androabuladze
რაციონალისტი
ჯგუფი: Members
წერილები: 17931
წევრი No.: 130141
რეგისტრ.: 16-April 11
|
#32897063 · 7 Sep 2012, 20:09 · · პროფილი · პირადი მიმოწერა · ჩატი
dani94
| QUOTE | | რამოდენიმე მეცნიერს აგრეთვე გამოთქმული აქვს მოსაზრება, რომ მათ ანატოლიის დაპყრობილი მოსახლეობის ნაწილიც წაიყვანეს სალაშქროდ. |
მოიყვანეთ კონკრეტული წყარო ან არგუმენტი.
| QUOTE | | მე კი გეუბნები თავდაპირველად აბრაამიდები ხურიტები იყვნენ |
მოიყვანეთ არგუმენტი, რაზე დაყრდნობითაც ამას აცხადებთ.
| QUOTE | | ბიბლია გვეუბნება, რომ აბრაამიდები ქალდეური ქალაქ ურიდან იყვნენო. |
კი, ბიბლია გვეუბნება, რომ აბრაამი ქალდეური ქალაქ ურიდან ("ურ ქაშდიმ") იყო, თქვენ კი ამბობდით ურ-ქაშდიმში ურარტუ იგულისხმებაო  | QUOTE | | იბერიულ-კავკასიური ანუ ქართული ტომები |
კავკასიური (იბერიულ-კავკასიური) ქართულს არ ნიშნავს.
ცნება კავკასიური (იბერიულ-კავკასიური) მოიცავს ქართულს.
| QUOTE | | სუმერები(შუმერები) თავდაპირველად იბერიულ-კავკასიური ტომები იყვნენ. |
შუმერული ენა გენეტიკურად არ ენათესავება კავკასიურ ენებს.
ამრიგად შუმერების კავკასიელებად გამოცხადება გენეტიკური მარკერების შესწავლის გარეშე დაუშვებელია.
ამგვარი კვლევა კი ჯერ-ჯერობით არ არსებობს.
| QUOTE | | ნიკო მარი, მიხაკო წერეთელი, ივანე ჯავახიშვილი, სიმონ ჯანაშია, რევაზ გაბაშვილი და სხვა ქართველ თუ არაქართველ მეცნიერებს მიაჩნდათ რომ ხურიტები, კარდუხები, შუმერები, სუბარეველები, ძველი ქალდეველები, ქალდები, ხალდები პროტო ქართული ტომები იყვნენ. |
ეს სია სანამდეც არ უნდა დააგრძელოთ, მე დარწმუნებით გეტყვით, რომ ეს ა ბ ს უ რ დ ი ა
იმ მარტივი მიზეზის გამო, რომ პროტო-ქართველებად იწოდებიან პროტო-ქართველურ ანუ საერთო ქართულ-ზანურ-სვანურ ენაზე მოსაუბრე ხალხი,
ხურიტები და შუმერები კი პროტო-ქართველურ ენაზე არ ლაპარაკობდნენ (იმედია ამაში არ შემდეავებით).
ამრიგან ხურიტებისა და შუმერების პროტო-ქართველებად, მითუმეტეს პროტო-ქართებად გამოცხადება ყოვლად გაუმართლებელია.
| QUOTE | | ჯავახიშვილის ვერსია დროის ფუჭად ფლანგვა ყოფილა თურმე |
დიახ და თუ რატომ უკვე მოგახსენეთ:
"მსუბუქად რომ ვთქვათ, არ არის დამაჯერებელი ურ-ისა და ურარტუ-ს გაიგივება,
მითუმეტეს, რომ ურარტუ ებრაულ წყაროებში მოიხსენიება როგორც არარატი (და არა ურარტუ ან ურ).
არ არის ნაჩვენები ტოპონიმთა ლინგვისტური მიმართება. რეალურად ყველაფერი გაცილებით მარტივია:
Kašdim (ქაშდიმ) სამხრეთ-აღმოსავლეთ მესოპოტამიის ებრაული სახელწოდებაა,
ური კი სწორედ სამხრეთ-აღმოსავლეთ მესოპოტამიაში ანუ ებრაულ ქაშდიმში არსებული ქალაქია".
| QUOTE | | ხოლო შენი და სხვათა ნააზრევი, თურმე აბსოლიტური ჭეშმარიტება ყოფილა. |
ნააზრევს ვერ ექნება პრეტენზია აბსოლიტურ ჭეშმარიტებაზე.
