საბავშვო ლექსები და სიმღერები

აბა, დედიკოებო და მამიკოებო, აგრეთვე ბებიებო და პაპებო (ბაბუებო), გაიხსენეთ, თქვენს პატარებს რა ლექსები ასწავლეთ, კერძოდ, პატარ-პატარა, თითოკუპლეტიანი, ორსტროფიანი და ა.შ. ლექსები, რომლებიც თქვენმა პატარებმა პირველად წარმოთქვეს თქვენის დახმარებით თუ დამოუკიდებლად.
ჩემი პატარა, მაგალითად, ჯერ სიტყვებს ძლივს ამბობს, ისიც დედა, მამა, ბაბუა, სულ ეს არის მისი ლექსიკონი, მაგრამ, როგორც მზრუნველი დედიკო, მინდა, წინასწარ აღჭურვილი ვიყო საბავშვო ლექსებით, რათა ჩემს ბაიას ვასწავლო, როცა ამისი დრო დადგება.

P.S. შეიძლება ეს თემა უკვე სადმე გახსნილია და ან სხვაგან უნდა გამეხსნა ეს თემა, გთხოვთ, მოდერ, მიმითითოთ და წინასწარ გიხდით დიიიიიდ ბოდიშს.

კიკლი-კიკლი კიბესა
ყურცქვიტების ციხესა
ბაჭიები სკუპიან, მელა კბილებს ილესავს.
სტაფილო მაქვს ჩანთითO
აქეთ ჩამობრძანდითო
არ ჩამოვალთ არაო
მელა მატყუარაო

ფისუნია კატა,
მაგიდაზე ახტა ,
გადმოაგდო ვაზა ,
ბებო გააბრაზა.

ჩემი აზრით ეს ლექსი არის ყველაზე მარტივი და ბავშვი ადვილად ისწავლის დასაწყისისთვის.

This post has been edited by LUCIANA on 14 Jan 2008, 20:11

მზეო, მზეო ცხრათვალავ,
ვის უცინი, ვისა?
შენ გიცინი პატარავ
დილა მშვიდობისა.
* * *
ენძელა და ია
ფაიტონში ზიან
გადმოვარდა ია
კაბა დაეხია...

ნუ ტირიხარ ია
ახალს გიყიდიან

აჰ, ჩემი ბავშვობის უსაყვარლესი ლექსი

"ზღარბო , ზღარბო ქაცვია,
ეს რა ქურქი გაცვია?
დამაკაწრეს ხელები,
მაგ ჩხუტუნა ეკლებმა.
ნეტა შენი დედიკო,
როგორ გეალერსება? "

This post has been edited by BadbadGirl on 15 Jan 2008, 01:26

LUCIANA

ჩემმა შვილმა ისწავლა ეხლახანს და ისე საყვარლად იძახის ვგიჟდები ხოლმე.მართლა ძალიან მარტივი ლექსია და ბავშვებიც ადვილად სწავლობენ

"ყიყლიყოო მამალოო,
ოქროს დეზებიანო,
რატომ უფრთხობ პატარებს
ძილსა და დასვენებასა??"

თეთრი ლქსი


* * *
და ეს კიდევ:

"ნაშა ტანია გრომკო პლაჩეტ,
ურანილა ვ რეჩკუ მიაჩეკ,
ტიშე ტანიჩკა ნე პლაჩ,
ნე უტონეტ ვ რეჩკე მიაჩ"

"თითები მაქვს ლამაზი,
თვალები მაქვს ლამაზი
კატო, ვისი გოგო ხარ?
ვისი ვარ და მამასი!"


"კატო" შეგიძლიათ შეცვალოთ

ჩემს ბიჭს ვერ ვასწავლი, არადა როგორ მიყვარს გოგოს დაველოდებით

This post has been edited by kato_Bato on 15 Jan 2008, 16:54

L_T

ჩემი ბავშვის პირველი ლექსი
და კიდევ ეს
"მიშკა კასალაპი პო ლესუ იდიოტ
არეშკი საბირაეტ კარზინაჩკუ კლაძოტ
შიშკა უპალა პრიამა მიშკე ვლობ
მიშკა რასსერძილა ი ნაგოიუ ტოპ."
და ამ ყველაფერს ასახიერებვდა ხელებით და ფეხებით ძაან საყვარლად.

უი რა კარგია! დანარცენს ყველას ვამბობთ
მზეო ამოდი ამოდი ნუ ეფარები გორასა....მერე მკვდარი კაცის მაგივრაD ყოფილა ლაითი ვარიანტი ....................ხომ არ იცის ვინმემ?

კოპი-კოპი ტელესკოპი,
რატომ აზით ბელებს კოპი?
წაიჩხუბნენ სულელები
ვაშლი ჰქონდათ ერთადერთი.
"არა მეო, არა მეო "
გაულახავთ ერთმანეთი

"
მზეო, დაბრუნდი, დაბრუნდი,
ნუ ჩაეშვები ზღვაში.
ზღვას ცეცხლი წაეკიდება,
ჩემი მამა ზის ნავში.
იმას რომ რამე შეემთხვეს,
რა მეშველება მაშინ?!
მზეო, დაბრუნდი, დაბრუნდი,
არც მე დაგრჩები ვალში,
დილით რომ ამობრძანდები,
შეგეგებები ტაშით."



"ბაყაყო, ბაყაყო
ჩამოდი როგორ დაგნაყო,"

დუმბაძის ლექსები მაგარია
გავიხსენებ და დავწერ მთლიანად, ნაწილები მახსოვს

"ისე იძახა ბებიკომ:
"მოვა და შეგჭამს ბუაო"
მგონი თვითონაც შეშინდა
და წნევამ გააბრუაო"
* * *
გოჭები
დასდევს კუდში მურია
ლანძღვითა და გინებით,
მთელი ეზო დათხარეს
პაწაწინა დინგებით.

გუშინ დოქი გატეხეს,
ჩაიპარნენ ყანაში,
დაერივნენ წიწილებს,
მერე ჩაწვნენ ტალახში.

ამისთანა რა მოხდა,
ამის ფასი რა ნახეს!
ერთი ვაშლის გულისთვის
ერთმანეთი გალახეს.

არ ისმენენ არაფერს
ამოდენა ყურებით,
აღარც თხოვნა ესმით და
აღარც საყვედურები.

თუ არ გამოსწორდებით,
წნელით გაიტკიცებით,
არ გრცხვენიათ, გოჭებო?
ღორებივით იქცევით.


This post has been edited by kato_Bato on 16 Jan 2008, 16:49

ლექსების გარდა სიმღერებსაც გვასწავლიდნენ და ხომ ვერ გაიხსენებთ რომელიმე მათგანს?
მე, მაგალითად, მაინტერესებდა ყოველთვის სიმღერა: კომში, კომში, კომარა...
ჩემის აზრით, არ იქნება ურიგო, თუ ჩვენი ბავშვები ჩვენი ბავშვობის სიმღერებსა და ლექსებს აითვისებენ. ახალი ხომ არ იქმნება ისეთი, როგორიც ადრე იყო. თუმცა ბევრი შეიძლება შემეკამათოს, რომ არ ვარ მართალი, მაგრამ ჩემის მხრიდან ვიტყვი, რომ ძველი ლექსები და სიმღერები უფრო ბავშვური იყო.

მზე - დედაა ჩემი,
მთვარე - მამაჩემი,
მოციმციმე ვარსკვლავები
და და ძმაა ჩემი.

http://children.wanex.net/
..........................................