ჯანსაღი იოგურტები, სმუზები, პარფე ლამაზ ჭიქებში, მოკლედ,ხილის და რძის პროდუქტების საუკეთესო მიქსები

გამარჯობათ.
გადავწყვიტე შევეშვა ქიმიას(თქვენც გირჩევთ) და გადავიდე ჯანსაღ კვებაზე. ანუ,ვგულისხმობ,არ შევიძინო მზა პროდუქტები,მაგალითად იოგურტები და გავაკეთო მე თვითონ
ნეტში არის უამრავი რეცეპტი,მაგრამ მინდა გთხოვოთ მირჩიოთ პრაქტიკული,მარტივად გასაკეთებელი რეცეპტი ძირითადად ადგილობრივი ხილისგან და რძის პროდუქტებისგან.ვისაც ეგზოტიკური გაინტერესებთ,კი ბატონო,ისაუბრეთ ამაზეც
მოკლედ მაქვს მარწყვი ალუბალი,ბანანი,ასევე თაფლი.
მაქვს სანტინოს მაწონი.რძე ჯერ არ მიყიდია,თუ საჭიროა შევიძენ.
სასურველია არ გამოვიყენო შაქარი.
მირჩიეთ რამე გემრიელელობა
პარფეც(მე მგონი ქართულად ასე ქვია) მაინტერესებს,აი ის ჭიქაში რომ კეთდება
წინასწარ მადლობა საინტერესო რჩევებისთვის

This post has been edited by The_Man on 4 Jun 2021, 13:16

მე ვაკეთებ ასე: პირველ ფენად ვუშვებ გრანოლას, ზემოდან ერთმნეთში შერეული მაწონი/არაჟანი და ხაჭო კარგად გათქვეფილი და თაფლით დამტკბარი. შეგიძლიათ კაკაოც გაურიოთ. ზემოდან ხილი და კენკრა, რომელიც მოგეპოვებათ და რომელიც მოგწონთ. შემდეგ იგივე ფენები, სანამ ჭიქა არ გაივსება

Keti-Ket
დიდი მადლობა გამოხმაურებისთვის

სამწუხაროდ არ ვიცოდი ინგრედიენტების რაოდენობები,მაგრამ შევეცადე თვითონ გავრკვეულვიყავი.
მთლიანად მივენდე შენს(თქვენს) რეცეპტს და შევეცადე ნეტში სხვა რეცეპტებისთვის არ გადამეხედა ტვინი რომ არ ამრეოდა
ზუსტად არ ვიცოდი ეს გრანოლა რა იყო,დავგუგლე და თითქმის იგივე ყოფილა რაც მუესლი.გრანოლა მეტად კალორიული და შაქრიანი ყოფილა,მუესლი ნაკლებ კალორიული და ძირითადად უშაქრო...ვარჩიე მეორე.
მოკლედ მუისლი ვიყიდე კარფურის.
მაწონმა ცოტა დამაბნია,მეთქი ის მასა თხელი არ გამომივიდეს თქო და ავიღე არაჟანი,პრეზიდენტის,15%-იანი.15იანი იმიტომ,რომ მინდოდა ცოტა "მსუბუქი' ყოფილიყო.
მაწონი რომ მეყიდა ალბათ გაწურული?თუ ჩვეულებრივიც წავა?
ხაჭო რძის ლაბორატორიის 3,6%იანი.
ავიღე თანაბარი რაოდენობის ხაჭო და არაჟანი,ჩემს შემთხვევაში 150-150 გრ.თაფლი შევურიე საერთო მასის მეოთხედი,ანუ 75გრამი.
არ ვიცოდი ბლენდერში ამეთქვითა თუ მიქსერში ჩემი მამაკაცური ინტუიციით ვარჩიე მიქსერი.
ავთქვიფე.თაფლი მქონდა მუქი ფერის.არ მოუხდა. გაითვალისწინეთ!
არ მოუხდა იმიტომ,რომ მასა გამოვიდა ცოტა მუქი ფერის.მოკლედ,ღია ფერის თაფლი უნდა.
ხილიდან გამოვიყენე ბანანი,მარწყვი,გარგარი,ბალი...გარგარზე შევცდი,რადგან არ იყო ტკბილი,ცოტა წაიმჟავებდა.ახალი შემოსულია დაა...მომდევნო თვეების გარგარი ალბათ ძალიან მოუხდება.
ბალი ძალიან გემრიელი მქონდა,მაგრამ აქაც როგორც თავიდან მეგონა ისე ორიგინალურად არ გამოვიდა.რომ დავფიქრდი კურკიანს ხომ ვერ ჩავდებდი? მომიწია შუაზე გაჭრამ,ცოტა ფორმა და სილამაზე დაკარგა შედეგად.ალბათ კურკის გამოსაცლელი რაღაც პატარა მოწყობილობა რომ არის იმით კაი შედეგი დაიდება.
დანარჩენი გავაკეთე როგორც რეცეპტში იყო,ფენა ფენა.
გამომივიდა ერთი საშუალო ჭიქა,ერთი დიდი და ერთიც ძალიან დიდი.
ჩავდე მაცივარში,გაცივდეს...ამიტომაც გემო ჯერ არ ვიცი,ხვალ გავსინჯავ
ვიზუალურად მგონი კარგად გამოიყურება,მით უფრო რომ ცხოვრებაში პირველად გავაკეთე მსგავსი რამ


კიდევ ველი სხვა,საინტერესო რეცეპტებს

მადლობა!





This post has been edited by The_Man on 5 Jun 2021, 22:11

The_Man

ვიზუალურად ძალიან კარგი გამოვიდა. ყოჩაღ!

გაწურული სჯობს, თუმცა ჩვეულებრივითაც გამიკეთებია. გააჩნია რა კონსისტენციამდე გინდათ მიიყვანოთ, თუმცა არაჟნით მაინც ყველაზე კარგი გამოდის.

ბალი ფორმას რომ კარგავს კურკის გამოცლისას ვერ ვხედავ ამაში პრობლემას, მე სპეციალურადაც კი ვაჭყლიტავ ხოლმე რომ ერთგვარ ფაფად იქცეს და უკეთ გაუჯდეს მისი გემო და წვენი დანარჩენ ინგრედიენტებს.

ზოგადად, ამ სეზონის ხილი და კენკრა უხდება ამ რეცეპტს, თორემ ზამთარში მანდარინითა და ფორთოხლითაც კი გამიკეთებია

ვწურავ მაწონს მთელი ღამე და მერე ვუკეთებ რაც მაქვს: ხილი, თხილეული, ქიშმიში, თაფლი. მმ, ძალიან მომწონს <3

გუშინღამდელი.
ცოტა კაკალიც უნდა ჭიქას.