ბავშვებო, კარგი საშუალება ვისწავლე, გავტესტე კიდეც და გაგიზიარებთ ახლა
მოკლედ, რუსულ საიტებზე წავაწყდი რამდენიმე ინფორმაციას მუმიოს შესახებ
და მათ შორის, თმის მოვლის თემაზეც.
ეს მუმიო გაგონილი მქონდა ბავშვობიდან, რომ სასარგებლო ნივთიერებაა და ბევრი სვამს კიდეც,
ხოდა, ვიფიქრე, არაფერს დამიშავებს, თუ არ მარგებს - მეთქი.
მითუმეტეს, რომ ბევრი ჩალიჩი, წინასწარი მომზადება და ხარშვა-დუღილი არ სჭირდება...
არც დრო უნდა, რომ გაიჩერო და არც მერე ჩამობანა, როგორც ნიღბებს...
რეცეპტი არის უმარტივესი: 100 გრამი ნებისმიერი შამპუნი + 2 აბი მუმიო!
მე მოვამზადე 200 გრამი შამპუნით, (რომელიც გაქვთ, ხმარობთ და მოგწონთ,)
დავუმატე 4 აბი დაფშვნილი მუმიო, შევანჯღრიე კარგად და მორჩა.
ამ შამპუნით ვიბანდი ჩვეულებრივად, როგორც ყოველთვის ვიბან-ხოლმე...
ერთადერთი, ისიც ჩემი ინიციატივით, ბოლო წასმას ვიჩერებდი რამდენიმე წუთი, ვიდრე ტანს დავიბანდი...
პრობლემა მქონდა თმის ცვენის, ასევე თმა იყო ძალიან ცხიმიანი, უხარისხო, უსიცოცხლო და უფერული...
მოკლედ, ეს 200 გრამი შამპუნი დავცალე, არ მახსოვს რამდენ დაბანაზე მეყო
და შედეგი მაქვს ძალიან კარგი -
თმის ცვენა შემცირდა, კი არა, ფაქტიურად, შეჩერდა.
თმა გაჯანსაღდა, კარგად გამოიყურება.
მე ისე ვერ ვატყობდი, მაგრამ სხვები მეკითხებიან უკვე, რას ხმარობ ამისთანასო...
მოკლედ, კმაყოფილი ვარ ძალიან!
ახლა დეტალები:
მუმიო იყიდება აფთიაქში. მე ვიპოვე GPS-ში, შეიძლება სხვა აფთიაქებშიც იყოს.
არის აბებიც და კაფსულებიც. ერთი აბი ან კაფსულა ღირს 40 თეთრი.
მე აბები ვიყიდე და დავფხვენი, შეიძლება კაფსულები შეიძინოთ და მისი შიგთავსი უკვე ფხვნილი იქნება...
დაბანის დროს, აქაფებული თმა თითქოს ცოტა ითელება, მაგრამ არ შეგეშინდეთ,
ბოლოს ბალზამის გადავლება ამ პრობლემას აგვარებს.
თვითონ შამპუნი ფერს იცვლის, შავდება და იმღვრევა, მაგრამ, არ მგონია, ეს პრობლემა იყოს
აი,ასე!
თუ რამე კითხვები გექნებათ, არ მოგერიდოთ
· 
თმის მოვლა და გაზრდა, ლამაზი და მოვლილი თმები ყველას <3 VOL 16 <3 
