვეულებრივ სუფრა გაგმანწყინ, მა ოკო ქუდოიტუე. სკანო ქოიღდას თენ ოჭკუმალეფ. თეს ირფელს თისხი საშიშროება გართუ, ნამდა მა შურო ვამასიამოვნენს.“
უჯგუ ჭიჭე გიღდას დო უსაფრთხოთ რდენ, ვიდნემ ბრელი გიღდასო დო ხიფათით რდე გალენგართილ.
________________________________________
მაიმუნ დო დელფინ
მეზღვაურქ, შორ შარაშა აფუდუ ონჩურალინ, მიდეჸონუ მუწკუმა მაიმუნ ორთუაფალო. საბერძნეთიშ ნაპირს დეშორუნ, სასწაულ კოხიქ გეშალუ დო გემქ დინწყუ იშო, თაშინ ნამდა მეზღვაურსუ, მაიმუნს დო თელ ეკიპაჟის ონჩურალქ აის დუდიშ გინასკიდილაფარო. დელფინქ ქოძირუ მაიმუნ ტალღეფს ოლიმარუდუნ. თექ მეჩირთუ, მაიმუნი კოჩი რდუნ უჩქუდუ, მიდგაშ მაჸალეთ იკოროცხუდ ირიათონ. თეშ გურშენ ქიმენჩურუ მაიმუნშა, თუდოშე ქეთუდირთუ, თეშ ნამდა ოჭიშიშა ქიგუნჯირუაფუდუკონ დო ათაშ უსაფრთხო ადგილშა - ნაპირშა გეგშუონაფუდუკონ. ტანშა მაიმუნ მიკოხუნელ დელფინქ ქიმიანჭუ ნაპირიშ თოლიშ განჭაფუს ათენიშ ხოლოს დო მაიმუნს ქოკითხუ ქორდუ თუ ვარინ ათენელ კოჩინ. მაიმუნქუ უწუ ნამდა ათენელი რდუნ დო მუჭოთ თეშ წიმოხონეფ ხოლო ათენიშ ართ-ართ დიდებულ ოჯახიშე რდესინ.
დელფინქ უმოსო დეინტერესუ დო ქიკითხუ მაიმუნსუ ქიჩინენდუ თუ ვარინ პირეკეუსის (ათენიშ ჩინებულ პორტის ). მაიმუნქ იფიქრუ ნამდა დელფინს კოჩიშ ამბე აფუდუნ დო იძულებულ რდუ წოხოლე ნარაგადა ტყურაშ მანგ ამბე უთქუალუდუკონ დო დელფინს ქუპასუხუ ნამდა პირეკეუსის იჩინენდუ გვალო ჯგირონ დო მუჭოთ თინა აფუდ გიშნაგორა მაჸალენ. მაიმუნქ, ტყურა უმოსო ქუგურუაფუდუკო სიმართლეშან, ხოლო უმოსო გაფორმუ ნარაგადი, დო თინა ხოლო ქოთქუ, ნამდა პირეკეუსის, უეჭველო მანგარო ახიოლედუ თეშ ძირაფა. დელფინქ ქიმუხვადუ მაიმუნს ტყურას, გურქ მურთუ თეშ გურშენ დო ეხნარებულქ წყარს ქუნწყუ დუდი დო დაშკვიდუ მაიმუნ.
მიდგა არჩა თქუანს ტყურასინ იძულებულ იი უკულ ხოლო თქუას შხვა ტყურეფ წოხოლენ ნარაგად ტყურა მართალს ქუგურუასინ დო ადრე თუ გვიანს თესხი ტყურა მეტყურიეს აუცილებერო მუდგაინ უბედრობას ქეშიოხვამლუანს.
