#61552058 · 19 Sep 2024, 16:01 · · პროფილი · პირადი მიმოწერა · ჩატი
დავბრუნდი აშშ-დან, უკვე თითქმის 10 წელია. იქ ვიყავი 15 წელიწადზე ცოტა მეტი. რეალურად უფრო რთული იყო აქ დაფუძნება ვიდრე აშშ-ში დამჭირდა ჩასვლის მერე. ბევრი რამე საერთოდ, სრულიად განსხვავებული დამხვდა. რაც ასწორებს, ეს არის რომ აქ ბიზნესის კეთება უფრო იოლია ვიდრე აშშ-ში. კი, იქ მეტი მომხმარებელია, მაგრამ რეალურად, უშუალოდ საოპერაციო დონეზე, აქ უფრო მარტივია. სახელმწიფოსთან ურთიერთობა უფრო მარტივია, ბიუროკრატიას ნაკლები დრო მიაქვს, ლოგისტიკურად პატარა ქვეყანაა და ეს ყველაფერი საბოლოო ჯამში უფრო გეხმარება საქმე ააწყო ისე, როგორც გინდა. რაც რეალურად პრობლემაა: 1. განათლების დონე ისევ დაბალია - თანამშრომლების პოვნა ცოტა უფრო რთულია და მეტი დრო გეხარჯება მათ გადამზადებაში. ასევე მეტი პრობლემა გაქვს ისინი მიაჩვიო წესრიგს. 2. სკოლები არის კატასტროფა. კერძო იქნება თუ სახელმწიფო, მნიშვნელობა არ აქვს. დავიტანჯე სკოლებთან საქმის გარჩევაში. 3. ჯანდაცვის სისტემა უბრალოდ არ არსებობს. არსებობს კლინიკები, ზოგან კარგი ექიმიც ყავთ, მაგრამ თვითონ სისტემა არ არსებობს. საბოლოოდ ან ცხოვრობ თბილისში, ან იმის იმედიც არ გქონდეს რომ ნორმალურ ექიმს იპოვი სადმე. დაზღვევაზე აღარ ვლაპარაკობ. თუ აშშ-ს სადაზღვევო კომპანიებზე უარესი რამე იქნებოდა ვერ წარმოვიდგენდი, უბრალოდ აქაურები ბევრად იაფია. 4. ქალაქში პარკები არ არის. უბრალოდ ადგილი, სადაც ბავშვებთან ერთად დროს გაატარებ პრაქტიკულად არ არსებობს. 5. უნდა შეეგუო, რომ აქ ცხოვრებით ბევრ რამეზე წვდომა გაგიჩნდება მისი გამოსვლიდან ძალიან დიდი ხნის შემდეგ. იქნება ეს ახალი ტექნოლოგია, რამე აპლიკაცია თუ რამე ახალი სერვისი, საქართველოში ჩამოვა გამოსვლიდან 4-5 წელში. თან აშშ-სგან განსხვავებით, ფული სხვანაირად მოძრაობს და სხვანაირად იშოვება. აქ ლიზით მანქანის გამოყვანა არ არსებობს, ტელეფონის გამოცვლას ფული უნდა და არა ვერიზონის ახალი გეგმა, გუგლის და ეპლის სერვისების უმეტესობა ან არ მუშაობს საერთოდ, ან განახევრებული მომსახურება აქვს და ა.შ.
საბოლოოდ, დაბრუნება ნამდვილად ღირს. უბრალოდ არ უნდა გქონდეს მოლოდინი რომ ეს იქნება იოლი და კომფორტული, განსაკუთრებით პირველი 2 წლის განმავლობაში.
|