კუნთის ატროფია, კუნთთა პროგრესული დატვირთვა

თუ იცით ამ დაავადების შესახებ რაიმე, ან მისი მკურნალობის შესახებ. რამდენად შეიძლება ამის განკურვა. მოკლედ ყვეალფერი ამ დაავადების შესახებ. წინასწარ დიდი მადლობა.

makuna

კუნთის ატროფია არის კუნთის ქსოვილის შემცირება დაავადების ან მასზე დატვირთვის შემცირების შედეგად.

მცირედ გამოხატული ატროფიის დროსაც კი კუნთის ძალა მცირდება.

კუნთის ატროფიის ორი სახე არსებობს:

უმოქმედობითი ატროფია ვითარდება მაშინ, როცა კუნთის ფიზიკური დატვირთვა მცირდება. ეს ფორმა ყველაზე გავრცელებულია და დამახასიათებელია ადამიანებისთვის, რომლებიც ცოტას მოძრაობენ, აქვთ გონებრივი, მჯდომარე სამუშაო, ან ჯანმრთელობის მდგომარეობა საშუალებას არ აძლევთ იმოძრაონ. ატროფიის ეს ფორმა შექცევადია და შესაბამისი ვარჯიშიების შედეგად შესაძლებელია კუნთების ნორმალური მასის აღდგენა.

უფრო მწვავეა კუნთების ნეიროგენული ატროფია. ის ვითარდება უფრო სწრაფად, ვიდრე უმოქმედობითი ატროფია და არის ნერვის დაავადების ან დაზიანების შედეგი.

მიზეზები

ატროფია შეიძლება იყოს სიბერის შედეგი.

სხვა მიზეზებს მიეკუთვნება:
* ხანგრძლივი იმობილიზაცია
* დაზიანება
* დამწვრობა
* ამიოტროფული გვერდითი სკლეროზი (ALS or Lou Gehrig's disease)
* გილიან-ბარის სინდრომი (Guillain-Barre syndrome)
* დიაბეტური ნეიროპათია
* ხანგრძლივი კორტიკოსტეროიდული თერაპია
* კუნთების დისტროფია
* ოსტეოართრიტი
* რევმატოიდული ართრიტი
* პერიფერიული ნეიროპათია
* პოლიომიელიტი
* ზურგის ტვინის დაზიანება
* ინსულტი

ატროფიის რაობის გასარკვევად მნიშვნელოვანია შემდეგი კითხვები:
* როდის დაიწყო?
* პროგრესირებს თუ არა?
* რომელ ნერვს თუ კუნთს ეხება?
* სხვა რა სიმპტომები ახლავს?

მკურნალობა დამოკიდებულია ატროფიის გამომწვევ მიზეზზე, თუმცა თითქმის ყველა შემთხვევაში უნდა შესრულდეს განსაზღვრული ვარჯიშები (რომლებსაც ექიმი დანიშნავს), შეიძლება სამკურნალო აბაზანებსა და სხვა სარეაბილიტაციო საშუალებებთან ერთად.

მკურნალობა შეიძლება მოიცავდეს აგრეთვე ულტრაბგერით თერაპიას და, ზოგიერთ შემთხვევაში, ქირურგიულ ჩარევას (ნერვის მთლიანობის აღდგენა თუ ის დარღვეულია)

http://www.nlm.nih.gov/medlineplus/ency/article/003188.htm
http://en.wikipedia.org/wiki/Muscle_atrophy


მიმაგრებული სურათი

უღრმესი მადლობა მოწოდებული ინფორმაციისთვის, ხომ ვერ მეტყოდით, რომელ ექიმთან მივიდე, რომ სწორი მკურნალობის დასმა შეეძლოს, ვისთანაც მივედი ვერავინ ვერ დამეხმარა.

This post has been edited by makuna on 21 Feb 2008, 10:33

makuna
რამდენადაც ვიცი კუნთის ატროფიის შემთხვევაში როცა ვარჯიშებით და მკურნალობით არ ხერხდება მისი აღდგენა შესაძლებელია ჯანსაღი კუნთოვანი ქსოვილის (მცირე მასის) გადანერგვა ატროფირებულზე. და ეს ნაწილი ეხმარება დასუსტებულ კუნთს მთლიანად აღიდგინოს ძალები. საქართველოში ეს მეთოდი რამდენად გამოყენებადია არ ვიცი.