რატო ვერ ვწერ ჩემ ისტორიას აქ?
* * *
უუუფ მე გრძელი ისტორია მაქვს
ორსულობა რო გავიგე, მოულოდნელი იყო და თან ძალიან გამიხარდა, ვინაიდან მანამდე ბევრი მკურნალობა მქონდა ჩატარებული. ამ ფონზე სიურპრიზის გაკეთებას ვერ დაველოდებოდი. დავიბარე სამსახურთან, თუმცა ისე ვნერვიულობდი ხმას ვერ ვიღებდი და მესიჯი მივწერე
მოვიდა და ჩამეხუტა, პირველად ვნახე აცრემლებული, ესეთი იყო ჩემი ორსულობის გამხელის ისტორია.
უფრო გრძელია სქესის გაგების ისტორია
ყოველ წელს მეგობრები (ჩემი ქმარი, ჩემი კლასელია) გარდა იმისა რომ ერთმანეთის სახლებს ვსტუმრობთ, აუცილებლად ვაკეთებთ ფართს, სადაც გვაქვს გასართობი პროგრამა და ასევე ვთამაშობთ სეკრეტ სანტას, თუ ვინმემ არ იცის ეს თამაში შემდგომში მდგომარეობს: ახალ წლამდე ერთი თვით ადრე პატარა ფურცლებზე ვწერთ ყველას სახელს, ამ პატარა ფურცელს ვყრით ყუთში და სათითაოდ ვიღებთ ყველანი. ვისაც ვინ ამოუვა იმას ყიდულობს საჩუქარს (ეს შეიძლება იყოს სერიუზული საჩუქარი, შეიძლება იყოს ღადაობა), ოღონდ არავის ვეუბნებით ვის ვინ გვყავს და ამ ჩვენ ახალი წლის ფართზე ხდება ამ საჩუქრების გადაცემა.
წელს ისე მოხდა, რომ ჩემი ქმრის სახელი ამოვიღე ყუთიდან, ბევრი ვიფიქრე საჩუქარზე და პირველი იდეა რაც მომივიდა (ორსულობა უკვე იცოდა) იყო ის, რომ ჩემგან უნდა გაეგო ფართზე ჩვენი პატარას სქესი.
არ ვიცი რატო თავიდანვე დარწმუნებული ვიყავი, რომ ბიჭი იქნებოდა, თუმცა ეხოსკოპიას მოუთმენლად ველოდი. ჩემი ქმარი ეხოსკოპიაზე სულ მომყვება, ამიტომ მომიწია ექიმთან წინასწარ მისვლა და გაფრთხილება, რომ თუ სქესს დაინახავდა ხმა არ ამოეღო ჩემ ქმართან და რამენაირად ცალკე ეთქვა ჩემთვის (ისე ყალიჩავამ კი შემომღრინა მაშინ, მამასაც აქცს სქესის ცოდნის უფლებაო, მაგრამ აბა ვინ დაუჯერა
). მართლაც ექიმს ხმა არ ამოუღია სქესზე და თქვა არ ჩანსო
და შემომხედა, მივხვდი იტყუებოდა
ამის შემდეგ მომიწია ეხოსკოპიის კაბინეტში დამეტოვებინა ჩემი მოსაცმელი, რომ მიზეზი მქონოდა უკან მისაბრუნებლად და სქესის საკითხავად, მეც ჩემ ქმარს კულტურულად მოვუტყდი, რომელიც ფეხდაფეხ მომსდევდა ექიმის კარებამდე, კარებში თავი შევყავი და სქესი ვიკითხე პასუხიც მივიღე ,,ბიჭიაო" და ჩემი ქმარიც უკვე ჩემ უკან იყო
ესეთ ექსტრემალურ სიტუაციაში გავიგე ჩემი პაწუკას სქესი
დავუბრუნდეთ სქესის გამხელის ისტორიას
მოვიდა ეს ნანატრი ახალი წლის ფართი, მერამდენე წელია ეს ფართი ეწყობა და პირველად ველოდი ესე გულით, ერთი სული მქონდა როდის ვეტყოდი მამიკოს თავისი პატარის სქესს. საჩუქრების გადაცემის დრო, რომ მოვიდა და ვთქვი რომ მე ვიყავი ჩემი ქმრის სეკრეტ სანტა, მოვიდა მიკროფონთან და ელოდებოდა თავის საჩუქარს. საჩუქრად კი გადაეცა პატარა შეფუთული ყუთი, რომელშიც იდო პატარა ლურჯი ნასკები და მისაკორობი ფურცლების გულის ფორმის შეკვრა, რომელზეც თითო ფურცელზე მიმდევრობით თითო სიტყვით ეწერა შემდეგი ტექსტი: ,,აი რატომ მივბრუნდი ექიმთან, ჩვენი პატარის სქესი არის ბიჭი"
რეაქცია? ხელში ამიყვანა და დამაბზრიალა
სიურპრიზი მომავალ მამიკოებს, ორიგინალური იდეები :)
