PING
MISANTHROPE ENGINEER
ჯგუფი: Members
წერილები: 34120
წევრი No.: 21676
რეგისტრ.: 15-July 06
|
#46164654 · 8 Nov 2015, 19:57 · · პროფილი · პირადი მიმოწერა · ჩატი
"როლექსი" – სიზუსტის და ფუფუნების სიმბოლო
18:08 07.11.2015 "როლექსი" – სიზუსტის და ფუფუნების სიმბოლო
შვეიცარიული საათების მწარმოებელი კომპანია `როლექსი~ (შტაბ-ბინით ჟენევაში) მსოფლიოში ხარისხის შეუდარებელი რეპუტაციით სარგებლობს. ამ კომპანიაში შექმნილმა საათმა Oyster-მა ქრონომეტრის შესაბამისი სერტიფიკატი თავისი სიზუსტის გამო მიიღო. `როლექსის~ საათები (დროთა განმავლობაში) სრულყოფილების, უდიდესი მიღწევების, პრესტიჟის სიმბოლოდ იქცა. ამ მიმართულებით, უამრავ მნიშვნელოვან სიახლეს და მიღწევას სათავე სწორედ კომპანია `როლექსის~ მეშვეობით დაედო: 1905 წელს, ამ კომპანიაში პირველი მაჯის საათები Oშეიქმნა.
1926 წელს გაყიდვაში პირველი წყალგაუმტარი საათები გამოუშვეს თავისი არსებობის 100 წელზე მეტი ხნის განმავლობაში, ამ კომპანიამ 400-ზე მეტი პატენტი დაარეგისტრირა. "როლექსი" ჭეშმარიტად ინტეგრირებული, დამოუკიდებელი კომპანიაა, რომელიც საკუთარი საათების მოდელების შემუშავების, დამზადების პრაქტიკულად ყველა პროცესს ოქროს გადადნობიდან დაწყებული, საათის მექანიზმების, კორპუსის, ციფერბლატის, სამაჯურის აწყობით, მასში გამოყენებული ძვირადღირებული მასალების გადამუშავებით დამთავრებული თვითონ უზრუნველყოფს.
"როლექსი" აქტიურად მონაწილეობს ხელოვნების, სპორტის, კვლევების, მეწარმეობის სულისკვეთების, გარემოს დაცვისადმი მიძღვნილ სპონსორულ პროექტებში. სავაჭრო ნიშანი "როლექსი" განუმეორებელი, გამორჩეული სიახლისადმი გამუდმებით ლტოლვის, სრულყოფილებისაკენ სწრაფვის გამო გახდა. `როლექსის~ ისტორია საათების სამყაროში გენიალური გამოგონებების, ჯადოსნური თავგადასავლების ერთობლიობას წარმოადგენს. დღეისათვის, კომპანიის მიერ წარმოებული საათები უკვე ლეგენდად არის ქცეული, რომელმაც მსოფლიოში "ყველაზე პოპულარული და ცნობადის~ ტიტული სრულიად დამსახურებულად მოიპოვა.
საათების მწარმოებელი კომპანია "როლექსის" სავაჭრო ნიშნის მიერ მოპოვებული უდიდესი წარმატება მისი შემქმნელის, ჰანს ვილსდორფის (1881-1960) არაჩვეულებრივ სამეწარმეო ნიჭიერებას უკავშირდება. იგი გამორჩეული იყო ლტოლვითა და უნარით წარმატებები ერთბაშად რამდენიმე მიმართულებით მოეპოვებინა. ტექნიკური პროგრესის გამოცნობაც არაჩვეულებრივად შეეძლო. ჰანს ვილსდორფი ამ კომპანიის მეთაური 50 წელზე მეტი ხნის განმავლობაში იყო.
კომპანიის `როლექსი~ საქმიანობის ფუნდამენტურ პრინციპებს, უნიკალური საათების შექმნას სწორედ მან ჩაუყარა საფუძველი.