დასკვნები გამომდინარეობს კონკრეტულ მომენტში ჩვენს ხელთ არსებული არგუმენტებიდან.
| QUOTE | | არსებობს მეორე ვერსიაც რომელსაც ბევრი თეოლოგი იზიარებს, რომ თირასი ხირამელებს ნიშნავსო |
ეტყობა რომ თეოლოგთა ნააზრევია და არა ლინგვისტიკაში ოდნავ მაინც ჩახედული ისტორიკოსის - თირამისა და ხირამის გაიგივება არასწორია,
ვინაიდან შეუძლებელია თ-სა და ხ-ს მონაცვლეობა.
მეორე კონტრარგუმენტი კი ის არის, რომ ფინიკიელები სემიტიები იყვნენ, იავანი კი იაფეტის შვილი იყო და არა სემის.
| QUOTE | | იგივე ხდება იავანთან მიმართებაში ზოგს იავანი იონიელები ჰგონია, მე ვამტკიცებ, რომ იავანი ვანის სამეფოს ნიშნავს. |
1. ვანი თანამედროვე სომხური ტოპონიმია და ეწოდება ურარტული ხანის ქალაქ ტუშფას.
ეს ქალაქი (ძველი ტუშფა, თანამედროვე ვანი) ურარტუს დედაქალაქი იყო,
ამიტომაც ზოგიერთმა თანამედროვე მეცნიერმა ურარტუს ვანის სამეფო უწოდა,
იმ პრინციპით, რა პრინციპითაც ასურეთს ეწოდა სახელი დედაქალაქ ასურიდან.
რეალურად კი ურარტუ არც ერთ წყაროში არ მოიხსენიება როგორც ვანი.
ვანის სამეფო მხოლოდ თანამედროვე სახელია, რომელიც მეცნიერებმა შეარქვეს.
2. ურარტუ ებრაულ წყაროებში მოიხსენიება, როგორ არარატი.
ამ არგუმენტებზე დაყრდნობით გეუბნებით, რომ იავანის ვანის სამეფოსთან გაიგივება აბსურდია.
იავანი არის იონელთა ეთნარქი, როგორც ამას იოსეფ ფლავიუსი წერს,
იავანისა და თანამედროვე ტოპონიმ ვანის ფონეტიკური მსგავსება კი დამთხვევაა.
| QUOTE | | დიაოხი იგივე დანი იყო, თავისი ლაზური მოსახლეობით. |
სამარცხვინო შეცდომას უშვებთ. დიაოხის სამეფოს არსებობის დროს ლაზური ენა არ არსებობდა
და დიაოხის მოსახლეობა როგორ-ღა იქნებოდა ლაზური?!
| QUOTE | | "პროტო-იბერიულიც"-ეს ტერმინიც პირველად გაიგე შენ. ეს ტერმინიც არსებობს მეცნიერებაში და ესპანეთის და ბალკანეთის ძირ-ძველი მოსახლეობის აღმნიშვნელად გამოიყენება. |
მერე ესპანეთის მოსახლეობას კი, მაგრამ ბალკანეთის მოსახლეობა რა შუაშია?
ამიტომაც დაგისვით შეკითხვა.
| QUOTE | | რას ამბობ ისეთს რომელიც ეწინააღმდეგება იმას, რომ სომხები არიან ბალკანეთიდან გადმოსახლებული მცირე აზიის ტერიტორიაზე |
ჩემი თხოვნა იქნება სომხები და არმენები არ აურიოთ ერთმანეთში.
არმენები ბალკანეთიდან გადმოსახლებული ტომები არიან,
თანამედროვე სომეხი ერის ფორმირება კი მოხდა კავკასია-ანატოლიის მიჯნაზე არმენების, ხურიტებისა და ქართველების გათქვეფით.
| QUOTE | | მათ კავშირი აქვთ ამ ტოპონიმ თოგარმასთან. |
განსხვავება ის არის, რომ თქვენ თოგარმა არმენების ეთნარქად გამოაცხადეთ,
მე კი ვაცხადებ, რომ ის თეგარამას მოსახლეობის ეთნარქია, რომელიც მხოლოდ არმენებით არ იყო დასახლებული.
| QUOTE | | რაც შეეხება იმას რომ პელაზგები და ბალკანეთის უძველესი მოსახლეობა იყო იბერიულ-კავკასიური რასის |
"იბერიულ-კავკასიური რასა" ანტიმეცნიერული ტერმინია, ისევე როგორც ე.წ. "არიული რასა" და სხვ.
| QUOTE | | თვითონ ლეონტი მროველი არარატის მტებს არარატის მთებად მოიხსენიებს, ხოლო ტავროსის მთიანეთს მასისს ეძახის და ესეც ცნობილი იყო ივანე ჯავახიშვილისთვის, რომ არარატის გარდა ტავროსის მთიანეთსაც მასისს უძახდნენ ძველად. |
მე ამის წყარო გთხოვეთ.
