გურულებო, შემოით!, მეხუთე თემა

გურულებო დუმბაძის ლექსი რომაა ,,გურია ხომ არ მოგეპოვებად ვინმეს? ძაან დამეხმარებით

amiran555

ეგ ავატარი ერთ დროს მე მეყენა სხვა ფორუმზე

ჯგირ კოჩი

ა ნენა,ერცახას მეც შეგეხიდებით....made in Ozurgeti...

ალბათ ეს ხოო?

ამწვანებული ქედები, ვარდი, ყაყაჩო, იელი,
ბახმაროს მხრიდან მოსული ნიავი გადამთიელი,
მთაზე თამარის ციხეა და ციხემ ზეცა გახია,
თავზე რომ ჯანღი ეხვევა, გურული ყაბალახია,
ჰეი, ამოდი, ძმობილო, შეხედე მზეს - რა ახლოა,
იქით ტოლების კალთები, ირმების საბალახოა,
და ეს გურია კი არა, სიცოცხლის სამოსახლოა.
გუბაზოულო, მითხარი, შენი სადავე სად არი,
მეფე გუბაზის რაშივით რომ გაგიშლია ფაფარი,
მთვრალივით რომ გადმოგორდა,
მზემ ცეცხლი ხომ არ დალია,
ეს მზეა თუ ნინოშვილის გული
და ნაღვერდალია?!
ამწვანებულო ქედებო, ვარდო, ყაყაჩო, იელო,
ბახმაროს მხრიდან მოსულო,
ნიავო გადამთიელო,
ცა ვარსკვლავებმა დაყურსეს და
ზეცა ქედებს შერთვია,
ერთია დღე და საღამო, მიწა და ზეცაც ერთია,
მზე მთაზე ფეხებს აითრევს,
დარჩენა ისე სწყურია,
სიცოცხლის სამოსახლოა ჩემი პატარა გურია.

არადა ეს ლექსი რაჭაზე დაწერა

ამწვანებული ქედები, ვარდი, ყაყაჩო, იელი,
რაჭის მხრიდან მოსული ნიავი გადამთიელი,
მთაზე თამარის ციხეა და ციხემ ზეცა გახია,
თავზე რომ ჯანღი ეხვევა, რაჭული ლობიანია,
ჰეი, ამოდი, ძმობილო, შეხედე მზეს - რა ახლოა,
იქითკენ ტოლას კალთები, ირმების საბალახოა,
და ეს გურია კი არა, ლამაზი რაჭის მხარეა.
როსტომსეულო, მითხარი, შენი სადავე სად არი,
რაჭის ერისთავთ რაშივით რომ გაგიშლია ფაფარი,
მთვრალივით რომ გადმოგორდა,
მზემ ცეცხლი ხომ არ დალია,
ეს მზეა თუ ნინოშვილის გული
და ნაღვარდიალია?!
ამწვანებულო ქედებო, ვარდო, ყაყაჩო, იელო,
რაჭის მხრიდან მოსულო,
ნიავო გადამთიელო,
ცა ვარსკვლავებმა დაყურსეს და
ზეცა ქედებს შერთვია,
ერთია დღე და საღამო, მიწა და ზეცაც ერთია,
მზე მთაზე ფეხებს აითრევს,
დარჩენა ისე სწყურია,
სიცოცხლის სამოსახლოა ლამაზი კუთხე რაჭა.

ასთე აბდრული ნახლაფორთალი მეტი არ მინახავს

ფალსიფიკაციას აქვს ადგილი

This post has been edited by Roger Waters P.F on 7 May 2010, 00:41

Roger Waters P.F

აცალე, თავის ჭიას ახარებენ - რაჭის სიყვარულს გურიის თემაში იკლავენ. რაჭველები არიან, რა ქნან - თავის თემას ვერ აგნებენ ჯერ.
chioreli

აქანე ნამეტანი გეიჭედე რითმაში, თვარა ისე ქე ჩეგვეთვალა ეგება.
chorchaneli

კეთილი იყოს შენი სტუმრობა. ხშირად გვინახულე.

