კაფელისა და მეთლახის დაგების ღირებულება, რა ღირს 1 მ2–ის დაგება რეალურად?

მოკლედ, 33 კვ,მ გამოვიდა კაფელის გასაკრავი ფართი და 13 კვ.მ მეტლახის და სწიაშკა დასხმულია, კედლები გალესილი არ არის, მამაჩემი მეუბნება წებო ცემენტითაც გააკრავს ხელოსანიო და ჩემი ხელოსანი თავს იგიჟებს უნდა გავლესოო და მერე გაკვრაში და დაგებაში (შადაც უკვე არის სწიაშკა) 20 ლარს მთხოვს კვადრატულზე და ძვირია?

გრძლად,თანამედროვე ტექნოლოგიებით ფილების დაგება ხდება ან მაიკებში გალესილ კედლებზე ან თაბაშირმუყაოზე..
მაგრამ როცა დამკვეთს არ სურს ლესვაში ფულის გადახდა...მეფილე– მომპირკეთებელმა კი იცის სქელ ფენაზე დაგების ნიუანსები, ხარისხის გაუუარესებლად, ის შეიძლება მაინც დათანხმდეს ასეთ სამუშაოზე..
ოღონდ დამკვეთმა უნდა იცოდეს შემდეგი:
სქელ ფენაზე (1–1,5 სმ) დაგება არ შეიძლება სუფთა წებოცემენტზე.. წებოცემენტი დასაგებ დუღაბში ასეთ დროს მხოლოდ 20%–ია
მეფილე უნდა იყოს ძალიან გამოცდილი და არა ახალბედა.. მაგ. ის არ უნდა დათანხმდეს დიდი ფორმატის ფილების სქელ ფენაზე დაგებას..
დამკვეთმა უნდა იცოდეს რომ სქელ ფენაზე დაგების დრო იგივე იქნება რაც იქნებოდა გალესვა+გაშრობა+ დაგება თხელ ფენაზე..

დამკვეთი ასევე მზად უნდა იყოს იმისათვის რომ სქელ ფენაზე დაგებაში ხელოსანი 50%–ით მეტს მოითხოვს ვიდრე თხელ ფენაზე (2–7მმ)წებოცემენტით დაგების შემთხვევაში..
ხხხხხხხხხხ
რაც შეეხება გაულესავ კედელზე პირდაპირ თხელ ფენაზე დაგებას წებოცემენტით ეს შესაძლებელია მხოლოდ იმ შემთხვევასი თუ კედლის სიბრტყე და გადახრა ვერტიკალიდან დასაშვებ ნორმებშია..თუ ეს ასე არ არის კედელი უნდა გასწორდეს,გასწორების მეთოდებიდან ოპტიმალურს შეარჩევს მეფილე –მომპირკეთებელი. და განიხილავს დამკვეთთან..
ხხხხხხხხხხ
20 ლარი საშულო ფასია..,

VS2015
მადლობა პასუხისთვის

რატომ არ ღირს ფილების წებოცემენტის სქელ ფენაზე დაგება?

რატომ არაა რეკომენდირებული კედლის ან იატაკის გასწორება წებოცემენტის სქელ ფენაზე ფილების დაგებით.?

წებოცემენტის თვისებაა გამყარებისას და შრობისას შეკუმშვა..
თუ ფილას უსწორმასწორო , გაუსწორებელ ზედაპირზე წებოცემენტის სქელ ფენაზე დააგებთ ფილის ქვეშ წებოცემენტის ფენა ზოგან თხელი ზოგან კი სქელი გამოგივათ უსწორმასწორო ზედაპირის გამო..
ფილის ქვეშ სადაც თხელია იმ ადგილში წებოცემენტი უფრო სწრაფად შეიკვრება,შეკვრისას შეიკუმშება და მერე გაჩერდება ანუ შეწყვეტს შეკუმშვას,
იმ ადგილას კი სადაც უფრო სქელი ფენაა წებოცემენტი გააგრძელებს შეკუმვას,ამ დროს ის თან გაიყოლებს ფილას ამ ნაწილში ანუ დაუწყებს ფილას მოღუნვას;
შედეგად
ა) შრობისას ნაკეერში (მეზობელ უკვე დაგებულ ფილასთან საზზვარზე)გაჩნდება დეფექტი ე.წ. „საფეხური“ ანუ დაირღვევა მოპირკეთების სიბრტყე
ბ)ესეთი ფილა იქნება მუდმივი დაძაბულობის ქვეშ.. ეს იგივეა აიღო ფილა დაიდო მუხლზე და ორივე კიდეს დააწვე..აი ასე დაძაბულ მდგომარეობაში გაშრება ეს ფილა..
რა შეიძლება ამ დაძაბულობამ შემდეგში გამოიწვიოს?
1. ის რომ ყველაზე დიდი დაძაბულობის ადგილში ფილა გასკდება ,გაიბზარება.. ეს მოხდება თუ ფილა ვერ გაუძლებს.. ან საკმარისია რაიმე დაეცეს ასეთ დაძაბულ ფილას,ან პატარა მიწისზვრა და ეს ფილა გასკდება
2. თუ ფილა საკმარისად მტკიცეა ფილა არ გაიბზარება მაგრამ ეს დაძაბულობა, გადეცემა წებოცემენტზე ქვევიდან აკრული ბათქაშის ან სტიაჟკის ზედა ნაწილს ;რაც ჯერ გააჩენს ბზარს ბათქასის ზედა და ქვედა ფენებს შორის, ამას გაიგებთ იმით რომ ფილა დაიწყებს დაკაკუნების მერე უცნაური ხმის გამოცემას ; შემდეგ კი ეს ბზარი გავრცელდება მეზობელ სქელ ფენაზე დაგებული ფილების ქვეშაც,და ფილების გარკვეული ჯგუფი ადრე თუ გვიან აშრევდება; ამ აშრევებულ ფილებზე მიკრული იქნება წებოცემენტი წებოცემენტზე კი ბათქშის ან სტიაჟკის ზედა ფენა..
3.შეიძლება არც გასკდეს და არც აშრევდეს მაგრამ მუდმივი დაზაბულობისგან ფილის ჭიქური(ემალი) მიკრობზარებით დაიფაროს..
ხხხხხხხხხხხხხხხ
ისმის კითხვა რატომ უნდა გარისკოთ?
რატომ უნდა დააგოთ სქელ ფენაზე?
მაქსიმალური დასაშვები სისქე წებოცემენტისა ფილის ქვეშ ცნობილია რომ არის 5–7 მმ
ყველაზე ოპტიმალური სისქე წებოცემენტისა ფილის ქვეს ასევე ცნობილია და არის 2–3 მმ
ასეთი თხელი ფენის დროს ფილა არ გრძნობს არანაირ დაძაბულობას..და ასეთ მდგომარეობაში ფილა დიდხანს მოგემსახურებათ..
მაგრამ.. ასეთ თხელ ფენებზე რომ დააგოთ მოსაპირკეთებელი ზედაპირები წინასწარ უნდა გაასწოროთ და მოამზადოთ..
დამკვეთების ნაწილი ამაზე არ მიდის.. ზედაპირების გასწორება და მომზადება ხელოსნის ხრიკი გონია.. ან „ეკონომიას“ ეწევა..
ასეთმა დამკვეთმა უნდა იცოდეს რომ ფილების წებოცემენტის სქელ ფენაზე დაგება ტექნოლოგიის დარღვევაა... და ასეთ დროს პრეტენზიები არც დაგების ხარისხზე მიიღება და არც რაიმე გარანტიები გაიცემა. მოპირკეთების გრძელვადიანობაზე..
My Webpage კაფელის პროფესიონალური დაგება