ჰანსმა სხვადასხვა მოდელის საათები ოქროსა და ვერცხლის სამაჯურებით გამოუშვა. სასიამოვნოდ გაოცებული დარჩა, რომ მათზე დიდი მოთხოვნილება იყო. 1906 წელს, მან მომხმარებელს მოქნილი ლითონის სამაჯური შესთავაზა, რის შემდეგაც კომპანია W&D -ის მიერ გამოშვებული საათები ბრიტანეთში ყველაზე გაყიდვადი აღმოჩნდა. შემდეგ ჰანსმა გადაწყვიტა, რომ კომპანიის სახელწოდება შეეცვალა, რომელიც მისი აზრით ხმაურიანი, ჟღერადი, ადვილად დასამახსოვრებელი, თანაც მოკლე უნდა ყოფილიყო, რომ ციფერბლატზე დატეულიყო.
იმ ეპოქაში ჯიბის საათები მყარად იყო დამკვიდრებული, ხოლო მას აღმოაჩნდა უნარი მეოცე საუკუნის დასაწყისში ჩასახული ინტერესი მაჯის საათების მიმართ წინასწარ განეჭვრიტა. ქალებისთვის განკუთვნილი ხელის საათებისადმი, როგორც მორთულობისადმი ინტერესი მხოლოდ იდეის დონეზე არსებობდა. ჰანს ვილსდორფი გრძნობდა, რომ თავისი არსის მიხედვით, მაჯის საათები როგორც მამაკაცებისთვის, ასევე ქალბატონებისთვის ყოველდღიურ აუცილებლობად გადაიქცეოდა.
1905 წელს, ჰანს ვილსდორფი ლონდონში გადავიდა, რომელიც უკვე იმ დროს მსოფლიოს ეკონომიკურ, ფინანსურ დედაქალაქად ჩამოყალიბდა. საკუთარ კომპანიონთან ერთად ფირმა Wilsdorf & Davis დააფუძნა, რომელიც ბრიტანეთსა და ბრიტანეთის იმპერიაში მაჯის საათებით ვაჭრობდა. ამ საათებისთვის დეტალებს შვეიცარიელი პარტნიორები ქმნიდნენ. ისინი ოსტატობის უმაღლესი დონით ყოველთვის გამოირჩეოდნენ. ვილსდორფის ფირმის პარტნიორი სავაჭრო სახლი `ეგლერი~ იყო, რომელიც ქალაქ ბიენში იყო დაფუძნებული. შემდგომში ეს პატარა ფირმა სააქციო საზოგადოებად `როლექსის~ საათების ფაბრიკა~ გარდაიქმნა.
ვილსდორფის აზრით, ეს პატარა ფირმა იყო ერთადერთი პარტნიორი, რომელსაც მცირე ზომის უზუსტესი საათის მექანიზმების დამზადება შეეძლო, რომელიც მაჯის საათებისთვის იყო საჭირო. იმ პერიოდში, გართობის, სპორტის ინდუსტრიები სწრაფად ვითარდებოდა, ხოლო ჰანს ვილსდორფს სკეპტიკურად განწყობილი საზოგადოებისთვის სურდა დაემტკიცებინა, რომ მაჯის საათები და ქრონომეტრული სიზუსტე თავსებადი ცნებები იყო. მისი ძიებები ამ მიმართულებით ხმაურიანი წარმატებების მოპოვებით დასრულდა.
1910 წელს, `როლექსის~ სავაჭრო ნიშნით გამოშვებულ საათებს, პირველად მსოფლიოში, ამ კატეგორიების საათებში, ბიენში (შვეიცარია) `საათების სვლის კონტროლის ბიურომ~ ქრონომეტრიული სერტიფიკატი გადასცა, რაც მანამდე არასოდეს მომხდარა.
კომპანიის სახელწოდება Rolex ოფიციალურად 1915 წლის 15 ნოემბერს დარეგისტრირდა, რომელიც 1919 წელს Rolex Watch-ით შეიცვალა. შემდგომში, ასეთი ცვლილება კიდევ რამდენჯერმე მოხდა, რომ ამ კომპანიის მიერ გამოშვებული საათების პოპულარობა კიდევ უფრო გაზრდილიყო. Rolex შემოკლებულია სიტყვებიდან Horologerie exquise, აც `საათის სრულყოფილ ხელოვნებას~ ნიშნავს.
1919 წელს, ჰანს ვილსდორფმა ბრიტანეთი დატოვა. იგი შვეიცარიის ქალაქ ჟენევაში დაფუძნდა, სადაც 1920 წელს კომპანია `სააქციო საზოგადოება `როლექსის~ საათები~ შექმნა.
