chiefangel
Do Your Best
ჯგუფი: Moderators
წერილები: 5758
წევრი No.: 11304
რეგისტრ.: 7-July 05
|
#20176347 · 15 Jun 2010, 22:41 · · პროფილი · პირადი მიმოწერა · ჩატი
QUOTE | გამარჯობათ მინდა ვიყიდო კონდიციონერი (ზიმა-ლეტო) რომელ ფირმას მირჩევთ ან სად ვიყიდო, თანხა 1000-1200 ლარის ფარგლებში... |
1000-1200 ლარის ფარგლებში ბევრი კონდეციონერის ყიდვა შეიძლება midea aux galanz ariston toshiba toshiba daisekai DAEWOO YORK
თუ მოგინდება შემიძლია სადილერო ფასში აგაღებინოთ. * * * * * * * * * კონდიციონერის შესახებ...
ადამიანს, როგორც წესი, მუდმივად არ აკმაყოფილებს ამინდი – ზაფხულში - სცხელა, ზამთარში - სცივა, და ყოველთვის უჩივის შემაწუხებელ ჰავაზე. და თუ ასეა, კონდიციონერის შეძენის დრო ხომ არ მოსულა?
ზემოთ თქმულს შემიძლია დავუმატო რომ ტემპერატურის მატება 28°C-ზე ზევით, ჯანმრთელი ადამიანის გამომუშავება მცირდება რამოდენიმეჯერ, ხოლო მოხუცებს და ბავშვებს საერთოდ ძნელად გადააქვთ სიცხე. გარდა ამისა, ტემპერატურის ვარდნის 18°C-ზე ქვევით ვარდნის შემთხვევაში, თავს შეგვახსენებს ასეთი დაავადება როგორიცაა რევმატიზმი ან სხვა ჯანმრთელობასთან დაკავშირებული პრობლემა. ნებისმიერი კონდიციონერი შეძლებს თქვენს სახლში 18°C-28°C ტემპერატურის დაყენებას, იმ პირობით, რომ გარე ტემპერატურა იქნება 21°C-28°C. თუ კონდიციონერში არის გათვალისწინებული გათბობა, მაშინ შესაძლებელი იქნება სასურველი ტემპერატურის (18°C-28°C) დაყენება, მაშინაც კი, როდესაც გარე ტემპერატურა 0 აღწევს. ზოგიერთ მწარმოებელს გააჩნია მოდელები, რომლებიც მუშაობენ -5°C - -7°C-ზე, მაგრამ გავითვალისწინოთ, რომ ამ ტემპერატურის მიღწევის დროს, კონდიციონერის ეფექტურობა კლებულობს, ამავე დროს კომპრესორზე დატვირთვა იზრდება. კონდიციონერის ექსპლუატაცია გარე ტემპერატურის -10°C მიღწევის დროს, ხდება დანადგარის სწრაფი ცვეთა და შედეგად კონდიციონერის გაფუჭება. ამ შემთხვევაში ჯობია გამოვიყენოთ სხვა გასათბობი საშუალებები: კონვექტორები, ზეთის რადიატორები და ასე შემდეგ. კონდიციონერებს ძირითადად ამზადებენ ჩინეთში და კორეაში, იშვიათად შეგვხვდება კონდიციონერი რომელიც დამზადებულია ევროპაში ან იაპონიაში. ამ სფეროში ასორტიმენტი ყოველწლიურად რამოდენიმე ათეული მოდელით იზრდება. რომ არ გახდეთ დაბალი ხარისხის საქონლის მფლობელი, ჯობია შეიძინოთ სისტემა ცნობილი ბრენდის მწარმოებლის დისტრიბიუტორთან რომელიც ყიდის ამ პროდუქციას არა ერთი წელი და აქვს არა მარტო საგარანტიო, არამედ გარანტიის შემდგომი და სერვის მომსახურება – ეს არის მნიშვნელოვანი იმიტომ, რომ კონდიციონერს სჭირდება პროფილაქტიკური მომსახურება და შესრულებული უნდა იყოს პროფესიონალური პერსონალის მიერ. კონდიციონერის ეფექტურობის განსაზღვრა ხდება ენერგოეფექტურობის კოეფიციენტის მეშვეობით – გაცივების ER (Energy Efficiency Rating)და გათბობის COP (Coefficient of Performance) . ამ მაჩვენებლების მეშვეობით შეგვიძლია განვსაზღვროთ, რამდენი კილოვატი სიცივისა ან სითბოს მიეწოდება შენობაში, ერთი კილოვატი ელექტროენერგიის მოხმარებისას. ევროპული კავშირის 2002/31/EC დირექტივის თანახმად, 2003 წლის 30 ივნისიდან, ყველა კონდიციონერზე უნდა იყოს მითითებული ენერგოეფექტურობის კლასი. არსებობს ენერგოეფექტურობის შვიდი კლასი: A (ყველაზე მაღალი), B, C, D, E, F, G (ყველაზე დაბალი).