10 ლარად დაგებული მეთლახი მაქვს აგარაკზე და არის ჯიგრულად, ამაზე მეტი არ გადაიხადო, კაფელის კედლებზე გაკვრა 15 ლარი მაქსიმუმ, აქ ისეთ ფასებს წერენ რომ რა უნდა გითხრა აბა? მოკლედ ხელოსანმა არ უნდა აგაგდოს რა, უარს გეტყვის, სხვას მოძებნი, მარტივი ამბავია

takotatuli1989
როგორც მე ვიცი ყველა წესიერი ხელოსნისაგან რაც კვადრატი ღირს კაფელი იმას იღებენ დაგებაშიც.

ვასრულებ ნებისმიერ სამუშაოს,
აშენება,ლესვა,კაფელ მეტლახი,
მალიარკა,გიფსოკარდონი ხარისხიანად 595372710

ფილების გათვლა

ფილების ყიდვის პროცესში შეიძლება შეცდომა მოგივიდეთ...
განსაკუთრებით მაშინ როცა მოპირკეთებაში ფილების გარდა შედის ბორდიურები,ფრიზი,მედალიონები,დეკორები და სხვა დეკორატიული ელემენტები...


ზოგიერთები იყენებენ ფილების რაოდენობის დასათვლელად სპეციალურ პროგრამებს..მაგრამ უფრო ეფექტურია ე.წ.„ხელით“ დათვლა რადგან ხანდახან არის ისეთი მომენტები რომლებსაც ეს პროგრამები ვერ ითვალისწინებენ..

ხხხხხხხხხხხ.

ფილის გათვლის სულ 2 მეთოდი არსებობს..

პირველი მეთოდი სწრაფი და მარტივია..
ის გამოიყენება როცა მოპირკეთება ხდება საშუალო ან დიდ ფართობებზე, ერთი ან ორი ფერის ფილებით,დეკორატიული ელემენტების გარეშე...

მეორე უფრო რთული მეთოდია და გამოსადეგია ფილების დასათვლელად ნებისმიერ ფართობებზე,ნებისმიერი კონგფიგურაციის სათავსოებში ,ნებისმიერი სახის მოპირკეთებისას..


ხხხხხხხხხხხხხხ


პირველი მეთოდი–ფილის უხეშად დათვლის მეთოდი

ფილის უხეშად დათვლის მეთოდს იყენებენ როცა ხდება საშულო და დიდი ფართობების მოპირკეთება,როცა არ არის რთული ელემენტები მოსაპირკეთებელი,როცა მასალის ხარჯი მაღალია,ხოლო თავად მასალა შედარებით იაფია.ეს მეთოდი დასათვლელად იოლია მაგრამ არც ისე ზუსტია . ხშირად არის შემთხვევები როცა უწევთ ფილების დამატებით შესყიდვა..

ეს მეთოდი მდგომარეობს შემდეგში:

იატაკისთვის–პირველრიგში იზომება იატაკის ფართობი; ხოლო ფილის ყიდვა ხდება პრინციპით „იატაკის ფართობს + 10%)
ამასთან არ უნდა დაგავიწყდეთ რომ საჭიროა თანაფარდობის დაცვა ფილების პროცენტებს შორის თუ მოპირკეთება უნდა მოხდეს ორი ფერის ფილებით
მაგ.თუ 70% შავი ფილაა და 30%თეთრი,მაშინ 10%რეზერვს ვიღებთ ასე 7 % შავი და 3 % თეთრი და არა 5% შავი და 5 % თეთრი

კედლებისთვის –რეზევს იღებენ 15%–ს,რადგან საყოველთაოდ ცნობილია რომ კედლების მოპირკეთებისას ბევრი ფილა იჭრება კუთხეებში,იატაკთან,ჭერთან..

ხხხხხხხხხხხხხხხხხხხხხხხხხხხხ
მეორე მეთოდი–ფილის ზუსტი დათვლის მეთოდი

ეს დათვლის მეთოდი შედარებით უფრო რთულია ,მაგრამ საშუალებას გვაძლევს დავითვალოთ ფილების ზუსტი რაოდენობა ნებისმიერი სათავსოსათვის და ნებისმიერი სტილით მოპირკეთებისთვის..ცხადია ამ დროს საჭირო რეზერვი ნაკლები იქნება..ანუ ეს იძლევა თანხის გარკვეულ ეკონომიას..( ეს მეთოდი მნიშვნელოვანია როცა ძვირფასი ფილაა საყიდელი )

პირველი–ფილის ფორმატი.ჩვენ დაგვჭირდება ზუსტად ვიცოდეთ ფილის ფორმატი რომელიც უნდა დაიგოს კონკრეტულ სათავსოში.(ფორმატი–ესაა ფილის ზომები მაგ 15x25 სმ)


მეორე– დაგვჭირდება ნახაზის დახაზვა. მას მერე რაც ცნობილი გახდება ფილის ფორმატი,იხაზება ზედაოირის ნახაზი..ამ ნახაზის მიხედვით დაითვლება ფილები..



