anchoancho123მე დავწერე ინტელექტის დონე მაგით განისაზღვრება თქო? ეს იყო კვლევა, რომელმაც აჩვენა, რომ, იმ ბავშვებს, რომლებიც ბუნებრივად იკვებებოდნენ რაოდენობრივად უფრო მარალი მაჩვენებელი ქონდათ (ინტელექტის კოეფიციენტი) მგონი არსა დამიწერია დედის რზეს თუ არშეჭამს ბავშვს ინტელექტი არ განუვუთარდება თქო
* * *
ბუნებრივი კვების დროს ბავშვი პირველი 6 თვე მხოლოდ დედის რძით იკვებება.
ქალის რძე წარმოადგენს უნივერსალურ და განუმეორებელ საკვებს ჩვილი ბავშვისთვის. იგი ცოცხალი ბუნებრივი ნაერთია და მისი შემადგენლობა მუდმივად იცვლება ბავშვის ზრდის პროცესში, მისი ასაკობრივი მოთხოვნების შესაბამისად. მასში შემავალი ნივთიერებები ადვილად მოსანელებელია და მთლიანად აკმაყოფილებს ბავშვის კვებით მოთხოვნილებას. იგი მდიდარია ვიტამინებით, ფერმენტებით, ზრდის ფაქტორებითა და მიკროელემენტებით, შემთბარია სასურველ ტემპერატურამდე, სტერილურია, ხელმისაწვდომია ყველგან და ყოველთვის. იგი ხელს უწყობს ბავშვის ენისა და სახის კუნთების განვითარებას, რასაც დიდი მნიშვნელობა აქვს შემდგომში სწორი თანკბილვისა და მეტყველებისთვის.
იმისათვის, რომ ვკვებოთ ახალშობილი ძუძუთი დიდხანს და წარმატებით, აუცილებელია ვიცოდეთ თუ რას შეიცავს ეს ფასდაუდებელი საკვები.
ხსენი _ ეს უნიკალური ბუნებრივი პროდუქტია, რომელიც განკუთვნილია სპეციალურად ახალშობილისთვის. იგი მართალია მცირე რაოდენობით გამოიყოფა, მაგრამ მაღალკალორიულობის გამო სრულიად აკმაყოფილებს ბავშვის მოთხოვნილებას და არ იწვევს ორგანიზმის გადატვირთვას სითხით. ხსენი მდიდარია იმუნოგლობულინებითა და ლეიკოციტებით და უზრუნველყოფს ახალშობილის პირველ იმუნურ დაცვას ბაქტერიებისა და ვირუსებისაგან. ხსენს აქვს არაჩვეულებრივი გამხსნელი ეფექტი, რომელიც ეხმარება ახალშობილს გათავისუფლდეს მეკონიუმისგან (პირველი განავალი) და იცავს მას სიყვითლის განვითარებისგან.
იგი შეიცავს ე.წ. ზრდის ფაქტორებს, რომლებიც განაპირობებს პატარას კუჭ-ნაწლავის მომწიფებას და იცავს მას ალერგიის განვითარებისა და რძის ცილის აუტანლობისაგან. მასში შემავალი დიდი რაოდენობით ვიტამინი A ამცირებს ინფექციების მიმღებლობას და იცავს ახალშობილს თვალის დაავადებებისგან. ხსენის რაოდენობა ცვალებადია ბავშვის ფიზიკური მონაცემებიდან გამომდინარე, მაგრამ ერთმნიშვნელოვნად შეიძლება ითქვას, რომ ხსენი უზრუნველყოფს ბავშვის საკვებ მოთხოვნილებებს პირველი 3-4 დღის განმავლობაში (მწიფე რძის მოსვლამდე).
მწიფე რძე ძირითითადად გამომუშავებას იწყებს ფიზიოლოგიური მშობიარობიდან 3-4 დღის შემდეგ. ამ მომენტს უწოდებენ “რძის მოსვლას”. მწიფე რძე შეიცავს ყველა იმ აუცილებელ საკვებ ნივთიერებას, რომელიც ესაჭიროება ახალშობილს ზრდისა და განვითარებისათვის.
თუ მშობიარობა არ იყო ფიზიოლოგიური (საკეისრო კვეთა), იგი იყო მედიკამენტურად დატვირთული, ან ბავშვი დროულად არ მოგიყვანეს ძუძუზე, შესაძლოა რძე მოვიდეს გვიან, ამასთან შეიძლება მისი რაოდენობა იყოს ჭარბი ან პირიქით,Aმცირე.
რძის საკმარისი რაოდენობით მოსვლამდე შეეცადეთ თავი შეიკავოთ ხელოვნური ნარევებისა და საწოვარას მიცემისაგან, ვინაიდან ბავშვმა შესაძლოა უარი თქვას ძუძუზე. რძის მოსვლას რეალურად დააჩქარებს ბავშვის ხშირი მიყვანა ძუძუზე (არანაკლებ 1.5-2 სთ-ში ერთხელ).
რძის შემადგენლობა იცვლება დღის განმავლობაში და შესაძლოა იგი ერთი კვების განმავლობაშიც კი შეიცვალოს.
ე.წ წინა რძე (პირველი პორცია) გამომუშავდება ყოველი კვების წინ. იგი არის მოცისფერო ფერის, გამოიყოფა დიდი რაოდენობით და უზრუნველყოფს ბავშვს საჭირო რაოდენობის ენერგეტიკული ნივთიერებებით _ ლაქტოზა, ცილები და სხვა კომპონენტები.
