მოგესალმებით მეგობრებო!
ჩემდა გასაკვირად მსგავსი თემა ვერ ვნახე, არ მეჩხუბოთ თუ უკვე არის, და თუ არ არის დაე შეიჰქმნას
მოკლედ მანქანა ჩამომივიდა და საშოვნი მაქვს როგორც ახალი ნაწილები (მაგალითად სავალი ნაწილის), ისე მეორადი (მაგალითად აირბაგები). დაშლილებში და აქაურ მაღაზიებში ვერ ვნახე რაც მჭირდება, შესაბამისად გამოწერა მაქვს ერთადერთ ვარიანტად.
ვინც ერკვევით ამ საქმეში, იქნებ გაგვიზიაროთ ინფორმაცია და თქვენი გამოცდილება. ერთია უშუალოდ საიტები, მეორე - ჩამოტანა. ჩემი (ჯერჯერობით) ლიმიტირებული კვლევების შედეგად შემდეგი მიმართულებები გამოიკვეთა:
1. ამერიკული საიტები. აქედან ალბათ Usa2Georgia-ს მსგავსი სერვისებით ხდება ტრანსპორტირება, მიახლოებით რვა დოლარის ფარგლებში კილოგრამი. თუმცა გამიგია რომ არის სერვისები რომლებიც დიდი/მოცულობითი ტვირთების შემთხვევაში უფრო ეკონომიურია ვიდრე U2G.
აქ საინტერესოა:
-> A) საიტები. მე ვიცი (ძველი დროიდან)
rockauto.com |
pelicanparts.com. დაწერეთ მხოლოდ დიდი და სანდო (genuine) ნაწილების საიტები.
-> B) ჩამომტანები, რომლებიც U2G-ზე უკეთესი ფასებით ჩამოიტანენ ავტონაწილებს.
2. რუსეთი-დუბაიდან ჩამომტანი საიტები. ამათი უპირატესობა არის ალბათ ფასი (არა-მთლად-ორიგინალი ნაწილების) და ჩამოტანის სიჩქარე. აქ როგორც მე ვხვდები, არსებობს "ჰაბის" ტიპის საიტები, რომლებსაც პირდაპირი წარმომადგენლობა ყავთ საქართველოში და ისინი უზრუნველყოფენ ტრანსპორტირებას, ანუ საქართველოს ფოსტით არ მოდის. მე აღმოვაჩინე
emex.ru (რუსეთი) /
emex.ge (დუბაი), და
partstomorrow.ge (რუსეთი). ტრანსპორტირების ფასები (რუსეთიდან ყოველ შემთხვევაში) ძალიან კარგია (5-7 ლარი/კგ). დაწერეთ თქვენ თუ რამე იცით სხვა.
3. მეორადი ნაწილების და ძარის ნაწილების საიტები. აქ იგულისხმება კრილო-კაპოტი-აირბაგი და მსგავსი ნაწილები, რომლებიც ხშირად მეორადი სჯობს იყიდო. "დაშლილების" ონლაინ ვარიანტი, ასე ვთქვათ. მე ასეთი მარტო იბეი ვიცი, თუმცა გამიგია რომ მაგალითად პოლონეთიდან ჩამოაქვთ. აქ არ ვიცი ტრანსპორტირება საერთოდ როგორ ხდება (ფოსტით მოდის თუ აქაურებს ჩამოაქვთ). თუ იცით აქაური ჩამომტანები, მათი საკონტაქტო მონაცემებიც გაგვიზიარეთ (იგულისხმება ისეთი, რომელსაც საკუთარი "კანალი" აქვთ, და არა emex.ru-ებიდან რომ იწერენ და მარჟას უმატებენ).
4. და ბოლოს -
ნაწილების ფართ-ნამბერების (კოდების) კატალოგები. როგორც ვაკვირდები წვრილ თუ მსხვილ აქაურ მაღაზიებს ძირითადად ერთიდაიგივე კატალოგები აქვთ დეტალების მოსაძიებლად. საიტები, სადაც ან ნაწილის OEM კოდით, ან მანქანის VIN კოდის ჩაშლით შეუძლიათ არა-OEM ნაწილების მოძიება. რამდენიმე რაც მე მომხვედრია თვალში -
exist.ru,
neoriginal.ru,
japancats.ru. შედარებით "ავტორიტეტული" მაღაზიებიც, როგორიცაა თეგეტა, ასეთ კატალოგებში ძებნიან პირველ-რიგში როგორც ვუყურებ. საინტერესოა რომლებია ყველაზე "ავტორიტეტული" საიტები, და პირდაპირ მათგან თუ არის გამოწერა შესაძლებელი (მაგალითად
exist.ru-დან)?