მესამე–ფილების რაოდენობის გათვლა..

მაგ. მოსაპირკეთებელია მართკუთხა იატაკი ზომებით 1,05x1,45მ, ხოლო ფილის ფორმატი რომლის გამოყენებასაც ვაპირებთ არის 30x30 სმ

ჩვენ უნდა გავყოთ სათავსოს სიგრძე და სიგანე ფილის სიგანეზე,რომ გავიგოთ რამდენი ფილა ეტევა ვერტიკალურ და ჰორიზონტალურ რიგში..

აქ მაგალითში მოყვანილ იატაკზე
ვერტიკალური რიგი( იატაკის სიგანე) დაიტევს 1.05/0,3=3,50 ფილას
ჰორიზონტალური რიგი( იატაკის სიგრძე) დაიტევს 1,45/0,3=4,83 ფილას
.
ახლა დავამრგვალოთ ფილების რაოდენობა რიგებში დიდი მნიშვნელობის მხარეს..(შესაბამისად მივიღებთ 4 და 5) და გავამრავლოთ მიღებული რიცხვები ერთმანეთზე 4x5=20
ანუ ამ კონკრეტული მართკუთხა იატაკის მოსაპირკეთებლად 20 ფილა იქნება საჭირო

სარეზერვოდ შეიძლება დამატებით 2 ფილის ყიდვა..(ეს ფაქტიურად იგივე 10%–ია) რეზერვის გარეშე არასოდეს არ იმუშაოთ..

მნიშვნელოვანი მომენტი: როცა კედლისპირა რიგში თქვენ ნახევარი(ან ნახევარზე ნაკლები) ფილები გაქვთ დასაგები(როგორც ჩვენს მაგალითშია) შეიძლება ეკონომია.. ამ მაგალითში მოყვანილი იატაკისთვის შესაძლებელია არა 20 არამედ 17 ფილის ყიდვა,რადგან აქ 5 ცალი „ნახევარი“ ფილაა დაგები და მათ დასამზადებლად სულ 3 მთლიანი ფილა იქნება საჭირო,რომლებიც შუაზე გაიჭრება..
მაგრამ... ასეთ შემთხვევაშიც კი უნდა იყიდოთ 1–2 სარეზერვო ფილა..რადგან თუ შემთხვევით დაზიანდა მოპირკეთებული ზედაპირი იმ დროისათვის შეიძლება მაღაზიაში ასეთი ფილა აღარ აღმოჩნდეს..

კაფელის ზუსტი გათვლა კედლებისთვის პრაქტიკულად არაფრით განსხვავდება იატაკისთვის გათვლსაგან..
თქვენ უბრალოდ იღებთ ცალკეულ კედელს და გათვლით მისთვის ანალოგიურად..
როგორ გავითვალისწინოთ ფილების გათვლისას ბორდიურები,დეკორები და სხვა დეკორატიული ელემენტები..?


დეკორი– ვინაიდან ესენი არიან იმავე ფორმატის ფილები რაც ძირითადი ფილები ,თქვენ უბრალოდ საერთო სათვალავში ჩართავთ ამ ფილებს(მაგრამ არ დაგავიწყდეთ რომ დეკორი არ იჭრება და უნდა იყოს 100%–ით მთელი)

მედალიონი(იატაკზე) პანო (კედელზე)–დათვალეთ ფილების რაოდენობა მედალიონში ან პანოში(ამის გაკეთება შეიძლება მაღაზიაშიც) და გამოაკელით ეს რაოდენობა ფილების საერთო რაოდენობას..მედალიონის ფილები გამოაკელით იატაკის ფილების საერთო რაოდენობას პანოს ფილების რაოდენობა გამოაკელით კედლის ფილების საერთო რაოდენობას..

ბორდიურები(კედელზე) ჩვეულებრივ მათ ამზადებენ ფილის სიგანისას..
საკმარისია ვიანგარიშოთ რამდენი ბორდიური უტოლდება სიმაღლეში მთლიან ფილას..
შემდეგ კი კვლავ გამოვაკლოთ ეს“მთლიანი“ ფილები საერთო რაოდენობას..
მაგ. სტანდარტული ბორდიურის ზომაა 20x30 სმ–იანი ფილისთვის არის 20x7,5 სმ ანუ 4 ბორდიური ცვლის ფართობით ერთ „მთლიან“ ფილას..


ფრიზი(იატაკზე) გაითვლება ანალოგიურად :უნდა იანგარიშოთ რამდენ“მთლიან“ იატაკის ფილას ცვლის ფრიზი და უნდა შემდეგ ეს „ მთლიანი“ ფილები გამოაკლოთ იატაკის ფილების საერთო რაოდენობას..

კერამიკული კუთხეები და თაროები–არ შედიან ფართობში,ამიტომ ამ ფართობისთვის ფილების გათვლაშიც არ შედიან..
სხვა რეკომენდაციები

დაკვალვის მეთოდის არჩევასაც მნიშვნელობა აქვს.. თუ თქვენ აპირებთ დაგებას არა ზედაპირის კიდიდან არამედ ზედაპირის შუიდან(ცენტრიდან)/შეადგინეთ სათანადო ნახაზი,რადგან ფილის ხარჯი მეტი იქნება(იქნება მეტი პოდრეზკა) ვიდრე კიდიდან დაკვალვისას

რაიმე ზედაპირის ცენტრის პოვნა ადვილად შეიძლება,თუ გავავლებთ დიაგონალებს კუთხიდან კუთხემდე; ან გავჭიმავთ ზონარებს–მათი გადაკვეთის წერტილი იქნება ზედაპირის ცენტრი..