ჰანს ვილსდორფმა შესასრულებლად ახალი ამოცანა დაისახა – საკუთარი ფირმის დაარსებისთანავე, იგი მუშაობდა იმაზე, რომ საათის კორპუსი მტვერ და წყალგაუმტარი ყოფილიყო. მან გააცნობიერა, რომ საათის განუმეორებელი სიზუსტე სწორედ ამაზეა დამოკიდებული. 1926 წელს მან ეს ოცნებაც აისრულა: შეიქმნა მოდელი Rolex Oyster. ამ საათის კორპუსის დეტალები იმდენად მჭიდროდ იყო ერთმანეთთან მიკრული, როგორც ნიჟარები, რომელშიც მარგალიტია მოთავსებული.
კომპანიის მიერ დაპატენტებული კორპუსის ჩამკეტი მოწყობილობა საათის მექანიზმის ხანგრძლივი დროით, ოპტიმალურ დაცვას უზრუნველყოფდა. საათის ამ მოდელისა და იმ დროისათვის წყალგაუმტარობის ნოვატორული კონცეფციის შექმნით კომპანია `როლექსმა~ საათის წარმოების ისტორიაში ადგილი სამუდამოდ დამსახურებულად დაიმკვიდრა.
საათისთვის ROLEX OYSTER ქრონომეტრული სიზუსტისა და წყალგაუმტარობის მიღწევის შემდეგ, ჰანს ვილსდორფი ამ მოდელის მნიშვნელოვანი, მესამე შემადგენლის – ავტომატური მოდულის შექმნა გადაწყვიტა. იმის გამო, რომ ადამიანს საათი ხელზე ყოველდღიურად უნდა ეტარებინა, მოსამართი მოწყობილობა საკუთარი ღერძის გარშემო გამუდმებით იბრუნებდა, რასაც შეეძლო საათის წყალგაუმტარობა და სიზუსტე დაერღვია. 1931 წელს, კომპანიაში მაჯის საათისთვის მსოფლიოში პირველი ავტომატური მართვის სისტემა შეიქმნა.
1930-იან წლებში, `როლექსის~ ამ უნიკალური მოდელისათვის სხვა ახალი სიმბოლოები შეიქმნა: გვირგვინი და ლოგოტიპი ამ სავაჭრო ნიშნის გამორჩეულობის სიმბოლოები – რეგისტრაციაში 1931 წელს გაატარეს, რის შემდეგაც ისინი საათის ციფერბლატზე პირველად გამოჩნდა. 1950-იანი წლების დასაწყისში, ციფრი 12 უკვე გვირგვინმა შეცვალა. 1933 წელს დარეგისტრირდა სახელწოდება როლესორ, რომელიც `როლექსის~ საათებში ორი განსხვავებული მასალის: ოქროსა და ფოლადის გამოყენების მაუწყებელი იყო. პირველად, ამ მასალების საათებში ერთობლივად გამოყენება მეოცე საუკუნის 20-იანი წლებით არის დათარიღებული და იგი ამ სავაჭრო ნიშნის ერთ-ერთ გამორჩეულ ესთეტიკურ კოდად გადაიქცა.
მეოცე საუკუნის 40-50-იან წლებში, კომპანიამ `როლექსი~ ისეთი პრესტიჟული მოდელები შექმნა, რომლებსაც მსოფლიოს გავლენიანი ადამიანები ატარებდნენ.
1956 წელს შეიქმნა მოდელი oyster Perpetual day-date – პირველი მაჯის საათი, რომელიც სპეციალურ ფანჯარაში თარიღს, კვირის დღეებთან ერთად აჩვენებდა. ამ მოდელს მხოლოდ პლატინის, ან 18 კარატიანი ოქროს გამოყენებით ამზადებდნენ, ხოლო ლინზა ციფრებს ორნახევარჯერ ადიდებდა. ეს სიახლე `როლექსის~ კიდევ ერთი განმასხვავებელი ნიშანი გახდა, რომელიც შემდგომში ამ მოდელის ყველა საათში გამოიყენებოდა.
ზღვაზე, მის უკიდურეს სიღრმეებში, ყველაზე მაღალი მთების მწვერვალებზე, დედამიწის ყველა წერტილში, სადაც ექსტრემალური პირობები იყო, ამ საათების უმაღლესი ხარისხი, წყალგაუმტარობა, სიმყარე, საიმედოობა მუდმივად დასტურდებოდა. ამას ამტკიცებდა ისეთი პარამეტრიც, როგორიც სიჩქარეა.
