ამ თემას გადავხედე და აქაც ის ხდებოდა რაც ამ განყოფილებაში ხდება და ხდებოდა
ბუტკუჯას ანტიქართული კამპანია ხომ ამ განყოფილების განუყოფელი ნაწილია,მაგრამ არც სხვები არ აკლებენ.
აი, ერთი იუზერის არგუმენტი, რომელსაც სერიოზულად სჯერა, რომ ბაგრატიონები ყოფილან დავით მეფეს შთამომავლები
მერე ამის გარჩევა რამოდენიმე გვერდი.
არადა, ძნელი მისახვედრი არ არის რატომ შეთხზეს -ეგ ლეგენდა. იმ დროს გავრცელებული იყო სამეფო დინასტიები დაეკავშირებიათ ქრისტესთან
ჰომო გეორგუს აქვს ყველაზე კარგი არგუმენტი - ანუ სომხებს რომ ეჭვი ჰქონოდათ ქართლის მეფეები იყვნენ სომხები, სპარსელები და ა.შ აუცილებლად დაწერდენ, არადა გარკვევით უწერიათ, რომ ფარნავაზიანების დინასტია მმართავდა ქართლს.
ასევე მჯერა, რომ ქართული დამწერლობა გვქონდა ქრისტიანობის მიღებამდე. ფინიკიელებზე ადრე რომ შევქმენით დამწერლობა და მსგავსი ზაპრების არ მჯერა, რა თქმა უნდა,მაგრამ იმ აზრს ნამდვილად ვიზიარებ, რომ წარმართულ ეპოქაში უკვე გვქონდა ჩვენი დამწერლობა. ჩემი აზრით, რომ მოვიწვიოთ საუკეთესო უცხოელი არქეოლოგები და ადგილობრივი სპეციალისტებიც შევუერთოდ და დავიწყოთ მთელი საქართველოს გამოკვლევა, აუცილებლად ვიპოვით მაგის დამადასტურებელ არტიფაქტებს.
რატომ არ გვქონდა ქრისტანობის მიღებამდე რამე სერიოზული ლიტერატურული ნიმუში ან ნაწერი და ძეგლები- ვიზიარებ იმ მოსაზრებას, რომ ქრისტიანებმა გაანადგურეს ძალიან ბევრი წარმართული ძეგლი, ხოლო რაც გადარჩა, არ გაუფრთხილდენ და ასევე განადგურდა მაგიტომ, თუმცა დიდი ალბათობით რაღაცები იქნება გადარჩენილი, უბრალოდ სათანადო კვლევა უნდა მაგას.
სერიოზული ისტორიკოსები რომ არ გვყავდა და სომხები გვჯობნიან მაგ კუთხით- ეგ იმის აგუმენტად არ გამოდგება, რომ დამწერლობა არ გქონდა. თუ დააკვირდებით არც შემდეგ წლებში გვყოლია ძალიან კარგი ისტორიკოსები და მემატიანები...
ვერ ვიყავით მაგ სფეროში ძლიერნი. სომხები კიდე პირიქით, დღესაც მაგით ერთობიან
ჩვენ მხოლოდ ტრაბახი გვიყვარს, მაგრამ სერიოზული ნაშრომების წერა ხშირად გვეზარება.
აი,მეგრელების თემა საერთოდ სასაცილოც არ არის. ჯერ ერთი- ზუსტად არ ვიცით ქორთები (როგორც მეგრელების გარკვეული ჯგუფი ეძახის) და ზანები სხვადასხვა ხალხია ყველა მხრივ თუ მონათესავე ტომები იყვნენ, შემდეგ ზანური ენის და ქართული ენის დაშლა და გაყოფა მოხდა თუ ყოვეთვის სხვადასხვა ენები იყო. და ბოლოს- ყველაფერს რომ თავი გავანებოთ, მსოფლიოს სხვადასხვა ქვეყნებში ჩვეულებრივი მოვლენა, როდესაც ერთი კონკრეტული რეგიონი ხდება დომინანტი და საბოლოოდ მის სახელიდან იწარმოება ერის მთლიანი სახელწოდება. ზანებმა და ქართებმა შექმნეს ის ქვეყანა, რომელსაც დღეს საქართველო ეწოდება
დღეს, სამწუხაროდ ლაზები დაშორებული არიან საქართველოს,მაგრამ ეგ სხვა თემაა.
მეგრელები, სვანები და ქართები ერთად ქმნიდენ ამ ქვეყანას და ერთად მოვედით აქამდე, რაღაც სისულელეების ვისაც სჯერა და მტრის პროპაგანას იმეორებს მას მეგრული ენა და კულტურა საერთოდ არ აინტერესებს.
რა გვარის იყო სამეფო დინასტია, (ქართული) მერვე საუკუნემდე