ყურადღება:
ფილის გათვლისას და ყიდვისას არასოდეს დაგავიწყდეთ რეზერვი!მთავარია რეზერვში უნდა იქონიოთ ყველა ელემენტი არამარტო ფილები..მაგ.ჩვენ გვჭირდება 400 მუქი ფილა,250 ღია,140 ბორდიური და 24 დეკორი..ჩვენ ვყიდულობთ 440 მუქ ფილას,275 ღია ფერის ფილას(ეს თუ 10%–ით მეტს ვყიდულობთ)ასევე ვყიდულობთ 4 სარეზერვო ბორდიურს(ოთახში კუთხეების რაოდენობის მიხედვით,ან ადგილების მიხედვით სადაც ბორდიური იჭრება)დეკორები შეიძლება სარეზერვოდ არ ვიყიდოთ,ავიღოთ 1 ც(თუმცა ეს დეკორები როგორც წესი ძვირია)

ფილის გათვლა რთული კონფიგურაციის სათავსოში

აქაც ყოველთვის დახაზეთ ნახაზი;ამ ნახაზზე იანგარიშეთ რამდენი ფილა განთავსდება რიგებში ჰორიზონტალურად და რამდენი ვერტიკალურად..

რთული ფორმის სათავსოებში ფართობების გამოსათვლელად ისარგბლეთ სხვადასხვა ფიგურების ფართობების გამოსანგარიშებელი ფორმულებით:

ან რთულ ზედაპირებზე ფართობები დაყავით მარტივ ფიგურებად და დაითვალეთ ფილები თითოეული მათგანისთვის.. და მერე შეკრიბეთ.
მთავარია არც ახლა დაივიწყოთ რეზერვი..My Webpage კაფელის პროფესიონალური დაგება
* * *
რა ღირს ჩემი მომსახურება?
1კვ.მ საშუალო ფორმატის (20x20 სმ–50x 50სმ),მონოტონური, ერთიდაიმავე კალიბრის , ერთი ზომის ფილების დაგების საბაზისო ღირებულება( იგულისხმება დაგება ნაკერებით,თხელ ფენაზე , სწორი მოხაზულობის ბრტყელ ,ჰორიზონტალურ იატაკზე,ყაიდით „ ნაკერი ნაკერში“ ) შეადგენს 17,5 ლარს ,ხოლო სწორი კონფიგურაციის,ბრტყელ,ვერტიკალურ კედელზე 20 ლარს
დაგების თანმხლები სამუშაოების ღირებულება იანგარიშება ცალკე
ქვემოთ მოყვანილია სამუშაოების ჩამონათვალი,რომელთა ღირებულება არ შედის საბაზისო ღირებულებაში;
1რთული გეომეტრიული ფორმებით დაგება დიაგონალურის ჩათვლით.
2.მოსაპირკეთებელი ზედაპირების მოწყობა , გასწორება,მომზადება
3.ფილის პირდაპირი, ტეხილი და რადიუსით ჭრა,ტექნოლოგიური ხვრელების ამოჭრა, ფილის კიდეების დამუშავება
4. ფილის ელემენტების დაყენება (მაგ.პლინტუსების.ბორდიურების, კუთხოვანების და ა.შ)
5. ზედაპირების ელემენტების მოპირკეთება:ნიშა,სვეტი,“კორობი“,“ატკოსი“,ზღურბლი,გარე კუთხე
6.ფილებს შორის ნაკერების ამოვსება
7.ზედაპირის საფინიშო დასუფთავება
8.საშუალო ფორმატისგან განსხვავებული ფილების დაგება
ფილის დაგების და თანმხლები სამუშაოების ღირებულების შეფასება და სამუშაოების ღირებულების ხარჯთაღრიცხვის შედგენა ხდება ჩემს მიერ მხოლოდ ობიექტის ვიზუალური დათვალიერების, მოსაპირკეთებელი ზედაპირების და ფილების შემოწმების და აზომვების შემდეგ.ხარჯთაღრიცხვა დგება პრაისის მიხედვით..

გამოძახება (ფილების და მოსაპირკეთებელი ზედაპირების მდგომარეობის შემოწმების,აზომვების, საერთო კონსულტაციის,ხარჯთაღრიცხვის შედგენის მიზნით)–ფასიანია და ღირს 20 ლარი. ეს მომსახურება უფასოა მხოლოდ რეალური დამკვეთისთვის..
My Webpage კაფელის პროფესიონალური დაგება

wishmaster_master
მადლობა
Ювентино

ეს მეც გავიგე, რომ რა ფასიანი მეტლახიც არის, ის ღირს კვადრატულის დაგებაო
და 10 ლარიანი და 100 ლარიანი მეტლახების დაგებებში პრინციპული განსხვავებები მაინტერესებს

განვიხილოთ კონკრეტული მაგალითი მოპირკეთების სამუშაოების ღირებულების გაანგარიშების:

კონკრეტულ სააბაზანოში ჩასატარებელია შემდეგი სამუშაოები:
1.მოსაწყობია სააბაზანოს იატაკი 4,7მ2 (ფუძის პერეპადი კორიდორის სტიაჟკასთან 14 სმ)
2.საშხაპესი 1,3 მ2 დასამონტაჟებელია ტრაპი 750 მმ(როგორიც სურათზეა)
3.მოსაწყობია საშხაპის იატაკი ქანობით(პერეპადით საშხაპის სტიაჟკასთან 2 სმ)
4.მოსაპირკეთებელია საშხაპის კედლები 8 მ2
5.მოსაპირკეთებელია უნიტაზის ინსტალაციის კორობი 2,5 მ2 გარე კუთხეების 45 გრადუსით დამუშავებით.

