CFA, Chartered Financial Analyst

მზე

რა ყოჩაღი ხარ 4 თვის მომზადებით. გილოცავ! და ასე გააგრძელე

კი, ხვალ. მადლობა

"Congratulations! We are very pleased to inform you that you passed the June 2017 Level III CFA exam. "

Unable to express how happy I am!

ტაბუ
ეეეე რა მაგარიააა
გილოცაააავ

მზე

მადლობა

ტაბუ
გილოცავ
ვსიო, ჩარტერჰოლდერი ხარ?

მე დეკემბერში გავდივარ 1 ლეველზე. მინდა მეორე მივაბა ივნისშივე

Tifo

მადლობა

ჯერ არა. ახლა ვჩალიჩობ მემბერშიფს, რეკომენდაციებს, სამუშაო გამოცდილების დადასტურებას. ინსტიტუტის მემბერობას როგორც კი მომცემენ (და საწევროს გადავიხდი), ჩარტერიც მექნება

თემა 9. III დონის გამოცდა, დილის სესია
მე-3 თემაში ვახსენე, რომ III დონის გამოცდების დილის სესიაზე ღია კითხვები იქნება. პასუხის გაცემის სტრუქტურაც წინასწარგანსაზღვრულია და თუ არ იცი, როგორ უპასუხო, დიდი შანსია, რომ სწორედ ამის გამო ჩაიჭრა.
აქ არ არის ცნობილი წინასწარ, რამდენი კითხვა იქნება. დაახლოებით 10-12 ძირითადი კითხვა იქნება 1-დან 6-მდე სუბ-კითხვებით. თითოეულ კითხვას ექნება მითითებული მასზე დასათმობი წუთების ოდენობა - ჯამურად 180 წუთი. თუმცა ეს 180 უფრო მეტია, ვიდრე წუთები - თითოეული ეს რიცხვი არის ქულა, მაქსიმუმ რამდენი ქულაც შეგიძლიათ აიღოთ თითო ღია კითხვის პასუხში. ქულები შემთხვევით არ აქვთ კითხვებს მინიჭებული - ინსტიტუტის მიერ წინასწარ არის გაწერილი, თითოეული კითხვის პასუხში კონკრეტულად რაში დაგიწერენ ამ თითოეულ ქულას. მაგალითად, თუ არის ქეისი IPS-ის (საინვესტიციო პოლიტიკის განაცხადის) შესახებ და მოითხოვება ჩამოთვალოთ constraints, ხოლო ამისათვის გამოყოფილია 5 წუთი, ეს ნიშნავს, რომ თითოაული constraint-ის (ასეთი 5-ია) შესახებ გაკეთებული თქვენი სწორი შენიშვნა თითო ქულით ფასდება. აქვე გაითვალისწინეთ, რომ თუ თვლით რომ რომელიმე constraint არარელევანტურია, უნდა ესეც მიუთითოთ ქულის მისაღებად.
თუ გავითვალისწინებთ, რომ თითო ქულის მისაღებად უნდა დაწეროთ პასუხი და კითხვის წაკითხვიანად უნდა გეყოთ თითო წუთი, დრო არის ძალიან ცოტა!
ისიც გასათვალისწინებელია, რომ ქულას წერენ ძალიან კონკრეტულ პასუხში. ამის იქით რაც არ უნდა დაწეროთ, ქულას არავინ მოგიმატებთ. ეს ნიშნავს, რომ:
* კარგად უნდა გაიაზროთ, რას გეკითხებიან, რა პასუხს მოელიან თქვენგან;
* თუ თვლით, რომ პასუხი არ არსებობს, ესეც უნდა დაწეროთ;
* თუ გეუბნებიან show your calculation, აუცილებლად დაწერეთ მთელი გაანგარიშება და არა მხოლოდ პასუხი. თუ გეუბნებიან explain, თქვენი მსჯელობა უნდა აჩვენოთ (ოღონდ მოკლედ, ყველაზე მთავარი);
* პასუხები უნდა იყოს ძლაინ ძალიან ლაკონური, წინააღმდეგ შემთხვევაში ვერ ჩაეტევით დროში;
* პასუხში მნიშვნელოვანი საკითხები გამოყავით ბულეთებით (როგორც მე ვაკეთებ ახლა);
* ყველა ცნობილი აბრევიატურა მიიღება. ამოგდეთ ყველა ზედმეტი სიტყვა;
* არავინ აფასებს თქვენს კალიგრაფიას, სუფთა მუშაობას ან ინგლისურის ცოდნას: დაუშვით შეცდომები, გადახაზეთ რასაც არ ეთენხმებით და წერეთ ისე, რომ უბრალოდ გარჩევადი იყოს. დროს ნუ დაკარგავთ ტექსტის წაშლასა და ლამაზად წერაზე, ნურც წინადადების გამართვაზე;
* არსებობს საკვანძო სიტყვები: show your calculation, demonstrate, explain, discuss და ა. შ. ეს სიტყვები გიჩვენებთ, რას გეკითხებიან რეალურად. გამოცდამდე გასვლამდე კარგად გაიაზრეთ ისინი. საგამოცდო შეკითხვებში ეს სიტყვები იქნება გაბოლდებული ან ხაზგასმული ისე, რომ მაიქციოთ ყურადღება. ნუ უგულებელყოფთ მათ!
* აკეთეთ ძალიან ბევრი ტესტი. არცერთ გამოცდაზე ისე კრიტიკული არ არის დრო და პრაქტიკული მეცადინეობა, როგორც მე-3 დონის გამოცდაზე;
* შეუძლებელი არაფერია. ვინცა გაფრთხილებულია, ის შეიარაღებულია: იყავით მზად და შეძლებთ! მეტი CFA ჩარტერჰოლდერი საქართველოში : )
წარმატებას გისურვებთ!
P.S. ძალინ კარგ ვიდეოს ბმულს გაგიზიარებთ, რომელიც მე ძალიან დამეხმარა:



