მე არ მინდა ჯემალას ძმაკაცების საქართველო.
ახლა უკვე გათავისუფლებულია სალომე ზურაბიშვილი თანამდებობიდან.
მე მომწონს ეს ქალი ძალიან
საქართველოც მომწონს და მგონი ჩვენი გადარჩენის ერთადერთი შანსია ”ქაჯების” მოშორება და ”კიბოს” განკურნება.
პარლამენტში ბევრია კლანური აზროვნების ადამიანი. მათ ეშინიათ რადიკალური გადაწყვეტილებების მიღების იმიტომ, რომ კრიშა არ აწყე
ნინონ. დღესაც შევარდნაძე გვეყოლებოდა სააკაშვილს რომ არ გადაედგა რადიკალური ნაბიჯი, დღესაც შევარდნაძე გვეყოლებოდა მე და თქვენ რომ სახლში ვმჯდარიყავით 22 ნოემბერს (ეჭვი არავის შეეპაროს, - პანჩურით გამაოგდებდნენ ნებისმიერს პარლამენტის შენობიდან მარტო რომ ყოფილიყო).
თუ დააკვირდით ამ მომენტისთვის როგორი სიტყვებით ილაპარაკა ბოკერიამ და ნადირაძემ? არც ერთს არ უნდოდა ზურაბიშვილის მოშორება, ეგენი როგორც წესი არავის ერიდებიან და რაც სათქმელია ამბობენ ხოლმე.
მე ვაპირებ ხვალე ზუსტად 5 წუთით გამოვიდე იპოდრომზე იმის საჩვენებლად, რომ ვემხრობი საქართველოში ძველი მენტალიტეტის და კლანურობის ამოძირკვას (ვემხრობი კი არა და ყველაზე უარესი და დაუნდობელი ვარ).
ყველას მოგიწოდებთ 5 წუთი გამოყოთ იმის დასაფიქსირებლად, რომ არ გინდათ ძველი ყაიდის ადამიანის ხილვა საგარეო საქმეთა მინისტრად. არ გინდათ სამშვიდობოების გაპაღურების პროცესის შეჩერება (მაინც მაქვს იმედი რომ ეს არ მოხდება).
აი ამ ქალს შეუძლია იყოს თავისუფალი და თქვას სათქმელი. დამისახელეთ ერთი პოლიტიკოსი ბენდუქიძის და ზურაბიშვილის გარდა, რომელიც ტელევიზიებს ერთ ადგილს არ ულოკავს? ბოკერიაა კიდევ მასეთი და ნადირაძეც ხანდახან და მეტი არავინ.
დანარჩენები არ არიან თავისუფლები, არ არიან დამოუკიდებლები, ისინი ვიღაცის ”კადრები” არიან.
ჩემი აზრით სალომე ზურაბიშვილი სერიოზულ პოლიტიკურ ძალიას შექმნის საქართველოში და სავარაუდოდ მე სწორედ მას ან მასეთი ყაიდის ადამიანს დავუჭერ ხმას.
ხვალე კი იპოდრომზე ვიქნები, ეს არის ჩემი არჩევანი
მოგიწოდებთ პირველ საათზე მობრძანდეთ სულ 5 წუთით. თქვენი მობრძანება მხოლოდ იმის დასტური იქნება, რომ გინდათ თანამედროვე პოლიტიკოსების ხილვა საქართველოში და არ გინდათ კლანური მმართველობა. თქვენი მოსვლა სულ 5 წუთით არ გამოიწვევს ქვეყნისთვის სავალალო რაიმე შედეგს, ეს სასარგებლო წამოპარტყუნება იქნება პარლამენტისთვის, რაც ასე ჰაერივით ესაჭიროება ამ ორგანოს 
პოლიტიკური მოწოდება იპოდრომზე გამოსვლის თაობაზე, ხვალ პირველ საათზე სულ 5 წუთით მობრძანდით