A - EER > 3,2; COP > 3,6 B - 3,2 = EER > 3; 3,6 = COP > 3,4 C - 3 = EER > 2,8; 3,4 = COP > 3,2 D - 2,8 = EER > 2,6; 3,2 = COP > 2,8 E - 2,6 = EER > 2,4; 2,8 = COP > 2,6 F - 2,4 = EER > 2,2; 2,6 = COP > 2,4 G - 2,2 > EER; 2,4 > COP
გარდა ამისა არსებობს ინვენტორული კონდიციონერები, მათი ელექტრო ენერგიის დანახარჯი 15-30 % ნაკლებია ვიდრე არა ინვენტორული. ეს დანადგარები მიმზიდველია ასევე კომფორტის მხრივ - უფრო სწრაფად დაყავს ტემპერატურა სასურველ ნიშნულამდე და უფრო მეტი სიზუსტიტ ინარჩუნებს ტემპერატურას. დღევანდელ კონდიციონერებში გამოიყენება ფრეონიR407C ან R410A. R-22 -ზე მომუშავე ტექნიკა ითვლება გუშინდელ დღედ.
ოთახში სასურველი ტემპერატურის მიღებისათვის მნიშვნელოვანია ჰაერის განაწილების ტექნოლოგია. ძალიან ახლო მეზობლობა კონდიციონერთან, შესაძლებელია დასრულდეს გაცივებით – ჰაერის ნაკადის ტემპერატურა კონდიციონერიდან გამოსვლისას უდრის 7-10, და ამ ნაკადის სიჩქარე უდრის რამოდენიმე მეტრს წამში. კონდიციონერიდან 1,5- 2,5 მეტრში, ჰაერის ნაკადის მიმართულებით, ითვლება “მკვდარ ზონად” – მანდ არ ღირს არც ლოგინის დადგმა და არც საწერი მაგიდის. დანარჩენ ფართზე, ძირითადათ, ჰაერის მოძრაობა არ აღემატება 0,3 მეტრს წამში, მითუმეტეს, თუ კონდიციონერს ახლავს ავტომატური მოძრავი ჟალუზი. ეს ჟალუზი გვაძლევს შესაძლებლობას თანაბრად გავანაწილოთ მთელ ფართზე და ეს პროცესი შეიძლება იმართებოდეს სპეციალური პროგრამის მეშვეობით –Sharp, General, “3D-Flow”- Daikin (იაპონია), “Chaos Swing”- LG (კორეა). “Intelligent Air”- Haier (ჩინეთი) - მეშვეობით გაცივებული ჰაერი მიმართულია ჭერისკენ, და იქედან ავსებს მთელ სივრცეს, თბილი ჰაერი კი კედლის გაყოლებით მიმართულია ქვევით და ნაწილდება იატაკის გასწვრივ. ამის შედეგად მივიღებთ იმას, რომ კონდიციონერი არ უბერავს პირდაპირ ადამიანზე, უზრუნველყოფს ხავერდოვან გაცივებას და გათბობას.
