ძველი გერმანული მოდგმის ხალხები

გადასახლებების ტალღის თეორია
ურნების მინდვრების კულტურაში არსებობს სათავსოები და გამაგრებული დასახლებები, რასაც მეცნიერები მიიჩნევენ ბრძოლებისა და არეულობების ნიშნად. წყაროებში არსებობს რამდენიმე მოვლენა-არეულობა, რომელიც უნდა ემთხვეოდეს აღნიშნული კულტურის არსებობის პერიოდს: 1) მიკენის კულტურის დასასრული, რომლის პირობითი თარიღი უნდა იყოს 1200 ქრისტემდე; 2) ტროას განადგურება, ქრისტემდე დაახლოებით 1200 წელი; 3) რამზეს მესამის ბრძოლები "ზღვის ხალხებთან", 1195-1190 წლები ძვ. წელთაღრიცხვით; 4)ხეთების სახელწიფოს დასასრული, 1180 წელი ქრისტეს შობამდე; 5) ფილისტიმელთა დასახლება პალესტინაში, 1170 წელი ქრისტემდე. მეცნიერთა ნაწილი ამ მოვლენებს ერთმანეთთან აკავშირებს ევროპაში მოსახლეობის ცვლილებას, გადასახლებებს. ამ კუთხით ნახსენებია ასევე დორიელთა შეჭრა საბერძნეთში. თუმცა სხვა მოსაზრებებით ეს მოვლენები არ უნდა იყოს ერთმანეთთან ასეთ მჭიდრო კავშირში.

დასახლებები მკვეთრად სწრაფად იზრდება, ვიდრე ეს ყორღანული კულტურის დროს იყო. დამახასიათებელია დასახლებები ამაღლებულ ადგილებზე, გარშემო კი დამცავ საშუალებებს აგებდნენ. გერმანიის სამხრეთით არსებულ ტბებთან და შვეიცარიაში აშენებდნენ ხიმინჯებიან სახლებს.

რეკონსტრუქცია ხიმინჯებიანი სახლების


ნაპოვნი კერამიკა კარგი ხარისხის არის, გლუვი.


ასეთი მოყვანილობის იარაღსა და აღჭურვილობას პოულობენ სამარხებში


სათავსოები ძალზე დამახასიათებელია ურნების მინდვრების კულტურისთვის. ეს ჩვეულება ნელნელა ქრება ბრინჯაოს ხანის დასასრულისთვის. ისინი ხშირად კეთდებოდა მდინარეებში და ისეთ ნესტიან ადგილებში, როგორიც არის ჭაობი. ასეთი ადგილები ძირითადად მიუვალია და ეს კეთდებოდა როგორც ძღვენი ღმერთებისადმი. სხვა სათავსოებში იყო გატეხილი ან გამოსაყენებლად უვარგისი ნივთები, რომლებსაც, სავარაუდოდ, მჭედლები იყენებდნენ გადადნობისთვის. ზოგიერთი მკვლევარი ასკვნის, რომ ასეთი სამარხები, ადრეულიც და გვიანდელიც, რადგან შეიცავენ ერთნაირ ნივთებს, ეს უნდა ყოფილიყო იარაღის მომარაგება მომავალი ცხოვრებისთვის.

ყორღანების დროს აკეთებდნენ მასიურ სამარხებს, ხოლო ურნის მინდვრების კულტურის დროს დამარხვა ხდებოდა ძირითადად განცალკევებულად, თუმცა ხანდახან ყორღანებსაც აკეთებდნენ მაინც. კულტურის ადრეულ ეტაპზე სამარხს აკეთებდნენ ადამიანის მოყვანილობის, ხანდახან ქვებითაც იყო ძირს გაწყობილი და ისე ასვენებდნენ მიცვალებულის კრემირებულ ნარჩენებს. უფრო მოგვიანებით დაიწყო ხალხმა ნარჩენების ურნებში მოთავსება, რასაც მეცნიერები ხსნიან ხალხთა რელიგიურ და მსოფლმხედველობრივ საკითხებში ცვლილებებით, შეიცვალა მათი წარმოდგენა მიწიერ და იმქვეყნიურ ცხოვრებაზე.

მარბურგთან(გერმანია) მიკვლეული სამარხი-ყორღანი


ურნების ჩამარხვის წესი, სქემა


ნახევარმთვარის ფორმის საჭრელის სქემა


* * *
გერმანიაში აღმოჩენილი ე.წ. "ოქროს ქუდი"


ებერსვალდის განძი


ნებრას დისკო


მოლდის ოქრო


This post has been edited by giorgivachadze on 13 Mar 2011, 20:55

[B]საქსები[B]

ჩრდილო-აღმოსავლეთის ჯგუფის ძველგერმანული ტომი(ინგ: Saxons, გერმ: Sachsen). სიტყვა საქსონი მოდის ამ ტომების ერთ-ერთი ძირითადი იარაღის, მოკლე მახვილის, "საქსის" სახელიდან.
საქსები მოსახლეობდნენ ჩრდილოეთ ნიდერლანდში, დღევანდელ ვესტფალიაში, სამხრეთ საქსონიაში, ჰოლშტეინში, მეკლენბურგში და ჩრდილო საქსონურ ანჰალტში. ახ.წ III საუკუნიდან რომაულ ისტორიულ წყაროებში მოხსენიებულია საქსონი მეკობრეები, რომლებიც ხშირად ძარცვავდნენ სავაჭრო გემებს და თავს
ესხმოდნენ სანაპიროებს. III-V საუკუნეებში საქსონებმა ანგლებთან და იუტებთან ერთად რომაული ბრიტანეთისკენ აიღეს გეზი, ხოლო მას შემდეგ რაც რომაელებმა საბოლოოდ დატოვეს ეს მიწები, ისინი მასიურად ჩასახლდნენ ინგლისის ტერიტორიაზე, განსაკუთრებით ჩრდილო-აღმოსავლეთ სანაპიროებზე, დღევანდელ საფოლკსა და ნორფოლკში. ცნობილი საქსონელი ბელადები იყვნენ ჰენგისტი და ჰორზა, რომელთაც ბრიტანეთის ტერიტორიაზე მოახერხეს ფეხის მოკიდება მე-5 საუკუნეში. ბრიტანელ მეფე ვორტიგერნს კი აიძულეს მათთვის მიწები მიეცა. ძველინგლისური ლეგენდების მიხედვით საქსების პირველი შემოჭრა მარცხით დასრულდა და ისინი ბადონის მთასთას იგივე მონს ბადონიკუსთან მეფე არტურმა დაამარცხა, რომელიც მხოლოდ ლეგენდარული პიროვნებაა. მე-6 საუკუნიდან ანგლო-საქსებმა უკვე მაგრად მოიკიდეს ფეხი ინგლისში და აქ თავიანთი სამეფოებიც დაარსეს, რომელთაგან გამოირჩეოდა: კენტი, მერსია, ნორთუმბრია, სასექსი, ვესექსი, აღმოსავლეთ ანგლია. გერმანიაში დარჩენილი საქსონები წარმართები იყვნენ მანამდე, სანამ იმპერატორმა კარლოს დიდმა არ დაიპყრო მათი მიწები და გააქრისტიანა.

This post has been edited by grindelvaldi on 15 Mar 2011, 13:58