ნახაზზე მოცემულია ამ სააბაზანოს იატაკის ზომები

კედლის სიმაღლე ფუძიდან 3,1 მ;
კორობის სიმაღლე ფუძიდან 1,33 მ
კედლები გალესილია;
კორობი აკრულია მინაბოჭკოს ფილებით;
სააბაზანოს იატაკზე დამკვეთის სურვილით იგება კვადრატული ფილები–კერამოგრანიტი;
დასადგენია ამ ფილების ოპტიმალური ზომა..
სასხაპეში,საშხაპის კედლებზე და კორობზე იგება მართკუთხა ფილები–კერამოგრანიტი;
დასადგენია ამ ფილის ოპტიმალური ზომაც..
ამოსაჭრელია:
უნიტაზის სამაგრების 2 ხვრელი 15მმ;
კანალიზაციის ხვრელი 110მმ;
ბაჩოკის სლივის ხვრელი 50 მმ;“
სმესიტელის“ 2 ხვრელი
გასაკეთებელია სასხაპის კედლების და იატაკის ანტისეპტირება
გასაკეთებელია სააბაზანოს იატაკის ჰიდროიზოლაცია
სააბაზანო მდებარეობს მე–7 სართულზე,ახალ კორპუსში
მანძილი ობიექტამდე და ობიექტიდან 10 მილი
არ მუშაობს ლიფტი
არ არის ტუალეტი..
გასათვლელია ფილების რაოდენობა..
შესარჩევია და გასათვლელია სახარჯო მასალები ..

განსაზღვრეთ ამ სააბაზანოს მოპირკეთების მ2–ის ფასი...

იმედია ხვდებით რომ "ჯიგრული" 10–15 ლარი და ფილის ღირებულება საორიენტაციოდ არ გამოგადგებათ..

This post has been edited by VS2015 on 30 Jul 2015, 14:10

მიმაგრებული სურათი (გადიდებისთვის დაუწკაპუნეთ სურათზე)

სურათი ქვევით ეხება ზედა პოსტს

ხხხხხხხხხხხხ

რა ღირს ჩემი მომსახურება?
1კვ.მ საშუალო ფორმატის (20x20 სმ–50x 50სმ),მონოტონური, ერთიდაიმავე კალიბრის , ერთი ზომის ფილების დაგების საბაზისო ღირებულება( იგულისხმება დაგება ნაკერებით,თხელ ფენაზე , სწორი მოხაზულობის ბრტყელ ,ჰორიზონტალურ იატაკზე,ყაიდით „ ნაკერი ნაკერში“ ) შეადგენს 17,5 ლარს ,ხოლო სწორი კონფიგურაციის,ბრტყელ,ვერტიკალურ კედელზე 20 ლარს
დაგების თანმხლები სამუშაოების ღირებულება იანგარიშება ცალკე
ქვემოთ მოყვანილია სამუშაოების ჩამონათვალი,რომელთა ღირებულება არ შედის საბაზისო ღირებულებაში;
1რთული გეომეტრიული ფორმებით დაგება დიაგონალურის ჩათვლით.
2.მოსაპირკეთებელი ზედაპირების მოწყობა , გასწორება,მომზადება
3.ფილის პირდაპირი, ტეხილი და რადიუსით ჭრა,ტექნოლოგიური ხვრელების ამოჭრა, ფილის კიდეების დამუშავება
4. ფილის ელემენტების დაყენება (მაგ.პლინტუსების.ბორდიურების, კუთხოვანების და ა.შ)
5. ზედაპირების ელემენტების მოპირკეთება:ნიშა,სვეტი,“კორობი“,“ატკოსი“,ზღურბლი,გარე კუთხე
6.ფილებს შორის ნაკერების ამოვსება
7.ზედაპირის საფინიშო დასუფთავება
8.საშუალო ფორმატისგან განსხვავებული ფილების დაგება
ფილის დაგების და თანმხლები სამუშაოების ღირებულების შეფასება და სამუშაოების ღირებულების ხარჯთაღრიცხვის შედგენა ხდება ჩემს მიერ მხოლოდ ობიექტის ვიზუალური დათვალიერების, მოსაპირკეთებელი ზედაპირების და ფილების შემოწმების და აზომვების შემდეგ.ხარჯთაღრიცხვა დგება პრაისის მიხედვით..

გამოძახება (ფილების და მოსაპირკეთებელი ზედაპირების მდგომარეობის შემოწმების,აზომვების, საერთო კონსულტაციის,ხარჯთაღრიცხვის შედგენის მიზნით)–ფასიანია და ღირს 20 ლარი. ეს მომსახურება უფასოა მხოლოდ რეალური დამკვეთისთვისMy Webpage კაფელის პროფესიონალური დაგება

This post has been edited by VS2015 on 30 Jul 2015, 14:18

მიმაგრებული სურათი (გადიდებისთვის დაუწკაპუნეთ სურათზე)

ფასი არაა ხარისხის გარანტია. ბევრი მინახავს, ფასებს ურახუნებს და ტერმინებით გაბოლებს - ტექნოლოგია მოითხოვსო, ჰიდროიზოლაციაო და ასე შემდეგ - ფულს გახარჯვინებენ უაზროდ. მყავდა ერთი ეგეთი, მუშაობას რო მორჩა, არ მომეწონა, ამან მაინც იმდენი იბლატავა თავი მაცემინა. მერე ელიავადან მოვიყვანე 10 ლარიანი „პროვინციელი“, თავზე დავადექი მშვენივრად გააკეთა ყველაფერი. ჩემი გამოცდილებით ხელოსანი რომ პროფესორობას დაგიწყებს, იმასთან საქმე არ უნდა დაიჭირო.

არსებობს მყიდველთა( იგივე დამკვეთთა) სხვადასხვა ტიპები..
მათ შორის არსებობს ერთი ასეთი ტიპი –„კატოკი“რას აკეთებენ ისინი? ისეთს არაფერს ცდილობენ რაიმე პროდუქტის ან სერვისის გამყიდველს გადაუარონ.ასეთმა მყიდველებმა ყოველთვის თქვენზე „მეტი იციან“ თქვენს პროდუქტზე ან მომსახურებაზე ,ისინი ცდილობენ გამხილონ არაკომპეტენტურობაში,ეკიდებიან სიტყვებს,ისინი დაჟინებით ცდილობენ დაგაგდებინონ ფასი.ისინი არასოდეს არ უსმენენ იმას რასაც ეუბნებით,რა საჭიროა მათ ხომ ისედაც თქვენზე უკეთ იციან,მათ აღთიზიანებთ თავად აუცილებლობა რაღაცის ყიდვისა.ნეტა შეეძლოთ იცხოვრონ ისე რომ არაფერი იყიდონ..
აი,ასეთ ტიპებთან წერილობითი ხელშეკრულების გარეშე წინდახედულმა ხელოსანმა საქმე არ უნდა დაიჭიროს..იხ. ზემოთ პოსტი „ხელშეკრულება მოსაპირკეთებელ სამუშაოებზე“

ვის დავუკვეთოთ კაფელისა და მეთლახის დაგება?