This post has been edited by ტაბუ on 11 Aug 2017, 13:10

მიმაგრებული სურათი

ტაბუ
ჯამში რამდენი გამოცდა ტარდება CFA სერთიფიკატის ასაღებად? 3? ანუ Level 1, level 2 ,level 3? თუ თითოეული ეტაპი სხვასადხვა გამოცდებს მოიცავს? საქარTელოში სად არის შესაძლებელი CFA-ში მომზადება?

Lemarc
კი ჯამში არის 3 დონე. გამოცდაზე საგნები თითქმის იგივეა, თუმცა სხვადასხვა ტიპის გამოცდებია, მაგალითად მე-3 დონის გამოცდა განსხვავდება წინა ორისგან და საგნებიდან ლეველის მიხედვით საგნების წონა განსხვავდება საგამოცდო კითხვებში.
საქართველოში ამის მოსამზადებელი არცერთი ცენტრი არ არსებობს. გამოცდებიც არ ტარდება ჯერჯერობით თბილისშI.

This post has been edited by Tifo on 14 Aug 2017, 08:10

Lemarc
3 გამოცდაა 'სულ', ოღონდ თითო გამოცდაზე 5-6 წიგნი და 10 საგანი ერთად ბარდება.
საქართველოში ადრე აუდიტორული კომპანია PwC-ის აკადემია ატარებდა 1-ლი ლეველის ტრენინგებს, მაგრამ საკმაოდ ძვირი ჯდებოდა.
არსებობს ბევრი საერთაშორისო ონლაინ კლასი, მ.შ. იუთუბზეც.
თუ უფრო დეტალურად გაინტერესებთ, ეს პოსტების სერია ნახეთ:
CFA (post #50081433)
* * *
მზე
Tifo
CFA ჩარტერჰოლდერი გავხდი