ე.წ უკანა რძე გამომუშავდება კვების ბოლოს, იგი მდიდარია ცხიმებით და ფერითაც უფრო თეთრია, ვიდრე წინა რძე. ყოველი კვების ხანგრძლივობას ადგენს თვითონ ბავშვი, ამიტომ მას უნდა მივცეთ საშუალება, რომ წოვოს მანამდე, სანამ თვითონ არ გაუშვებს ძუძუს.
ფიზიკურ განვითარებასთან ერთად ქალის რძე ხელს უწყობს ბავშვის გონებრივ განვითარებასაც. ძუძუთი კვების დროს დედასა და შვილს შორის ყალიბდება განუმეორებელი, მჭიდრო ემოციური ურთიერთკავშირი, რომელიც “გაწყვეტილი ჭიპლარის კავშირის ბუნებრივ გაგრძელებას” წარმოადგენს.
ძუძუთი კვება ხელს უწყობს საშვილოსნოს შეკუმშვას, იცავს ქალს მშობიარობის შემდგომი სისხლდენისგან, ამცირებს ხელახალი დაორსულების რისკს, იცავს სარძევე ჯირკვლის სიმსივნური დაავადებებისაგან.
კვების ჯერადობას, სიხშირეს, კვების ხანგრძლივობას განსაზღვრავს თვით ბავშვი ანუ ბავშვი უნდა იკვებებოდეს მოთხოვნილების მიხედვით (როცა იტირებს ან დედა გრძნობს, რომ მშიერია) დღისა და ღამის განმავლობაში. ამასთან, კვებათა შორის შუალედი არ უნდა აღემატებოდეს 3 სთ-ს, დღე-ღამის განმავლობაში დასაშვებია მხოლოდ ერთი ხანგრძლივი შუალედი (6 სთ-იანი შესვენება კვებათაA შორის) _ ხანგრძლივი ძილის პერიოდი.
პირველი 6 თვე ბავშვი უნდა იღებდეს მხოლოდ დედის რძეს. არ არის მიზანშეწონილი რაიმე სახის, მათ შორის არც წყლის (დედის რძეში 85% წყალია), წვენის და მით უმეტეს დედის რძის შემცვლელების სახით.
* * *
მეცნიერებმა მაიკლ კრამერის ხელმძღვანელობით ჩაატარეს ყველაზე მასშტაბური კვლევა ამ თემაზე. კვლევის შედეგები გამოქვეყნებულია ჟურნალში “ზოგადი პედიატრიის არქივები”. როგორც ბრისტოლის უნივერსიტეტის პედიატრიისა და პერინატალური განვითარების კათედრის პროფესორი, ბ-ნი ჯინ გოლდინგი აცხადებს, კანადელი მეცნიერების მიერ მიღებული შედეგები წარმოადგენს ყველაზე სარწმუნო დამამტკიცებელ საბუთს ინტელექტსა და ძუძუთი კვებას შორის არსებული დადებითი კავშირის შესახებ. კვლევაში მონაწილეობდა დაახლოებით 14 000 ბავშვი. მათზე დაკვირვება 6 წლის ასაკამდე მიმდინარეობდა. მათ, ვინც დედის რძით იკვებებოდნენ, უკეთესი შედეგები აჩვენეს 6.5 წლის ასაკში, კერძოდ, ასეთი ბავშვები უკეთ სწავლობდნენ, უსწრებდნენ რა გონებრივი განვითარების ხარისხით თავიანთ თანატოლებს. მასწავლებლებმა ასევე აღნიშნეს, რომ დედის რძით გამოკვებილი ბავშვები უკეთესად კითხულობდნენ და წერდნენ. ამ თემაზე ადრე ჩატარებულ კვლევის შედეგებს ეჭვქვეშ აყენებდა ზოგიერთი მეცნიერი. თუმცა, ახალი კვლევის შედეგად პირველად დამტკიცდა, რომ გონებრივი განვითარების სხვადასხვაობა დაკავშირებულია კვების ტიპთან და არა იმასთან, თუ რომელ სოციალურ ფენას მიეკუთვნება ესა თუ ის ბავშვი. ჯანმრთელობის მსოფლიო ორგანიზაციის მიერ რეკომენდებულია მხოლოდ (ექსკლუზიური) ძუძუთი კვება პირველი 6 თვის განმავლობაში და შემდეგ 2 წლის ასაკამდე დამატებითი კვება ძუძუთი კვებასთან ერთად. დედის რძე ვიტამინების საუკეთესო წყაროა და აძლიერებს ჩვილის იმუნიტეტს. ბავშვის კვება მნიშვნელოვან გავლენას ახდენს როგორც მის ფიზიკურ და ფსიქომოტორულ განვითარებაზე, ისე გარემოსადმი ორგანიზმის წინააღმდეგობის უნარის (იმუნიტეტის) ფორმირებაზე. განსაკუთრებით დიდია კვების როლი მცირე ასაკის ბავშვებში, როდესაც მიმდინარეობს ორგანიზმის ინტენსიური ზრდა, სხვადასხვა ქსოვილისა და სისტემის ჩამოყალიბება და სრულყოფა, ინტელექტის განვითარება.
Content from:
http://kids.ge/articles/ძუძუთი...არებაKids.ge
დედების კლუბი, ყველაზე საყვარლები<3