სწორი ნაბიჯის გადადგმა თუ გადაწყვეტილება მიღებულია, ნუ იჩქარებთ მაღაზიაში გაქცევას, პირველივე, რაც კი შეგხვდებათ, იმის შესაძერნათ. კონდიციონერის ამორჩევა – ეს დიდი პასუხისმგებელი ნაბიჯია, და ზუსტად მასზეა დამოკიდებული, რამდენად კომფორტულად იგრძნობთ თქვენ თავს, თქვენივე სახლში, ან შეიძენთ დამატებით პრობლემას. კონდიციონერის რომელი მოდელი შეესაბამება ჩვენს ფართს – ეს სპეციალისტის პრეროგატივაა, რომელიც განსაზღვრავს არა მარტო ოთახის ფართს და ფანჯრების ზომას, არამედ დააფიქსირებს სად და რა რაოდენობით განლაგებულია კომპიუტერი, ფაქსი, მაცივარი ან სხვა საყოფაცხოვრებო ტექნიკა. ეს ყველაფერი საჭიროა იმისათვის, რომ განვსაზღვროთ სიცივის რა სიმძლავრე დასჭირდება. გაცივების სიმძლავრე არის ძირითადი კონდიციონერის მახასიათებელი. ფანჯრის მინის 1 მშემოდის საშუალოდ 0,45კვ სითბო, ადამიანი გამოყოფს დაახლოვებით 0,15 კვ სითბოს, კომპიუტერს - 0,3 კვ სითბო, პრინტერს – 0,4 კვ სითბო. შესაბამისად შეირჩევა კონდიციონერი, რომლის გაცივების სიმძლავრე აღემატება გამოყოფილ სითბოს. მიახლოვებით შეგვიძლია გამოვთვალოთ 1 კვ კონდიციონერის სიმძლავრე უდრის დაახლოვებით 10 მფართს. არსებობს კონდიციონერების რამოდენიმე სხვადასხვა კატეგორია: ფანჯრის, მობილური, კასეტური, კონსოლური და სხვა. ყველაზე პოპულარულია სპლიტ სისტემებია, ზუსტად ამ კონდიციონერებზე არის გაკეთებული აქცენტი. ამ სისტემების სიმძლავრე მერყეობს 1,5-8,5 კილოვატამდე, რაც უდრის 12-80 მფართს. სპლიტ სისტემა შედგება შიდა და გარე ბლოკებისაგან, რომლებიც შეერთებულია ერთმანეთთან ელექტრო კაბელებით და სპილენძის მილებით, სადაც მოძრაობს ხლადოგენტი იგივე ფრეონი. ასეთი კონსტრუქციის ყველაზე დიდი და ხმაურიანი ნაწილი – კომპრესორი – გატანილია გარეთ. შიდა ბლოკი შეიძლება მოთავსდეს ფაქტიურად ოთახის ნებისმიერ ადგილას. სპლიტ სისტემის მართვა ხორციელდება დისტანციური მართვის პულტის საშუალებით. შიდა ბლოკებში არის განთავსებული უხეში და ნაზი გაწმენდის ფილტრები. საშუალოდ კონდიციონერი ჰაერიდან კონდენსატის სახით გამოჰყოფს 1-2 ლიტრ წყალს საათში, შესაბამისად წინასწარ უნდა განისაზღვროს სად იქნება მიმართული დრენაჟის მილი, ან თუ არის შესაძლებლობა ეს მილი შეუერთდეს საკანალიზაციო ქსელს. * * * სისუფთავე – როგორც წესი უხეში გაწმენდის ფილტრი (რომელიც დამზადებულია, როგორც წესი, მასალისაგან, რომელიც წააგავს ძუას) საჭიროა ჰაერის წინასწარი გაწმენდისათვის და კონდიციონერის თბოგადაცემის ბლოკის დაცვისათვის. ეს ფილტრი განლაგებულია წინა პანელის უკან, და მის გავლით ჰაერი აღწევს კონდიციონერში. ზოგიერთ მოდელებში, ვთქვათ MSZ-GC/GA (Mitsubishi, იაპონია). უხეში გაწმენდის ფილტრი გაჟღენთილია ანტიოქსიდანტური შემადგენლობით და ეს ფილტრი მოგემსახურებათ 9 წლის განმავლობაში, რაც უდრის კონდიციონერის “სიცოცხლის ხანგრძლივობას”. მოდელებში RAS-JH1, RAS-EH1 (Hitachi, იაპონია) აყენებენ მეტალისგან დამზადებულ ჰაერის ფილტრებს შტაინლესს ჩლეან, რომლებიც ანეიტრალებენ არასასიამოვნო სუნს და ხელს უშლიან ბაქტერიების გამრავლებას. მწარმოებლების მტკიცებით, ეს დანადგარები