This post has been edited by LOLZ on 15 Aug 2017, 11:16

თემა 10. როგორ მოვიპოვოთ ჩარტერი
CFA-ს პროგრამის დაწყების მთავარი საბოლოო მიზანი CFA-ს ჩარტერის მოპოვებაა. CFA ინსტიტუტი კატეგორიულად მოითხოვს ჩვენგან, რომ CFA-ს დასახელებისას ვიყოთ მაქსიმალურად აკურატულები: CFA არის ზედსართავი სახელი, და არა არსებითი სახელი. ამიტომ შეგვიძლია ვთქვათ, რომ "ვარ CFA charterholder" (CFA-ს ჩარტერის მფლობელები), მაგრამ არა "ვარ CFA". თუმცაღა, სახელსა და გვართან შეგვიძლია მძიმის შემდეგ მხოლოდ აბრევიატურა გამოვიყენოთ. აი, ასე:
Paul Smith, CFA
თუმცა ამ ჩარტერის მოპოვებამდე რთული და გრძელი გზაა გასავლელი. ჩარტერობას ორი წინაპირობა აქვს:
(1) სამივე გამოცდის ჩაბარება;
(2) CFA Institute-ის წევრობა.
თავის მხრივ CFA Institute-ის წევრობას საკუთარი პრერეკვიზიტები გააჩნია:
(ა) CFA პირველი გამოცდის ჩაბარება;
(ბ) 48 თვე საინვესტიციო გადაწყვეტილების მიღებასთან დაკავშირებული სამუშაო გამოცდილება;
(გ) 3 სამსახურეობრივი რეკომენდაცია (ან 2, თუკი ერთ-ერთი რეკომენდატორი თავადაა CFA ჩარტერჰოლდერი);
(დ) ეთიკური დარღვევების არარსებობა (კითხვარის შევსება და დადასტურება) და ეთიკის კოდექსზე თანხმობა;
(ე) საწევროს გადახდა.

სამივე გამოცდის ჩაბარებასთან დაკავშირებით ყველაფერი, მეტ-ნაკლებად, ნათელია. რაც შეეხება ინსტიტუტის წევრობას, მისი მოპოვება მესამე (ან თუნდაც მეორე) გამოცდის ჩაბარებამდე შეგიძლიათ, თუკი ყველა პრერეკვიზიტს აკმაყოფილებთ (მათზე დეტალურად ქვემოთ). ამ შემთხვევაში მესამე დონის გამოცდის ჩაბარებისთანავე (პასუხის მიღებისთანავე) მყისიერად ხდებით CFA ჩარტერჰოლდერი. მაგრამ თუ თქვენ ჩემსავით არჩევთ გამოცდის პასუხებამდე დაცდას, ინსტიტუტის წევრობის მისაღებად პროცედურებიც შეგიძლიათ მოგვიანებით გაიაროთ.
ინსტიტუტის წევრობისათვის განაცხადის გაკეთების საშუალებას პროგრამა გაძლევთ CFA პირველი გამოცდის ჩაბარების შემდგომ. განაცხადის გაკეთებისას უნდა გაითვალისწინოთ, რომ თქვენი სამუშაო გამოცდილება იყოს ინსტიტუტის მოთხოვნებთან შესაბამისობაში და გყავდეთ 3 რეკომენდატორი, ვინც ამას დაადასტურებს.

სამუშაო გამოცდილების შევსებისას მიუთითეთ მხოლოდ ის პოზიციები, რომლებიც, თქვენი აზრით, აკმაყოფილებს involvement in investment decision-making process მოთხოვნას. ცალ-ცალკე გამოყავით ყველა პოზიცია, მ.შ. ერთსადაიმავე კომპანიაში. სამუშაო აღწერილობისას მთელი აქცენტი გააკეთეთ "involvement in investment decision-making process"-ზე. მაგალითად, თუ თქვენ აკეთებდით საინვესტიციო პროექტის ანალიზს, რომელის დაფინანსებაზე შემდგომ გადაწყვეტილებას სხვა იღებდა, აუცილებლად მიუთითეთ, რომ სწორედ თქვენი ანალიზი იყო საინვესტიციო გადაწყვეტილების მიღების საფუძველი. ასევე მიუთითეთ, როგორი ტიპის ანალიზს აკეთებდით. სამუშაო პროცესის შესაბამისი კუთხით აღწერა არის ძალიან მნიშვნელოვანი წინაპირობა ინსტიტუტის წევრობისა.