| QUOTE | | კარგად გაიგე და დაიხსომე, რომ ბიბლიური თოგარმა სხვაა და ლეონტი მროველის თარგამოსი სხვა, რაც არ იცი და არაფერი გაგეგება იქ ცხვირს ნუ ჰყოფ პრეტენზიებით და ანტიქართული მოსაზრებებით. სომეხთა ეთნარქი ბიბლიური თოგარმა გომერის ძეა, ხოლო ლ. მროველის თარგამოსი კი იავანის ძის თარშის ძეა. აქ უკვე ჩანს რომ ლ. მროველიც განასხვავებდა თოგარმას, თარგამოსისგან. |
ის რაც თქვენ დაწერეთ იმის შესახებ, რომ თოგარმა და თარგამოსი სხვადასხვა შტოებს მიეკუთვნებიან ანაბანაა.
მე სახელის ეტიმოლოგიაზე გეუბნებით.
თოგარმასა და თარგამოსის სახელი მოდის ერთი და იმავე ტოპონიმიდან - თეგარამადან.
თუ მე ვცდები დამიდგინეთ თარგამოსის სახელის ეტიმოლოგია.
| QUOTE | | ყველაზე დიდი აბსურდი შენ უკვე თქვი, რომ თურმე ქართველები და ქართული ენა ინდო-ევროპული რასიდან და ენიდან შეიქმნა თურმე ანატოლიაში და ეს არ დამვიწყებია, რომ იცოდე და ამაზე სხვა დროს კიდევ დაგელაპარაკები. |
1. ქართული ენა ინდო-ევროპულიდან არ შექმნილა.
პროტო-ქართველური ენა მიღებულია პროტო-კავკასიური ენის გაყოფის შედეგად.
პროტო-კავკასიურიდან პროტო-ქართველურის გამოყოფა კი ინდო-ევროპული ტიპის ენის სუპერსტრატულ მოქმედებას უნდა გამოეწვია,
რადგანაც ქართველურ ენებს (ქართულს, მეგრულს, ლაზურს, სვანურს) აქვთ მძლავრი ინდო-ევროპული სუპერსტრატი (იქნებ ისიც თქვათ არ აქვსო).
კავშირი ადის საერთო ქართველურ დონემდე.
რაც ყველაზე მთავარია ინდო-ევროპული მასის შემოსვლა დასტურდება არქეოლოგიური მონაცემებითაც.
2. ინდო-ევროპული რასა არ არსებობს.
| QUOTE | | ხოლო რის საფუძველზე ამბობს და ეზეკიელ წინასწარმეტყველის წიგნიდან გამოიმდინარე. ეზეკიელი ამბობს: “ უთხარი, ასე ამბობს-თქო უფალი ღმერთი: აჰა, შენზე ვარ გოგ, როშის, მეშექის და თუბალის მთავარო! გაგაბრუნებ და ყბაში ჩანგალს ამოგდებ. . . . თოგარმას სახლს ჩრდილოეთის კიდეებიდან მთელი თავისი ურდოთი, ურიცხვი ხალხითურთ შენთან ერთად”, და კიდევ ეზეკიელი: “ადამიანის ძევ! იწინასწარმეტყველე გოგზე და თქვი, ასე ამბობს თქო უფალი ღმერთი, აჰა, შენზე ვარ როშის, მეშექის და თუბალის მთავარო, . . . .ისრაელის მთებზე დაეცემი მთელი შენი ურდოიანად და ხალხთან ერთად, შენ რომ გახლავს. . .” (ეზეკიელი თ.39 მ.1-3). |
მასეთი ადგილები კიდევ არის ბიბლიაში. მაგალითად:
ეზეკიელის წინასწარმეტყველება
თავი XXXVIII
14. ამიტომ იწინასწარმეტყველე, ადამის ძევ, და უთხარი გოგს ასე ამბობს-თქო უფალი ღმერთი:
როგორ ფიქრობ, არ დაემკვიდრება იმ დღეს ჩემი ერი, ისრაელი, უზრუნველად?
15. მოხვალ შენი ადგილიდან, ჩრდილოეთის კიდეებიდან, შენ და შენი ურიცხვი ხალხი შენთან ერთად,
ყველანი ცხენებზე ამხედრებულნი, დიდძალი კრებული და ურიცხვი ლაშქარი.
თუ გინდათ კიდევ მოგიყვანთ ასეთ ციტატებს, მაგრამ ეს საკითხის არსს არ ცვლის.
არავინ დავობს იმაზე, რომ სკვით-კიმირიელებმა სამხრეთით, მათ შორის პალესტინაშიც ილაშქრეს.
არც იმაზე დავობს არავინ, რომ მათ კოლხეთში ილაშქრეს.
მაგრამ არსად არის ნათქვამი, რომ მათ სხვა ეროვნების ადამიანები წაიყვანეს სალაშქროდ.
