ვეძებ დედმამიშვილებს, დაკარგულები

მოგესალმებით,
პირველრიგში ბოდიში მოდერატორთან, არ ვიცი რომელ განყოფილებაში უნდა გამეხსნა ეს თემა. და თუ არსებობს მსგავსი განყოფილება ვთხოვ გადაიტანოს იქ.

მოკლედ ვარ 30 წლის, ცოტახნის წინ გავიგე, რომ ნაშვილები ვარ. ჩემი ბიოლოგიური დედა არის ქალაქ წყალტუბოდან, როგორც ვიცი ამ დროისათვის უკვე გარდაცვლილია.
როგორც მითხრეს ბავშვებს აჩენდა და ყიდდა, ვიცი რომ მყავს უფროსი ძმა, რომელიც მეძებდა, მაგრამ ამის მეტს ვერაფერს ვერ ვიგებ. დედის დედა სავარაუდოდ გვარად უნდა იყოს კირთაძე.
ბებია როგორც ვიცი წყალტუბოს ბაზარში ყიდდა რაღაცეებს.
სავარაუდო ბიოლოგიური დედის ან ბებიის სახლი უნდა იყოს ქ. წყალტუბოში ბაზრობის უკან დასახლებაში. თუ ვინმეს გეცნობათ ჩემი ისტორია ან იცით აღნიშნული ოჯახის შესახებ. ძალიან გთხოვთ არ დაიზაროთ და მომწეროთ.
ძალიან დიდი მადლობა.

furashka
ეს უზერი დაიმატე ფბ-ზე - თავად ეძებს ბიოლოგიურ დედას და იქნებ, ღირებული რჩევებიც მოგცეს:
https://www.facebook.com/people/Irma-Avalis...100009039554819

ტაბუ

მადლობა, დახმარებისთვის. მივწერე უკვე.

furashka
წყალტუბოში რომ ჩახვიდე?

nia4u
აღმზრდელმა დედამ არ იცის, რომ მე ვიცი, რომ აყვანილი ვარ. აღმზრდელი დედა წყალტუბოში ცხოვრობს ეხლაც და შესაბამისად ამ ეტაპზე მე იქ ვერ გამოვჩნდები.

furashka
სხვა განყოფილებებშიც რომ გახსნა თემა? სადაც ბევრი უზერი შემოდის, იქნებ მათ უფრო დაგაკვალიანონ.

http://imedi.ge/index.php?pg=nws&id=85136&l=1

furashka
რამე წინსვლა გაქვს?

მოეშვი ამაზე ფიქრს.
დააფასე ის ხალხი ვინც გვერდით გყავს მეგობრები. ახლობლები
დაანებე იმაზე ფიქრს თავი თუ "როგორ შეიძლებოდა ყოფილიყო"

რატომ ეძებ? იმიტომ, რომ შენი შვილები და შენი დედმამიშვილების შვილები ერთმანეთს არ გადაეყარონ და არ დაქორწინდენ? ამიტომ გინდა იცოდე ვინ გყავს ბიოლოგიური დედა? დანარჩენი სულერთია, რომ "აცნდა და ყიდდა ბავშვებს"? დაფიქრდი რა. მართლა ჯობია დააფასო ის ხალხი ვინც გაგზარდა და გააგრძელო ცხოვრება მათთან ერთად..... ვიცი მე ეგ რაც არის და იმიტომ გეუბნები.

maiako_mao

და ვინ თქვა, რომ არ აფასებს?! ადამიანს აქვს უფლება და ძალიან ბუნებრივი სურვილი, იცოდეს საკუთარი ფესვები. და ეს სურვილი არც სამარცხვინოა, არც გასაკიცხი - ძალიან ნორმალურია.

furashka
წარმატებები ძიებაში. შესანიშნავად მესმის შენი

ტაბუ
და შენ გაქვს ინფორმაცია, რომ აფასებს? არავინ არ დაცინის და არც განიკითხავს, მე ჩემი აზრი გამოვთქვი!

