ასეთების მეტი რაა.
vaska-vaska-ს ბმულზე საუკეთესოებია შერჩეული (ფუნქციონალით, თორემ ისეთებიცაა, რამდენიმე ათეულ კილობაიტს რომ იწონის და ბევრად სწრაფიცაა ამათზე). მე ბარემ დავამატებდი კიდევ Process Hacker-ის (რომელიც ProcessExplorer-გადამუშავებაა) გადამუშავებულ ვარიანტს KillSwitch, რომელიც შედის Comodo Security Essentials-ში.
მაგრამ პრინციპში Process Hacker-იც სავსებით საკმარისია. AnVir-ში კარგია რეიტინგის სისტემა - უჩვენებს საფრთხის ხარისხს (გამოითვლება მარტივად - აქვს თუ არა ციფრული ხელმოწერა, კომპანიის სახელი და ა. შ.
დიდი არაფერია, მაგრამ დამწყებებს თვალსაჩინოდ დაეხმარება).
შეიძლება კიდევ ზოგი ანტირუტკიტის აღებაც, რომელთაც პროცესების მენეჯერი აქვთ, დამატებით - სერვისების, აუტორანის მენეჯერები, ფაილ-მენეჯერიც და რეესტრის რედაქტორიც. ოღონდ კერნელის მოდულების მოხსნის ცდა, რა თქმა უნდა, ხელაღებით არ ღირს.
მაგრამ - ყველა ეს პროგრამა არაა ისეთი "მსუბუქი", როგორიც თანმოყოლილი ტასკ მენეჯერია... მე მაქსიმალურად ვთიშავ ყველანაირ ვიზუალურ გრაფიკს ყველა პროგრამაში, მაგრამ ყოველთვის არ შველის. იგივე რუსინოვიჩის სახელგანთქმული ProcessExplorer-ი ბოლო (მე-15) ვერსიაში უზომოდ გაიბერა, და მიდრეკილება აქვს ბსოდ-ებისკენ, განსაკუთრებით XP-ზე. მიზეზი ისაა, რომ ავტორი ძალიან უცერემონიოდ ექცევა პერმიშენებს, Winlogon-სა და ასევე კრიტიკულ csrss-ს ეს ზოგჯერ შოკში აგდებს. შედეგად ვიღებთ "ლურჯ ეკრანს" ამ პროცესების ავარიული გამორთვის გამო და, რადგან ეს იუზერ-რეჟიმის პროცესებია, დამპიც კი არ იქმნება, მიდი და ახალე თავი დებაგერს, თან მიზეზის აღმოჩენის რამენაირი გარანტიის გარეშე.
(იგივე ეხება რუსინოვიჩის Autorun-ს. ვერსია 11.01-დან დაწყებული, მას აქვს თვისება, ხშირად გამოიწვიოს ბსოდ-ი, თუ სისტემის ერთ სესიაში ორჯერ იქნა გაშვებული. რატომ? მარტო მარკმა იცის, და მრავალი მიმართვის მიუხედავად, არც ცდილობს გამოსწორებას)
ამიტომ, თუ ჩვეულებრივი ინფორმაციაა სწრაფად სანახავი, ხელი თავისთავად გარბის ტასკ მენეჯერისკენ.
* * *
Process Hacker-ს "კლასგარეშედ"
კიდევ იმიტომ ვცემ პატივს, რომ მისაბაძი, მაგრამ უიშვიათესი გამონაკლისია, როცა ავტორმა კოდი გადაწერა და მოაშორა ამ საზიზღარ ფრეიმვორკს. მართალია, მერე ერთხელ ფორუმზე ვთხოვე, ბარემ დაბლოკილი ფაილების (როგორც რომელიმე პროცესის, ისე სისტემის მიერ, მაგალითად, არასწორი დასახელების გამო, და ხშირად იმის გამო, რომ სახელწოდება ვირუსს აქვს განზრახულად შეცვლილი!) წაშლაც დაამატეთ-მეთქი, და ცოტა იწყინა, ჩემი პროგრამა პროცესების მოკვლისთვის არის, და არა ფაილების წასაშლელადო, მაგრამ რა ვქნათ, ასეც კარგია.
* * *
ჰო, კიდევ, შეიძლება სერვისად გაშვებაც (მენიუ: Hacker > Run as), ოღონდ -
არა სისტემის ექაუნტით.
· 
პროგრამების / კრეკების / სერიალების მოთხოვნა.