გსმენიათ ალბათ მავანისგან „დავიქირავე გასტერბაიტერი კაფელის და მეტლახის დასაგებად და დააგო არანაკლებად ვიდრე ამას გააკეთებდა დამოუკიდებელი ხელოსანი,ბრიგადა,პრარაბიანი ბრიგადა ან სარემონტო ფირმა;თანაც უფრო იაფი დამიჯდა ,ამაზე მეტი არ უნდა გადაუხადო და ა.შ“
მაგრამ ასეთი მსჯელობა მხოლოდ იმაზე მიუთითებს რომ ასეთი დამკვეთი აზრზე არაა რაში იხდის მეტ ფულს პროფესიონალ ხელოსანთან,ბრიგადასთან,პრარაბიან ბრიგადასთან,სარემონტო კომპანიასთან..
საქმე ისაა რომ ამათთან თქვენ ფულს არ იხდით დაგებაში–ეს მცდარი შეხედულებაა
ესენი გთავაზობენ სხვადასხვა სერვისებს...
ამიტომ რომელიმე დამკვეთი სანამ აიღებს ტელეფონს და დაიწყებს რეკვას,სანამ დახარჯავს დროს ხელოსნების,ბრიგადების,კომპანიების ტელეფონების ძებნაში უნდა თავიდანვე მკაფიოდ გარეკვეს ვინ ჭირდება და ვის რა სერვისები შეიძლება დაუკვეთოს..