________________________________________
მაჩხუბარ მუმულეფ დო ქორ
ართ კოცს ჸუნდუ მაჩხუბარ მუმულეფ მაფურნჯაიეფიშ ეზოს. თე პატონქ ართ დღას, შემთხვევით, ქოძირ გოდინახებულ ქირს გიმიჩანდესინ. თექ ქიიდჸ ქირ დო ქიმიჸონუ ჸუჩა ოლააფე მუმულეფწკუმა ართო ორდალო. ოქოთომეს მითოხვილირ ქირს მუმულეფ თოლს უჯინედეს დო უკახალე ეკოჸუნდეს ირიათო. ქირ ფიქრენდუ ნამდა თენა მიწოძირაფილ აფუდეს მუმულეფსინ, დო მუჭოთ უცხონ თოლშა ვაძირუაფუდესინ. თეშ გურშენ თინა მანგარო რდუ შეწუხებულ. ბრელ ხან ვარდუ მუკულირინ თეშ, ქირქ ქოძირუ ნამდა მუმულეფ ართიანს ობანძღუდესინ დო სოიშახ ართიანს ვაჩუთხინესინ, მანგარო დოძიძგონეს ართ-მაჟრა. თენა ნაძირეფუს ქირქ მუშ დუდშო ქოთქუ: „ანწიანშო გურს ვემკიბჭუანქ ათე მუმულეფიშ-ჸურე წიმოძირაფაშ გურშენ, რახანს ვორწყექ ნამდა თენეფს ართიანწკუმა ბანძღიშ უმშო დორინა ხოლო ვეშულებუნა.“
უცხო კოჩქ ოკო ერიდას თინეფს, მიდგა ართიანწკუმა ბანძღენა.
________________________________________
ჭიჭე ბოშ დო ჭუჭელე
ჭიშე ბოშის ქაჩამ ჭუჭელექ. მიდერულ ჸუჩა დო მუშ დიდას ნგარა-ნგარათ ქუწუ: „მა მუჭოთ შემლებუდ წყნარას მეფთხი ხე, მარა თე ხეშ მეთხუმაქ თეშმამწარაქ იჸუ იშენ ჩქიმო.“ დიდაქ ქუპასუხუ: „გვალო თიშ ბრალ რე მანგარო გაჩუნ. ანწი ხეს ქიმეთხუნქ ჭუჭელას-და, მანგარო მეთხ დო აბრეშუმცალო ორსიალაია იი სკან ხეშო დო საერთოდ მუთუნს ხოლო ვაგოწყუნუანს.“
მუდგას ვართუდენ, ოკო აკეთე მანგარო.
________________________________________
ტყვეთ ეჭოფილ ტრუბადურ
ართ ტრუბადურ ქომოლურო ეწოჸუნდ მალიმარეფს დიდ ლიმაშ ბორჯის. ლიმაქ თებას მიანჭუნ, თე ტრუბადურქ ტერს ქაშჸოლუ ხეშა დო ქიმიანგარუ მაჭოფალს: „გოხვეწუქ ქუდამინდი დო სიცოცხლე ვემდამღა მიზეზიშ უმშო. მა ართ კოჩ ხოლო ვამჸვილუ სკან მალიმარეფშე დო ვართ მითინ მიჭკირჸ ხოლო, დო საერთოდ იარაღ ხოლო ვამიღუ. ათე ტრამპეტიშ მეტი მუთუნ ვამომღალუ ლიმაშა.“ „გვალო ათეშ გურშენ რხვადუ კოჩქ დორჸვილასინ,“ ქუწუ ტერქ, „თიშენ ნამდა სი თვითონ ვალიმენქ დო სკან ტრუბაშ მეგამათ შხვა მალიმარეფს ახინარენქ ოლიმარო.“
მიდგა შხვას ახინარენს კოჩიშ ოჸვილარონ, ზუსტას თისხის რე დამნაშავე კოჩიშ ჸვილუას, მუსხით თვითონ კოჩიშ მაჸვილარინ.
