მოკლედ,ძალიან მომწონს ეს გუნდი(უკვე დიდი ხანია) და გადავწყვიტე,რომ მისი თემაც გავხსნა,თუ შემოხვალთ,კარგს იზამთ,თუ არ შემოხვალთ და რას ვიზამ.დავწერ მარტო მე,შევეცდები ერთფეროვანი წერილები არ გამომივიდეს და ცოტა ფოტო,ვიდეო და ასე შემდეგ სახითაც მდიდარი და დახუნძლული თემა იყოს.
უპირველეს ყოვლისა კლუბის ისტორია მინდა გაგაცნოთ(გეგონება მე ვაბულბულებდე,ისე ვამბობ):
კლუბი დაარსებულ იქნა 1945 წლის ოთხ ოქტომბერს მაშინდელი იუგოსლავიის(ამჟამად კი სერბეთის სახელით ცნობილი სახელმწიფოს) დედაქალაქ ბელგრადში,იგი სერბეთის ყველაზე ძლიერი,გავლენიანი,მაღალი დონის,კარგად განვითარებული და ძალზე წარმატებული კლუბია.
კლუბს ქვეყნის ჩემპიონობა ცხრამეტჯერ აქვს მოპოვებული(მეოცე ტიტულს წელს დაამატებს,იმედია) შემდეგ წლებში:
1947, 1949, 1961, 1962, 1963, 1965, 1976, 1978, 1983, 1986, 1987, 1993, 1994, 1996, 1997, 1999, 2002, 2003, 2005.
ეროვნული თასის გათამაშებაში კი მას უძლიერესის ტიტული წილად ცხრაჯერ ხვდა:
1947, 1952, 1954, 1957, 1989, 1992, 1994, 1998, 2001.
1965-1966 წლების ევროპის ჩემპიონთა თასის გათამაშების ფარგლებში მხოლოდ ლეგენდარულმა ესპანურმა კლუბმა,მადრიდის "რეალმა"(აბა "რაიო ვალეკანო" ხომ არ უნდა დამეწერა) მოახერხა სერბეთის საუკეთესო კოლექტივის შეჩერება.ბელგიის დედაქალაქ ბრიუსელში გამართული ფინალური შეხვედრა "რეალმა" ანგარიშით 2-1 მოიგო.
1978 წელს "პარტიზანი" მიტროპას თასის უძლიერეს კლუბი გახდა,რაც იმ დროისთვის არცთუ მცირე წარმატება იყო(აბა რაღაც ხომ უნდა ვთქვა ამ თასის სასიკეთოდ).
კლუბის მაისურით ყველაზე მეტი თამაში მომჩილო ვუკოტიჩმა (იცინეთ,აკრძალული კი არ არის) ჩაატარა-მან "პარტიზანის" შემადგენლობაში შვიდასოთხმოცდათერთმეტჯერ(791) ითამაშა.
კლუბის მეორე ლეგენდარული ფეხბურთელი სტეპან ბობეკი არის-მან საკუთარი გუნდის მეტოქეთა კარის დალაშქვრა ოთხასოცდახუთჯერ მოახერხა,რისი წყალობითაც ის კლუბის ყველა დროის საუკეთესო(ყველაზე შედეგიანი) თავდამსხმელია.
წინა სეზონში კლუბმა ჩემპიონატის სატურნირო ცხრილში პირველობა დაუძინებელ,საზიზღარ მტერს "ცრვენა ზვეზდას"
"დაუთმო",თუმცა ამჟამად "პარტიზანს" ორმოცდათექვსმეტი ქულა აქვს და უახლოეს მდევარს(იმავე "ცრვენა ზვეზდას") სამი ქულით უსწრებს.
კლუბის ემბლემა ასე გამოიყურება:
ეს კი პირველი ჩემპიონობის შემდეგ გადაღებული ფოტოსურათია:
ამასობაში სულ დამავიწყდა მეთქვა,რომ კლუბის საშინაო სტადიონსაც "პარტიზანი" ეწოდება და ის საკმაოდ ბევრ-32710 მაყურებელს იტევს და მასზე გულშემატკივრებისთვის მხოლოდ დასაჯდომი ადგილები არის გამოყოფილი.ამ სტადიონზე მასპინძლობს მეტოქეებს სერბეთის საუკეთესო საფეხბურთო კლუბი:
p.s.დანარჩენი მერე,მანამდე ეს წაიკითხეთ და სხვა სახის მასალასაც მოგაწვდით შემდეგ.
This post has been edited by kalebind on 14 Apr 2008, 00:47