1935 წელს, ავტორბოლისთვის განკუთვნილი ავტომობილის საჭესთან `ლურჯი ფრინველი~, სერ მალკოლმ კემპბელი გახდა პირველი ადამიანი მსოფლიოში, რომელმაც სიჩქარის მითიური ზღვარი 300 მილი საათში (დაახლოებით 480კმ/სთ) განავითარა. 1947 წელს, იგივე საათი იმ რეაქტიული თვითმფრინავის ბორტზე აიტანეს, რომელმაც ხმოვანი ბარიერი დაძლია. ორივე შემთხვევაში, მაჯის საათის იგივე მოდელი მანამდე არნახული აჩქარების, ვიბრაციის გავლენის ქვეშ მოექცა, მაგრამ მისი ხარისხი უცვლელი დარჩა.
მსოფლიო საზოგადოებასთან მჭიდრო ურთიერთობების ფარგლებში, საქმიანობის ახალი დარგების (სამოქალაქო ავიაცია, წყალქვეშა კვლევები) სწრაფად განვითარების ფონზე, 1950-იან წლებში, კომპანია `როლექსმა~ `სასარგებლო~, ანუ `პროფესიონალური~ საათებისა მოდელების შემუშავება დაიწყო. წყალგაუმტარი საათის Oyster Perpetual submariner გამოყენება თავდაპირველად, 100, ხოლო შემდეგ 200 მეტრის სიღრმეზე იყო შესაძლებელი. 1953 წელს მოდელი oyster Perpetual explorer გამოუშვეს, რომელიც სპეციალურად ევერესტის `დასაპყრობად~ შემუშავდა.
მოდელი ROLEX OYSTER ჰიმალაის მთებში მოწყობილ მრავალრიცხოვან ექსპედიციებში ყოველთვის მონაწილეობდა.
1963 წელს, კომპანიამ მოდელი Cosmograph daytona გამოუშვა, რომელიც დროის ინტერვალებსა და საშუალო სიჩქარეს აფიქსირებდა.
ჰანს ვილსდორფი 1960 წელს გარდაიცვალა, ხოლო საკუთარი კომპანია ჟენევაში, 1945 წელს შექმნილ იმ სატრასტო კომპანიას (ჰანს ვილსდორფის ფონდი) დაუტოვა, რომელიც მისი მემკვიდრეების ინტერესებს დაიცავდა.
1968 წელს, კვარცისგან დამზადებული საათის მექანიზმის შექმნამ საათების მსოფლიო ბაზარი შესამჩნევად შეცვალა. პრესტიჟული საქონლიდან იგი ყველასთვის ხელმისაწვდომ პროდუქტად გადაიქცა, ხოლო საათის სიზუსტე (დროის ზუსტი ასახვა), რომელიც მხოლოდ ძვირადღირებული საათების საფირმო ატრიბუტი იყო, ყველასთვის ჩვეულებრივ ამბად იქცა.
იაპონიაში, ტაივანში, ჰონკონგში დამზადებული საათებით ბაზარი გაივსო, ამიტომაც ტრადიციულ შვეიცარიულ მოდელებზე მოთხოვნა მკვეთრად შემცირდა.
კვარცის საათების დიდი მოთხოვნის პიკზეც, მისი მოცულობა ამ კომპანიის გაყიდვებში 7%-ს არ აჭარბებდა. ამ დროისათვის ეს მაჩვენებელი მხოლოდ 2%-ს შეადგენს. 1977 წელს, "როლექსმა" მოდელი Oysterquartz Oგამოუშვა, რომლის დეტალების 100% ამ კომპანიაში შეიქმნა. ამის მიუხედავად, კომპანიის მესვეურნი მოდის `ჭირვეულობას~ არასოდეს აჰყოლიან. აქ მხოლოდ ტრადიციად ქცეული საათების მოდელებს უშვებენ. ამ მიზეზით, აუქციონებზე სპეციალისტებსაც კი უჭირთ დაათარიღონ `როლექსის~ საათები, რომლებიც დროის სხვადასხვა მონაკვეთში დამზადდა.