________________________________________
ფატალურ დაოჯახება
ალემს გურშა ქალურთუ ჭუკიშ დიდებულ ქცევაქ. გალენ ნონტყერეფშე მითინს ვაურჯგინუდუკო ალემიშა ჭუკიშ პატივისცემაშ დინახალენ, თექ ქოკითხუ ჭუკის, მუ ოკოდუნ დო დეპირუ, ნამდა ნათხირს შუსრულენდუნ. თე სიტყვეფ ქიმირჩქილუნ, ჭუკის გურს ქეთარძუ ამბიციაქ დო შურო ვაუფიქრებ მუ იიდუ მუშ მანგინ თეშ, ქითხუ ალემიშ ძღაბი ოსურო. ალემქ დეთანხმუ. კამპანია დღას, მუჟამს ალემს ოსურსკუა ოკო გეგნუჩამუდუკო ჭუკიშან, უბედურებაქ ქუმოხვადუ: თე ძღაბიქ, მუჭოთ ირიათონ, გურფიეჩოთ გეგმართუ და შურო ვაუფიქრებ სო დო მუჭო მიშუნ თეშ, აწაზადებშა მუმაულარ საქომონჟოს ქიგიოსხაპუ დო გოსირსუ იშო.
თოლ გიკებუდას უმანგე კავშირშა. ამბიციათ ეკოსკვილ ალიანსეფქ შილებე ოღურალქ იუასინ.
________________________________________
ვირი დო ოლიმარ ცხენ
ვირქ ქიმიახვამუ ოლიმარ ცხენს გოცაცაფილ დო უხაფორთე ცხოვრება. თეს ვირქ თინა ხოლო ქიგუძინუ ნამდა, მუს თვითონ აკაბცხა უღუდუ ოჭკუმალი დო თინა ხოლო მანგარ ხანდათინ.
ბრელ ხან ვარდუ მუკულირინ თეშ გეტირხუ ლიმაქ დო იარაღებით დოძვარძვილ მალიმარქ ქიგმადოხოდუ ცხენს დო დუდ ქიმშუოთუ პირდაპირ გაგანია ლიმაშა. ნტერქ დოჭკირუ ცხენ. მაღურუს შურ ვემეჸუნაფუ დიახაშ გენთხაფაშ მომენტიშა. ვირქ თენა ირფელ ქოძირუ მუშ თოლით, გეგნიფიქრუ წოხოლენ ნარაგადი, დო ცხენიშე გურ ალაჭვილქ ქოთქუ: „მუსხით უმოს ბედნერ ვორექ ვინემ ოლიმარ ცხენ. მა ჸუდეს შემლებ დოფსკიდენ, მუჟამს თის ლიმაშ არძონერ ხიფათიშა აფუ აწარინალინ.“
ჩქარებულო ვეგენჯარას შხვაშ მდგომარეობაქ.
________________________________________
აჯამი ყვარია
იუპიტერქ გეგნოჭყვიდუ ნამდა მაფურინჯაიეფშა ქუდურინუაფუდუკო მაფან. თეშ უკულ თიქ გეგმაცხადუ, ნამდა ართ კონკრეტულ დღას, არძო მაფურინჯაიაქ ქახოლუკო მუსინ დო მუჭოთ მუ გეგშეგორუნდუ უსკვამაშის მაფურინჯაიეფიშ მაფათინ. აჯამ ყვარიას გვალო ჯგირო უჩქუდ, ნამდა უსკვამელა რდუნ. თეშ გურშენ თექ ტყა-მინდორს დოგორ შხვადოშხვა მაფურინჯაიეფიშ ფსუალეფშე დუნაცუმა ბურდღეფ, ქიმკიციკუ ტანიშ არძო ნაწილშა დო ათაშ გესკვამუ დუდ. დანიშნულ დღას მაფურინჯაიეფქ აკიშაყარეს იუპიტერწკუმა. ყვარიაქ ხოლო ქიმერთუ ბრელნერ ბურდღეფით გუმონწყილქ. თეშ ფსუალეფიშ სისკვამეშ გურშენ იუპიტერქ ქიმწარინუ ყვარიაშ კანდიდატურა მაფაშობაშენ. იუპიტერიშ ათე გადაწყვეტილებათ ახნარებულ მაფურინჯაიეფქ პროტესტ გეგმოხანტეს: არძოქ მუშ ბურდღა გემკოსოფუ ყვარიას დო თე უკანასკნელქ ქუდოსკიდუ თიშნერქ მუშნერით დაბადებაშე რდუნ.