გამოირჩევიან ხარისხიანობით და მათი მოვლა უფრო ადვილია. ყველა უხეში გაწმენდის ფილტრს სჭირდება მუდმივი მოვლა – საჭიროა მათი გარეცხვა წყლის ჭავლით, სასურველია სარეცის საშუალებით. იმ მომხმარებელს, რომელსაც არ სურს ასეთი სამუშაოთი დატვირთოს თავის თავი, გამოადგება კონდიციონერი Nocria (Fujitsu General, იაპონია), რომელში ჰაერის ფილტრები იწმინდება ავტომატურად. გარკვეული დროის შემდეგ კონდიციონერს გადააქვს მტვერი სპეციალურ კონტეინერში. ამ კონტეინერის დაცლა საჭიროა მხოლოდ ორჯერ წელიწადში. AC Robot – ის ფუნქციის მეშვეობით, რომელიც გამოიყენება კონდიციონერში Flagship (Panasonic, იაპონია), მტვერი ავტომატურად გააქვს გარეთ სპეციალური ჰაერგამტარი მილით. სპეციალური ვაკუუმის დანადგარით, რომელიც განთავსებულია ფილტრის ზედაპირის თავზე, ხდება დაბინძურების შეწოვა, მთელი ფილტრის გაწმენდა ხდება არა ერთდროულად, არამედ ნაწილობრივ. წმენდის დროს და ხანგრძლივობას, განსაზღვრავს სპლიტ სისტემის მიკროპროცესორი. მთლიანად ფილტრის ზედაპირის გაწმენდა სრულდება კონდიციონერის მუშაობის 36 საათში. ჰაერის ნაზი გაწმენდისათვის, კონდიციონერის შიდა ბლოკში მონტაჟდება პატარა მართლკუთხა ფილტრები, რომელიც მიმაგრებულია უხეში ფილტრის შიდა მხარეზე. მასალა, რომლისგანაც დამზადებულია ნაზი გაწმენდის ფილტრი, არის დამზადებული სხვადასხვა კომპონენტისგან, რომლებიც უზრუნველყოფენ კონდიციონერში გამავალი ჰაერის გამდიდრებას სხვადასხვა სასარგებლო ნივთიერებებით. GKP, NKP da SKHP (Toshiba, იაპონია) სერიებში გამოიყენება ნაზი გაწმენდისთვის ექვსი მფილტრავი ელემენტი: ფილტრები “ყავის ექსტრაქტი” და “C ვიტამინი” ჰაერს ამდიდრებენ ანტიოქსიდანტებით და ვიტამინებით; სხვადასხვა სუნს ებრძვის ფილტრი “სუპერ ცეოლიტი”; ვირუსებისაგან დაცვას უზრუნველყოფს სპეციალური ელემენტები – “ბიოენზიმები”, “ბამბუკის ექსტრაქტი” და “გიკონის ექსტრაქტი”. კონდიციონერებში SRK-ZGX, SRK-ZE da SRK-ZG (Mitsubishi) გამოიყენება ალერგენებისგან გამწმენდი ფილტრი. ეს ფილტრი გაჟღენთილია კარბომიდის და ენზიმის ნარევით, იკავებს მცენარეების მტვერს, ცხოველების ბეწვს, ასევე ებრძვის ყველანაირი ობის და ვირუსების ნაირსახეობას. გაწმენდისას ხდება ავტომატურად ფილტრის დანამვა, გაცხელება და გაშრობა (სპეციალური ღილაკი მართვის პულტზე). KSGA da KSGH (Kentatsu, იაპონია) მოდელებში ჰაერის გაწმენდისათვის გამოიყენება ფოტოკატოლიტური ფილტრი. ეს ფილტრი ტიტანის მეშვეობით შლის. ნებისმიერი სუნის შემცვლელი მოლეკულები იშლება ჩვეულებრივ CO2 და H2O-ზე. KSGH მოდელში საჭიროა 6 თვეში ერთხელ ფილტრის რეცხვა და აუცილებლად მზის სხივების ქვეშ გაშრობა. სპლიტ სისტემებში Bრიო (Dantex) სერიაში გამოიყენება კატეხინის ფილტრები, რომელიც დამზადებულია მწვანე ჩაისაგან. დამტკიცებულია, რომ კატეხინს აქვს ბუნებრივი თვისება, რომლის მეშვეობით სწრაფად და მარტივად ანეიტრალებს ვირუსებს. კონდიციონერის შეძენისას, მიაქციეთ ყურადღება არა მარტო ნაზი გაწმენდის ფილტრების შესაძლებლობებს, არამედ ფირმის რეპუტაციასაც. ზოგ შემთხვევაში ამ ფილტრების შესაძლებლობა არის მხოლოდ მარკეტინგული