უკაცრავად მაგრამ გადაკეთებაში ბევრი რამ გამოგრჩათ

1

აქ ნინოშვილია აღნიშნული (ეგნატე ნინოშვილი, რომელის ''სუფთა სისხლის გურულია") და არა ვინმე რაჭველი

2.

ეს ციხეც გურიაშია და არა რაჭაში
3.

ეს რომ რითმაში არ ჯდება, ამაშიც მგონი არ შემედავებით

ისე კი რაჭველებსაც კაი ლექსი გაქვთ და ეგ იმყოფინეთ

შეგვეწიოს ყოვლად წმინდა,
ხოტევი და ნიკორწმინდა,
ზემო ბარი,ქვემო ბარი,
მრავალძარი და კვირიკეწმინდა,
აგარა და უყეშიო,
გმერთმა მოგვცეს ნუგეშიო
ყოვლად წმინდა ღვთისმშობელი
მოდიოდა ფეხშიშველი
ღმერთმა ყველა გვიდღეგრძელოს
სტუმარი და მაინძელი
თოფი ლულა საკიდელი
ღვინო არ მაქვს საყიდელი
ორივე ხელუკას მოვკიდებ
რომ არ დამექცესაო
ცაში ღმერთს,მთაში სალოცავს
მიწაზე ჩვენ და მიწისქვეშ ჩვენ წინაპრებს გაუმარჯოთ

lebidor

არაფერი არ გამომრჩენია

აბა სხვა ვინ დამეწერა ვერ ვაკარდე

მინიმუმ 5 რამ მაინცაა რაჭის ყველა სოფელში ტამარის სახელობის ასე რომ თამარის ციხეები ჩვენთანაც უამრავია

ეს კი ჯდება რითმაში, მაგარამ დანარჩენი ლექსის რითმა ვეღარ მოყვება ამას

შეგეწიოთ

chioreli

რაჭაში ზოგ სოფელში იმდენი სალოცავია, ერთად აღებული გურიაში არ იქნება, ბოშო.

კაცო ეს გურიის ფორუმია თუ რაჭის???

მოდი მასეც ნუ დავიწყებთ, თორე მთიული შემოვა ვინმე, და მანდ რო სალოცავები, და სალოცავის კულტი აქვთ, ვერც გურულები და ვერც რაჭველები ვერ შევედრებით

lebidor

მოდი მართლა ნუ დავიწყებთ თორემ ჩვენთან ჭიორაში ტურისტები იმიტომ არ ჩამოდიან რომ ყოველ ფეხის ნაბიჯზე პირჯვრის გადაწერა უწევთ და იღლებიან

ვითომ? ეხ რა ვიცი რა ვიცი ისე რაჭა რო ლამაზი და არქიტექტურული ძეგლებით მდიდარი მხარეა, მაგაში ეჭვი არავის ეპარება, და მოდი ნუ დავიწყებთ მხარეების ერთმანეთთან შეჯიბრებას ყველა კუთხე ინდივიდუალური და განუმეორებელია ამიტომაცაა ერთიანობაში საქართველო ასე ლამაზი

სხვათა შორის, რაჭულ ლორზე გურული ადესა მიდის გადასარევად

lebidor

ვიხუმრე თან ალბათ უნიჭოდ, სმაილის მიხატვაც დამვიწყნია ისე მართლა ბევრია წმინდა ადგილები რაჭაში, განსაკუთრებით მთა რაჭაში აქვთ მთისთვის დამახასიათებელი სადა, მარტივი არქიტექტურული სალოცავი ძეგლები. ქვემოთ უკვე დიდებული ტაძრებია.

ნამდვილად ეგრეა უბრალოდ ვბედითობთ ხოლმე რაჭველები თორემ სხვა მხარეებიც გვიყვარს და ვაფასებთ

მინიმუმ ერთი თვე მაინც ვერ დავრწმუნდები ამ ფაქტის სისწორეში აღარ ვსვამ