შხვაშ ფსუალეფით ფურინიშ იმენდ ვაიღუდას.
________________________________________
მებჟალე მოინალე ძღაბ დო ორკოლ ბჟა
მოინალე ძღაბიქ, ართ ვედრა ბჟა ჯარგვალშა მეუღუდუნ თეშ, ფიქრის ქაუნუ: „ფარა, მუშათ ათე ბჟა გიმიჩამუნ, მინიმუმ სუმოშ მარქვალს ქიიდენს. მარქვალეფშე მინ ტყვაპა ქიი, მინ ქიმშატირხუ, მარა ართ ჟიროშ ჟარნეჩდოვით წიწილა იშენ გეგშიჩაკუ. წიწილეფ გუმაჩამალო მზათ იინ, თი ბორჟიშო დინახალენ მაფურინჯაიეფს დიდ ფას გიაძვენუ. თაშ ნამდა წირ წანაშ ბოლოშო მა დასაბაღ ფარა მაღვენუ ახალ კაბაშ ოიდეთ. ახალ კაბას გუმონწყილ მიდურქ კალანდობაშა, სოდგა ბრელ ბოშ ბძირუნს დო ოსურობას ქოფთხინსინ, მარა მა დუდს დუკანტუანქ დო არძოს ვარიას ქუწინქ.“ მუშ ფიქრეფიშ ეუნელ ძღაბიქ დუდს მართალო ქუდუკანტუ, ორკოლქ გეგმუოლ დუდშე დო ოშ ნაწილო გუტირხუ იშო. ათაშ, წუთიშ დინახალე, აკანთხუ არძო გეგმაქ.
გიმოჩაკუაშა ვაკოროცხა წიწილეფ.
________________________________________
მხიარულ ვირ
ვირქ გეშახოხუ შენობაშ ორთვალშა, ქიდიჭყუ გილასხაპუა დო გოტახუ მუსხითირენ კრამეტ. მინჯექ ქეკათხოზუ ვირს, მალას ოჭოფუ, გეგმეჸონ გიმე დო ჭიფე ჭინით დოზღვინდუ მანგარო. ვირქ ქუწუ: „მუშენ ბლახუნთ?! გოღა ბძირ მაიმუნ ზუსტას ჩქიმცალო იქციებუდუ, დო თქვა არძო ართო უჯინედით დო გურით იძიცანდით, თითქოს მანგარო მორწონდესკონ თეშ.“
მიდგას მუშ ადგილ ვაუჩქუნ, ქუდაგურუან ოკო.
________________________________________
კოჩი დო სატირა
კოჩიქ დო სატირაქ ართიშა ქუდარსხეს ალიანს. ზოთონჯიშ ართ ჩხურ დღას, მუჟამს თენეფ ართიანწკუმა იჩიებუდესინ, კოჩიქ პიჯიშა ქიმიღუ ხე დო შურ ქუდუმბარუ. სატირას დეინტერესუ მუშენ ღოლუ ქოჩიქ თეშნერ მუდგარენინ დო ქოკითხუ. კოჩიქ ქუპასუხუ ნამდა თენა აკეთუ ხეშ გატიბაფალონ. კინ თიმ დღას თენეფქ აკოდოხოდეს ოჭკუმალო. ოჭკუმალ რდუ მანგარ ჩხე. კოჩიქ გეჭოფუ ართ-ართ მუშ სენ, ქიმიღუ პიჯიშა დო შურ ქუდუმბარუ. სატირაქ კინ ქოკითხუ, მუშენ უმბარანდუ შურსინ. კოჩქ ქუპასუხუ ნამდა თენა აკეთუ ოჭკუმალიშ გარგილაფარონ. „მა ანწ ჩქიმ მაჸალეთ ვამაკოროცხექ,“ ქუწუ სატირაქ კოჩის „მა დღას ვევენდებუქ
· 
მეგრული ტექსტები, შევაგროვოთ მეგრული ზეპირსიტყვიერებბის ნიმუშები
