#61285329 · 24 May 2024, 20:38 · · პროფილი · პირადი მიმოწერა · ჩატი
QUOTE | 1. რა დროს უთმობთ აკადემიური მუსიკის მოსმენას? |
საკმაოდ ხშირად. კვირაში რამდენიმე დღე. თუმცა ხანდახან შესვენებებსაც ვაკეთებ, მოსმენის შთაბეჭდილებების ანალიზისთვის. ერთია მოსმენის პროცესში მუსიკის აღქმა და მეორე - ცხოვრებაში იგივე მოტივების დაჭერა.
QUOTE | 2. რა არის თქვენი ჩანაწერების ძირითადი წყარო? (მაგ. კომპაქტური დისკების შეძენა, თხოვნა ან გადაწერა, რადიო, ინტერნეტი და სხვა).
3. მიგიწვდებათ თუ არა ხელი ყველა იმ ჩანაწერზე, რომელიც გაინტერესებთ? თუ არა, რა გიშლით ხელს?
4. რითი უსმენთ? (მაგ. მუსიკალური სისტემა, აიპოდი, კომპიუტერი და სხვა). გაკმაყოფილებთ ხარისხი? |
ინტერნეტია ძირითადი წყარო. ან რადიოს აპლიკაციები. ვუსმენ კომპიუტერში, ასევე ჩემი მუსიკალური ცენტრით (წლების განმავლობაში აღარ გამომიცვლია). ზოგჯერ ვერ ვპოულობ სასურველ ჩანაწერებს. და ყურსასმენებით, ტელეფონში ჩაყრილ ფაილებს, თან საკმაოდ ხშირად. ქუჩაში სიარულის ან ტრანსპორტში ყოფნისას აუცილებლად რამეს ვუსმენ. და გარემო არ მიშლის ამაში ხელს. პირიქით, ძალიან ვკონცენტრირდები, როცა სხვა რიტმია გარშემო და ამ დროს მე ჩემს რიტმზე ვარ მომართული მუსიკის მეშვეობით.
QUOTE | 5. აგროვებთ თუ არა მუსიკალურ კოლექციას? თუ მოსმენილი მუსიკის უმეტესობას არ ინახავთ და როცა დაგჭირდებათ, ან სხვას ან ინტერნეტს მიმართავთ? (მადლობა ღმერთს, დღეს რასაც გინდა იმას მოიძიებ). |
სტუდენტობისას ვიწერდი და ვინახავდი. შემდეგ შევეშვი. ერთადერთი რასაც ვაგროვებ და მაქვს დიდი კოლექცია, ჩემი ეზოს ყვავილებია (პირველ რიგში ვარდები), სხვა ვეღარაფერს ვინახავ და ვაგროვებ. მაგრამ ალბათ ისევ დავუბრუნდები მუსიკალური ჩანაწერების შეგროვებას კომპიუტერში.
QUOTE | 6. საყვარელი ნაწარმოების ერთი ან რამოდენიმე საუკეთესო ჩანაწერით კმაყოფილდებით, თუ ცდილობთ რაც შეიძლება მეტ, თუნდაც შედარებით სუსტ შესრულებას გაეცნოთ? |
რამდენიმე საუკეთესო ჩანაწერი. და შემსრულებლებს ვუსმენ განწყობის მიხედვით, ყველას თავისებურ განწყობას შევუსაბამებ.
QUOTE | 7. ძირითადად იმ კომპოზიტორებს ან შემსრულებლებს უსმენთ, ვინც უკვე გაინტერესებთ, თუ სიახლის ძიება გიზიდავთ? |
ადრე უფრო ვიყავი მიდრეკილი სიახლეების მიმართ. მაგრამ სიმწიფის ასაკში არა მარტო მუსიკაში, ლიტერატურაში და ზოგადად ხელოვნების სხვადასხვა დარგებში იმათ ვუბრუნდები, ვინც ჩემია.
QUOTE | 8. თქვენ გარშემო ბევრია ისეთი ადამიანი, ვისაც კლასიკური მუსიკა აინტერესებს? ხშირად გიჩნდებათ სურვილი, სხვასაც გაუზიაროთ თქვენი შთაბეჭდილებები? |
ბევრი არ არის. და ვინც არის, არ არიან ისე ახლოს, რომ სადმე ვიაროთ ერთად და ვუსმინოთ. ზოგადად არავინ მყავს ისეთი, ვისთანაც მუსიკის ან ხელოვნების თემაზე აქტიურად გავცვლიდი აზრებსა და შთაბეჭდილებებს. ერთადერთი ადამიანი იყო, ვისთან ერთადაც ოპერის თეატრში წლების წინ დავდიოდი სანამ სტუდენტი ვიყავი - ჩემი მეზობელი, პროფესიით ექიმი-კარდიოლოგი, რომელიც იყო არა მხოლოდ ძალზე განათლებული მელომანი, არამედ შესანიშნავი პიროვნება და მოქალაქე, ვის ხელშიც გავიზარდე და ოპერის მოსასმენად ერთად დავდიოდით. მაგრამ რომ გარდაიცვალა, მას შემდეგ გული ავიცრუე კიდეც ოპერის თეატრში ვინმესთან ერთად სიარულზე.
მუსიკა ჩემთვის ძალზე ინტიმური განცდაა და ერთის მხრივ განვიცდი, რომ არ მყავს მონათესავე სული, ვისაც ამაზე რამეს გავუზიარებდი. მაგრამ მეორე მხრივ მუსიკა მაბედნიერებს, რადგან ჩემს მარტოობაში საკუთარ თავს მაპოვნინებს, სამყაროს უშუალოდ მუსიკის პრიზმაში რომ ვხედავ. ახლა რომ ვაკვირდები, ემოციური რეალიზაციის ნაკლებობას სამი რამ მინაზღაურებს ან შვებას მაძლევს ამ მხრივ: ველური ბუნება, რომელთანაც უშუალო შეხებაში ვარ, როცა ვლაშქრობ მარტო; ყვავილები, რომელსაც ჩემს ბაღში ვუვლი; და პოეზია და მუსიკა, პოეტურობა იგივე მუსიკალურობაა და ძლიერ მიკმაყოფილებს ემოციურ მოთხოვნილებებს.
This post has been edited by მიქაელ on 24 May 2024, 20:39
--------------------
Freely we serve, Because we freely love, as in our will To love or not; in this we stand or fall. ("Paradise Lost")
|