რაც შეეხება თქვენს რეკომენდატორებს, ეს უნდა იყოს ისეთი ადამიანები, ვინც თქვენს როლს investment decision-making process-ში დაადასტურებს. უპირატესობა ენიჭება თქვენს ზედამხედველს მიმდინარე ან ბოლო სამუშაო ადგილებიდან, თუმცა, კოლეგაც მისაღებია. საჭიროა 3 რეკომენდაცია, ან 2, თუკი ერთ-ერთი მათგანი თავად არის CFA ჩარტერჰოლდერი.
შესაბამის გრაფაში თქვენ უნდა შეიტანოთ თქვენი რეკომენდატორების ელ-ფოსტები და დააჭიროთ ღილაკებს send e-mail. ამის შემდგომ თქვენი რეკომენდატორი მიიღებს ბმულს თქვენი შეფასების გვერდზე, სადაც უნდა მონიშნოს თქვენს შესახებ ინფორმაცია (რომ არის / იყო თქვენი სუპერვაიზორი / კოლეგა, რომ თქვენი სამუშაო გამოცდილება შეესაბამება CFA ინსტიტუტის საინვესტიციო გადაწყვეტილების მიღების სტანდარტებს და რომ თქვენი სამუშაო დროის 50%-ს სწორედ ამაზე ხარჯავდით, რომ თქვენ არ ხართ შემჩნეული არაეთიკურ ქცევაში...) და ამასთან შეავსოს გრაფა, სადაც თავად აღწერს თქვენს სამუშაო გამოცდილებას. ისევ განვმეორდები, თქვენი რეკომენდატორის მეირ აღწერილი თქვენი სამუშაო გამოცდილება უნდა ადასტურებდეს თქვენს მონაწილეობას საინვესტიციო გადაწყვეტილების მიღების პროცესში.

განაცხადის შევსების და რეკომენდატორებთან წერილების გაგზავნის შემდეგ თქვენ ასევე უთითებთ რომელიმე მეზობელი ქვეყნის CFA society-ს, ადასტურებთ განაცხადს და ელოდებით. რეკომენდატორების მიერ რეკომენდაციის გაცემის დასრულებას შეიტყობთ ელ-ფოსტით, რის შემდეგაც ინსტიტუტის მიერ სამუშაო გამოცდილების ჩათვ/ლის ჯერია. CFA ინსტიტუტის მიერ თქვენი სამუშაო გამოცდილებიდან 48 თვის დადასტურების შემთხვევაში თქვენი განაცხადადი განსახილველად გადეცემა თქვენ მიერ არჩეულ CFA society-ს. როგორც კი ეს უკანასკნელიც დაადასტურებს თქვენს სამუშაო გამოცდილებას, თქვენ მიიღებთ ელ-ფოსტას ინსტიტუტიდან სათაურით: "Activate Your CFA Institute Membership!", რაც ნიშნავს, რომ აქტივაციისა და საფასურის გადახდისთანავე ინსტიტუტის წევრი ხდებით, ხოლო თუ უკვე ჩაბარებული გაქვთ სამივე გამოცდა - ჩარტერჰოლდერიც. ერთი შენიშვნაც - ვინაიდან CFA society-ების წევრობა ფასიანია, თანხის გადახდის წინ შეგიძლიათ გამორთოთ ეს ფუნქცია და საწევრო $100 აღარ გადაიხადოთ (მემბერშიფის $275 გადახდა მაინც მოგიწევთ).

ელ-ფოსტით მიიღებთ დასტურს. ამასთან, ჩარტერის მიღებისთანავე თქვენი სახელი და გვარი, ნანატრ თანდართულ აბრევიატურასთან ერთად, გამოჩნდება CFA member directory-ში, რომელიც ხილულია ნებისმიერი დაინტერესებული პირისათვის. სერთიფიკატს კი 6-8 კვირის ვადაში მიიღებთ.

მიმაგრებული სურათი

ტაბუ

ვააა გილოცავ

ძაან მაინტერესებს ეგ კარიერაზე როგორ აისახება.
გეგმავ სამსახურის გამოცვლას ან არსებულში დაწინაურებას?

Tifo
ჩემს კარიერაზე თითოეული ლეველი ისახებოდა. აქ 2 თვეა ვარ და ჯერ ვერ მივცემ საკუთარ თავს გადასვლის უფლებას, არსებულში კი საკმარისად კარგ პოზიციაზე ვარ

This post has been edited by ტაბუ on 19 Aug 2017, 16:47

ტაბუ
გილოცავ, ძალიან მაგარია


და დიდი მადლობა, რომ ყველაფერს ესე დეტალურად წერ.

north

არაფრის. მიხარია, თუ თვლი, რომ გამოგადგება
თუ არის საკითხი, რაც ჩემს პოსტებში ვერ მოვიცვი, მკითხე.

და მადლობა მოლოცვისთვის