სვლა. გარდა ამისა, დააზუსტეთ თუ არის შესაძლებელი ამ ფილტრების დამატებით შეძენა - როდესაც დადგება ფილტრის შეცვლის დრო (2-3 თვიდან 3 წლამდე), ფილტრის შოვნა თუ არის შეუძლებელი... სასარგებლო იონები ჩვეულებრივ, ქალაქის ბინაში მუდმივად არის უარყოფითი იონების ნაკლებობა, რაც ზემოქმედებას ახდენს ჩვენი იმუნიტეტის დაქვეითებაზე. კონდიციონერების უმეტეს მოდელს, რომელსაც აქვს იონიზაცია, უარყოფითად დამუხტული იონები წარმოიქმნებიან ჟანგბადის მოლეკულის ელექტრონის “წართმევით” ორიგინალური იონიზატორებით არის აღჭურვილი SRK (Mitsubishi)-ს სერიის კონდიციონერები. ამ სერიაში გამოიყენება თურმალინის ფირფიტა, რომელიც მუდმივად გამოიამუშავებს უარყოფით იონებს და მიაწვდის იმ დროსაც კი, როდესაც სპლიტ სისტემა გამორთულია. კონდიციონერის მუშაობის დროს იონიზაციის პროცესი მკვეთრად იზრდება და ამავე დროს არ მოითხოვს დამატებით არანაირ ენერგო დანახარჯს. მსგავსი ეფექტი მიიღწევა სპლიტ სისტემებში, რომლებშიც გამოიყენება ნემსისებური იონიზატორი - KKentatsu, Sanyo, Toshiba, (იაპონია), Electra (იზრაელი), Haier (ჩინეთი), Samsung (კორეა) და სხვა. მეტად კომფორტული იონიზაციის სისტემა გამოყენებულია Deluxe (split) სისტემებში. კონდიციონერი სპეციალური სენსორის მეშვეობით, რომელიც რეაგირებს მეთანის და CO2 კონცენტრაციაზე, თვითონ რთავს იონიზატორს საჭიროების შემთხვევაში. ელექტროსტატიკა დადებითად და უარყოფითად დამუხტული ობიექტების მიმზიდველობა გამოიყენება ელექტროსტატიქურ ფილტრებში. ეს ფილტრები ძალიან ეფექტურად ასუფთავებენ ჰაერს თამბაქოს კვამლისაგან, მტვრისაგან და ასე შემდეგ. ფილტრში შემოსვლისას, ჰაერის ნაკადი ექვემდებარება იონიზაციას რის შედეგადაც მტვრის და სხვა დაბინძურების მიკრო ნაწილები იღებენ დამუხტვას, დადებით თუ უარყოფით – ეს დამოკიდებულია ფილტრის კონსტრუქციაზე. შემდეგ ჰაერის ნაკადი გაივლის ფირფიტებს შორის. ეს ფირფიტები დამუხტულია შემავალი მტვრისგან საწინააღმდეგო მუხტიტ და მათზე ხდება დაბინძურებული ნაწილაკების კონცენტრაცია. მოდელში SKVP-ND (Toshiba) გამოიყენება პლაზმური ფილტრი, რომელიც მოიზიდავს მტვერს სპეციალური ზედაპირების მეშვეობით, რომლებიც შეიცავენ ვერცხლის იონებს. ელექტროსტატიკური ფილტრები გამოიყენება ასევე MSZ-FA (Mitsubishi Electric, “ორმაგი პლაზმის” სისტემა), Ururu Sarara (Daikin), Hummer Plasma da Prime (Gree, ჰონკონგი), S LHP (LG, კორეა, ტექნოლოგია NEO-Plasma Plus), WNG (Electra) და სხვა. და თვით ჰიგიენა დღეს უკვე ყველა კონდიციონერის მწარმოებელი ძალიან დიდ მნიშვნელობას ანიჭებს დანადგარების თვით ჰიგიენის გაუმჯობესებას იმისათვის, რომ მომხმარებელს გაუადვილდეს დანადგარის გაწმენდა. ბაქტერიებთან ბრძოლისათვის კონდიციონერების შიდა ბლოკებში, როგორიცაა Hიტაცჰი, Hაიერ, Kენტატსუ, შანყო, აყენია ერთიდან ოთხამდე ულტრაიისფერი ნათურა. კონდინციონერის მუშაობის დროს ულტრაიისფერი სხივები სპობენ სხვადასხვა მიკროოგანიზმებს, ბაქტერიებს, ვირუსებს. ეს ყველაფერი მნიშვნელოვნად ამცირებს სხვადასხვა დაავადების გავრცელების შესაძლებლობას. კონდიციონერის გამორთვის შემდეგ, მართვის