ამას ადასტურებს ისიც, რომ ზემოთ მოყვანილ ციტატაში, სადაც საუბარი იყო გოგის ხალხზე, "ყველანი ცხენებზე ამხედრებულნი" არიან.
ძველი ქართველები კი ქვეითი მებრძოლები იყვნენ და არა მხედრები.
ამას grindelvaldi-იც დაგიდასტურებს, რომელიც სამხერდო ისტორიის კარგი მცოდნეა.
| QUOTE | | დანის ტომი ფილისტიმელების მეზობლად მერე გამოჩნდნენ |
მერე-და რა გინდა კავკასიის დიაოხთან, როცა იქვე, პალესტინის მახლობლად არსებობდა დანუნას ქვეყანა.
| QUOTE | | აღსანიშნავია ისიც, რომ ცნობილი ებრაელი მეცნიერი და არქეოლოგი იგაილ იადინი რომელმაც შეისწავლა გალილეის მოსახლეობის კულტურული ფენა, ამტკიცებდა რომ ებრაული დანის ტომი არა ებრაული წარმოშობისაა და ბალკანეთიდან გადმოსახლებული დანაიდები უნდა იყვნენო. |
ეს ეწინააღმდეგება თქვენს მტკიცებას იმის შესახებ, რომ დანის ტომელები დიაოხელები იყვნენ.
| QUOTE | | ხურიტები რომ ქართველთა მონათესავე ხალხი იყო პირველად გაიგე. |
"მონათესავე" სხვაა, ხურიტებისა და კოლხების ერთ და იგივე ხალხად გამოცხადება კი სხვა.
| QUOTE | | ხო ვიცი რომ ხურიტული ენები დღევანდელ გაბატონებულ ზოგიერთ მეცნიერს არცერთ ენათა ჯგუფში არ შეჰყავს |
მე ამას არ ვიზიარებ და ვთვლი, რომ ხურიტული ენა კავკასიურ ენათა ოჯახში შედის, ხურიტები კი პროტო-კავკასიური ხალხის განაყოფს წარმოადგენენ.
ამის დასამტკიცებლად ჩემი არგუმენტები მაქვს. მათ შორის მაქვს ლინგვისტური არგუმენტები, რომელთა ნაწილიც დაფუძნებულია ჩემს საკუთარ კვლევებზე.
| QUOTE | | დასაწყისისათვის გაეცანი აი ამ წერილს და შეიძლება მიხვდე კიდე რა ხდება დღევანდელ მეცნიერებაში |
ეს ზვიად გამსახურდიას "საქართველოს სულიერი მისიაა". კარგი ხანია რაც წაკითხული მაქვს. ვეთანხმები იმას, რომ პრომეთეში ქართველთა წინაპრები იგულისხმებიან,
მაგრამ უდიდესი ნაწილი მეცნიერული ფანტასტიკაა.
grindelvaldi
+1
SURSILVAZ
| QUOTE | | იესო იყო ქართველი საუბრობდა ძველ მეგრულად |
ევრიკა!
| QUOTE | | ბიბლიასა და სხვაწიგნებში ბევრი რამ გადაკეთებულია, გააკეთეს ისე როგორც აწყობდათ. |
შემთხვევით ბიბლია მეგრული ეფუთის კოპი ხომ არ არის? | QUOTE | | თვითონ კაბადოკია კი მეგრულად ნიშნავს კაბას |
ერთი კაპადოკია ნიშნავს კაბას და მეორე სკანდინავია "სკან დიდა ნავიას" ("შენი დედა ნავია").
sesi-eliot
| QUOTE | | არგუმენტი მაინც დაიდოს.... |
ბიბლიაში წერია, რომ ჯვარზე გაკრულმა იესო ქრისტემ თქვა: "ელი, ელი! ლამა საბაქთანი",
სინამდვილეში კი უთქვამს "დუდო-ღორონთი, მუმაჩქიმი! მეურქ სკანდა" ანუ "მამაო, ღმერთო! მოვდივარ შენთან".
ამას გვასწავლის ვლადიმერ ვახანია. მიდი და არ დაუჯერო.
| QUOTE | | ტომეულის სახელწოდება მითხარი და თავად ვნახავ, არ შეგაწუხებ.... |
ამაზე წერს ვლადიმერ ვახანია წიგნში "კოლხეთ-საქართველოს ეპოსი". ამას გარდა იმდენი სიცილის მომგვრელი აბსურდი უწერია, რომ ამაზე ცალკე თემის გახსნას ვაპირებ.
This post has been edited by androabuladze on 7 Sep 2012, 20:18
|
იესო ქრისტეს და გალილეველთა წინაპრები წარმოშობით, იბერიულ-კავკასიური მოდგმისა იყვნენ, დიაოხის ქვეყნიდან.
