მე ვიყენებ მაგათ(Usa2Georgia) სერვისს დიდი ხანია.
ხან ასე, ხან ისე, მაგრამ სერიოზული პრობლემა აქამდე არ შემქმნია.
ამას წინათ მოვიდა მესიჯი, ჩინეთიდან გავხსენით ჰონკონგის მიმართულება და რაც ჩინეთიდან აკრძალული იყო, იმ ნივთებს ჰონკონგით ჩამოვიტანთო.
მივწერე: 18650 ზომა ლითიუმ-იონის აკუმულატორების შეძენა მინდა ტაობაოზე და თუ ჩამომიტანთ მეთქი.
დაგვიზუსტეთ რა ნივთებიაო მომწერეს.
მე დაწვრილებით ავუხსენი და ლინკებიც გავუგზავნე საქონლის, სადაც ყველა მონაცემია გაწერილი.
მიპასუხეს, რომ ჰოჰკონგის რეისებით ჩამომიტანდნენ აღნიშნულ საქონელს.
გამიხარდა, მადლობა მეთქი მივწერე და გამოვიწერე ის აკუმულატორები ოჯახის წევრის მისამართზე(ტაობაოზე ისაა რეგისტრირებული).
ცოტა ხანში მოგვწერეს, რომ ეს აკრძალული ნივთებია, ან გამყიდველმა დაიბრუნოს, ან ჩვენთანაა საწყობში და შეგიძლიათ თავად გაიტანოთო, ანუ ჩინეთში უნდა ჩავაკითხო და ჩემით უნდა წამოვიღო!!!
მივწერე, მე თავიდან შეგითანხმეთ ყველაფერი, თქვენგან დასტური მივიღე, გამოვიწერე, ფული გადავიხადე და ახლა უარს მეუბნებით მეთქი?!
გამყიდველი მეუბნება, კი ბატონო დამიბრუნე საქონელი და დაგიბრუნებ თანხასო, ესენი კი არ აბრუნებენ, არ გვაქვს ეგეთი მომსახურებაო.
ვეუბნები, თქვენ შემიყვანეთ შეცდომაში, ჰოდა ან დააბრუნეთ ეგ ამანათი, ან თანხა დამიბრუნეთ მეთქი.
მოკლედ მიზეზებზე არიან, ხან თურმე ტევადობა ჰქონდათ მეტი ამ აკუმულატორებს, ხან ძაბვა, ხან სიმძლავრე.
ლინკებზე ხომ ეწერა ეგ ყველაფერი და რატომ დათანხმდით მეთქი.
მერე გადავიდნენ რაოდენობაზე, ოთხ ცალზე მეტი არ შეიძლებაო. რატომ არ მითხარით თუ არ შეიძლებოდა მეთქი და არ გიკითხავთ და იმიტომო,
თქვენ უნდა დაგეზუსტებინათო.
რისი ღირსები არიან ახლა ესენი!
ვეუბნები: რაკი თანხის დაბრუნება არ გსურთ, გადაფუთვის სერვისი ხომ გაქვთ, გადაფუთეთ ჩემი ამანათი ოთხ-ოთხ ცალად და ისე გამოგზავნეთ მეთქი, სხვადასხვა რეისით.
იქიდან კი ერთი და იგივე ბლაა-ბლაას მწერენ თვეზე მეტია უკვე, ადეკვატური პასუხი ვერ მივიღე, ბოლო წერილს აღარც პასუხობენ.
პრინციპის ამბავია, უნდა მოვიცალო, განვეწყო, და მივადგე ოფისში ეგებ ვინმე ადეკვატური შემხვდეს.
თანხა ჰო, მაგრამ მჭირდება ეგ აკუმულატორებიც, აქ კი ძვირია.
რუსეთიდან ჩამომტანი(გადამზიდი) თუ გეგულებათ ვინმე ნორმალური? ალიექსპრესიდან მაგათ მისამართზე რომ გამოვწერო, რუსეთიდან კი სახმელეთო ტრანსპორტით
უპრობლემოდ ჩამოვა.
სხვას რაც მირჩევთ?
ჩემზე ძალიან მოქმედებს, როცა ქართულ ენას ამახინჯებენ. განსაკუთრებით წერის დროს. გოგებაშვილი ან შანიძე მეც არ ვარ, მეც მეშლება ხოლმე, მაგრამ თვალშისაცემ შეცდომებზე თუ მიგითითებთ ხანდახან, ძალიან გთხოვთ ნუ მიწყენთ.