პულტით შეგვიძლია გავააქტიუროთ დეზინფექციის და დეზოდორაციის რეჟიმი. ეს ყველაფერი უშლის ხელს კონდიციონერში ობის და სხვა მიკროორგანიზმების გამრავლებას. კონდიციონერებში Daiseikai (Toshiba) თვით წმენდა ხორციელდება პლაზმური ფილტრის გამოყენებით, რომელიც გამოიმუშავებს ოზონს. ზოგიერთი მწარმოებელი, Samsung, Greed და სხვა, გამოიყენებს შიდა ბლოკის ანტიბაქტერიულ ზედაპირს, რომელშიც გადის ჰაერის ნაკადი. RAS-JH1 (Hitachi) –ის შიდა ბლოკში გამოიყენება სპეციალური ანტიბაქტერიული კომპონენტებისაგან დამზადებული ფენა, , გარდა ამისა გათვალისწინებულია თვით წმენდის ფუნქცია, რომლის საშუალებით შესაძლებელია გამოიშროს მთლიანად შიდა ბლოკი. ოც წუთიანი თვითგაშრობის ფუნქციით აღჭურვილიაGKP, NKP და SKHP (Toshiba) სერიები. ტემპერატურის ოპტიმიზაცია მაქსიმალური ტემპერატურული კომფორტის მიღწევა შესაძლებელია კონდიციონერის სპეციფიკური მუშაობის რეჟიმით. ეს რეჟიმები არის საკმაოდ ბევრი: კონდიციონერი Elite Star (Midea, ჩინეთი), “ღამის რეჟიმი” -ს დროს ტემპერატურა ნელ-ნელა, 2 საათში იწევს 2° დაყენებულ ტემპერატურაზე და 5 საათის მანძილზე ინარჩუნებს ამ ტემპერატურას, ამ დროის გავლის შემდეგ კონდიციონერი უბრალოდ ითიშება. ანუ რა გამოდის - ვიძინებთ სიცივეში და გვძინავს სითბოში + გათიშვის შემდეგ ხდება ელექტროენერგიის ეკონომია; კონდიციონერებში Mitsubishi Electric (იაპონია) ფუნქცია “Fuzzy Logic” -ის დროს, სპლიტ სისტემის მიკროპროცესორი თვითონ განსაზღვრავს გამოსაყენებელ რეჟიმს – “გაცივება”, “გაშრობა” თუ “გათბობა”. თუ კი ადამიანი განიცდის დისკომფორტს, მართვის პულტზე აჭერს ღილაკს Too Cool ან Too Warm, სისტემა ატარებს ტემპერატურის ანალიზს და მართვის პულტიდან მოსულ სიგნალებს, რის შედეგად სისტემა დააყენებს კომფორტულ ტემპერატურას. ამავე მოდელებში გამოიყენება ტემპერატურის სკანირება, რაც აძლევს შესაძლებლობას თანაბარი ტემპერატურის მიღწევას ოთახის მთელ სივრცეში (მაგალითად იატაკთან ტემპერატურეს რეგულირება – მნიშვნელოვანია, როდესაც გვყავს პატარა ბავშვები); ზოგიერთ კონდიციონერის მართვის პულტზე გააჩნია ღილაკი თურბო – სწრაფი გაცივებისათვის ან გათბობისათვის; სპლიტ სისტემა რომელსაც გააჩნია ტემპერატურული სენსორი მართვის პულტზე “I Feel” Bosch (გერმანია), გვაძლევს შესაძლებლობას დავაყენოთ სასურველი ტემპერატურა ზუსტად იმ ადგილას, სადაც დევს მართვის პულტი. P.შ. კონდიციონერი არ არის სტანდარტული საყოფაცხოვრებო ტექნიკა, რომელსაც სჭირდება მხოლოდ შტეფსელში ჩართვა. ყველაზე მთავარია არა დანადგარი, არამედ რამდენად პროფესიონალურად იქნება დამონტაჟებული და რამდენად კვალიფიციური იქნება საგარანტიო და სერვისის მომსახურება. დანადგარის ხანგრძლივი და საიმედო მუშაობის გარანტიას წარმოადგენს მონტაჟის ხარისხი. გაითვალისწინეთ, რომ არცერთი სერიოზული ფირმა არ შემოგთავაზებს თანამედროვე დანადგარს, მითუმეტეს მაღალ ხარისხიან სერვის დაბალ ფასში.
--------------------
ნაგვისაგან ტორტს ვერ გამოაცხობ!!!! არ არსებობს იაფი და კარგი!!! მაგრამ ყოველთვის არსებობს გამოსავალი...
Climat Service გათბობა ფეისზე
|