maiako_mao
"არ აფასებს" არის უარყოფითი შეფასება და კლიშე. ის კლიშე, რომელიც ძალიან არის გავრცელებული საზოგადოებაში და ე. წ. "აყვანილ" ბავშვებს უზარმაზარი წნეხის ქვეშ აქცევს.
მე მაქვს ინფორმაცია, როგორ აღიქვამენ ნაშვილები ადამიანები სტრესთა მთელ სიმრავლეს: დაწყებული ტყუილიდან, რომელიც მთელ მათ შეგნებულ ცხოვრებას ეხება, დასრულებული იმ სიცარიელით, რომელიც წინაპრების, გენეტიკის შესახებ აქვთ.
ჩვენ, ვისაც მშობელი მშობლები გვზრდიან, არავინ გვაყვედრის აღზრდას, არავინ (მით უმეტეს ჩვენთვის უცნობი ხალხი) გვთხოვოს მშობლების დაფასებას. გაჩენილი შვილის აღზრდა მოვალეობად მიიჩნევა, 'აყვანილისა' კი - სამადლო საქმედ.
დღეს უკვე ცნობილია, რომ გაშვილება შვილებულისთვის არის ტრავმა. ის ფაქტი, რომ გამჩენმა მშობლებმა რაღაც მიზეზით (არ ჩამოვთვლი) ვერ გაზარდეს საკუთარი შვილი, შვილს ამჩნევს მოუშორებელ ფსიქოლოგიურ დაღს. და ჩვენ კი იმის ხაზგასმით, რომ "გამზრდელმა მშობლემა მოწყალება მოიღეს და უდედმამოდ რომ არ გაზრდილიყო ამიტომ გაზარდეს და ამისთვის მთელი ცხოვრება ვალიდან ვერ ამოვა", ამ დაღს ვაღრმავებთ.

მე არ მაქვს ინფორმაცია, რომ ფურაშკა მშობლებს 'აფასებს'. ისევე, როგორც არ მაქვს ინფორმაცია რომ ფურაშკა შვილს კარგად ზრდის, კარგი ცოლია, კარგი კოლეგაა, სკოლაში კარგად სწავლობდა... ასევე არ მაქვს მსგავსი ინფორმაცია არცერთ სხვა ჩემთვის უცნობ ფორუმელზე. მაგრამ ეს არ მაძლევს უფლებას, ყველა ჩემთვის უცნობ ადამიანს ჭკუა ვარიგო: დააფასე მშობლები, იყავი კარგი დედა, ქმარს პატივისცემით მოექეცი და კოლეგებთან ზრდილობა არ დაგავისწყდეს-თქო. მათი პირადი ცხოვრებაა, ვის და რისთვის დააფასებენ.

Adoption is Trauma - ამ ინფორმაციის მოძიება უხვად შეიძლება.
ამ ქალბატონის ნოუთები დამეხმარა თავად მე ადოპციის პრობლემისს გადააზრებაში: https://www.facebook.com/profile.php?id=100...839251&sk=notes
გირჩევთ, წაიკითხოთ.

ტაბუ


ძააალიან საკამათო და ჩასაღრმავებელი საკითხია ამ თემის გავრცობა. ხოლო, რაც შეეხება დაფასება /არდაფასებას ტერმინის განმარტება ამ კონტექსტში არაფრით განსხვდავდება , როგორც ბილოგიური შვილის, ასვე ნაშვილების გაზრდის/აღზრდის პერიოდში. ბიოლოგიური მშობელი უფრო ხშირად აყვერდრის და ითხოვს დაფასებას ვიდრე მშვილებელი რეალურად.


პ.ს ნამდვილად შენი გადასაწყვეტია ჭკუას დაარიგებ, ურჩევ თუ ა.შ ვინმეს. მე ჩემი ლეგიტიმური აზრი მაქვს , ისევე როგორც შენც.

maiako_mao

ჩასაღრმავებელი ნამდვილადაა, ოღონდ საკამათო კი არა, ძალიან სენსიტიური თემაა, სადაც დახმარებით შემოფარგვლა ხშირად ერთადერთი სწორი გამოსავალია.

ეს კი ნამდვილად საკამათოა და ვინაიდან სტატისტიკა არ გვაქვს, არ გავაგრძელებ. აი, საზოგადოება რომ მხოლოდ 'ნაშვილებ' ბავშვებს ვაყვედრით მშობლის ამაგს, ამაზე უნდა დამეთანხმოთ.

This post has been edited by ტაბუ on 5 Aug 2017, 06:25