პროექტი:– წესით პროექტს უნდა ქმნიდეს არქიტექტორი ან დიზაინერი; მაგრამ პროექტს დამკვეთი თავის თავზე იღებს ,როცა ქირაობს ხელოსანს,ბრიგადას,ან პრარაბს, ხოლო თუ რემონტს ფირმას უკვეთავს ,ფირმა ვალდებულია აქეთ წარუდგინოს დამკვეთს მზა პროექტი.
ბიუჯეტი–არ აურიოთ ხარჯთაღრიცხვა („სმეტა“) და ბიუჯეტი ერთმანეთში;ბიუჯეტი არის ყველა ხარჯი ,ხოლო ხარჯთაღრიცხვა („სმეტა“)არის სამუშაოების და მასალების ღირებულება. თავად ხარჯთღრიცხვა ბიუჯეტის ერთ–ერთი შემადგენელი ნაწილია მხოლოდ
რემონტის ბიუჯეტის შედგენა დამკვეთმა თვითონ უნდა მოახდინოს თუ ქირაობს ხელოსანს ან ბრიგადას,ამათგან დამკვეთმა შეიძლება მიიღოს მხოლოდ „სმეტა“ისიც მხოლოდ კომპეტენტური ხელოსნებისგან და არა ყველასგან..
მაგრამ თუ დამკვეთი რემონტს უკვეთავს პრარაბს ან ფირმას მათ მოვალეობაში შედის რემონტის ბიუჯეტის შედგენა..
მომზადება :ესაა ობიექტის მომზადება სარემონტო სამუშაოების დასაწყებად და ჩასატარებლად.(ელ.ენერგია,წყალი.დასაწყობება,ნაგავი,ობიექტის დაცვა,ინსტრუმენტის დაცვა დასხვ)ამათი ხარჯები არ შედის „სმეტაში“ არამედ შედის ბიუჯეტში;ამ ნაწილს,ანუ ობიექტის მომზადებას დამკვეთი ან თავისთავზე იღებს(როცა ხელოსანს ან ბრიგადას ქირაობს) ან საჭირო თანხას აძლევს პრარაბს და ის ამზადებს ობიექტს სარემონტოდ ,ფირმა თავისმხრივ ობიექტის მომზადებას აუცილებლად აკეთებს..
ორგანიზაცია:ესაა 1.მასალების გათვლა 2.მასალების შერჩევა 3.მასალების ყიდვა.4 მასალების მოტანა ობიექტზე.5.მასალების ატანა სართულზე.6. მასალების დასაწყობება ობიექტზე 6. შემსრულებელი პერსონალის შერჩევა..
ეს 6 პუნქტი დამკვეთმა თავისთავზე უნდა აიღოს თუ ქირაობს ხელოსანს ან ბრიგადას. თუმცა კომპეტენტური ხელოსნებს და ბრიგადებს შეუძლიათ დამკვეთათან შდეთანხმებით მონაწილეობა მიიღონ რემონტის საორგანიზაციო ზოგიერთ სამუშაოში გარკვეული ანაზღაურების ფასად რასაკვირველია.
თუ დამკვეთი ქირაობს პრარაბს ან ფირმას ამ საორგანიზაციო საკითხების მოგვარება მათი ვალდებულებაა.
სამუშაოების შესრულება:–ეს ყველას საერთო ვალდებულებაა;ოღონდ სრულდება მხოლოდ ის სამუშაოები რომლებიც გათვალისწინებულია ხარჯთაღრიცხვით „სმეტით“ და არა ნებისმიერი სამუშაოები; ეს დამკვეთმა კარგად უნდა გაითავისოს..
ოპერაციული კონტროლი: ვის დაუკვეთოს რემონტი? ამის შესახებ გადაწყვეტილების მიღებისას დამკვეთთა გარკვეული ნაწილი არ ითვალისწინებს ამ ყველაზე მნიშვნელოვან მომენტს.სამუშაოს ჩაბარების მომენტში კონტროლი–ეს იციან,მაგრამ ოპერაციული კონტროლი რასაც ქვია ამას ბევრი დამკვეთი არ ახორციელებს ან ვერ ახორციელებს.არაკომპეტენტურობის ან დროის უქონლობის გამო..
ისე,ეს არის პრარაბის ძირითადი მოვალეობა აკონტროლოს სამუშაოების ხარისხი მათი მიმდინარეობის პერიოდში..ყველა სამუშაოს შემადგენელი ოპერაციების ხარისხის კონტროლი ესაა პრარაბის ყველაზე მთავარი საქმე..
თუ პრარაბი არ გყავთ ამ ოპერაციული კონტროლის (გნებავთ შუალედური კონტროლის) ვალდებულება გეკისრებათ თქვენ ,ანუ დამკვეთს..( ზოგიერთები ამას უძახიან „თავზე დადგომას“ მაგრამ ესეც ბევრს არასწორად აქვს გაგებული არაკომპეტენტური ზედამხედველი მტრის ბუნაგშია კარგი მხოლოდ)
მაგ. ერთი დამკვეთი ჩიოდა რომელიღაც ფორუმზე რომ დაიქირავა ხელოსანი,რომელმაც თაბაშირ–მუყაოს ზედაპირი დაამზადა 1 სმ–თი გადახრილი ვერტიკალიდან,რამაც შემდეგში ფილის დაგებისას გამოიწვია წებო–ცემენტის გადახარჯვა.ამის გამო მან მეფილეს ფული არ გადაუხადა რადგან იმას ჰქონდა გადახარჯვა წებო–ცემენტის და ეს დამკვეთი ამით თავს იწონებდა..
ეს არის არაეთიკური ქცევა დამკვეთისა..თუ მან დაიქირავა ის ხელოსანი.ეს მისი ვალდებულება იყო შეემოწმებინა თაბაშირ–მუყაოს კედლის ვერტიკალურობა ამ ოპერაციის დასასრულს და თუ ის არ შეესაბამებოდა ნორმატივს,უნდა მოეთხოვა დეფექტის გამოსწორება.. მხოლოდ დეფექტის გასწორების შემდეგ ეყიდ წებო–ცემენტის საჭირო რაოდენობა..და მიეცა ნებართვა მოპრკეთებაზე...თუ დამკვეთი დროულად არ გამოთქვავს პრეტენზიას ის კარგავს ამ კონკრეტული პრეტენზიის გამოთქმის უფლებას მოგვიანებით..ამ ხელოსანს შეეძლო სასამართლო წესით მოეთხოვა მოპირკეთების საფასურის ანაზღაურება და რომ მოეთხოვა მიიღებდა კიდეც.
სწორედ ამას ქვია სამუშაოების ოპერაციული კონტროლი და ეს კონტროლი კეთდება არა რამდენიმე დღეში ერთხელ არამედ ყოველდღიურად, მით უფრო თუ დამკვეთს დაქირავებული ყავს უცნობი ხელოსანი ან ბრიგადა..
მოკლედ შუალედური იგივე ოპერაციული კონტრლი,იგივე შუალედური მიღება–ჩაბარებები აუცილებლად უნდა იყოს...ოღონდ..
თუ დამკცეთი ქირაობს ხელოსანს ან ბრიგადას ამ კონტროლს ახორციელებს თვითონ, საკუთარი რისკის ფასად.
თუ ქირაობს პრარაბს და ფირმას ამ ოპერაციული კონტროლის ვალდებულება ეკისრებათ ამათ..
სამუშაოების შეთანხმება: რა არის ეს?“სმეტაში“ ხანდახან ათეულობით სამუშაო და ოპერაციაა ჩამოთვლილი მაგრამ თითოეული სამუშაო აუცილებლად უნდა შეთანხმდეს დამკვეთსა და შემსრულებელს შორის(ვინც არ უნდა იყოს ეს შემსრულებელი: ხელოსანი,ბრიგადა,პრარაბი,ფირმა),რადგან მხარეების შეუთანხმებლობის შემთხვევაში მოხდება მოცდენები,ან არ ანაზღაურდება შეუთანხმებელი სამუშაოები.მოცდენები ნიშნავს რემონტის გაჭინაურებას.არ ანაზღაურება,დაგვიანებით ანაზღაურება,არასათანადოდ ანაზღაურება კი ნიშნავს სხვადასხვა ხარისხის კონფლიქტს დამკვეთსა და შემსრულებელს შორის.
სამუშაოების შეთანხმება დამკვეთსა და შემსრულებელს შორის ასევე გულისხმობს გარკვეული სამუშაოების შესასრულებლად საჭირო ვიწროსპეციალისტების დროულ მოძებნას,გარკვეული სამუშაოების დაწყების დროის შეთანხმებას,შეთანხმებას იმის თაობაზე თუ როგორ სპეციფიკურად უნდა იქნეს მომზადებული ესა თუ ის ზედაპირები რათა შესაძლებელი იყოს დაგეგმილი მომდევნო სამუშაოების დროული ჩატარება..
ჩვენს რეალობაში,დამკვეთთან სამუშაოების შეთანხმებას ახდენენ მხოლოდ გამოცდილი ხელოსნები და ბრიგადები,ხელოსნების და ბრიგადების უმრავლესობა ამას არ აკეთებს ,ამის შედეგია ხშირი მოცდენები და კონფლიქტები.
პრარაბი და ფირმა აუცილებლად აკეთებენ სამუშაოების შეთანხმებას.