1990-იან წლებიდან დაწყებული, კომპანიის ისტორიაში ახალი ეპოქა დაიწყო. "როლექსი" სამეწარმეო მიდგომების, ახალი ტექნიკური გადაწყვეტილებების მიღების, სრულყოფისაკენ სწრაფვის კვლავაც ერთგული დარჩა.
2009 წელს, გარდამავალ პერიოდში, `როლექსის~ მეთაურობა ბრუნო მეიერმა გადაიბარა. მან კომპანიის სტატუსის შენარჩუნებაზე ზრუნვა კვლავაც გააგრძელა. 2011 წელს, "როლექსში" საკუთარი სტრუქტურის მოდერნიზების გადაწყვეტილება შვეიცარიასა და მის ფარგლებს გარეთ სამრეწველო, სავაჭრო საქმიანობის განვითარების მიზნით მიიღეს.
"როლექსის" საათების წარმოება წელიწადში 800 ათასის დონეზე შეგნებულად არის შენარჩუნებული იმისათვის, რომ ბაზარზე გარკვეული დეფიციტი შეიქმნას, ხოლო ამ კომპანიის მიერ წარმოებული პროდუქცია ზედმეტად ხელმისაწვდომი არ იყოს. ამჟამად, მთლიანობაში `როლექსის~ 10 მილიონი ეგზემპლარია გამოშვებული. `როლექსის~ საბრენდინგო პოლიტიკაში მნიშვნელოვანია ყოველი დეტალი: ყველა მაღაზიის გარე წარწერა, სადაც ამ კომპანიის პროდუქცია იყიდება.
მსოფლიოში არ არსებობს საათი, რომელსაც `როლექსის~ პროდუქციაზე უფრო `მონდომებით~ და `ხალისით~ აყალბებენ. ეს სულაც არ არის გასაცოდავებული, იაფფასიანი ასლები. გაყალბებული `როლექსი~ ოქროსა და ბრილიანტის გამოყენებით მზადდება, რომელსაც ასევე საკმაოდ მისაღები საათის მექანიზმი შეიძლება ჰქონდეს, რომელიც მაგალითად, მანჰეტენზე 5 ათასი დოლარი ღირს. ასეთ საათებს რუსეთში, ვებ-გვერდების მეშვეობითაც ყიდიან, სადაც არც მალავენ, რომ ეს პროდუქცია მხოლოდ `როლექსის~ საათების ასლებია...
"დრო – ფულია" ფირმა `როლექსი~ პროდუქციის მიმართ, ეს გამოთქმა არა გადატანითი, არამედ პირდაპირი მნიშვნელობით ჟღერს. ამ კომპანიის ფილოსოფიაა – "მაქსიმალური ხარისხი – მაქსიმალური ღირებულების სანაცვლოდ~. ამ სახელწოდებით გამოშვებული საათები თავისი ცნობადობით, სიზუსტით განზოგადებული გახდა: "როლექსი" მდიდარი და წარმატებული ადამიანის სავიზიტო ბარათია.
პ.ს.
Invicta ს საათებს გაანებეთ რა თავი, დიზაინით იგებენ ძირითადად ხოლო ხარისხი საკმაოდ დაბალია.
dato238
მართალი ხარ თუ ვერ ერკვევი ჯობია არ დაწერო. სეიკოს სპორტურა, კოუტურა და ასე შემდეგ საკმაოდ ძვირადღირებული ხაზებია. მე მაქვს 350 მეორადში გადახდილი ისიც ძააან დიდი ფასდაკლებით მომცა.. შენი სეიკო სპორტურაა თუ როგორც იკითხება მოკლედ თან ახალივით და სინთეთიკური საფირის შუშით და რაც ყველაზე მთავარია კასანოს მექანიზმით რომელსაც მეზღვაურებისთვის და სპორტსმენებისთვის უშვებენ. სიმართლე გითხრა არ დამჭირვებია მაგრამ ძალიან მაგარი ნაკეთობა რომ არის ვიცი დაშლილი მაქვს ნანახი. წარმატებები გაყიდვაში.
This post has been edited by PING on 8 Nov 2015, 20:46
--------------------
10111100.10000001.11110000.00011111
I M M O R T A L
|
· 
რომელ საათის ფირმას ანიჭებთ უპირატესობას?, კომენტარები მაჯის საათებს!