ეტაპობრივი პასუხისმგებლობა: ეს რაღაა? ეს არის ზემოთ ნახსენები ოპერაციული კონტროლის შედეგი.
თუ თქვენ დააყენეთ მეფილე და დაიწყეთ მოსაპირკეთებელი სამუშაოები ეს ნიშნავს რომ თქვენ უკვე ჩაიბარეთ კალატოზის ,მებათქაშის ,ელექტრიკოსის,სან–ტექნიკის ნამუშევარი..
ან ეს სამუშაოები ჩაიბარა თქვენმა პრარაბმა.. ან თქვენმა დაქირავებლმა ფირმამ..
და თუ თქვენ ,დამკვეთი, ხედავთ რომ ხდება მასალის გადახარჯვა.. მაგ კედელი ილესება 5–6 სმ სისქის ბათქაშით.. ეს იმ პრარაბის და იმ ფირმის პრობლემაა რომელიც თქვენ დაიქირავეთ...,რადგან თქვენ გადახდილი გაქვთ ოპერაციული კონტროლის ფული პრარაბისთვის ან ფირმისთვის ;იხ. ზემოთ „ოპერაციული კონტროლი“ და ეს მასალის გადახარჯვის ხარჯები პრარაბმა და ფირმამ თავისთავზე უნდა აიღონ თუ საკუთარ რეპუტაციას უფრთხილდებიან..
დაუსვით საკუთარ თავს კითხვა:“ მე, როგორც დამკვეთი ,მზად ვარ „სმეტაში“ ჩამოთვლილი თითოეული სამუშაოს ხარსხის კონტროლი პირადად განვახორციელო?“ აქ ლაპარაკია თითოეული სამუშაოს შემადგენელი თითოეული ოპერაციის კონტროლზე;მაგ.მაიკების დაყენების ხარისხის კონტროლზე,მანამდე ზედაპირის მომზადების ხარისხის კონტროლზე,ბათქასის დუღაბის მომზადების ხარისხის კონტროლზე;ბათქაშის ზედაპირზე დატანის ხარისხის კონტროლზე და ა.შ.
მოკლედ ოპერაციული კონტროლი დროულად და სწორად უნდა განხორციელდეს ,თითოეულ შუალედურ ეტაპზე და არა მერე ფაქტების კონსტატაციით და იმ დროს როცა უკვე გვიანაა... ეს კონტროლის არასწორი შესრულებაა..
დროული და კომპეტენტური კონტროლი ესაა ის რაც აუცილებელია და ესაა ის რაც დამკვეთების უმრავლესობას არ შეუძლია..
ამიტომ როცა დამკვეთი შემსრულებლად ქირაობს ხელოსანს ან ბრიგადას.მას გააზრებული უნდა ჰქონდეს რომ პასუხისმგებლობის აღება მეტწილად მას თავისთავზე მოუწევს თუ ხელშეკრულებით(ზეპირით,ან წერილობით) სხვა რამე არაა შეთანხმებული შემსრულებელთან
პრარაბს და ფირმას პასუხისმგებლობა კი აუცილებლად აკისრიათ..

ჩაბარება: ეს ძალიან მნიშვნელოვანი მომენტია.თუ თქვენ დამკვეთი ხართ და ადგენთ „სმეტას“ თქვენი ბიუჯეტისთვის ეგრევე დაუმატეთ სმეტას სამუშაოების ღირებულების 5–10 %,ეს ფული წავა ობიექტის ჩაბარების შემდეგ სხვადასხვა გაუთვალისწინებელ წვრილმან სამუსაოებზე ანუ ყველაფრის ბოლომდე მიყვანაზე
ამ სერვისს ,ანუ ყველაფრის ბოლომდე მიყვანას ხელოსანი და ბრიგადა ვერ შემოგთავაზებთ ,ისინი უბრალოდ სხვა დაკვეთაზე იქნებიან იმ დროს როცა თქვენ მათ დაურეკავთ მას სემდეგ რაც რაღაცეები უკვე გააკეთეთ და ახლა მათ შეუძლიათ ბოლომდე მიიყვანონ თავიანთი საქმე..
ამ სერვისს მხოლოდ პრარაბი და ფირმა შემოგთავაზებთ
გარანტია: გარანტიების დაპირება ყველას შეუძლია;გარანტიების შესრულება კი ცოტას;
გარანტიებს ასრულებენ ის ვინც თავის რეპუტაციას უფრთხილდება,მაგრამ აქ მარტო სურვილი არ კმარა;
ხელოსანი,ბრიგადა,პრარაბი თუ საგარანტიო მომსახურებას დაგპირდნენ დაუსვით საკუთარ თავს შეკითხვა შეძლებენ კი ისინი შეასრულონ საგარანტიო მომსახურება?ალბათ წვრილმან სამუშაოებზე შეძლებენ;მსხვილ სამუშაოებზე ვერ შეძლებენ ,ფინანსები არ ეყოფათ სურვილიც რომ ქონდეთ;ისინი ხელფასზე მუშაობენ;მსხვილ სამუშაოებზე გარანტიის გაცემა შეუძლიათ მხოლოდ ფირმებს ისიც ყველას არა,მხოლოდ მსხვილ ფირმებს..

ქვემოთ მოყვანილია ცხრილი;ამ ცხრილის მიხედვით თქვენ შეგიძლიათ განსაზღცროთ რას შეძლებთ და რას ვერ შეძლებთ თქვენ თვითონ;რა სახის მომსახურება გჭირდებათ და ვის უნდა მიმართოთ ამ მომსახრების მისაღებად...

თუ ბევრი დრო გაქვთ და ფული არ გყოფნით,მაშინ აიღეთ საკუთარ თავზე პრარაბის ფუნქციები (იხ. ზემოთ ) და დაიქირავეთ თქვენთვის მისაღები ხელოსანი ან ბრიგადა
თუ ფული გაქვთ და დრო არ გაქვთ შეგიძლიათ იქირაოთ ბრიგადა + პრარაბი,ანუ პრარაბიანი ბრიგადა..(ოღონდ გახსოვდეთ..პრარაბი იღებს გარკვეულ %–ს სამუშაოების ღირებულების)
თუ ძალიან დაკავებული და მაღალშემოსავლიანი ვინმე ხართ,მაშინ ქირაობთ სამშენებლო ფირმას ,მაგრამ კარგად უნდა გაიაზროთ ქვემოთმოყვანილი ცხრილის პოზიციები რათა იცოდეთ რატომ იხდით უფრო მეტ ფულს იმაში რასაც გასტერბაიტერი თითქმის მუქთად აკეთებს.(.ამისთვის კი სპეციალური მადლობა წინა და ახლანდელ მთავრობას)
მოკლედ როგორც დავით გურამიშვილი იტყოდა:
“შენა გწადს,აწ რომელითა?“

This post has been edited by VS2015 on 1 Oct 2015, 14:54

მიმაგრებული სურათი (გადიდებისთვის დაუწკაპუნეთ სურათზე)

საქმე იმაზშია რომ საქართველოში იშვიათობაა პატიოსანი ადამიანი ე.ი ვინც არ გატყუებს და შედეგად როცა რამეს კარგ რჩევას აძლევ გონიათ რომ ატყუებ . ყველაფერს დრო და რეპუტაცია ანუ სახელი ჭირდება ...